dedekatib_katiboglu

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 آزر (یای، آذر): چوْخدان ذهنیزی قاتێـشدیران بیر قوْنو، بیر اوْلایێـن اوْلماغێـیلا راحاتلێـقلا چؤزۆله‌جک. زمان سۆره‌جینده ایشلر یوْلونا دۆشوب، دۆزه‌لر. راحاتسێـزلیق، تارتێـشما و یئرسیز عصبی‌لشمک لازم دڲـیل. سوْرونلار حقده دانێـشلیماسا، سوْنرادان ضررین چکرسیز. بیر صمیمی دانـێـشیق بـۆتون آنلاشمازلێـقلاری آرادان آپارار. بیر چتین‌لیک اوْلونجا بـؤیـۆکلر و تجربه‌لی آداملاردان مشورت آلێـن. آرتـێـق ریسک ائتمک زمانی دڲـیل. ساغلاملێـق اۆچون ایدمانی اونوتمایێـن. 🔶 چیلله (اوْغلاق، دی): بیر آرا اوْلدوغوموز توْپلوم ایچینده تجربه قازاندێـقدان سوْنرا، بیری بیزیم آرخامێـزجا دانێـشیب، بیزی پیسلیینده، دۆز یوْلدا اوْلدوغوموزا ایناندێـم. بیلمیرم ندن چوْخلاری دۆز ایشلیین آدامێـن ایشینه چوْپ اوزاتماغی سئویرلر. بو اۆزدن سیزه ده دئییرم ایشیزده اوْلون، اوْنون- بونون سؤزۆنو سایمایێـن و هاردا اؤزۆزو سێخینتی‌دا گـؤرۆسوز، اوْرالارا گئتمه‌یین. یئنی بیر اثر یاراتماغا خیال قوّه‌زین گـۆجلنمه‌سی لازمدیر. بو ایشه وقت و انرژی قوْیون، گئریسینی بوراخێـن. 🔶 دوْندۇران آی (قـوْوا، بهمن): هر کسه مهریبان داورانماغێـز باعث اوْلور اوْنلار دا سؤزلرینی سیزه دئسینلر. آنجاق سیز بئله اوْلمایێـن. آرزو و ایستکلریزی یالنێـز آللاها دئیین. بعضی وقتلر چئورزده‌کیلرله اۆست الدن داورانێـر، اوْنلارا یوخارێـندان باخێـرسیز. ایش یئری جدی بیر اوْرتام اوْلماغی یاخجی‌دیر، آنجاق بعضی وقتلر خوْش بیر اوْرتام یاراتماق داها یاخجی اوْلار. اؤنملی گـؤرۆشلریز اوْلاجاق، اؤزۆزه اینانێـن و آللاها توکل ائله‌یین. قانونی بیر یئره ایشیز دۆشسه، هر سؤزۆزه لازم دلیلیز اوْلمالێـدی. یوْخسا یالاننان گـؤزۆ باغلایێـب، آغزی آچماق اوْلماز. هر کسین بیر قسمتی وار، قسمتدن آرتـێـق یئمک اوْلماز، قسمتی ده انسانین الیندن آلا بیلمزلر. 🔶 بایرام آیی (بالێـقلار، اسفند): چئورزده اوْلان ایشلر، آداملار و اوْلایلار سیزی او قدر اینجیدیب کی، اوْندا دڲـیشیم یاراتماغا چالێـشیرسیز. سیز بونلارا بیر چؤزۆم یوْلو اوْلدوغونا اینانێـرسیز. هر نه قدر ده گئج اوْلموش اوْلسا، یئنه ده بیر یوْل وار. البته بو دڲـیشیم یاراتماق چالێـشمالاریز بلکه بعضی‌لری‌نین مخالفتی ایله قارشێـلاندی. اوْلایلارا اوْلوملو باخێـن، صداقتله داورانێـن و اوْنلارا دا ایشیزین ندنینی آچێـقلایین. بیر یوْلا گیریشنده، یوْلداشلارێـمیزی دا نظرده توتمالی‌یێـق. @SancaqDergisi https://t.me/Sancaq_media/8350

