Bojxona va declarant xizmatlari

Вазирлар Маҳкамасининг 2020 йил 24 августдаги 500-сон қарори билан тасдиқланган Ваколатли иқтисодий операторлар тўғрисидаги низомга ўзгартиришлар киритиш ҳақида"ги Вазирлар Маҳкамасининг қарори, 04.08.2026 йилдаги 430-сон.

Божхона постида божхона ходими айланма йўллар билан олиб кирилган 10 дона “IPhone” русумли уяли алоқа воситаларини бошқа фуқароларнинг паспорт маълумотларидан фойдаланиб, уларнинг номига божхона ҳужжатларини расмийлаштириб, “IMEI” кодларини рўйхатдан ўтказиб бериши эвазига 3 000 АҚШ долларини олган вақтида ашёвий далиллар билан қўлга тушибди.

Давлат органлари ва ташкилотлари, фуқароларнинг ўзини ўзи бошқариш органлари, уларнинг мансабдор шахслари ҳар кимга ўз ҳуқуқлари ҳамда қонуний манфаатларига дахлдор бўлган ҳужжатлар, қарорлар ва бошқа материаллар билан танишиш имкониятини таъминлаши шарт. (Ўзбекистон Республикаси Конституцияси 34-моддаси) Божхона юк декларацияси ва унга илова қилинган ҳужжатлар бевосита тадбиркорнинг қонуний манфаатлари ва мулкига дахлдор бўлган манбадир. Давлат органи (Божхона қўмитаси) бу материаллар билан танишиш (юклаб олиш) имкониятини таъминлаши шарт. Бу конституциявий мажбуриятни 15 кундан сўнг пуллик хизматга айлантириш — фуқаро ва тадбиркорнинг ахборот олишга бўлган конституциявий ҳуқуқини чеклашдир.

Tavallud ayyomingiz muborak boʻlsin, Muhtaram Prezidentimiz! Bugun Oʻzbekiston Respublikasi Prezidenti, davlat va jamiyat arbobi, mamlakatimiz taraqqiyoti, xalqimiz farovonligi hamda Yangi Oʻzbekistonni barpo etish yoʻlida fidokorona xizmat qilib kelayotgan Shavkat Mirziyoyev Miromonovichning tavallud ayyomi. Ushbu qutlugʻ sana munosabati bilan Prezidentimizni samimiy muborakbod etamiz. Muhtaram Prezidentimizga mustahkam sogʻlik, uzoq umr, cheksiz kuch-gʻayrat, masʼuliyatli davlat faoliyatida ulkan muvaffaqiyatlar hamda xalqimiz tinchligi va yurtimiz ravnaqi yoʻlidagi ezgu ishlarida ulkan zafarlar tilaymiz. Yurtimiz taraqqiyoti, xalqimiz farovonligi va Vatanimizning xalqaro nufuzini yanada yuksaltirish yoʻlidagi saʼy-harakatlari doimo yuksak natijalar bilan davom etsin.

Божхона қўмитаси томонидан таклиф этилган қонун лойиҳаси Парламентда кўриб чиқилди, унда қуйидагилар назарда тутилган: - Жиноят кодексининг 184-моддасидаги солиқ ва йиғимлар қаторига божхона божи жумласини қўшиш. - Жиноят кодексининг 250/1-моддаси 2-қисми бўйича божхона органларига суриштирув ваколатини ўтказиш. - Давлат божхона қўмитаси номи ўзгарганлиги муносабати билан, тегишли қонунларга ўзгартиришлар киритиш. Қонун лойиҳаси Олий мажлис қонунчилик палатаси томонидан мақулланди, эндиликда Сенат ва Президент томонидан кўриб чиқилади.

