عيش الحلم 💎✨

اكو هدية للجميع بل ستوري منا ليوم 9 علقو ب هدية و توصلكم

الكورس موجود و ما راح ينحذف و اتمنى المنفعة للجميع

كورس عيش الحلم الجميل امتنان للكورس و لكلشي قدمة و لكل بنية بدت مرحلة التشافي بسببه و كدرت تبدأ مرحلة الوعي و التطور المعلومات الي بل كورس بناء على طلبكم و حسب تشخيصي للاستشارات المجانية و الأجوبة و احتياجكم من الأسئلة الي كانت مرفقة بل كورس كدرت اضيف اكبر عدد ممكن من التمارين و المعلومات القيمة الي راح تخدم رحلتكم ❤️ الى هنا تنتهي رحلة عيش الحلم و راح يضل الكورس الكم موجود الى ان تنتهي رحلتي بهذا المجال اتمنى من كل الي يبدون بل كورس تحددون اهدافكم و ما تكونون عشوائيين و تمشون نقطة نقطة بكل مرحلة من الكورس و انتو واعين و فاهمين احتياجاتكم و صدكوني تكرار الكورس راح يأتي بنفع خصوصا مع تحديد الأهداف لان الي يتأمل و يتمعن بل كورس على ان هناك قيمة عالية مو شيء مجاني راح تلاكون كنوز دفينة و كل مرحلة من التطور و الوعي توصلكم الى شي مهم ان المعلومات الي بل كورس راح تتطور و كأن ما سمعتوها قبل و جديدة و هاي سر من اسرار كورس عيش الحلم ان مستحيل ينتهي الا بانتهاء رحلة الوعي الخاصة بيكم نيتي جانت المنفعة و الفائدة للجميع و ان انشر معلومات تكدر تخدم اكبر عدد من الناس ان يعيشون حياة متوازنة و جميلة و اشكر ربي لان كدرت اكمل وياكم و اوصل لهل نتائج الجميلة و اتعرف على اجمل بنوتات بل دنية و اكون جزء من رحلة عظيمة و جميلة و صعبة لكل بنوتة بس الحمدلله وصلنة و كدرنة نحقق ان كورس عيش الحلم الكورس المجاني الوحيد الشامل الموجود بل وقت الحالي و بي تمارين قوية و كورس اصلا ♾ يعني كل مرحلة وعي جديدة تخليكم تسمعون شي جديد

خاتمة من القلب الى القلب 🌸✨❤️

انوثة 🌸✨

انوثة 🌸✨

انوثة 🌸✨

انوثة 🌸✨

https://t.me/+jG9eaqXWLfwwODU5 الكورس راح ينطلق قريبا و راح يكون اقوى كورس عن طاقة الانوثة و توازنها راح يكون بي تغير عن العادات التي تسبب مشاكل في الطاقة الانثوية و راح يكون شامل هواي امور يعني تشافي و تغير و توازن و كلشي انثوي

