شعر شعبي غزل عراقي

وردة ماتت المن ترشلها ماي؟ وهذا ياهوَ الكالك تحييها؟ صرت كتالي ! وبرگبتك دمي صار وذيج روحي بذمتك خليها سالفة العاف القفص يرجع عليه؟ شعنده راجع هاي لاتحجيها انا ردتك لمن جانت بيه روح ترجع المن بعد روحي شبيها؟ التفكه المكتره لساعات الثكال فشله فشله من يگضن تجر سركيها ! ولا تعيرني بجرح غير انتَ هذا ! انا لو اعرف جروح اشريها؟ الطيب لو مهما تمر بيها السنين جروح المسودن شمس تچويها ماتدوم وداعتك يومية هاي ! بدمعة وبضحكة السنين اكضيها شالتك دنياك بس باجر تطيح ! وترجع تسحگك سحگ رجليها . الشاعر : ميثاق الهلالي

انگطعت مكاتيبك ولا سألنا شعجب! ضاعت مواعيدك ولا اجينا بعتب انتَ العزيز شما غبت بعيوننا مخلينك لو تنسى كل ذاك المضى صدكنا ماناسينك . الشاعر : جابر الكاظمي

سلام عليكم شباب بدون امر ارجو منكم متابعة الحساب انستا

اخوتي وطيف بحلامي مره الهم مره الشمر يضربني مره الهم هلي يدرون بالغربه مره الهم دخلت نص دواوين ال اميه

سواد الليل يبقى وتطفى الألوان وأعيد بذكرياتك والمشاهد ...

مشكور ما قصرت فضلك ببيش اوصفه ؟ بصدري غرزت الرمح وتحطلي سم عالجرح وتگلي بيه الشفة

هي الاعزاز التتعبك ما يتعبونك غرب .

على جتفي تنام وتحلم بغيري .

ظلت بروحِي السوالف تشتهيك انتَ بارد ما تفرفح من أَجيك .

لو وي غيرك أرهم ما بقيت وياك ولا اخليها روحي بروحك تچلب مو قلة كرامه الروح ترجع ليك ولكن هذا طبع الزلمه من يحب ! ماحبيت افرط بيك بس ياحيف خليت اللي يحبك كل وقت ينحب! اجي لبابك تگلي شعندك وشتريد؟ هاي الكلمة أبد مو مالت معزب جنت وياك صدگي بكل الحچايات وجنت وياي حتى بدمعك تچذب ! مو ذنبك دلالي اللي خربك وياي چنت ماتسوى نظرة وبيك متعجب ! اعوفك للزمن وتذكرك الأيام ياهو الچان يبني وياهن اللي يخرب شجرتك خضرة صارت موسم انغريت ترد باجر خريف وتخلص تحطب صدك متعذب بفرگاك بس والله لعيشك كل حياتك دوني متعذب

ضَيعيتَّج يـالحَبيبة

يَمن توّصل الديرة بِتنّـه بيها تگلَها انسَبت بطَف بِت نبيها شكو عدهم خَرابة بِتنه بيها الحجر كَسّر ضلوع الهاشِمية✨💔

انعم الله لريحتك يحسين دلتني بمچان الدم.

اجيتك شايطة من التل، ولا خيّر اليتحشَم

صار الليل خويه حسين، وطبع الليل حيل أظلم

عشرة الخيل وانتَ وحيد، بجسمك كلشي ما خلّت