ليَطْمَئِنَّ قَلْبُكَ💚🫀

اللهم يا مقلب القلوب، ثبت قلوبنا على دينك. اللهم أعنَّا على ذكرك، وشكرك، وحسن عبادتك. اللهم اجعل القرآن ربيع قلوبنا، ونور صدورنا، وجلاء أحزاننا، وذهاب همومنا. اللهم تب علينا توبةً نصوحًا، واغفر لنا ولوالدينا ولجميع المسلمين. اللهم ارزقنا حسن الخاتمة، واجعل آخر كلامنا من الدنيا: لا إله إلا الله محمد رسول الله.

الله لا يُلهمك الدعاء ليخذلك...🌧️ يقول عمر بن الخطاب: "أنا لا أحمل همّ الإجابة، ولكن أحمل همّ الدعاء". تدري لماذا؟ لأن الله إذا أطلق لسانك بالطلب، فهذا معناه أنه أراد أن يعطيك 🩷 الله لا يفتح باب الطلب ويغلق باب الإجابة في وجه عبدٍ أقبل عليه بصدق فكرة أنك ما زلتي تدعي هي بحد ذاتها علامة حب من الله لك🎀💕.

وعليكم السلام ورحمة الله وبركاته علشان تستمر على عبادات كتير وتداوم عليها فكلف نفسك بحاجه تقدر تعملها يوميا زى مثلا تقرأ صفحه من القرآن يوميا،تصلى ركعتين قيام ليل تصوم اتنين وخميس وهكذا..، واهم العبادات الصلاه على وقتها، ورد القرآن، اذكار الصباح والمساء، قيام الليل، يكون عندك ورد من الاستغفار والتسبيح والصلاه على النبى، ولو 100 مره لكل ذكر او اكتر او اقل على حسب مقدرتك. واهم حاجه تكون عباداتك فى الخفاء متحكيش لحد عنها. اكتب العبادات اللى عايز تعملها فى نوت صغيره وعلم كل يوم على اللى تعمله «كنوع من التشجيع» وادعى كتير ان ربنا يعينك على العبادات ويثبتك عليها 🤍.

هو مفيش مقارنه بينهم لان بشرى حاجه واسنان حاجه تانيه فى طبيعه الشغل وكل حاجه ومفيش تكليف للاتنين بس انا من وجهة نظرى وميولى بشرى افضل، انا عن نفسى مش بحب مجال الاسنان حتى لو كنت جبت اسنان ووقفت معايا عليه مكنتش هدخله لانى مش بحبه، بس انتى لو الاتنين بالنسبالك عادى اعرفى اكتر عن الاتنين اختارى اللى حباه اكتر، ولو بتحبى العمل الجماعى فى المستشفيات اكتر فالبشرى هيوفرلك ده.

حبيبتي وانا كمان بحبك ♥ هى مش راضيه تقول عمدا، علشان ناويه تعملكم فيديو مع اول يوم جامعه وهتحكى عن كل حاجه، فان شاء الله هتعرفوا قريب 🫶🏻 لا اسألى براحتك فى كتير اووى سأل 😅

https://20956420057816.sarhne.com اللى عنده سؤال

من أعظم أسباب الثبات... الإكثار من الصالحات، الإكثار من التلاوة، والذكر، والدعاء، والاستغفار وسائر القربات.. قال ابن القيم : الدين كله استكثار من الطاعات، وأحب الخلق إلى الله أعظمهم استكثارا منها..🩷 وفي الحديث القدسي : "ولا يزال عبدي يتقرب إلي بالنوافل حتى أحبه" 🩷

ورد اليوم العشرين ( سورة النساء) 🔹 الصفحة ٩٦: مشروعية صلاة الخوف في السفر والجهاد وصلاة المسافر. 🔹 الصفحة ٩٧: الأمر بالاستغفار والنهي عن الدفاع عن الخائنين ومكرهم. 🔹 الصفحة ٩٨: النهي عن النجوى إلا بمعروف وإثم مشاقة الرسول وعواقب الشيطان. 🔹 الصفحة ٩٩: وعد الله الحق للمؤمنين وظلم أهل الكتاب لأنفسهم والفتوى في النساء. 🔹 الصفحة ١٠٠: الصلح بين الزوجين والعدل بين النساء وسعة فضل الله وثواب الدارين.