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 قـۇیروق دوْغان (آسلان، مرداد): حیاتی داها جدی توتمالێـسیز، اوْنا- بونا چوْخ دایانێب- گـۆوه‌نمک اوْلماز. بو گـۆنلر چوْخ اؤز ایستکلریزه چاتماغا عیناد ائلیر، اؤزۆزدن باشقا بیرینی گـؤره بیلمیرسیز. هر ایشی اؤنجه‌دن بیلیب، اوْنا حاضرلێـقلی اوْلماق، ایستییرسیز. بو هفته بعضی گـؤزلنیلمز تکلیفلر ائشیتدیکدن سوْنرا اوْنلارا نه جواب وئره‌جڲـیزی بیلمییه‌جکسیز. بو قوْنودا گـؤوه‌ندیڲـیز بیریسیندن یاردێـم ایستییه بیلرسیز. عاطفی باخێـمدان اؤنجه اؤز طرفیزده اوْلان سوْرونلاری چؤزمه‌لی و داها سوْنرا اقدام ائتمه‌لیسیز. سیز انسانلارا احترام قوْیدوقدا اوْنلارێـن دا احتیرامینی قازانا بیلرسیز. معنویاتی جدی توتون. عائله‌وی سوْرونلاری بیتیرین، لازم اوْلان مسافرته گئدین، یارێـم قالمێـش ایشلری سوْنا چاتدێرین، سؤزلریزی کیمسه‌یه دئمه‌یین، انسان چوْخ وقت ایناندێغی آدامنان ضربه گـؤرر. 🔶 زۇمار (باشاق، شهریور): بیلیرم بو یئره چاتماق اۆچون زحمت چکیب، چوْخلو امک وئریبسیز، آنجاق بو یوْلدا هر زمان سیزه اۆره‌ک- دیره‌ک اوْلوب، قوْل- قاناد وئرنلری گـؤرمزدن گلمه‌ڲـیز اخلاقی ایش اوْلماز. بو قدر ایشلریزده گلیشمک، بونجا یئرلرده تانێـنماغیز اوْنلارێـن یاردێـمی ایله امکان تاپێـب. بیر یئرده دانێـشاندا، بیر محفلده اوْلاندا، هاردان باشلادێـغیز و کیملرله بیرلیکده بو یـوْلدا آیاق قـوْیماغێـزدان دانێـشماق اؤز وجهه‌زی اۆسته آپارار. آتالار دئمیش: آغاج بار گتیردیکجه باشێـنی آشاغی سالار. ایش و یا حیات یئریزده دڲـیشیملریز اوْلاجاق، یئنی یئره تئز اؤڲـره‌شرسیز دارێخمایین. حیات یوْلداشێـز و یا سئوگیلیزی یئرسیز غرورلا اینجیدیبسیز، بو اینجیک‌لیڲـین آرادان گئدیب، بیر داها بارێـشماغێـز قالێب آللاها، من بیر سؤز دیینمیرم! 🔶 خزل (ترازی، مهر): توْپلوم ایچینده داها چوْخ گـؤزه گلیم ایشلر گـؤرمک ایستییرسیز. آنجاق بونا گـؤره نه ایش گـؤره بیله‌جڲـیزه قرار وئره بیلمیرسیز. دویغولارێـزی هر کسله پایلاشماق ایسته‌سز ده، زمانێـن اویغون اوْلمادێغینی گـؤرۆنجه، سس‌سیز قالماغی داها اۆستون بیلیرسیز. آنجاق ایلیشگی‌لری آزالتماغێـز سیزه عاطفی باخێـمدان ضربه ووراجاق. دۆز یوْلدا اوْلماغێـز اۆچون، کـؤنلـۆز ایسته‌ین و عقلیز امر ائدن ایشلرین آراسێـندا دنگه ساخلامالێـسیز. 🔶 قیروْو (عقرب، آبان): بیر نفر سیزه وئردیڲـی سؤزۆن دالێـسین توتمور. آرتێـق دؤزمک لازم دڲـیل، آنجاق ساواشێـب- کۆسمک ده چاره دڲـیل. یوْلداش یانا هرزادی اوْنا دئیین، اؤزۆنن ده ایشلرینه گؤره آچێـقلاما ایسته‌یین. بو هفته الیزه بیر پول گله‌جک. سیز بو پولو یوْخدودا قوْیموشدوز، اوْنا گـؤره آلدێـغیز اۆچون چوْخ سئونیرسیز. بو پولو ایسته‌دیڲـیز یئره خرجله‌یین، بیلیرم لازم اوْلان یئر چوْخدور، آنجاق بعضاً روحی باخێـمدان اؤزۆموزه وقت، انرژی و هزینه قوْیماق، باشقا یئرلرده جواب وئرر و بیزیم یئترلی و ثمره‌لی چالێـشماغیمیزا سبب اوْلار. #آردێ_وار.... @SancaqDergisi https://t.me/Sancaq_media/8350