Президентининг 2026 йил 13 апрелдаги ПҚ-136-сон қарори ижросини таъминлаш мақсадида Вазирлар Маҳкамасининг 2026 йил 16 июлдаги “Бонд омборлари фаолиятини ташкил этиш ва улар орқали товарларни сотиш тартиби тўғрисида”ги қарори қабул қилинди. Эндиликда, товарларни мазкур қарорнинг биринчи иловасида белгиланган талабларга мувофиқ ташкил этилган эркин омборнинг бир тури ҳисобланувчи “бонд омборлари”га жойлаштириб, кейинчалик уларни “махсус электрон савдо платформалари” орқали жисмоний шахсларга нотижорат мақсадларда чакана сотишга рухсат берилади. Шунингдек, ушбу қарорда “махсус электрон савдо платформалари” орқали жисмоний шахсларга нотижорат мақсадларда чакана сотилган товарларни анъанавий тартибдан фарқли равишда соддалаштирилган божхона расмийлаштирувидан ўтказиш ҳам назарда тутилган. Бонд омбори фаолиятини амалга оширишга эркин омбор фаолиятини лицензиялаш тартиби асосида ҳамда белгиланган тартибда бонд омборлари реестрига киритилган тақдирда рухсат этилади. Бонд омборига жойлаштириладиган товарлар исталган транспорт тури орқали республика ҳудудига олиб кирилиши мумкин. Бунда ушбу товарлар умумбелгиланган тартибда чегара божхона постидан олиб ўтилади ва бонд омборига етказилади. Бонд омборига товар миқдори ва ҳаракатини масофадан туриб назорат қилиш имконисиз бўлган, чакана сотиш учун қадоқланмаган, тортиладиган ёки ўлчанадиган барча товарларни жойлаштириш тақиқланади. Эслатиб ўтамиз, Ўзбекистон Республикаси Президентининг 2026 йил 13 апрелдаги ПҚ-136-сон қарори билан электрон тижорат соҳасини ривожлантириш ҳамда аҳоли эҳтиёжини тезкор ва сифатли товарлар билан қондириш мақсадида айрим турдаги товарларга пасайтирилган бож ставкалари қўлланилиши белгиланган эди.

Импортда ҚҚСни зачет ҳисобидан тўлашга имконият берилган субъектлар: - Йирик солиқ тўловчилар: ПҚ-471 санаси: 30.12.2022 - Электротехника ташкилотлари: ПҚ-15 санаси: 10.01.2024 - “БББ” ва юқори рейтингли тадбиркорлар: ПП-39 санаси: 23.01.2024

Импорт қилганда транспорт харажатини нақд тўламанг. Фойда солиғи чиқади. Фақат транспорт харажати эмас, учинчи шахслар томонидан тўланган корхонанинг ҳар қандай харажати учун фойда солиғи чиқади. Транспорт хизматини айтганимиз сабаби, солиқ органи рўйхатга қўйилган шартномадаги етказиб бериш усулидан нақд тўлаганингизни аниқлаши мумкин. Масалан, EXW етказиш шарти харидор товарни сотувчининг заводи ёки омборидан ўзи олиб кетишини билдиради. Демак, сизда транспорт хизматига шартнома, тўловлар, ЭҲФ, далолатнома ва бошқа бирламчи ҳужжатлар бўлиши керак. FCA етказиш шарти ҳам шунга ўхшаш. Бунда ҳам товар сотувчи томонидан қаерда топширилиши кўрсатилади. Солиқ органларида ушбу маълумотларга тўлиқ “доступ” бор ва йўл ҳақини нақд тўлаганингизни аниқлаши қийин эмас.

Ўзбекистон Республикаси Президентининг 2026 йил 7 июлдаги ПҚ-251-сонли қарорига мувофиқ: 2027 йил 31 декабрга қадар юк ташиш учун мўлжалланган, ишлаб чиқарилганига 5 йилдан ошмаган: - “Евро-5” ва ундан юқори экологик тоифадаги тягачлар (газда ҳаракатланадиганлардан ташқари); - тўла вазни 15 тоннадан, ички ҳажми 76 метр кубдан юқори бўлган ярим-тиркамалар импорт божхона божи ва утилизация йиғимидан озод қилинди. Xurmat bilan: Declarant imamnazorov jamoasi!

"Товарларни халқаро тан олинадиган ҳужжатлар асосида эркин муомалага чиқаришда ваколатли давлат органларининг электрон тасдиғини олиш амалиётини жорий этиш тартиби тўғрисида"ги Вазирлар Маҳкамаси қарори. (24.06.2026 йилдаги 324-сонли)

O‘zbekistonda ish haqi, pensiya, nafaqa va stipendiyalar 7 foizga oshiriladi Prezident farmoniga asosan, 1-iyuldan: ➖ pensiyalar, nafaqalar, bolalar nafaqasi va moddiy yordam to‘lovlari 7 foizga oshiriladi; ➖ yoshga doir eng kam pensiya miqdori 983 ming so‘mga, nogironlik pensiyasining eng kam miqdori 1 mln 83 ming so‘mga yetkaziladi; ➖ pensiyani hisoblashning bazaviy miqdori 504 ming so‘m etib belgilanadi. 🗓 1-sentyabrdan: ➖ byudjet tashkilotlari xodimlarining ish haqi va stipendiyalar 7 foizga oshiriladi; ➖ mehnatga haq to‘lashning eng kam miqdori 1 mln 360 ming so‘m etib belgilanadi; ➖ bazaviy hisoblash miqdori 440 ming so‘mni tashkil etadi. t.me/declarant_imomnazarovH

Қозоғистонда 2026 йилнинг 30 июнига қадар помидор (ТИФ ТН коди 0702) импортига вақтинчалик тақиқ жорий этилди!