🌿 إزاي أزود وردي وأبدأ ألتزم أكتر؟ أوقات بنكون نفسنا نقرب من ربنا، ونقرأ قرآن أكتر، ونحافظ على الصلاة والسنن، ونقرأ كتب ونطور من نفسنا… لكن بنبدأ بكل حاجة مرة واحدة، فنحس إن الموضوع كبير ونرجع نكسل. الحل؟ ابدا بالقليل، وثبته، وبعدها زوّد بالتدريج. 🤍 ① القرآن لو مش متعودين علي قراءة كل يوم، البداية بصفحتين أو 5 صفحات فقط، المهم يكون ليهم وقت ثابت. مثلاً: بعد الفجر: صفحتين بعد الظهر: صفحتين بعد المغرب: صفحتين أو تقرأ العشر صفحات بعد الفجر وبعد ما تتعودوا عليهم، زوّدو صفحة أو صفحتين كل فترة .. مثلا بعد أسبوع الفكرة مش إن القراءة تبقا كتير يوم وتقطعوا باقي الأسبوع… الفكرة إن القرآن يبقى جزء ثابت من يومك. ② الصلاة أولًا قبل ما تفكر/ي في قيام الليل والسنن والنوافل، اسأل/ي نفسك: هل أنا محافظ/ة على الصلوات الخمس في وقتها؟ ابدئ بالفرض، وحاولوا تخلوا لكل صلاة استعداد خاص بيها، ولما تثبتوا على الفرائض، ابدا أضيف السنن واحدة واحدة. مش لازم تحافظوا على كل السنن من أول يوم. ابدا بسنة واحدة، ولما تثبت معاك/ي زوّدو غيرها. ③ ورد الاستغفار 🤍 خلي للاستغفار معاد ثابت في يومك. مثلاً:🌿 بعد الفجر: 100 مرة ،🌿 أو قبل النوم: 100 مرة وممكن تستغفروا وأنتوا ماشيين، أو بتعملوا حاجة بسيطة، لكن وجود ورد ثابت بيخلي الموضوع أسهل في الاستمرار. ④ الصلاة على النبي ﷺ برضه خلي ليها وقت محدد. مثلاً : بعد الفجر أو قبل النوم، خصصوا وقت للصلاة على النبي ﷺ. ومش مهم البداية بعدد كبير… ابدا بعدد تقدر تلتزم بيه كل يوم، وبعدها زوّدو. ⑤ القراءة وتطوير النفس مش لازم قراءة كتاب كامل في أسبوع. ابدا بـ 5 أو 10 صفحات يوميًا. اختاروا كتابًا نافعًا في: - الدين والسيرة - القرآن والتدبر - تزكية النفس - تطوير العادات - مهاراتك ودراستك وخلوا القراءة في وقت ثابت برضو ، مثلاً قبل النوم او بدل وقت من التصفح على الموبايل. ⑥ اعملوا لنفسكو"مواعيد ثابتة" لما الحاجة يبقى ليها معاد، بتبقى أسهل في الالتزام. مثلاً: - بعد الفجر: قرآن + أذكار - خلال اليوم: المحافظة على الصلوات في وقتها + السنن التي بدأتِ بها - بعد العشاء: قراءة 10 صفحات من الكتب اللي اختارته - قبل النوم: استغفار + صلاة على النبي ﷺ ومش لازم الجدول ده يناسب كل الناس، المهم تعملوا روتين يناسب يومكو أنتوا. وأهم قاعدة: البداية متبقاش بعشرة أهداف مرة واحدة. البداية بـ :قرآن ، فرائض ، استغفار ، قراءة ولما تثبتوا عليهم إن شاءالله، زوّدوا السنن، وزوّدو ورد القرآن، وزوّدو القراءة. ولو يوم فاتكو أو قصرتوا، متقولش / متقوليش خلاص أنا مش نافع/ ة. ارجع/ ي تاني من اليوم اللي بعده. الطريق إلى الله مش سباق مين يعمل أكتر في يوم واحد، لكن مين يستمر ويثبت حتى لو بدأ بالقليل. يمكن بعد شهور تبصوا لنفسكو وتستغربوا: إزاي الحاجات الصغيرة اللي بدأت بيها بقت جزء من يومي؟ 🤍🌿 حاسه اني طولت جدا عليكوا ❤️ السلام عليكم ورحمة الله وبركاته.

وكمان كل الشباب اللى بتكلميهم اعملى بلوك فورا وبدون مقدمات لازم تتخلصى من كل ذنب بيبعدك عن ربنا، هتلاقى راحه نفسيه فى الصلاة والقرب من الله، ومش هتلاقى الصلاه تقيله على قلبك كده بس اعملى اللى بقولك عليه والله كل ده مش محتاج غير خطوه منك اول حاجه صالحى والدك ووالدك وصلى ومتسبيش فرض وبعد كده ابدأى زودى العبادات واحده واحده زى القرآن والاذكار اعملى بلوك لكل الشباب اللى بتكلمهم ابعدى عن مواقع الاباحه وكل ده واى حاجه بتخليكى تسمعى امسحيها ولو عايزانى اتابعك واخد بايدك انا معنديش مشكله ابعتيلى هنا @Doc_tor_em واسفه عن التأخير فى الرد اتمنى تكونى بخير ♥.

