Sorryyy...

وأَنتَ تخوضُ حروبكَ، فكِّر بغيركَ لا تَنْسَ مَنْ يطلبون السلامْ...

رُبَّ متأخرٍ اعانه الله فسبق تاخر مش شرط يعني الفشل ، اذا شفت روحك روطار متفشلش لانك مسؤول على سعي فقط و مزال عندك وقت كافي ليه حتى كان الكل بداو قبلك ، مي مزلت حي مش نهاية حاول حتى لاخر لحظة ، سعي ياطي لحياتك قيمة اكثر من اي نتيحة و نتيجة على الله عز وجل لمهم انك حاولت و درت قع واش تقدر دير رسول الله صلى الله عليه وسلم قال " الإسلامُ يهدمُ ما كان قبلَه، والتوبةُ تَجبُّ ما كان قبلَها " العبرة بمن صدق و لا بمن سبق ، تاخر لا يعني نهاية ، سيدنا خالد بن الوليد تاخر في اسلامه ، و اسلم في سنة 8 من هجرة و في رسالة اخيه الوليد بن الوليد له قالو فيها فاستدرك يا أخي ما قد فاتك ، و في رحلته التقى عمرو بن العاص قالو اين يا ابا سليمان رد عليه وقالو والله لقد استقام المنسم وإن الرجل لنبي، أذهب والله فأسلم، فحتى متى؟ حقا فحتى متى نبقاو متاخرين خالد بن الوليد استردك و رجع أعظم قائد جيش باسم اسلام ، باذن الله انت ايضا راح تحقق ما تبتغي و توصل فقط اسعى مزلت حي مزال عندك وقت تحاول ، ابقى غير تحاول نسبة نجاح قليلة وكل ما تحاول اكثر ترفعها اكثر ، الفشل مش نهاية بل بداية جديدة اقرب لنجاح ، ميهمش نتيجة لمهم انت حاولت و درت قع واش تقدر ، ابدا من هذي لحظة متخليش وقت يضيع كثر كل انسان عندو هدف اسعى لهدفك و دايما استعين بالله عز وجل في اي امر مهما يكون بسيط فكرة عظيمة انك تستعين بالله في ابسط امور ، هو تقدير لكل نعمة لديك و شكر الله على كل فعل قدرت ديرو مثلا فتح الباب امر مكاش ابسط منو استعين بالله على فعله و تفكر دايما انو لا حركة ولا سكون لا باذن الله قال تعالى " لئن شكرتم لأزيدنكم " و الاستعانة من شكر و تبجيل دليل على ضعفك كان انسان واهن و دليل على عظمة الخالق الاحد وعدم قدرتك على فعل اي امر دونه ، و جزاء شاكرين عظيم و نتيجة اي امر بيد الله حتى لوكان سعيك بسيط او متاخر جدا لمهم انك سعيت و حاولت ، جزاء سعي مش دايما نتيجة و سعي بحد ذاته عليه اجر ، تاجر لانك حاولت فقط و هدفنا الاعظم الجنة مش اي هدف دنيوي اخر و اتخذ اي امر سبيل ليها خطط لحياتك و فكر في مستقبلك حاول تشوف نفسك اين انت في مستقبل و اسعى و اترك الباقي على الله عز وجل و اتفكر دايما انو الخير فيما اختاره الله و اتقبل امر نتيجة بقلب شاكر دون عقل مفكر ، القدر اعظم من ادراكنا البشري عمرنا ما نقدرو نفهموه بعقلنا البسيط و تفكير في نتيجة راح يتعبك فقط و شوف اي فشل درس راح يخليك اقرب لنجاح عيش حياتك بكل تفاصيلها مهما تكون افرح اضحك العب و اسعى و توكل باذن الله راح تشوف جزاء ما عملت ربي يوفقنا كلنا و ما تلومش نفسك على نتيجة ليست بيدك حاول تشوفها خير لك دون تفكير واعي و هذا هو تسليم لله و استسلام لما كتبهو لك اساس دينا مجرد اضغاث افكار كتبتها قبل ما نروح نخدم على اغلب راح ندير بوست مجدول يتنشر وقت عمل قليلو افكاركم حول الموضوع نفرح كي نتشاركو الافكار كي نخرج فليل نقراهم و اضرب طلة في قناة ربما تلقى شي مناسب لك متنساش دير فولو و تبرطاجي @dineahmed055 جعت...