⭕️ هفته‌لیک فالێـنیز ✍ حاضرلایان: #اوْلجای_مرآتی 🔶 آغلار‌- گـۆلر (قـوْچ، فروردین): سیزین باشارێـلاریز گـؤز اؤنـۆنده دیر. اوْنو- بونو اؤزۆزه پلکان ائله‌میین. نه چوْخ ایشله‌مک، نه آز ایشله‌مک، نه امکداشلارێـزین آرخاسێـجا ایش چئویرمک هئچ بیری رئیسین نظرینی سیزه گـؤره دڲـیشدیرمییه‌جک. او سیزی یاخجی تانێـییر. بو اۆزدن یئرسیز ایشلرله اؤزۆزو خراب ائله‌میین. اؤڲـرنجی‌لر چالێـشمالاری‌نین نتیجه‌سینی آلاجاقلار. اسکی یوْلداشلاردان بیری گـؤرۆشوزه گله‌جک، اوْنون گـؤرۆشوندن چوْخ سئوینه‌جکسیز. وارلێـقلاریزین قدرینی بیلسز، عاطفی باخێـمدان چتین‌لیکده اوْلمازسێـز. 🔶 گـۆلن‌آی (بۇغا، اردیبهشت): هر زمان یاخجی بیر فرصت گـؤزله‌ین کیمسه، هئچ وقت فرصت تاپا بیلمز. بو گـۆنو الدن وئرن، صاباحی دا الدن وئرر. گله‌جکده خوشبخت اوْلماغێـن شرطی بوگـۆن خوشبخت اوْلماغا چالێـشماقدیر. خوشبخت‌لیک ساتێـن آلمالێ، اؤدۆنج آلمالێ، دیلنمه‌لی یا اوْغورلایێب- چالمالی دڲـیل، خوشبخت‌لیک ساده‌جه اؤزۆنو خوشبخت بیلمک‌دیر. بیرینه محبت ائدیب، اوْنون حیاتی‌نێـن خزانێـنی بهار ائتمڲـه چالێـشسانیز، اؤز اۆزوز ده گـۆله‌جک. کدورت‌لری بوراخێـن و کینه‌لره سوْن قوْیون. بیلیرم چوْخ چتین‌لیک چکیبسیز، آنجاق داها چتین گـۆنلر بیتدی. گله‌جک سیزین‌دیر. 🔶 قیزاران آی (ائکیزلر، خرداد): بیری‌نین حوصله‌سی اوْلماماق، سیزدن حیرصلی اوْلماغی آنلاما گلمز. بلکه ایشدن، عائله‌دن یا مالی مسائلدن اینجیکلیڲـی وار. یئتر اوْنون یانێـندا اوْلاسێـز، یاواش- یاواش حالی دۆزه‌لر. سئودیڲـیز بیری ایله دانـێـشاندا دقتلی اوْلون ایش هر زمان کی تارتـێـشمالارا چکمه‌سین. ایش و تجارت قوْنولارێـندا دقتلی اوْلمالێـسیز. باشارێـلاریزی دۆزگون گـؤرسه‌دین، ایش دانێـشمالارینا گئدنده اؤنجه‌دن مشق ائدین، اویغون پالتار گئیین و اؤز گـۆوه‌نلی اوْلون. سیز بو دانێـشیقدا اؤز قوت نقطه‌لریزی گـؤرستمه‌لیسیز. مالی نیازی اوْلان بیرینه الیزده اوْلدوغو قدر یاردێـم ائدین. دویغولارێـزی گـؤرستمکده احتیاطلی اوْلون. گاهدان چوْخ عصبی‌لشیر، جوْشوب- داشێرسیز. یاری یوْل یوْلداشلارێـندان اوزاق اوْلماغێـزی توصیه ائدیرم. هنری استعدادلارێـزی دڲـرلندیرین بو گله‌جه‌ڲـیزه یاخجێدیر. 🔶 قـوْرا پیشیرن (یئنگج، تیر): حیاتـێـزدا یئنی اوْلایلار اۆز وئره‌جک. بو اوْلایلار خیره ختم اوْلاجاق نگران اوْلمایێـن. بیر زماندێـر بیر سؤز اۆره‌ڲـیزده وار، ایندی اوْنو دیله گتیرمک اۆچون اویغون زماندێر. زمانین گئچیب سوْووشماسێـنی جدی توتون. گـۆنو- گـۆنه ساتماغێـن فایداسی یوْخدور. بیر قوْنو حقده هئچ بیر تبکی گـؤرستمه‌میش هرزادا دقت ائدین. اعصابێـزا مسلط اوْلون و یئرسیز دانێـشیقلاردان ساخێـنین. بو هفته شانس سیزه اۆز گتیره‌جک. مانع‌لر اؤنـۆزدن قالدێریلاجاق و آماجلارێـزا داها دا یاخێـنلاشاجاقسیز. #آردێ_وار.... @SancaqDergisi https://t.me/Sancaq_media/8350