متقوليش كده يحبيبتى ان شاء الله كل حاجه هتبقى كويسه اول حاجه روحي صالحى ماماتك واعتذرلها وده ملهوش علاقه بكرامتك او الكلام ده، ده بالعكس هيرفع قدرك عند ربنا وعند اهلك وحسنى علاقتك بيهم تانى حاجه الصلاه، عايزه تبطلى اى ذنب «ان الصلاة تنهى عن الفحشاء والمنكر» يبقى لازم تلتزمى بالصلاه، وكل يوم هاتى المصحف واقرى نص صفحه بس التزمى بيها انتى بس محتاجه تقفى مع نفسك وتراجعى كل ذنب بتعمليه وتعزمى الامر انك تبطليه، لو ذنوبك كانت كتير اوى اوى، وتوبتى توبه خالصه لله هيتمحى كل ده وهيتبدل حسنات. ربنا عز وجل بيقول "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ" يعنى اوى تقنطى من رحمة الله، متخليش الشيطان ينجح معاكى انه يصورلك انك اسوأ بنت وانك هتدخلى النار والكلام ده، ربنا رحيم يحبيبتى اياكى تيأسى من رحمة الله واوعى تعملى حاجه فى نفسك ان شاء الله هتكونى افضل من كده بكتير بس فكرى بعقل ومنطق، هل ربنا هيقفل باب التوبه؟ طبعا لا يبقى تيأسى ليه طالما فى ايديكى تتوبى وربنا هيغفرلك ان شاء الله...

لا مش عقوق طالما كلامك معاهم كان باحترام ومن غير زعيق أو خناق. ومن حقك تعبر عن رأيك عادى، النصيحة بالراحة والنقاش الهادي مش معناها قلة أدب أو عقوق. وكمان النية طيب إنت بتنصح عشان خايف عليهم وعايز الحلال وعلشان الذنوب وكده، وده ثوابه كبير. إزاي تفهمهم بعد كده اختار الوقت الصح، بلاش نصيحة وقت الحفلة والزحمة، اتكلم معاهم في وقت روقان. اقترح عليهم بدائل حلال ومبهجة زي الأناشيد أو الأغاني اللي من غير موسيقى وتفرح الناس. وكمان فهمهم وجهة نظرك و ركز على إنك خايف على بركة الفرح والبيت ومش عايزهم ياخدو ذنوب ويكون كل حاجه بالحلال، مش إنك بتأمرهم أو بتعدل عليهم.

ورد اليوم التاسع عشر 🔹 الصفحة ٩١: الحث على قتال الطاغوت وموقف المنافقين من الموت وتدبر القرآن. 🔹 الصفحة ٩٢: رد الأمور لأولي الأمر والشفاعة الحسنة والسيئة وتحية الإسلام. 🔹 الصفحة ٩٣: موقف المؤمنين من المنافقين وأحكام الموادعة لمن اعتزل القتال. 🔹 الصفحة ٩٤: أحكام القتل الخطأ والدية والكفارة وعقوبة القتل العمد. 🔹 الصفحة ٩٥: التثبت في الجهاد وفضل المجاهدين على القاعدين وأحكام الهجرة. 📌 همسة اليوم: "القرآن رفيق وصاحب، وصاحب القرآن لا يشقى أبداً."

يا رب أسألك بكل ذرة مني أن لا تتخلي عني مهما بدرّ مني فأنا الضعيفة وانت قُلت وقولُك الحق " وخُلِق الإنسانُ ضَعيفا " فسألك بضعفي يا قوي وأسألك بذُلي يا عزيز وأسألك بفقري يا غنيا عني أن تصلح حالي وتعفو عني يا رب أنظر الي هذا الكون فأري لك خلق كثيرون يرجونك وانظر إلي نفسي فلا أري سواك لي سند ويا عون من لا عون له اللهم كن أنت الصاحبُ لي في هذه الحياة ولا تخرجني منها إلا وأنت راضٍ عني يا مؤنسي ويا حبيب قلبي .

ورد اليوم الثامن عشر 🔹 الصفحة ٨٦: النهي عن الرياء والإنفاق بغير إيمان وحال الكفار يوم القيامة. 🔹 الصفحة ٨٧: أحكام الطهارة والتيمم وتحريف أهل الكتاب للكلم عن مواضعه. 🔹 الصفحة ٨٨: لعن أهل الكتاب لإيمانهم بالجبت والطاغوت والأمر بأداء الأمانات. 🔹 الصفحة ٨٩: تحاكم المنافقين للطاغوت وحقيقة الإيمان بالرضا بحكم الرسول. 🔹 الصفحة ٩٠: فضل طاعة الله والأمر بالقتال وبيان أجر من يشتري الآخرة بالدنيا. 📌 همسة اليوم: "كل حرف تقرأه يقرّبك من الله، فلا تفرط في أجر اليوم."

قيام الليل وما أدارك ما قيام الليل...* فكرة الخلوة بالليل بنفسك والناس نايمة من حولك وأنت قائم تصلي وتدعي وتبكي كفيله إنها تصلح لك حياتك( نفسيا ومعنويا وماديا ) قال أحد السلف : ( أتعجب ممن له عند الله حاجه كيف ينام وقت السحر ) يكفيك ربع ساعة اوتلت ساعة فقط من الله تركع لله فيهم . احفظها جيدا : سهام الليل لا تُخطئ الهدف أبداً حتي وان لم تصبه إصابة كاملة. لا تنسوني من الدعاء.