لطالما كنت انسان دون هدف او اي شغف نحب كلش و عندي فضول بكلش جربت بزاف امور مي عمري ما حسيت انو شي منهم حاب نبقى نديرو للابد بطبعي منحبش نكون جامد نحب ندير اكثر من شي و نجرب كل شي رغم ذلك دايما يقولك مستحيل تحقق شي عظيم دون شغف الجميع يحكو على شغف مي اغلب ناس عندهم خلط بينو و بين الموهبة و الاهتمام ، يعجبك موضوع ما بمجرد انك اطلعت عليه و تفرجت شوي لريلز حولو هذا يسموه اهتمام ، بكل بساطة موضوع جذبك و حسيت بفضول حولو و اذا هذاك اهتمام بقى معاك فترة كثر و بديت تجرب الموضوع ذاك راح يولي هواية الهواية انك تمارس امر بلا ما يكون مفروض عليك ، عفسة تفرح انك ديرها فقط دون تعصب ولا التزام ديرها تع قوسطو و خلاص ، في مرحلة ما اذا طال الامر تلقا هذيك الهواية مسيطرة على تفكيرك طول الوقت مش وقت الفراغ فقط و تعمقت فيها اكثر في هذي مرحلة مبروك مجرد هواية ولات شغف الاهتمام رجع هواية ومن ثم الى شغف مي مشكل كي يرجع شغف عمل ، اغلب لي يقولك اتبع شغف هوما اشخاص بالفعل ناجحين وهنا تصرا مغالطة الاحتكام لسلطة ( لزم ندير بوست قع على المغالطات المنطقية ) فقط لانه ناجح تعتبرو انه على حق رغم انو تجربة شخص مستحيل تنطبق على الجميع جملة اتبع شغفك غير واقعية من اساس لانو شغف غير ثابت يتغير عبر ضروف و الزمان و المكان و صعب جدا باش تلقاه تقدر حتى انك متلقاهش قع ، عدد كبير من ناس دون شغف ومن اسباب هذا نظام تعليمي كما حكينا البارح منهج ميطيناش فرصة اننا نجربو اشياء تنسبنا اكثر عادي انو يكون عندك اهتمام في اكثر من مجال مي صعب جدا باش تحدد شغفك من بينهم و حتى كان تلقاه راح تواجه مشكلة لانو على اغلب راح يكون في مجال ابداعي الكتابة تمثيل رسم و غيرها في مجتمعنا هذو مجالات غير تقليدية سوق عمل فيها اصعب بكثير من اي مجال تقليدي اقل من 10% من رسامين المحترفين لي يعتمدو على رسم كا مصدر دخل اساسي 5% بنسبة للكتاب و الموسيقى 10% صناعة المحتوى اقل من 5% و بنسبة لي تمثيل 2% فقط من ممثلين المحترفين لي ميحتاجوش وضيفة جانبية باش يعيشو ، هذو كلهم يوما ما كانت عندهم قناعة انو موضوع سهل و بمجرد سعي راح يوصلو و يعيشو حياة احلامهم هذي هيا الفكرة لي تم طرحها في انترنت عقلنا يشوف الاقلية و يرتك اغلبية لي منجحتش فكرة اتباع شغف ولات مجرد وهم تقدر تحب شي مي مش شرط تكون جيد جدا فيه العالم قاسي مهوش راح يراعيك ، و المشكل اكبر بمجرد ما شغف يولي عمل يولي فيه التزام و ضغط وفجأة تفقد اهتمامك بيه حتى ستريمر لي كان حلمو يبقى يلعب في مرحلة ما يتعب منهم و يفقد متعة لعب لانو صار عمل و يولي يحوس على شي اخر ينفس بيه على روحو ، هذي هيا اكبر مشكلة في تحول شغف