MFM 45 Confession

Con..663 MFM 45 Male السلام عليكم ورحمة اللّٰه هو ليه يا شباب مبنتعملش على ال cadevers وجارات الباثولوجي الي عندنا في الكلية، إذا مش حنتعلم عليهم التلت سنين أومال مين حيتعلم عليهم طيب؟

Con..662 MFM 45 Male نتيجة الدور الثاني بتبان امتى يا دكاترة

Con..661 MFM45 Female ياريت الادمن ينزلها ضروري الانسان يعمل اي بعد انتكاسة لمدة طويلة جدا والبعد عن ربنا لفترة كبيرة لدرجة ان حتي الفروض بقت تقيلة عليك وممكن تجمع كذا فرض، القرآن واتهجر، قيام الليل بعد ما كان فرض سادس اتنسي خالص رجعت تسمع اغاني ومسلسلات تاني، الانسان يتصرف ازاي بعد ما يكون وصل لنسخه مشوهة من شخص اصله كان جميل عاوزة ارجع تاني حاولت ومعرفتش تايهة ومخنوقة وحاسة بثقل جبل فوق قلبي وخايفة اموت وانا كده

Con..660 MFM 45 Female Prefer not to say جماعه انا عايزه اسألكوا سؤال واعتبروني زي اختكم يعني حطوني في مقام اختكم اعمل ايه لو امي رفضت الشخص اللي بحبه عشان هو مش دكتور يعني هو اصلا فرصه في الشغل كويسه جدا احسن من اي دكتور ورجعت قالت لا عشان هو من ارياف وانتي مش هتتبهدلي كده وقللت منو وكسرته جامد ودلوقتي عماله تكسرني اكتر بإني ابص لفوق وللفلوس وبس وتقول دا جربوع دا مش عارفه ايه واصلا امي من ارياف وابويا من ارياف وامي مش دكتوره خلي بالكو انا كل اللي هي بتعمله دا بيخليني متمسكه بيه اكتر وهو مش عايز يهين كرامته برضو وبعد شويه لحد ما الموضوع يهدي الموضوع تاعبني اوي اختي اتجوزت دكتور في الارياف ومتبهدله والفلوس بتكفيهم بالعافيه انا عايزه اختار انا لنفسي وهو مش وحش هو كويس اوي اوي واخلاقه عاليه وبيحبني وشاريني وهو لسه متوظفش بس بعد ما يتوظف ممكن يقبض ٢٠٠٠٠ في الشهر دا اقلها وامي عارفه الكلام دا هي باصه لاهله انهم عايشين في ارياف وانهم مش قد المقام يعني بصوا هي امي كرهتني في نفسي وقالتلي انهم طمعانين فينا وانهم ميحلموش بينا من امتي والمشاعر بقت لعبه كدا من امتي وكل حاجه بقت دا بيشتغل ايه عشان نجيبله واحده تناسبه وليه بتكيل بمكيالين واحد لاختي انها اختارتلها الدكتور اللي يناسبها والتاني ليا انها عايزه دكتور وخلاص بجد مخنوقه اوي وتعبانه جدا وهو قالي انا عارف انك هتتجوزي يا دكتور يا ظابط عشان امك عايزه كدا ودا الصح وانا اللي بقولك هو دا الصح لازم دكتور واسمعي كلام امك (هو اصلا مهندس برمجه ) انا مش حاسه ناحيته غير اني برتاح معاه في الكلام وهو بشوش وكدا وامي مصره تكسرني وتكسر راحتي لما لقيت حد مرتاحاله وهو مش وحش والمصحف ما وحش وظروفه مش السيئه بالمره محدش يقولي اسمعي كلام امك عشان اكيد مش هو دا الصح اكيد مش الصح نكسر بني ادمه عشان ماما عايزه منظر وشكل علي الفاضي وارجع اعيش علي لقمه ولقمه زي اختي وانها مش عارفه تجيب هدوم لابنها حتي يا جماعه انا متعذبه بقالي كتير ارجوكم قولولي اتعامل ازاي مع امي واقنعها ازاي هي كل ما افتح الموضوع تشتمني وتقولي حتي لو معاه فلوس الدنيا لازم يبقي واجهه اجتماعيه عشان الشكل وكلام الناس ومش هتروحي تقعدي في ارياف انتي وابويا مش مقتنع خالص هو بابا مسافر وكدا وبيقولي استني في فرص هتبقي احسن وانو جاي طمعان فيا من امتي والحياه بنتعامل معاها كدا من امتي وكل حاجة بقت فرص وفلوس وشكل علي الفاضي وطز في راحتنا ودينا انتو مش متخيلين انا حاسه بإيه انا فكرت كتير أاذي نفسي بس تراجعت عشان عارفه ان ربنا معايا ادعي بإيه في الصلاه قولولي اعمل ايه احلها ازاي الشخص دا مش بيلف عليا ولا الكلام دا خالص ولا طمعان اصلا هو قالي انا مش عايز دماغك تسوحك انا همشي وان شاء الله ربنا يرزقك بالاحسن مني اضعاف وانتي تستاهلي كل خير عشان انتي كويسه وانا استاهل كل خير اهلي باينين وحشين اوي وعارفه الجمله المشهور بتاعت اهلك عندهم حق والحب مبيأكلش عيش بس حرااام يا جدعان حرام اوي يدوسوا عليا كدا قولولي حلول ارجوكم وهسمع كلامكم بس قولولي مثلا اقنعها ازاي وهي اهانته اصلا وقالتله اجري العب بعيد يا شاطر وامه لحد دلوقتي ساكته ومتكلمتش ولا زعقت زي امي واللي بتعمله وهما اصلا قرايب امي وامه واه ابوه متوفي واخوه نفس الامر وبيشتغل وهو خريج حاسبات زيه وبيقبض ١٢٠٠٠ في الشهر وهو كشخص مرتحاله جدا وصليت استخاره كتير اه مش حاسه بحاجة بس مش حاسه بضيق مثلا واختي عماله تقنع ماما اللي هو لا يا ماما لازم دكتور زيي وكدا احنا اتعرفنا علي بعض في فرح من شهر وهو اول ما شافني اعجب بيا وطلب رقم بابا