مساء الخير العادة السرية تاتي من الم و نقص بل نفس و اغلب الاحيان نقص عاطفة و تعني ايضا ان انتي حبج للذات و لجسدج غلط و عندج الم بداخلج متعرفين تعبرين عنة ف تختارين هاي العادة الي تعتبر ادمان لان تكون مثل المسكن وقت بسيط ترتاحين بي و بعدها تبدين تجلدين ذاتج على هل فعل لان اثرة على نفسيتج و جسدج مؤلم و مزعج بس الالم ما زال موجود ف رغم تعنيفج لنفسج انتي ترجعين تكررين الموضوع و تستمر العملية مال ارتاح دقايق و اجلد نفسي باقي الوقت ف هنا انتي دتسببين معاناة شديدة لنفسج تفوق الالم الي بداخلج حت تتناسي يعني ابدل الم سيء ب الم اسوء لازم تفكرين بين و بين نفسج شنو النقص الي بداخلج شنو الشي الي يسبب الج احتياج شديد و فراغ كاعد تملي بهاي العادة ليش تحسين بل وحدة و تنعزلين بنفسج تمارسين هل شي و شنو الاشياء الي تكرهيها بذاتج الي تخليج تصرفين هل تصرف قبل لا تسمعين الفويز لازم تفهمين شنو السبب و ليش تمارسين العادة هاي شنو الاحكام او الافكار الي فرضتيها على نفسج خلتج تتعلقين بهاي العادة و لازم نعرف ان ممارسة العادة السرية تعتمد على امرين اول شي الخيال الواسع او الافلام الاباحية و هل موضوع ياثر ياثر هواااااااااااااااااية على انوثة كل بنية و على علاقتها بنفسها و تفقد الثقة بنفسها و بل مستقبل مراح تكتفي مع الرجل لان رحمها تعود على الممارسة المنفردة يعني ( اقيم علاقة جنسية مع نفسي ) و هل شي هو ضغط على الرحم ان انت لازم تتفاعل ويايا لان اني اريد و هاي طبيعتي ف الرحم يتعود على هذا الضغط و يبدي يتغير و تبدا الامراض و نقص هرمون الاستروجين الي مسؤل عن الانوثة و طاقة الانوثة تنخفض ف التغير بيدي من ان نفهم شنو اساس هل موضوع وين الفراغ و نشتغل على حب الذات و التخلص من المسببات الي تادي الى هذا الموضوع و المشاعر السيئة و الافكار الي طارحيها على نفسة

العادة السرية

و اخر شي راح احجي عن موضوع الاستحقاق اعلي اتسحقاقي و ما اخلي اله حدود اقتنع ان اني استحق الناس تحبني و تحترمني و تقدملي كلشي اريدة مثال: انتي بنيه سليطة السان و تتجاوزين حدودج بل كلام و الافعال استحقاقج ابدا مو احترام انتي بخيلة مشاعر و متحجين و بداخلج كلامج و افكارج كلة حقد و حسد و كره استحقاقج مستحيل يكون مبادرة واهتمام و تعاطف قبل لا تطلبين الغير يتغير وياج و انج تستحقين فكري هل فعلا تستحقين ؟ كاعد تزرعين و تحصدين شنو محصودج ؟ خلي نكون واعين انو كل شي نسوي اله استحقاق و لا تعلين استحقاقج و انتي غلط لان راح تحصدين غلط

حت اوزن انثوتي لازم اعرف اسيطر على نفسي و اهتم بيها من الخارج و الداخل اتصالح مع نفسي و احب ذاتي افهم الناس الي حوالية و اعرف منو مهم يكون بحياتي يزيد بيها و منو لازم ابتعد عنه احاول اكون بسيطة بمشاعري و ما ابادر بشكل مستمر و اعزز الاستقبال عندي و اتعلم اكول كلمة (اي ) بل وقت المناسب و كلمة (لا ) كذالك استقبل من احد يريد يساعدني يعني مثلا اني شايلة شي ثكيل لان ماكو احد يسوي هاي المهمة بل بيت و مستحيل تصير و طلعت برا و اجاني شخص بنية او ولد رادو يساعدوني اكلة تفضل و شكرا ما امانع و ابدي الوم بنفسي بل عكس استقبل من احد يقدم الي مساعدة باي شي استقبل اغير افكاري عن المرأة و الرجل يعني المرأة هي ملكة و الله عززها بل دنية و سخر الها كلشي و الرجل وسيلة لتلبية هذا الشي يعني اغير معتقداتي عن الرجال مثال: الرجل مهمل الرجل غير مسؤول الرجل بخيل الرجل عنيف ...... الخ راح تجيني وحدة تكولي كوتج مو اني فعلا الرجل بحياتي هيج و اني اكلج انتي انعكاس يعني غيري افكارج عن الرجل و انتضري التغير تدريجيا شوي شوي استقبلي منه و كل ما يسوي شي ما تحبي بدل ما تكولين هو مو رجال هو نساني هو هملني هو خلاني اسوي اعمل الى هل مرة سواها بس بعد ما يكررها لان اني استحق الافضل ولان اني احبة او احترمة و المرة الجاي راح يتغير مع الوقت الكلام يتحول الى فكرة و الفكرة الى واقع و الواقع الى فعل و بعدها لازم يكون اكو امتنان لكل فعل يجي من الطرف الاخر و الامر على الاناث الي بحياتج يتطبق بنفس الشي بس الفكرة تختلف

