sᴏᴀʟғ

‏الناس أللّي أحبُهم ممكن أحياناً نصيحتي ألهم تكون قاسية او جافه بس مستحيل شخص أعزه ويعنيلي اطبله ؏ ألغلط لذلك واجبي كـ أنسان تعنيله مَ راح يخليك تغلط أو تسوي شي الله ميحبه •

أتعس أنواع ألحقد، من تشوف شخص يكرهك لأن أنَت محبوب عند ألناس ومُفضل مثلًا، أو ؏ مود الناس تشهدلك إنك محترم، هوَ هلشخص مَا يحبك بس مايريد أي شخص يحبك، يريد كُل الناس تكرهك.

‏أللّي ما ياخذ من وقته لخاطرك لا تاخذ من وقتك ولا ثانية علموده، وكل شخص انطي قيمته لا اكثر ولا اقل، والثقة لا تنطيها لكل من هبّ ودب. ‏الوقت والتقدير والثقة حافظوا عليهن اكثر من اي شي ثاني واستخدموهن بحذر لان مو الكل يستحقهن واذا فرطتوا بيهن بالمكان الغلط تندمون

‏ما اهتم لماضي ألشخص كمفهوم طاش هاي ألفترة ، أخر الأشياء أللّي أفكر بيها هالدوامة المخيفة .. أفكر فقط بيها لمن بعده ألماضي مالته مأثر علي.. لمن بعده عايش وياه وجار ماضيه ويانه.. أفكر بالماضي وأتوقف يمه لمن أحسه هوَ بعده متوقف يم ماضيه وميقبل يتجاوزه..

‏مرات شكد متحس نفسك ما تحتاج أحد وأنَت سند نفسك تجي لحظات تريد أحد يكون وياك ويسندك بس تذكر ماكو أحد ممكن يقدملك هالشي بحياتك وتضطر تبلع المر وتكمل (حقيقة)

قبل جانو يكولون خوفك من الدنيا ما تعرف شنو ضامتلك بس مرت الأيام وعرفنه أنُ خوفك من البشر شنو ضاملك والدنيا طلعت بريئه من هاي التهمه!

ارجع واگول الدين والعمر و العشيره و الأهل والمكان أللّي عايشين بيه كلها شغلات مو احنا اختاريناها مو من حقك تحاسب احد عليها او تعيره بيها او تتفاخر بيها دائمًا ، احچي بشي أنَت سويتة ، انجازات أنَت صنعتها مو غيرك وانتهى .

‏يگولون ألتجارب الصعبة تخلي الانسان اقوى ‏بس أكو تجارب من صعوبتها تخليك أنسان مُتعب ومنهك وما تريد شي من الحياة غير بس ترتاح "جسديًا ونفسيًا" وتعيش بهدوء بس

‏حارب ؏ مود أللّي يحارب ؏ مودك. ‏أو حتى يقدر أللّي أنَت سويته ؏ موده. ‏مو تحارب والطرف الثاني صافن أو يشوف أللّي تسويه قليل.

المُحاولات أللّي تكلفَك روحك وحياتك وشغفك لا تسويها ليش؟ لأن حتىٰ لو بعدها چانت النتائج رائعة وإيجابية وأللّي تتمناها فهوَ شي سلبي منك كُلشي طاقتك و روحك وإتزانَك النفسي حتىٰ فُرغ داخلك تمامًا فَـ حتىٰ لو چانت نتيجة خارقة راح تُبقىٰ ناقصة .

كُلشي راح يتغير بطريقه ولا ؏ ألبال ، ألايام الصعبة راح تعدي ، والأحلام أللّي نحلم بيها حَيجي يوم وتتحقق بطريقه غريبه ، ألاشخاص أللّي بيوم من ألايام مَ گدرنا نتخطاهم حَيجي يوم ونتخطاهم بكُل سهولة ، ألضروف أللّي چانت أقوى من عدنا حَيجي ألوقت أللّي نوكف مصدومين لأن هاي ألضروف ألصعبة عدت بأقل ألخسائر ، كُلشي راح يعدي بس يحتاجله وقت ♥️ .

‏أفضل شي من تشوف شخص چان صديقك في فترة من الفترات، وما عندك لا مشاعر حب ولا كره تجاهه. هيچ كأنوا شفت واحد چان يداوم وياك بمدرسة قبل عشر سنين.

ألدنيا ما راح تبقى مثل ما هي ، گلشي راح يتغير ، الأشخاص ، الأماكن ، ألضروف ، وحَتى أنَت، حاول تصلح نفسك قبل ما يفوتك الأوان ، حاول تصلح أغلاطك وتجدد شخصيتك ، وتعتذر من كُل شخص أذيتة ، ألدنيا ما تسوى مَحد يعرف شوكت ينفقد للأبد ، محَد ضامن وجودة بهاي ألدنيا ، ألدنيا گلش صغيرة ما تعرف شوكت تدور عليك ، حاول ولو محُاولة بسيطة أنك تصلح گلشي غلط حاول تصالح أشخاصك وتطيب خاطرهم بكلمة حلوة ، بالنهاية ألدنيا ما تسوا خليكم حنونين ؏ بعض ♥️.

مريت بـ ليالي جنت أكول لنفسي " بأجر راح تنتهي هاي الفترة الصعبة " اكررها كلُ يوم واكتشفت أنُ أنَي تجاوزت فترات مختلفة من التعب بدون ما ارتاح ، كلُ مَا اتفادى فخ اتعثر بـ فخ ثاني ، حتى نسيت يـ فترة جنت أقصدها جنت اكول عنها " راح تنتهي " اكشفت أنُ الشي الوحيد أللّي انتهى هيَ طاقتي وبس .

كالشخص يمشي على هذه الأرض يعيش قصة ابتلاء قد تكون لك ظاهرة وقد تكون خفية يتوارى فيها عن أنظار الناس ويعيش هذا الابتلاء بينه وبين ربه لا احد سيلسم من الاختبار ومتى ما عرف المرء الغاية من الابتلاء واستشعر ان الدنيا محطة عبور سكن قلبه واستراح ، ومن يتصبر يصبره الله

اي شخص يسلب راحتك أتخلى عنه من الأول لا اتعب روحك ويَ أحد مراح تستفاد شي.

هاي أربع ايام اشوف الناس تنشر سنة جديدة ويارب تكون سنة خير بس شنو الي راح يتغير إذا نفس الوجوه ونفس الاشخاص ونفس الروتين يعاد شنو دخل السنة الجديدة ؟ مو كاالسنة جديدة يعني بداية جديدة البداية الحقيقية يوم تقرر تغير نفسك .

بـ صراحة ماكو احلى من شعور انُ تتغير للأحسن ، تشوف نفسك وانت تكبر عقلياً وتترفع على اشياء چانت چبيرة وعظيمة بنظرك و هسة صارت هامش و مامهتم الها .

‏كل أللّي أريده وأتمناه هوَ هدوء و راحة ‏ومساحة نظيفة أكون بيها أنَي وبأفضل نسخة مني بدون ضغط وبدون كراهية وبدون نكد ‏مجرد سلام وبس .

مَرمر أفادي غيابك صَدكني مو وكتة !