Con..659 MFM 45 Female الاقي فين كتاب القسم لل communication skills واراجعه ازاي خلال اليومين الجايين وكمان عايزة امتحان الفاينل ٤٤،٤٥ لأني مش لاقياه

Con..658 MFM 45 Female Prefer not to say السلام عليكم ، ياريت لو تنزلها يا أدمن ولك الأجر إن شاء الله https://t.me/almenshawy2 القناة دى اسمها المنشاوى بمد المنفصل ، كل صفحة من القرأن متسجلة فى ريك بيتكرر عشر مرات ، الشيخ المنشاوى رحمة الله عليه من أحسن الناس فى الإذاعة واللى الشيخ كان بينصح بسماعه جدا عشان نسمع التجويد صح والمدود بتاعته ما شاء الله كل مد بيخرج بحركته مظبوط أوى ، لعلها تفيد حد بيتعلم تجويد ، أو لو تسمعوا لقراءة الشيخ يعنى عامة

Con..657 MFM 45 Female Prefer not to say في أكاديمية اسمها ذاد ياجماعة فيها زي كورس لتعليم العلم الشرعي مجانا تماما وفي دورة جديدة هتبدأ أن شاء الله لو محدش عارف (مدة الدورة بجميع مستوايتها عامين ) وممكن لو حد جرب يتابع معاهم قبل كدا يقول هم كويسين اني ابدأ معاهم ولا لا كمان طلب معلش 😅 ممكن لو حد يعرف أكاديمية اونلاين لتحفيظ القران والتجويد يقول عليها وجزاكم الله خيرا ❤️

Con..656 MFM 45 Male Prefer not to say السلام عليكم ورحمة الله وبركاته دلوقت يجماعه انا مأجل F2/CVS/F1 وشايل ماسك وهدخل سمر فيهم كلهم عدا F1 انا مذاكر ١٠ محاضرات فسيو سفس و ٥ اناتومي ومذاكر في الماسك الابر ليمب واللور ليمب ومحاضرتين بايو ومحاضرة هستو الفتره الجايه اعمل ايه عشان احصل اكبر قدر ممكن انا قدرتي في اليوم اذاكر ٤ محاضرات من مختلف الموديولات وانا بنسى بسرعه اوي وخايف ملحقش

Con..655 Male Prefer not to say السلام عليكم ورحمه الله وبركاته اللي حابب يستغل الاجازه ويحفظ القرآن الكريم بأحكامه بطريقة ميسره او يحصل على إجازة في القران الكريم بحفص او شعبة او غيرها من القراءات يملي الفورم ده https://docs.google.com/forms/d/e/1FAIpQLScVrRf8k2kvgYdHcPr1QL1tGSHAfxzqzNMBt6K2nmwrXM17cA/viewform?usp=header

Con..654 MFM 45 Male Prefer not to say ياريت حد من الاتحاد يكلمو الدكاتره يعملو تحديدات للسمر

Con..653 MFM45 Male Prefer not to say لو أنا عاوز أبدا ريسب ،ايه افضل مصادر لمذاكره الموديول وأعتمد على مين فى الشرح