Кўпчилик олдин фойдаланишда бўлган ҳар қандай транспорт воситаси божхонада автоматик тарзда "б/у" деб тан олинади, деб ўйлайди. Аслида эса бу ҳар доим ҳам шундай эмас. Бу масала жуда муҳим, чунки б/у транспорт воситалари учун божхона тўловлари янги транспорт воситаларига нисбатан бир неча баробар юқори бўлиши мумкин. 📌 КЕЙС Мижоз 2023 йилда ишлаб чиқарилган автомобилни импорт қилмоқчи. Автомобиль хорижда рўйхатдан ўтган ва маълум вақт фойдаланилган. Мижознинг саволи: ❓ Автомобиль аввал фойдаланилган бўлса, божхонада ҳам албатта "б/у" деб ҳисобланадими? Амалдаги тартибга кўра, ТИФ ТН 8701, 8702, 8703, 8704, 8705 ва 8716 товар позицияларига кирувчи транспорт воситалари учун "б/у" мақоми транспорт воситасининг аввал ишлатилганлигига эмас, балки унинг ишлаб чиқарилган санасига қараб аниқланади. Яъни, транспорт воситаси қанча юргани ёки аввал рўйхатдан ўтганлиги эмас, ишлаб чиқарилганидан кейин қанча вақт ўтгани муҳим аҳамиятга эга. Қонунчиликка кўра, ишлаб чиқарилган санадан 3 йил ёки ундан ортиқ вақт ўтган бўлса, транспорт воситаси "фойдаланилган (б/у)" деб ҳисобланади. Агар аниқ ишлаб чиқарилган сана мавжуд бўлмаса, у VIN-код асосида аниқланади ва ҳисоблаш тегишли йилнинг 1 июлидан бошланади. Автомобиль VIN-кодига кўра 2023 йилда ишлаб чиқарилган. Шу сабабли шартли ишлаб чиқарилган сана: 01.07.2023 йил Демак, мазкур автомобиль: 🔹 01.07.2026 йилгача — янги транспорт воситаси 🔹 01.07.2026 йилдан кейин — б/у транспорт воситаси ҳисобланади. Транспорт воситаси аввал фойдаланилган бўлиши уни автоматик равишда божхона мақсадлари учун "б/у" қилиб қўймайди. Божхонада асосий мезон — транспорт воситасининг ишлаб чиқарилган санасидан ўтган муддат ҳисобланади. Божхона тўловларида катта фарқ юзага келмаслиги учун транспорт воситасининг "янги" ёки "б/у" мақомини олдиндан тўғри аниқлаш муҳим ҳисобланади.

Prezidentimiz terma jamoamizning ruhini ko‘tardi: "Futbolchilarimiz juda katta tajribali jamoaga qarshi kuchli xarakterini ko‘rsatdi. Biz uchun birinchi jahon chempionatida birinchi golimiz - bu ham g‘alaba". Prezident.uz|Facebook|Instagram|YouTube|X