عزیـزیـم آدی قـالا آغیـزدا دادی قـالا خـوش او کسیـن حـالینـا اؤلـسـه ده آدی قـالا. «کاتیب اوغلو» سایـغـی ایـله سـونـورام کـاتیـب اوغـلونـا : کـاتیـب اوغــلو، آدی قـالار، سـؤزۆنـده دادی قـالار کـؤچـسه فانی دۆنیـادان عشقـدن بیـر یـادی قـالار. کـاتیـب اوغــلو، آدی وار، سـؤزده حاقـقـیـن دادی وار روحـو حقـقـه قُـوْووشـوب کـؤنـۆل‌لـرده یـادی وار. @dedekatib_katiboglu

بیرآللاهـین قـودرتـــینه اینـانـان مــیننت تــیکه‌سینی وورمــاز دیشینه سن عبـــدیسن اؤز عـــملین وار یاشا عــــقل چـــاتــماز یـــارادانیـــن ایشـینه یوکلنیب دونیادان هئی گئدیر کــاروان هئچ ده فرق ائیله‌مز شــاه و گدا، خان زحمت چکن میننت چکمز بــیل ایـنان بــــوینون اگــیب الین قــویماز دؤشـونه شیرین دانیش داماغیندا داد اولـسون ادبــــسیزین  یـــوردو بــر بــاد اولـــسون دوللو موصطفا‌نین روحو شاد اولسون یاخشی دئـییب اینسان گــرگ دوشونه دده کاتیب تئز اود آلــــیب آلـــیشما هــــر یئـــتَنین سن ایــشینه قــاریشما مصلحت اولماسا دینــیب دانــــیشما اینسان گرگ سؤزون سالسین کئشینه #دده_کاتب @dedekatib_katiboglu

🌸 بسم الله الرحمن الرحیم🌸 آرزو ائدیرم دونیانین بوتون گؤزللیک لری سیزین اولسون اورگینیز شاد کیفینیز ساز گؤزونوز آیدین اولسون اؤزونوز دن گولش دوشمه سین آغزینیز شیرین اولسون سلاملار گون ایدین عزیزلر✋ @dedekatib_katiboglu

✾ اؤلدۆ ! عجایب احوالی گؤردۆم دونیادا اؤلۆ یویان کفن بیچنده اؤلدۆ ! یوخسول، کؤهنه دامدا جانی چیخاندا مرمر داشدان سارای تیکنده اؤلدۆ ! آلچاق گؤردۆم ناگاه یئردن اوجالدى دوران دؤندۆ فلک اوندان باج آلدی گؤزل گؤردۆم ایکی گۆنده قوجالدی قارا گؤزه سۆرمه چکنده اؤلدۆ ! شاهلارین دا دوشدو باشینداکی تاج خسیس وارلی گؤردۆم قارنی قالیب آج آدام گؤردۆم سویا قالیبدى مؤحتاج سو یئرینه شراب ایچنده اؤلدۆ ! کاتیب اوغلو" فلک هئچ ده یانیلماز باغلانان قاپیلار بیر ده آچیلماز هر نه‌ده فرق اولسا، اؤلۆمده اولماز ناحق یئره قانلار تؤكنده اؤلدۆ... #فارص_طیار  #کاتیب_اوغلو دده‌کاتیب، کاتیب اوغلو تلگرام کانالی بیــزه قُـوشـولون👇👇👇 @dedekatib_katiboglu

