Cyber Academy | Rasmiy

💠Bilim, amaliyot va texnologiya birlashmoqda: kiberjinoyatchilikka qarshi yangi hamkorlik Raqamli makon kengaygani sari uning imkoniyatlari bilan birga tahdidlar ham murakkablashmoqda. Bugun kiberjinoyatchilikka qarshi samarali kurash zamonaviy bilim, ilg‘or texnologiyalar va kuchli huquqiy amaliyotning uyg‘unligini talab etadi. Toshkent viloyatida aynan shu uch omilni birlashtirishga qaratilgan muhim qadam tashlandi. ⚡️Nurafshon shahridagi “Cyber University” davlat universitetida Toshkent viloyati prokuraturasi, viloyat Ichki ishlar bosh boshqarmasi hamda universitet o‘rtasida uch tomonlama hamkorlik memorandumi va qo‘shma dastur imzolandi. Hujjatlar Toshkent viloyati prokurori A. Mirzayev, “Cyber University” rektori Sh. Kayumov hamda viloyat IIBB boshlig‘i A. Abdurazakov tomonidan imzolandi. ⚡️Mazkur kelishuvning dolzarbligini raqamlarning o‘zi ko‘rsatib turibdi: 2026-yilning dastlabki yetti oyida Toshkent viloyatida 4 mingga yaqin kiberjinoyat qayd etilib, 50 milliard so‘mdan ortiq moddiy zarar yetkazilgan. Bu esa raqamli tahdidlarga qarshi kurashda yangi yondashuvlar va ta’sirchan profilaktika mexanizmlarini joriy etishni taqozo etmoqda. ✅ Memorandum va qo‘shma dastur doirasida quyidagi ustuvor yo‘nalishlar belgilandi: ➡️ Kadrlar salohiyatini oshirish — huquqni muhofaza qiluvchi organlar xodimlari uchun kiberxavfsizlik, sun’iy intellekt, raqamli dalillar bilan ishlash va kibertahlil bo‘yicha maxsus o‘quv kurslarini tashkil etish. ➡️ Talabalarni amaliyotga jalb qilish — yoshlarning prokuratura hamda IIBBning tegishli tuzilmalarida, jumladan, Kiberjinoyatlarga qarshi kurashish boshqarmasida kasbiy tajriba orttirishiga imkon yaratish. ➡️ Zamonaviy infratuzilmani shakllantirish — yuridik klinika va kiberxavfsizlik laboratoriyasini tashkil etib, raqamli kriminalistika, kiberhodisalarni modellashtirish hamda insidentlarga javob qaytarish bo‘yicha amaliy mashg‘ulotlarni yo‘lga qo‘yish. ➡️ Ilmiy-amaliy hamkorlikni rivojlantirish — konferensiyalar, seminarlar, ochiq muloqotlar va “case-study” uchrashuvlari orqali olimlar, soha mutaxassislari hamda talabalar o‘rtasida tajriba almashinuvini kuchaytirish. ➡️ Jamiyatda kibermadaniyatni yuksaltirish — mahallalar va ta’lim muassasalarida fishing, elektron firibgarlik, zararli dasturlar hamda ijtimoiy muhandislik tahdidlaridan himoyalanishga qaratilgan qo‘shma targ‘ibot tadbirlarini o‘tkazish. ⚡️ Ushbu hamkorlik ilm-fan, ta’lim va huquqni muhofaza qilish amaliyotini yagona maqsad atrofida birlashtiradi. Eng muhimi, tashabbus kiberjinoyatlarga qarshi kurasha oladigan yangi avlod mutaxassislarini tayyorlash hamda jamiyat uchun yanada ishonchli va xavfsiz raqamli muhit yaratishga xizmat qiladi. For reading in English Для чтения на русском Website │Telegram │ Instagram │ Facebook │Youtube │Linkedin

#CyberHygiene "Cyber Academy"da malaka oshirish kurslari davom etmoqda 🗃"Cyber University" davlat universiteti tarkibidagi "Cyber Academy" tomonidan tashkilot va muassasalar xodimlari uchun 36 soatlik kiberxavfsizlik va kiber gigiyena bo'yicha malaka oshirish kurslari tashkil etilmoqda. ➡️Navbatdagi kursda davlat tashkilotlari va tijorat tuzilmalari vakillari ishtirok etib, zamonaviy kiberxavflardan himoyalanish va axborot xavfsizligini ta'minlash bo'yicha bilim va ko'nikmalarini oshirmoqda. 📎Toshkent viloyati Ichki ishlar bosh boshqarmasi Kiber jinoyatlarga qarshi kurashish boshqarmasi boshlig'ining o'rinbosari, mayor Abduqahhorov Salohiddin tinglovchilarga hozirgi kunda eng ko'p sodir etilayotgan kiber jinoyat turlari hamda ushbu jinoyatlar uchun belgilangan javobgarlik masalalari yuzasidan batafsil ma'lumot berdi. ➡️Shuningdek, firibgarlar tomonidan foydalanilayotgan top 5 ta usul haqida tinglovchilarga alohida ogohlantirish berildi. Uchrashuv yakunida savol-javob tartibida muloqot tashkil etilib, ishtirokchilarni qiziqtirgan masalalarga batafsil javoblar berildi. Telegram Instagram

https://youtu.be/9f8OMA-nHpQ?si=t7SAE8IhMd0hCaKf