DANG'ARA24 | TEZKOR XABARLARI

Bugun — Qurilish sohasi xodimlari kuni! Barcha aziz quruvchilar, muhandislar, me’morlar va soha fidoyilarini kasb bayrami bilan samimiy muborakbod etamiz! Yurtimiz obodligi va taraqqiyoti, zamonaviy shahar va qishloqlar qiyofasini yaratishdek mas’uliyatli va sharafli mehnatingizda ulkan muvaffaqiyatlar tilaymiz. Kasb bayramingiz muborak bo‘lsin, aziz quruvchilar!

"Farg‘onaning eng go‘zal va obod mahallasi" tanlovi e’lon qilinadi Farg‘ona viloyati hokimligi O‘zbekiston Respublikasi davlat mustaqilligining 35 yilligi munosabati bilan "Farg‘onaning eng go‘zal va obod mahallasi" tanlovini e’lon qiladi. Tanlovda ishtirok etish uchun mahalla hududi obod, ko‘kalamzorlashtirilgan, sanitariya holati namunali darajada ta’minlangan hamda aholi yashashi uchun shinam muhit yaratilgan bo‘lishi lozim. Shuningdek, ko‘chadagi xonadonlarning tashqi qiyofasi, hovlilari va atrof-muhiti ham namunaviy tarzda tartibga keltirilganligi asosiy mezon sifatida belgilangan.   Hujjatlar Mahallalar uyushmasi viloyat boshqarmasida 2026-yil 10-sentabrgacha qabul qilinadi. Talabgor  mahallalar viloyat ishchi guruhi tomonidan joyiga chiqqan holda o‘rganiladi va tanlov Nizomi asosida baholanadi. Tanlov g‘oliblari qimmatbaho sovg‘alar bilan taqdirlanadi. Barcha mahallalar va fuqarolarni mazkur tanlovda faol ishtirok etishga chaqiramiz!

Bo‘riqum MFYda elektr ta’minoti infratuzilmasi takomillashtirilmoqda 🔷 Dang‘ara tumani Bo‘riqum mahalla fuqarolar yig‘ini hududida davlat dasturi doirasida aholi hamda xizmat ko‘rsatish subyektlarini barqaror va uzluksiz elektr energiyasi bilan ta’minlashga qaratilgan infratuzilma loyihasi amalga oshirilmoqda. 🔷 Loyiha doirasida yangi transformator o‘rnatish, havo elektr uzatish tarmoqlarini yangi tayanch ustunlari bilan qurish hamda zamonaviy SIP kabelli elektr tarmog‘ini tortish bo‘yicha qurilish-montaj ishlari izchil olib borilmoqda. 🔷 Amalga oshirilayotgan mazkur ishlar elektr ta’minoti tizimining ishonchliligi va barqarorligini yanada oshirish, elektr energiyasidagi texnik yo‘qotishlar hamda uzilishlarni kamaytirish, aholi va tadbirkorlik subyektlarini sifatli hamda uzluksiz elektr energiyasi bilan ta’minlashga xizmat qiladi.

Dang‘ara tumani hokimining shaxsiy qabuli Pishqaron mahalla fuqarolar yig‘ini hududida joylashgan Xalq qabulxonasi binosida o‘tkazildi. 🔷Qabulda tuman hokimining o‘rinbosarlari, xalq deputatlari Dang‘ara tuman Kengashi deputatlari hamda tegishli davlat tashkilotlari rahbarlari ishtirok etib, fuqarolarning murojaatlari belgilangan tartibda ko‘rib chiqildi. 🔷Qabul davomida fuqarolar tomonidan aholi bandligini ta’minlash, tibbiy va moddiy yordam ko‘rsatish, ijtimoiy himoya, kommunal xizmatlar sifatini yaxshilash, yer munosabatlari, tadbirkorlik faoliyatini rivojlantirish, imtiyozli bank kreditlari ajratish bilan bog‘liq qator masalalar yuzasidan murojaatlar bildirildi. 🔷Har bir murojaat mas’ul tashkilotlar vakillari ishtirokida amaldagi qonunchilik talablari asosida atroflicha muhokama qilinib, ularni hal etish bo‘yicha aniq chora-tadbirlar belgilab olindi. 🔷Joyida hal etilishi mumkin bo‘lgan masalalar tezkorlik bilan bartaraf etildi. Qo‘shimcha o‘rganish talab etilgan murojaatlar esa ijrosini ta’minlash uchun mas’ullarga biriktirilib, belgilangan muddatlarda ijrosi ta’minlanishi yuzasidan nazoratga olindi.