Евро-5 тоифасига кирувчи тягачлар атрофидаги сукунат: бугунги кечикишнинг эртанги баҳоси қанча бўлади? 2021 йилда қабул қилинган ПҚ-5225-сонли қарор халқаро юк ташиш соҳасида ҳақиқий бурилиш ясаган эди. «Евро-5» ва ундан юқори экологик стандартларга жавоб берадиган тягачлар, юк автомобиллари ва ярим тиркамалар учун берилган имтиёзлар натижасида мамлакатга минглаб замонавий транспорт воситалари олиб кирилди. Ўзбекистон ташувчилари халқаро бозорда ўз ўрнини мустаҳкамлай бошлади. Янги иш ўринлари яратилди, инвестициялар жалб қилинди, миллий автопарк янгиланди. Энг муҳими, аввал хорижий компаниялар бажараётган ташувларнинг муайян қисми маҳаллий ташувчилар ҳиссасига ўта бошлади. Бу давлат томонидан берилган рағбатнинг амалдаги натижаси эди. Аммо 2025 йил 1 январдан бошлаб мазкур имтиёзлар ўз кучини йўқотди. 2025 йил 7 февраль куни эса «Евро-5» тоифасига кирувчи тягачлар учун имтиёзлар яна 3 йилга узайтирилиши ҳақида расмий баёнот берилди. Шундан бери 16 ойдан ортиқ вақт ўтди. Лекин ҳалигача тегишли қарор қабул қилингани йўқ. Бу вақт ичида эса соҳада жиддий хавотир уйғотаётган жараёнлар кучайиб бормоқда. Бугун халқаро ташувларда иштирок этаётган транспорт воситаларининг катта қисми транспорт-логистика компанияларига эмас, балки жисмоний шахсларга тегишли. Бу тасодиф эмас. Бу соҳада ҳуқуқий, иқтисодий ва солиқ механизмлари ҳали ҳам замон талабларига мос даражада шаклланмаганининг оқибатидир. Натижада кўплаб ташувчилар учун логистика компанияси орқали расмий ва шаффоф ишлашдан кўра, жисмоний шахс сифатида фаолият юритиш иқтисодий жиҳатдан қулайроқ бўлиб қолмоқда. Айрим ҳолларда логистика компаниялари билан тузилаётган шартномалар фақат қоғоздаги муносабатга айланиб қолмоқда. Бу эса ҳисоб-китобларнинг маълум қисми нақд пул айланмасида қолишига, соя иқтисодиётининг сақланиб қолишига ва ҳалол рақобат муҳитининг издан чиқишига сабаб бўлмоқда. Энг хавфлиси шундаки, бугун ҳал этилмаган муаммо эртага бутун соҳанинг рақобатбардошлигига зарба бериши мумкин. Агар юк ташувчилар учун рағбатлантирувчи механизмлар қайта жорий этилмаса, агар ҳуқуқий ва солиқ муносабатлари тубдан такомиллаштирилмаса, агар соҳада шаффоф ва адолатли қоидалар яратилмаса, халқаро ташувлар бозорида маҳаллий ташувчиларнинг ўрни йил сайин қисқариб бориши эҳтимоли жуда юқори. Чунки халқаро логистика рақобат майдонидир. Бу бозорда ҳиссиёт эмас, иқтисодий манфаат ҳал қилади. Қўшни давлатлар ўз ташувчиларини қўллаб-қувватлаш, автопаркларни янгилаш ва логистика хизматларини ривожлантириш учун янги механизмлар жорий этаётган бир вақтда, маҳаллий ташувчилар юқори харажатлар, эскираётган техника ва мукаммал бўлмаган солиқ тизими билан рақобат қилишга мажбур бўлмоқда. Бу эса эртага халқаро юк ташиш бозорида маҳаллий компаниялар улушининг қисқаришига, ташқи бозорларда эришилган позицияларнинг йўқотилишига ва яна хорижий ташувчиларнинг устунлик қилишига олиб келиши мумкин. Яна бир хавфли жиҳат бор. Агар ҳуқуқий ва иқтисодий механизмлар ўзгармаса, нақд пул айланмаси ва норасмий муносабатлар сақланиб қолаверади. Бу эса қора бозорнинг янада чуқурлашишига, ҳалол ишлаётган компанияларнинг бозордан сиқиб чиқарилишига ва давлат бюджетига тушиши мумкин бўлган маблағларнинг йўқолишига сабаб бўлади. Шундай экан, масала фақат божхона божи ёки утилизация йиғими ҳақида эмас. Масала — миллий ташувчиларнинг келажаги, Ўзбекистоннинг халқаро логистика бозоридаги ўрни, минглаб ҳайдовчиларнинг даромади, юзлаб транспорт корхоналарининг тақдири ва бутун бир тармоқнинг ривожланиши ҳақида. Бугун соҳа вакиллари навбатдаги баёнотларни эмас, аниқ қарорларни кутмоқда. Чунки вақт ўтмоқда. Ҳар бир кечиккан қарор — йўқотилган имконият. Ҳар бир йўқотилган имконият эса эртага маҳаллий ташувчиларнинг бозордаги ўрнини янада заифлаштиради. Бозор эса ҳеч кимни кутиб турмайди.

⚡️ "Бир йилда бир дона сертификат" тамойили бекор қилинди Президентнинг 04.06.2026 йилдаги ПФ-104-сонли фармони билан, Вазирлар Маҳкамасининг 25.04.2017 йилдаги "Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламентни тасдиқлаш ҳақида"ги 237-сон қарорига 1-илованинг рус тилидаги матнида 3-банди йигирма биринчи хатбошисидан "не более одного раза за календарный год" сўзлари чиқариб ташланди. Содда қилиб айтганда, эндиликда ўз эҳтиёжи учун транспорт воситаси импорт қилинганда бир йилда бир дона сертификат берилади деган мантиқсиз норма бекор қилинди. Эндиликда бир донадан кўп транспорт воситаси олиб келинганда хеч қандай чекловларсиз барчасига мувофиқлик сертификати берилади. (Ишқилиб шундай бўлсин)