✾࿐༅༅࿐✾ يار آغلادي من آغلاديم يارين بويون قوجاقلاديم يار آغلادي من آغلاديم ييغشدي قونشولار بۆتۆن جار آغلادي من آغلاديم باشيندا قارلي داغلارا دانیشديم آيرليق سؤزۆن بير آه چكيب باشينداكي قار آغلادي من آغلاديم طاريمدا نار آغاجلاري مني گؤرۆب دانيشديلار بويومو زيتون اوخشادي نار آغلادي من آغلاديم ائيله كه اسدي بير خزان تالاندي گۆلليرم منيم خبر چاتينجا بۆلبۆله خار آغلادي من آغلاديم اۆره‌ک سؤزۆن دئديم تارا سيم‌لر اولدو پارا پارا ياواش ياواش سيزيلدادي تار آغلادي من آغلاديم دئديم كي حق منيم كيدير باشيمي چكديلر دارا تنف سيخاندا بوينومو دار آغلادي من آغلاديم جعفري يم بويوم بالا غم اۆركده قالا قالا يار جانیمي آلا آلا يار آغلادي من آغلاديم #هوشنگ_جعفری دده کاتیب کاتیب اوغلو تلگرام کانالی بیزه قوشولون 👇👇👇 @dedekatib_katiboglu

......یالاندیر.... 🍃🌺🍃 🍃 کونول نفسین اؤلدورمه میش ریاضت ده یالاندی. حرام مالدان احسان اولماز سخاوت ده یالاندی. بیرانسانین اؤز نفسینده گر لیاقت اولماسا. دده بابا سلطان اولسا نجابت ده یالاندی. کیچیک لره تعلیم ائیله بؤیوک لره احترام. یوخسوللارین حالین یؤخلا دوشگونلره وئر سلام. یارادانا قوللوق ائیله خلقه خدمت والسلام. اگر قصدین شهرت اولسا او خدمت ده یالاندی. بیرآی اؤروج بئش واخت ناماز الده تسبیح سجاده. گئجه گوندوز ذکر ائده سن حاجا گئتسن پیاده. شیطانا یوز داش آتاسان قوربان کسسن مناده. کؤنلونده بیر رحم اولماسا عبادت ده یالاندی. دده کاتب دورما چالیش نه قدر وار اختیار. ایشله قازان بؤیون اگمه ایشدیر سنه افتخار. گرچه روزی مقدردی آمما حرف آشکار. چالیشماسان روزی یئتمز او قسمت ده یالاندی. 🍃 🍃🌺🍃 #دده_کاتب @dedekatib_katiboglu

ســــ✋ــــــلام خوش گونلر خوش سحرلر  آرزوسیلا الله دان بوتون دوستلارا جان سالیغی باشی اوجالیق دیله ییریک 🍃 🍃🌺🍃 @dedekatib_katiboglu

