حسَين

دايماً من تتراكم عليه الأمور وتزيد الضغوطات، لدرجة حتى ما ألحك أصفن بيها، ما ألكي نفسي غير أبتسم وأضحك... ع شنو؟ ما أعرف! يمكن لأن أخذت الأمور بواقعية وعرفت إنو اللي صار صار، وقابل شنو بايدي أسوي؟ ماكو غير الصبر، وإنو أكول 'الحمد لله' دايماً، لأن يقيناً: رُبّ…

دايماً من تتراكم عليه الأمور وتزيد الضغوطات، لدرجة حتى ما ألحك أصفن بيها، ما ألكي نفسي غير أبتسم وأضحك... ع شنو؟ ما أعرف! يمكن لأن أخذت الأمور بواقعية وعرفت إنو اللي صار صار، وقابل شنو بايدي أسوي؟ ماكو غير الصبر، وإنو أكول 'الحمد لله' دايماً، لأن يقيناً: رُبّ ضارةٍ نافعة."

خليكم حنينين وية روحكم، مو شرط الأيام دائماً تكون مثالية، ومو ضروري كل قراراتك تطلع صح بكل مرة. ما بيها شي وعادي تغلط مرة ومرتين وتلاثة حتى تتعلم، مو لازم تكون مثالي، إنت مو لوحة ولا تمثال ولا فد شي معروض للتعديل والانتقاد، يكفي تكون إنت بطبيعتك وبكل وضوح وتحب روحك من صدگ 🤎

"أتوقع صرت اتقبل أي شيء يصير، وما بقيت أنصدم من أي تصرف أشوفه أو أي كلام أسمعه مهما جان بشع.. مبين وصلت لأعلى درجات عدم المبالاة، وأكثر شيء حسيت بيه بالفترة الأخيرة هو إنو ولا شيء بمكانه الصحيح "

"ضاعت أعمارنا بوسط بيئة تعبانة، حرگنا أعصابنا حتى نصلح أغلاط مو إحنا المكسريها ونعوض ونبرر لسوالف ما تتبرر. ، كبرنا وإحنا بس نحاول شلون نخلص رواحنا، مو شون صدگ نعيش، لحد ما اكتشفنا أكبر خسران مو السنين الراحت من عمرنا الخسران صدگ هو الجزء الروح منا وضاع وإحنا نجبر نفسنا حتى نتأقلم ويا ناس وشغلات أبد ما تشبهنا ..

"أحلى وأعز مرحلة يوصللها الإنسان بحياته هي مرحلة الرضا؛ من يصير كلشي عنده متساوي، وما يهتم إذا تأخرت أمنية أو ضاعت منه فرصة، لأن عنده يقين تام إنو تدابير رب العالمين هي اللي تنقذه دائماً، وبكل شغلة يهيأله الشي اللي يرهمه ويصلحله.. فيكعد ويكوم وهو مرتاح وباله صافي وراضي عن رب العالمين، كأنو مانااقصه أي شي وكأنو يملك الدنيا كلها بين إيديه 🤎

مشاعري كلها مبينة وواضحة ما أعرف أثبر روحي وأتظاهر بعكسها.. من أحب، من أكره، من أضوج، ومن أحن.. كلها تبين علي مشاعري تفضحني ع وجهي، بتصرفاتي، وحتى بنبرة صوتي ما أكدر أطلع عكس اللي بكلبي وأمثل.. سالفة تلبسلي وجهين وتبديل أقنعة.. هاي السالفة كلش تغثني وتلعب روحي منها

"يمكن خانني تصرفي وصبري وبصيرتي ببعض الأوقات، وغلبتني نفسي بضعفها وقلة حيلتها بذيج الأيام، بس جنت دائماً أكدر أصلح وأبني الشي الي اتهدم وخرب. بعمري ما وگفت متفرج وعفت فد شي بحياتي ينهار، جنت دائماً أسوي كل الي أكدر عليه وبأقصى طاقة عندي حتى أوازن عالمي وعالم الناس العزاز على كلبي والي أحبهم. جنت دائماً أتحرك وأسعى وبالي طويل، حتى لو ما جنت أعترف لنفسي بهذا التعب.. جنت بس أحاول.. وبدون ما أحسس أي أحد بشنو كاعد تكلفني هاي المحاولات 🤎

شرف چبير إلي سيدي، وفخر ممزوج بالدمع، أنو أكون اليوم من ضمن هاي الحشود الملايينية اللي تشيّع جثمانك الطاهر بأرض العراق. وداعاً يا قائد الأمة ونبض المقاومة، وعهداً منا نضل على خطاك وثابتين على نهجك للموت