سَنسُون 🦷🎀

❣️❣️❣️❣️❣️❣️❣️❣️❣️

كيف بختار فرشاة الأسنان المناسبة ؟ بدايةً مو كلّ فرشاة أسنان بتناسب الكلّ ، فاختيارها بيفرق كتير بصحة ونظافة أسنانك ✨ طيّب ناعمة ولا قاسية ؟ الناعمة هي الخيار الأفضل لمُعظم النّاس ؛ لأنها بتنظف الأسنان بِلطف وبتكون أكيت على اللثة . أما الفرشاة القاسية فمش معناها تنظيف أقوى أو أفضل ! الضغط فيها ممكن يسبب تهيّج أو تراجع باللثة وتآكل بطبقة المينا مع الوقت ! ! يعني باختصار : ما بدنا نفرشي أسناننا بقوة… بدنا ننظفها بلطف وبطريقة صحيحة . 🫶🏻 - اختار حجم مناسب لفمك رأس الفرشاة الصغير أو المتوسط بيساعدك توصل بسهولة للأسنان الخلفية والأماكن الصعبة 🌝 طيب مين الأفضل 👀 الأفضل هي الفرشاة اللي شعيراتها ناعمة، حجمها مناسب لفمك، وبتقدر تستخدمها براحة وبطريقة صحيحة . 🪥 و أديش فيني أضل أستخدمها ؟ عادةً بننصح بتغيير الفرشاة كل 3 أشهر تقريباً ، قبل إذا شعيراتها صارت مهترئة أو متباعدة . ✨ الخلاصة : ما المُهم تكون الفرشاة غالية أو شكلها مميز … المهم تكون ناعمة ، مناسبة إلك ، وتستخدميها بطريقة صحيحة 💗 و بس 👀🪥

سَنسُون 🦷🎀 pinned «• تعريف بسيط : طب الأسنان هو فرع طبيّ مختص بدراسة الأسنان و النسج المحيطة بها ( الفم كله ) ، مدة دراسته بسوريا خمس سنوات ⬅️ بتتخرج طبيب عام 🖇 فيك تكمّل بعده اختصاص اللي بيكون مدته من ٣ إلى ٥ سنوات . - بندرس فيه علوم تشريحية و فيزيولوجية بالإضافة لتقنيات علاجية…»

في جملة بحب ضيفها كمان : في طب الأسنان أنت طبيب ، بعدين أسنان • شو يعني هالجملة ؟ » يعني أنت دكتور متلك متل أي دكتور تاني يعني مثال : طبيب العظمية ، هو دكتور بشكل عام لكنه ركز على العظام بالخصوص . » طب الأسنان مو بس حط حشوة ، سحب عصب و ركب جسر طب الأسنان هو أعمق من هيك أوكي ، هدول شغلات أساسية في طب الأسنان .. بس كـ طبيب أسنان أنت ممكن تحافظ على حياة مريض ( طبعاً بإذن الله و بقدرته ) و ما ننسى دائماً و أبداً أطباء الأسنان هم صناع الابتسامة ..🦷💚

• تعريف بسيط : طب الأسنان هو فرع طبيّ مختص بدراسة الأسنان و النسج المحيطة بها ( الفم كله ) ، مدة دراسته بسوريا خمس سنوات ⬅️ بتتخرج طبيب عام 🖇 فيك تكمّل بعده اختصاص اللي بيكون مدته من ٣ إلى ٥ سنوات . - بندرس فيه علوم تشريحية و فيزيولوجية بالإضافة لتقنيات علاجية مثل ( حشو الأسنان ، جراحة الفم ، تقويم الأسنان ، زراعة الأسنان ) . - المواد اللّي بندرسها : مواد عامة مشتركة مع الأفرع الطبيّة ( جلدية ، أمراض العين و الأنف ، جنين ، مناعة ، حيوية ، كيمياء عامة ، فيزياء طبية ، عربي ، إنكليزي ، أدوية ، بيولوجيا ، ميكروبيولوحيا . . . ) و مواد اختصاصيّة : - تشريح الفم و الأسنان . - أمراض اللثة . - علم الأشعة للفم . - التركيبات الصناعية ( تعويضات ثابتة ، متحركة ، تقويم .. ) . - جراحة الوجه و الفكين . - وقاية و صحة الفم . • طب الأسنان هو فرع يعتمد على التطبيق العملي و النظري بأول ثلاثة سنوات الطّالب بيشتغل على أسنان اصطناعية ، و بالسّنتين الرابعة و الخامسة بتنتقلوا للمرحلة السريرية اللي بيكونوا بتماس مباشر مع المريض . 🖇 ثانيًا : فرع طب الأسنان بيلزمه صبر ، قدرة على التحمل ، لمسة فنية و إبداعية . - هو فرع مكلف مادياً . - مانه سهل ( ما في و لا فرع سهل كلّه بده شغل ) . - يفضل أنك تتابع خلال دراستك فيديوهات على اليوتيوب و تقوي لغتك الإنكليزية - طب الأسنان بسوريا يدرّس باللغة العربية باستثناء المصطلحات . 🖇 ثالثاً : وين ما فتحت على السوشال ميديا رح تلاقي حدا بيحكي أطباء الأسنان بسوريا كتار و ما منيح و مدري شو . - حابة أحكي كلمة : بالبداية الرزق على الله ، و أكيد الطبيب المجتهد اللي بيشتغل على حاله و بيصنع اسمه ما رح يكون عادي . رابعاً: مستقبله. يا أما تفتح عيادة و العيادة طبعاً مكلفة بس ما حقها كلية يعني بتنجاب 😂 يا أما تختص بسوريا بس معدلك لازم يكون عالي . أو تسافر و تختص برا أو تشتغل برا ، و طبعاً أطباء الأسنان السوريين مطلوبين جدًا ✨

بسم الله نبدأ 💗

Channel photo updated

Channel created