تعلم الكيك🎂مع خديجة

لبنات كنت غالطة و عدلتها مشي ستة بيض خمسة لبنات اعتذر على الخطأ

وعدتكم بالوصفة ووفيت لاصحاب الزيرو و نهار تفليكسيو متتفكرونيش نتفاهموو عليها نبداو الوصفة تاع الجنواز سميتها وصفة 60g نحيبو خمس حبات تاع بيض و نفصل الصفار عن البياض و نجيبو 60 جرام سكر مع 60 جرام ماء مع 60 جرام زيت مع 50 جرام فرينا وعشرة جرام مايزينةً نطلعو بياض البيض مع رشة ملح و السكر مندروهش كامل نديرو النصً القاوي برك و نخلوه يطلع بالباتور ولا البيتران على جيهة و النص لي بقا نحطوه على الصفار و نطلعوه ايضا بالباتور حتى يبياض الصفار شوي نضيفولو الزيت مبعد الماء مبعد الفرينة و المايزينة و نص باطة خمارة كميائية نصفوهم و نحطوهم على الخليط و نخلطو حتى يتجانسو نروحو للمرحلة الاخيرة و هي انو نحطو البياضً البيض لي طلعناه على الخليط الثاني غي بالتدريج ، مالفوق للتحت باه ميطيحلناشً بياضً البيض لي طلعناه نفرغوه على سنيوة بتاع 30‏/40 مغلفة بورق الطهي على درجة حرارة  180 ملاحظة : المقادير مدروسة ، كمية الفرينة مهيش قليلة هاذاك هو السر لي يخليها تترولا بلاما تتكسر و كمية السكر جد معتدلة بالنسبة للحشو درت شونتي بعطر الفراز و شربتها بالحليب لانها للدار لوكان كموند شربوها بشاربات و درتلها طبقة خفيفة تاع فوغاج الفراز سعر بيعها يوصل ل15الف للحبة تقدرو اخدمو بيها كلش و جيكم رقيقة كما تاع المحلات ، لي طرونش و البسكوي رولي لي تارت الهابطين منطلب منكمً والو من غير الدعاء باه ربي يخليلي صحتي و تهلاو فياً فاليوتيوب 🩷 حبايب القلب

لي فيديو والله مبغاو يطلعو يا لبنات معلااباليش علاه

مسلخير عليكم لبنات راهي عندي كموند تع سانكيام ، مولاتها قاتلي خدميها كماً تعرفي و انا بغيت نحطهالكم فاليوتيوب ، اذاً عندكم كاش مودال باغيينً تتعلموه قولولي و بعتوهلي

قولولي واش حابينً نحطلكم وصفات ، انا قلتً نبدالكم بجنواز تاع رولي

https://youtu.be/rBA5cznghY8?si=cgebScgxD3Jl6bEK

مسلخير عليكم لبنات كيً مسيتو بغيتً نقلكم راني رجعت نحط لي فيديو و رجعلي النشاط حمد لله شوية دعم فاليوتيوب و الانستغرام الله يرضا عليكم

لبنات بغيتكم ديرو فيا مزية و راسو عليا آخر زوج فيديوهات لي راهم فاليوتيوب مصورتهم بهاتف ايفون تاع الفويتين و كريمة الزبدة ، و الاوالا بهاتف اوبو بغيتكم ديرو لي مقارنة اسكو كاين صح فرق بزاف من ناحية جودة التصوير ولا نورمال يعني اونڨاجي نشد ذا الايفون ولا نكمل غي بتاعي خير ني نقارع لجوابكم تعيشووووو

سلام لبنات اصحاب التلغرام منسيتكمش و جامي ننساكم جيت نطل عليكم ههههه علابالي دوك تقولو هاذي كل دقيقة في بلاصة و لكن صراحة هنا خير شغول هنا نقرا تعليقاتكم نعرف واش كاين فقلوبكم ،بصح تاع المسنجر السكااااات الكاااالم بزااف 😅😅 أيا خلولي كلمة

السلام لبنات بغيت نقلكم اسمحولي راني غايبة فهاذا التلغرام و تالمو منيش نفتحو بزاف منيش نجاوبكم ،لي تبغي تستفسر اي سؤال تبعثلي فالانستغرام تاعي راني كامل نجاوبكم فم و اذا بغيتوني نفتحلكم قروب مسنجر فيه معليش

😍😍 خير عليكم