Депутат БУРХОН РАХМАТУЛЛАЕВ.

Vohamiz aholisi va mehmonlarini "Navro‘z" umumxalq bayrami sayllariga taklif etamiz! 📍Surxondaryo viloyatining bu yilgi "Navro‘z" umumxalq bayrami sayllari 10 kun davomida Termiz tumanidagi "Yangi O‘zbekiston" massivi amfiteatr maydonida o‘tkaziladi. 💠Sayllar davomida milliy taomlar ko‘rik-tanlovi, hunarmandchilik ko‘rgazmalari, qishloq xo‘jaligi mahsulotlari yarmarkalari hamda sumalak sayli, milliy sport o‘yinlari – arqon tortish, tosh ko‘tarish, kurash, stol tennisi kabi musobaqalar, dorbozlar chiqishlari va varrak uchirish sayllari tashkil etiladi. Shuningdek, 11-martdan 19-martga qadar soat 10:00 dan 17:00 gacha vohamizning san’atkorlari hamda soat 19:00 dan 21:00 gacha Poytaxtimizdan tashrif buyuradigan taniqli xonandalar ishtirokida konsert dasturlari namoyish etiladi. 📅 Konsert dasturlarida ishtirok etuvchi san’atkorlar: ⚫️11-mart – O‘zbekiston va Qoraqalpog‘iston xalq artisti Mahmud Nomozov va O‘zbekistonda xizmat ko‘rsatgan artist Abdurashid Yo‘ldoshev; ⚫️12-mart – estrada xonandasi Jasur Mavlonov; ⚫️13-mart – estrada xonandasi Sevinch Ismoilova; ⚫️14-mart – O‘zbekiston va Qoraqalpog‘iston xalq artisti Mahmud Nomozov; ⚫️15-mart – O‘zbekistonda xizmat ko‘rsatgan artist Ziyoda; ⚫️16-mart – estrada xonandasi Zarina; ⚫️17-mart – O‘zbekistonda xizmat ko‘rsatgan artist Avazbek Olimov; ⚫️18-mart – estrada xonandasi Hamdam Sobirov; ⚫️19-mart – Navro‘z sayllarining asosiy bayram konserti. Asosiy bayram konsert dasturiga taklifnoma bilan kiriladi. 🏆Shuningdek, 20-mart kuni ushbu amfiteatr maydonida "Surxondaryo viloyati hokimi sovrini" uchun kurash musobaqasi o‘tkaziladi. Barcha vohadoshlarimiz hamda viloyatimiz mehmonlarini sharqona yangi yil – "Navro‘z" umumxalq bayrami sayllariga taklif etamiz. 🇺🇿Termiz shahar hokimligi Axborot xizmati ✅Kanalga ulanish: https://t.me/termizshh Telegram | YouTube | Facebook | Web-site | Twitter | Instagram

🛑 ДЎСТЛИК НИҚОБИДАГИ МОЛИЯВИЙ ҚОТИЛЛАР: ЭҲТИЁТ БЎЛИНГ! Бугунги кунда кўчада чўнтак кесадиган ўғрилардан кўра, "жигарчилик" ниқоби остида номингизга кредит олиб, сизни ботқоққа ботаётган "замонавий фирибгарлар" хавфлироқ бўлиб қолди. ⚠️ Схема қандай ишлайди? Улар келиб, "Ишим юришмаяпти", "Отам бемор", "музлатгич олмоқчиман, фақат менинг номимга кредит чиқмаяпти, сен олиб тур, ўзим тўлайман" деб ичингни куйдиради. Сиз эса "яқин одамимку" деб банкка борасиз, имзо чекасиз ва... тамом! 📉 Натижа нима бўлади? * Пулни у ишлатади, қарзни СИЗ тўлайсиз. Банк учун пулни ким ишлатгани қизиқ эмас, ҳужжатда кимнинг имзоси бўлса, ўша қарздор! * Кафиллик — бу ёрдам эмас, бу СИЗНИНГ қарзингиз! "Шунчаки кафил бўлиб қўй" деган гапга ишониб, ўз молу мулкингизни хавф остига қўйманг. Агар у тўламаса, банк СИЗНИНГ ойлигингизни қирқади, СИЗНИНГ уйингизга келади. * Кредит тарихингиз "куяди". Эртага ўзингизга ҳақиқатдан пул зарур бўлиб қолса, банк сизга эшигини ёпади. Чунки сиз "ишончсиз мижоз"га айланасиз. 🔴 ҚОНУН ҲИС-ТУЙҒУЛАРГА ИШОНМАЙДИ! Судда "Мен яқин дўстимга ишонгандим" деган гап ўтмайди. Қонун олдида сиз ўз ихтиёрингиз билан мажбурият олган ҳисобланасиз. Фирибгар эса "пулим бўлганда бераман" деб йиллаб юраверади, сиз эса судма-суд сарсон бўласиз. 💡 Олтин қоида: * Ҳеч қачон, ҳатто энг яқин одамингиз учун ҳам номингизга кредит олманг. * Ўзингиз тўлай олмайдиган суммага кафил бўлманг. * Кимдир сиздан шуни илтимос қилса, демак у сизни эмас, ўз манфаатини ўйлаяпти. "Йўқ" дейишдан қўрқманг! Дўстлик — бу бирга чой ичиш, оғир кунда далда бўлиш. Лекин бировнинг бўйнига ўз қарзини илиб қўйиш — бу ХИЁНАТ! 🚀 Бу постни яқинларингизга юборинг. Шояд, кимдир навбатдаги тузоқдан омон қолса! @u_generalissimus