الانثى المتوازنة هي انثى ثقتها بنفسها عالية متوازنة بين عقلها و مشاعرها من تكون بمكان تخلق اجواء و مستحيل تمل منها و من كلامها علاقاتها صحية و الكل يوفر الها الرعاية و الاهتمام و التقدير لان حب الذات و التصالح مع النفس يكون عدها عالي ف تعرف حدودها و تعرف المن تنطي وقتها و تعرف مسؤولياتها يعني محد يكول الها سوي او اعملي او ياتمر عليها انعكاسها على الجميع جميل لان هيه داخلها جميل و متوازن العصبية و الإكتاب و الملل نادر بحياتها لان هي متطورة بشكل مستمر دائما تخلق امور جديدة تهتم بيها ف عقلها مشغول ب حبها لذاتها و تطويرها و مبتعدة عن المشاكل و النفاق و النميمة و الامور الي تقلل من انوثتها تهتم بل اتكيت و شلون تكون امرأة جميلة جوهرا و قالبا

لأنثى الي طاقتها منخفضة تكون ك الاتي اول شي الانثى الي طاقتها منخفضة تعاني من العصبية و النفور من كل شيء تفتقد للمتعة بحياتها متعرف تتعامل وية مشاكلها تعاني من الملل و الضغط النفسي و التعاسة بدون سبب تعاني من مشاكل مع فهم و حب الذات تحب التحدي و اثبات النفس تكون كتاب مفتوح للجميع و تكون مبادرة بشكل مبالغ فيه تطلب الاهتمام من الجميع تعاني من نقص الثقة تمتلك حضور ذكوري ( تحس نفسها خلف او عدها خلف بداخلها ) الكل يعتمد عليها و شايلة مسؤوليات هواي و خليني اختم باخر شي الي هو التذمر ( ليش اني اطبخ و هو ما لا ليش انا اعتني بل اطفال و هو لا ليش اسوي و هو لا ليش كذا و ليش كذا تدور على المساوة ) الانثى الي طاقتها عالية و طاقة الذكورة عدها شبه معدومة تعتني بنفسها المادية يعني تهتم بشكلها و شعرها و جسمها و ما بيها غلطة و اهم شي ضهرها الخارجي س من الداخل تكون فارغة ف رغم جمالها و شكلها الجذاب لكن الكل ينفر منها تكون دلوعة بشكل يخليك تشمئز و تنفر شخصيتها متذبذبة تتعامل بس بمشاعرها ماعدها رأي او قرار و انخفاض او زيادة طاقة الانوثة الانثى راح تفتقر للتوازن في العلاقات و تكون شخصيتها غير مرغوبة مملة و الكل ينفر منها الاستقبال عدها معدوم اكو بعد معلومات بس خليني اختصر هنا

شلون اعرف عندي خلل ؟ الزيادة مثل النقص و الأغلبية اليوم يحجون عن الطاقة الانثوية المنخفضة فقط محد يحجي على زيادة طاقة الانوثة عن المرأة ف راح احجي عن الاثنين

طاقة الانوثة عند المرأة تختلف طاقة الانوثة عن هرمون الانوثة الي هو ( الاستروجين ) يعني طاقة الانوثة لا تعني كلمة ( انثى) طاقة الانوثة هي الشعور ب كل ما يلي الخلق الهدوء المحبة الاحتواء السلام العاطفة الصبر الابداع المهارة الرعاية اما طاقة الذكورة ف هي الشعور التحدي القوة المحاربة السيطرة الغيرة المجازفة التخطيط مسؤولية مبادرة حماية الطاقتين موجودة عند كل انسان لكن بنسب مختلفة المرأة 70% انوثة و 30% ذكورة الرجل 30% انوثة و 30% ذكورة و النسب لازم تكون متوازنة عند الاثنين