۲۱ مرداد ۱۳۹۳ سالروز وفات دکتر جواد هیئت، پدر تورکولوژی ایران دکتر جواد هیئت از نخبگان تاریخ ساز آذربایجانی، اولین جراح قلب و کلیه در ایران و در عین حال متخصص تاریخ و ادبیات ترکان و موسس مکتب و مجله « وارلیق» در ایران، شخصی است که هنوز کسی نتوانسته جای خالی وی را پر نماید. عموما تاریخ آذربایجان خصوصا تاریخ معاصر آن مملو از فرزندان ناخلفی است که منافع عمومی مردم آذربایجان با فرهنگ بومی ترکی را در نظر نگرفته و مقهور شعوبیه - ایرانشهری های حاکم بر امور ایران شده اند. دکتر هیئت علیرغم حضور در طبقه ائلیت جامعه دهه ۴۰ و ۵۰ میلادی هرگز آلوده زرق و برق تبلیغات آریایی- شعوبی نشد و با جمع دوستانی معدود کولونی تحقیقات درباره تاریخ، فرهنگ و ادبیات ترکان را پایه ریزی نمود. شاهکارهای وی که عبارتند از - تورکلرین تاریخ و فرهنگینه بیر باخیش - آذربایجان ادبیات تاریخی - آذربایجان فولکلورو - سیری در تاریخ زبان و لهجه های ترکی - ادبیات شناسلیق بعنوان کتب معتبر دانشگاهی قابل ارائه است. به نظرم هر کس قبل از پرداختن به تحقیق درباره تاریخ و فرهنگ آذربایجان لازم است کتب فوق را به دقت مطالعه کند. مجله تحقیقی وارلیق بعنوان یکی از اولین مجلات ترکی پژوهی بعدها به عنوان مکتب وارلیق صدها محقق و نویسنده ترک را به جهان تقدیم نمود. من افتخار مصاحبت ایشان را داشتم و همیشه مدیون فکر و اندیشه تورکی پژوهی ایشان می باشم. بی شک پرداختن به یاد و نام این اسطوره خستگی ناپذیر عرصه ترکی پژوهی که با درآمد مطب خود به این اقدامات دست زد باید مدام باشد و دکتر هیئت بعنوان یکی از  الگوهای جوانان نویسنده و محقق آذربایجانی معرفی گردد. ۲۱ مرداد ۱۴۰۵ دکتر توحید ملک زاده @dedekatib_katiboglu

#معرفی_کتاب #کؤنولدن_دیله #شعر_توپلوسو #کاتب_اوغلو #فولکلور_آذربایجان #تورکجه_شعر @dedekatib_katiboglu

#معرفی_کتاب #کؤنولدن_دیله #شعر_توپلوسو #کاتب_اوغلو #فولکلور_آذربایجان #تورکجه_شعر @dedekatib_katiboglu

.... اولسون . ☘ اینسان اوغلو یاشاماغین دۆشون سن بئله یاشا دالینجا خوش آد اولسون آجی دیل یاندیرار دوستلوق خرمنین شیرین دانیش قوی آغزیندا داد اولسون ☘ چالیش حلال یولدان قازان چؤره یین امانت سن قیرما مظلوم  اوْره یین ایتیرمه دوستلارین حققین امه یین هر وقت آدین خوشلوق ایله یاد اولسون ☘ سخاسیز اینسانلار نام آلا بیلمز اینسانلیق مئییندن جام آلا بیلمز ایشله مه ین اینسان کام آلا بیلمز فرق ائیله مز کیشی یا آرواد اولسون ☘ دده کاتیب  باهار ایله  یاز ایله سؤزلرین دیللرده  خوش آواز ایله آشیقلار چالارلار میضراب ساز ایله انصاف اهلی دییه ر روحون شاد اولسون               #دده_کاتیب @dedekatib_katiboglu

تانریم اورک دفتریمیزی سنه تاپشیریریق اؤز الین له اؤز قلمین له کدریمیز اوسته جیزیق چک دنیزلر بوی دا اورک چک سلاملار سایقیلار لار سئوگیلی یولداشلار خوش گونلر @dedekatib_katiboglu

بوگون آذربایجانین گؤرکملی شاعیری ، اوستاد فارص طیارین ( کاتیب اوغلونون) دوغوم گونودور خاطیره سینی حورمتله یاد ائدیریک🖤 #کاتب_اوغلو #کؤنولدن_دیله 1343_5_20 @dedekatib_katiboglu

....كؤنلوم....... 🌼🌼 وفاسیز  بیر  یار  الیندن . گؤزلر دولور  یاشا کؤنلوم. قورخورام گون گئله داهی. صبرین جامی داشا کؤنلوم. 🌼🌼 قیسمتینی  پوزا  بیلمیر . غم گؤلونده اوزه بیلمیر. بونجا درده دؤزه بیلمیر. چالیر باشین داشا کؤنلوم. 🌼🌼 هیجران  یئلی یئنه اسدی بیلمم  ندیر  یارین قصدی؟ کؤنول دییر  داهی  بسدی . ساغ اول منیم پاشا کؤنلوم. 🌼🌼 کاتيب اوغلو داهی  یانماز . وفاسیز قئیدینه قالماز. توبه ائدیب بیرده اولماز. عاشق قارا قاشا كؤیلوم. 🌼🌼 #کاتب_اوغلو #کؤنولدن_دیله 🌼🌼🌼🌼🌼🌼 @dedekatib_katiboglu