Яқин Шарқдаги можаро сабаб 17 Ярим минг нафарга яқин ҳамюртимиз Ватанга қайтарилди Уларнинг асосий қисми Умра зиёратчилари Ўзбекистоннинг Доҳа шаҳридаги элчихонаси Қатар ҳукумати ҳамда Ўзбекистоннинг Саудия Арабистонидаги элчихонаси билан ҳамкорликда 334 нафар ватандошимизни эвакуация қилиш ишларини муваффақиятли амалга оширилган. «Дунё» ахборот агентлигининг хабар беришича, Доҳадан Ар-Риёд шаҳрига йўналган икки колонна автобус қатновлари ташкил этилди. Ар-Риёддан эса фуқаролар махсус репатриация рейслари орқали Тошкентга жўнатилиши режалаштирилган. Аввалроқ Транспорт вазирлиги 7 март соат 07:00 ҳолатига кўра, Ўзбекистонга жами 17 152 нафар фуқаромиз қайтарилганини маълум қилганди. Жумладан: Саудия Арабистонидан – 14 502 нафар; Бирлашган Араб Амирликларидан – 2 356 нафар; Эрондан – 42 нафар; Қатардан – 218 нафар; Баҳрайндан – 27 нафар; Уммондан – 7 нафар. Айни пайтда қайтариш ишлари асосан фуқаролик авиацияси учун ҳаво ҳудуди очиқ бўлиб турган мамлакатлар орқали амалга оширилмоқда. Telegram | Instagram |  You Tube | Facebook | X

Яқин Шарқ минтақасидаги ҳарбий ҳаракатлар боис 28 февралдан 7 март соат 10:00 ҳолатига кўра Мадина ва Жидда аэропортларидан амалга оширилган 63 та рейс орқали 13 543 нафар, Дубайдан эса 9 та рейс билан 1 401 нафар ўзбекистонлик олиб келинди.

Prezident Shavkat Mirziyoyev ishtirokida Xalqaro xotin-qizlar kuniga bag‘ishlangan tantanali tadbir bo‘lib o‘tdi. — С участием Президента Шавката Мирзиёева состоялось торжественное мероприятие по случаю Международного женского дня. Prezident.uz|Facebook|Instagram|YouTube|X

Кучли шамол ва ёғингарчиликлар билан совуқ ва нам ҳаво оқими кириб келмоқда 9–12 март кунлари Ўзбекистон ҳудудига совуқ ва нам ҳаво массалари кириб келиши кутилмоқда. Бу ҳақда гидрометеорология хизмати маълум қилди. Маълум қилинишича, 9–11 март кунлари республика бўйлаб вақт-вақти билан ёғингарчилик кузатилади. Асосан ёмғир ёғиши, айрим жойларда эса у қорга айланиши мумкин. Айрим жойларда ёғингарчилик кучли бўлиши эҳтимоли бор. Шунингдек, айрим ҳудудларда шамол тезлиги 15–20 м/с гача кучайиши, баъзи жойларда эса 22–25 м/с гача етиши мумкин. Синоптиклар маълумотига кўра, 10–12 март кунлари ҳаво ҳарорати сезиларли пасаяди. Республика шимолида кечаси 7–10 даража совуқ, кундузи 0–3 даража совуқ бўлиши кутилмоқда. Қолган ҳудудларда эса 11–12 март кунлари кечаси 0–3 даража совуқ, кундузи 2–5 даража илиқ атрофида бўлади. Telegram | Instagram |  You Tube | Facebook | X

Ўзбекистонликлар бир йилда 24 триллион сўмлик дори сотиб олган Дори-дармон учун 2024 йилга нисбатан қарийб 5 триллион сўм кўпроқ сарфланди Ўзбекистондаги 13 мингдан ортиқ дорихона орқали ўтган йил давомида аҳоли томонидан 24 триллион сўмлик дори воситалари харид қилинган. Бу ҳақида бугун Президент ҳузурида фармацевтика тармоғи масалаларига бағишланган йиғинда маълум қилинган. Қайд этилишича, бундан ташқари, давлат харидлари орқали яна 5 триллион сўмлик фармацевтика маҳсулотлари олинган. 2024 йилда Ўзбекистон аҳолиси 19,7 триллион сўмдан ортиқ маблағни дори воситаларига сарфлаган эди. Бу маблағнинг катта қисми — 15,7 триллион сўмдан кўпроғи импорт дорилар, қолган қисми эса маҳаллий ишлаб чиқарилган препаратлар ҳиссасига тўғри келган. Умуман олганда, мамлакатда дори воситалари ва тиббий буюмлар бозорининг умумий ҳажми тахминан 2,5 миллиард долларга яқинлашган. Telegram |Instagram |  You Tube | Facebook | X