Con..652 MFM 45 Female Prefer not to say هوا ف البارا ف F2 كان مطلوب مننا نذاكر من الداتا ولا من كتاب القسم علشان كتاب القسم فيه زيادات عن الداتا؟

Con..651 MFM 45 Female G1 هو فيه جروب كونفشن للبنات ؟ ولو فيه ممكن اللينك؟

Con..650 MFM 45 Female Prefer not to say السلام عليكم لو حد ذو علم ياريت يفيد وجزاه الله خير المهم انا بقيت احس بعدم توفيق وعدم مباركه خالص في الوقت حاسه انى عايشه بلا مغزى الايام شبه بعض لدرجة انى حاسه انى واقفه عند نفس النقطه غفلت شويه عدى اكتر من سبع شهور في لمح البصر لو سرحت بيعدى ايام من غير ما احس اكاد اشك ان او مفيش تاريخ قدامى مش هاخد بالى ان الايام بتعدى اصلا حتى صلاتى مبقاش فيها خشوع معرفش ليه مبقتش حتى اعرف اخشع لو بقيم الليل بسهو لدرجة انى ببقي ممكن قايمه مخصوص اصلي علشان ادعي لنفسي بنسي ادعيلى وبسلم معرفش هل فيه ذنب ممكن اكون باعمله وانا مش واخده بالى او ايه هى الذنوب الصغيره الل ممكن الواحد يكون بيعملها بدون قصد ممكن تسبب كدا

Con..649 MFM 45 Female Prefer not to say تابلت ولا أيباد

Con..648 MFM 45 Male Prefer not to say ضروروي الله يكرمك ي ادمن هل عمليا وعلميا اقدر اجيب اربع محاضرات في يوم ولا دا فكريا صعب لو محاضرات جديده

Con..647 MFM 45 Female Prefer not to say من اكتر المواقف المرعبه بس عادي يعني مش بخاف اوي من الحاجات دي كنت قاعده في مره في الشقه لوحدي وسمعت صوت خبطه في المطبخ كدا كنت شايفه فديو عن حوار القرين والجو دا ان دا بيبقي بيلفت انتباهك يعنى فبهزار وقلب ميت قولت لو انت موجود فعلا اعملها كمان مره قام الصوت اتعمل تانى فانا قولت فاكس يعنى اكيد صدفه فسكت شويه كدا وبعد دقيقه قولت طب اعملها مرتين ورا بعض فاتعملت فعلا خبطه وراها خبطه خفيفه فانا وقتها خدت بعضي ومشيت من الشقه

Con..646 MFM 45 Female Prefer not to say السلام عليكم معلش ي دكاترة كفضول والله انا بعت هنا مش في الفيميلز لان الل ممكن يفيدني في الحاجه دي نظرتكم انتم بعيدا عن ان الموضوع تااافههه مووووت وملهوش اي داعي التفكير فيه بس بصراحه دي مش اول مره تحصلي ليه كشاب ممكن تعمل بلوك لبنت يعني دلوقتي حد كان باعت مسدج وانا اتاخرت في الرد خمس ساعات لاني كنت قافله الفون بس قرأت المسدج من برا اول ما الرسايل حملت كلها والكلام كان محترم جدا وبيسال بكل احترام علي حاجه واسف اني دخلت لحضرتك والكلام دا وعادي جدااا كنت باتكي علي المسدجس علشان ادخل ارد هو دكتور بس ممكن ميكونش في جامعتنا لان مفيش جروبات مشتركه علي ما جيت افتح شاته لقيته حذف المسدجس وعملي بلوك 😂😂وحد كان باعت من اربع ايام السلام عليكم ورحمة الله وبركاته علي اكونتى بس انا مخدتش بالي غير النهارده جاي اشوف مين اليوزر دا لقيته عملي بلوك 😂طب ليه بجد ايه الدماغ دي هل بتتقمصوا !؟ ولا بتجيلكم لحظة مراجعة ضمير انا ازاي بعت لبنت فاما اعمل بلوك قبل اما تشوف اني بعت !!!!؟

Con..645 MFM 45 Female Prefer not to say السلام عليكم لو حد راح عمل تظلم في الCVS رجعله درجات ولا لا

Con..644 MFM 45 Male G9 سلام عليكم مساء الخير ..متحكولنا حكاوي كده ياجماعة نتسلى يعني مثلا اكتر موقف محرج اتعرضت ليه او موقف مرعب حصلك او موقف جميل حسيت فيه بستر ربنا او حاجة من الذكريات كده مدفونة😂