2026 йилда минимал истеъмол харажатлари 715 минг сўм этиб белгиланди Миллий статистика қўмитаси маълум қилишича, 2026 йил учун минимал истеъмол харажатлари бир ойда киши бошига 715 минг сўмни ташкил этди. Хабарда қайд этилишича, бу кўрсаткич 2025 йилдаги инфляция, яъни озиқ-овқат, ноозиқ-овқат маҳсулотлари ва хизматлар нархи ўзгариши ҳисобга олинган ҳолда қайта ҳисоблаб чиқилган. Минимал истеъмол харажатлари кўрсаткичи дунё амалиётида камбағаллик чегарасини белгилашда муҳим мезон ҳисобланади. У орқали: ижтимоий ёрдамга муҳтож аҳоли гуруҳлари аниқланади; камбағаллик даражаси белгиланади; камбағалликни камайтиришга қаратилган дастурлар самарадорлиги баҳоланади; пенсия ва нафақаларнинг энг кам миқдорини белгилашда ҳам асос сифатида фойдаланилади. Ўзбекистонда ҳам мазкур кўрсаткич халқаро тажриба ва махсус ҳисоблаш усуллари асосида шакллантирилади, дейилган қўмита хабарида. Аввалроқ, Маҳалла ва нуронийларни қўллаб-қувватлаш вазирлиги вакили “мутлақ камбағалликни бартараф этиш” деган ибора ҳақида тўхталиб, у “минимал истеъмол харажатлари асосида” баҳоланишини, бу чегара эса 669 минг сўм этиб белгиланганини айтган эди. Telegram |Instagram |  You Tube | Facebook | X

#yangilik 1-martdan boshlab uyda yashamaydigan shaxslarni roʻyxatdan chiqarib yuborish mumkin❗️ Oʻzbekiston Respublikasi Vazirlar Mahkamasining 30.01.2026 yildagi “Oʻzbekiston Respublikasi fuqarolarining yashash joyi manzilini hamda ularga tegishli koʻchmas mulkda yashash joyi boʻyicha roʻyxatdan oʻtgan shaxslar toʻgʻrisidagi maʼlumotni tahrirlash boʻyicha davlat xizmatini koʻrsatishning maʼmuriy reglamentini tasdiqlash haqida”gi 38-son qarori 2-bandiga muvofiq, 2026-yil 1-martdan boshlab Oʻzbekiston Respublikasi fuqarolari yashash joyi manzilini hamda ularga tegishli koʻchmas mulkda yashash joyi boʻyicha roʻyxatdan oʻtgan shaxs (shaxslar) toʻgʻrisidagi maʼlumotni tahrirlash uchun Oʻzbekiston Respublikasi Yagona interaktiv davlat xizmatlari portali (YIDXP) orqali elektron murojaat qilish imkoniyati yaratildi! @u_generalissimus

Эрон давлат телевидениеси 37 йил давомида мамлакатни бошқарган Али Хоманаий вафот этганини расман хабар қилди. Мамлакатда 40 кунлик мотам ва етти кунлик таътил эълон қилинди. Али Хоманаий 1989 йилдан буён Эроннинг олий раҳбари лавозимида фаолият юритди. У 86 ёшда эди. 1979 йилги Исломий инқилобдан буён Эронда атиги икки нафар олий раҳбар бўлган. Бу лавозим жуда катта ваколатларга эга: олий раҳбар давлат бошлиғи ва қуролли кучлар олий қўмондони ҳисобланади. Шу жумладан, у қудратли ҳарбий тузилма – Инқилоб Қўриқчилари Корпуси устидан ҳам назорат қилади. Эрон ОАВларига кўра, ҳужум оқибатида Хоманаийнинг қизи, куёви, набираси ва келини ҳам ҳалок бўлган.

Davlatimiz rahbari Surxondaryoni har tomonlama rivojlantirish uchun yangi imkoniyatlarni belgilab berdi. — Глава нашего государства обозначил новые возможности для всестороннего развития Сурхандарьи. Prezident.uz|Facebook|Instagram|YouTube|X

Prezidentimiz Jarqo‘rg‘on tumanidagi "Yangi O‘zbekiston" massivida yaratilayotgan sharoitlar bilan tanishdi. — Президент нашей страны ознакомился с условиями, создаваемыми на массиве «Янги Узбекистон» в Джаркурганском районе. Prezident.uz|Facebook|Instagram|YouTube|X

Prezidentimiz Surxondaryoga tashrifini Hakim Termiziy majmuasi ziyoratidan boshladi. — Президент нашей страны начал поездку в Сурхандарью с посещения комплекса Хакима Термези. Prezident.uz|Facebook|Instagram|YouTube|X