لعمل عفسة لي كنت تهرب ليها وليت تبحث كيف تهرب منها عقلية شغف اغلب وقت تكون وهمية معلومات سطحية دون اي تعمق في المجال او تجريب ، هذي معلومات سطحية تتخلط مع ضغط المجتمع و احساسك بعدم رضى من عملك الحالي و انه مش مكانك و شوي بهارات من تحفيز عبر انترنت تخليك تحوس على مكان جديد تحسو مناسب و في نهاية راح تلقى روحك تحس بنفس عدم رضى وبلاك كثر ، ربما بسبب العائد المادي القليل بما انك جديد في مجال و مزلت تتعلم ولا من شغف بحد ذاته لانه من اساس كان مجرد اهتمام الوظيفة مش وسيلة لاكتشاف نفسك هيا لي تبنيها بدل الحب و شغف نحتاج اتقان و مهارة اكثر ناس يحبو عملهم مش شغوفين بيه بل هوما المحترفين الي دايما يحوسو يطورو نفسهم رغم انه دخلو عمل من لول لانه مفروض عليهم مي بمجرد اتقان ولا يحب العمل و يرجع العمل شغف مش العكس فكرة اتبع شغف كسولة بشكل كبير لانه تتخطى كل مرحلة تدريب و الاتقان و اي شي متعب ، ندير عفسة نحبها مقبل و لي مدة انا نخدم فيها و كلش راح يكون تمام مي على اغلب فكرة مهيش راح توكل عيش جيم كولينز طرح فكرة جميلة جدا في كتابو "من جيد الى عظيم" قالك اذا حاب تنجح اطرح 3 اسئلة ، واش هيا عفسة لي نقدر نكون فيها احسن شخص في عالم ، واش عفسة لي نقدر نديرها و دخلي دراهم ، واش اكثر شي انا شغوف فيه ، الجواب لي يتقاطع بينهم هو شي لي يحققلك راحة و رخاء ابدع جرب واش حاب ، اتوكل و اسعى ، ربي يوفقك لما تحب ، كون حر مدام تحقق مطلوب منك ، مش شرط تكون احسن شخص في عالم في مجال لتحبو لمهم انك تحاول توصل للاحسن حاول يكون عملك ايجابي و يخلي اثر مكاش وصفة سحرية لكن لو تجمع شغف مع اتقان و عمل جاد راح تكون سعيد من هذي ناحية بارطاجي القناة عندك و في كل مكان و نط اقرا لبوست لي فاتو ربما يكونو ذا فائدة و متنساش تقولي رايك في كلش و تطرح افكارك في كومنت @dineahmed055 اتبع شغفك و مهارتك و المال كلهم في نفس الوقت...

#قصصكم سلام عليكم ليوم رح نحكيلكم حكاية كانت حزينة شوية بدات في سنة 2022نوفمبر وين كنت دخلت نقرا سنة الباكالوريا كنت بزاف فرحانة لانو اقتربت من تحقيق حلمي وبما انني ممتازة وكنت اولى مع بداية عام وماهي إلا ايام حتى حبست قرايتي معرفتش وش صرالي من هذاك الوقت حتى الان معرفتش وش صرا حبست دراستي مريت بزاف ظروف قاسية بكيت بزاف 💔😭💔 تحديت ظروف كنت نقرا ونبكي وعندي امل انو يجي يوم ونشوف نور وننجح بعد عامين عاودت باك ليبر كانت كل ظروف تقول مستحيل تنجحي مستحيل تديه قريت آخر شهر مشي بزاف وديتو فرحت بزاف لانو تحديت لكن مكتملتش فرحة موصلتش لوين حابة لكن حمد الله بزااااف لعلها بداية نجاحي ونرجع ممتازة كيما كنت وهذا عام اني نعاود ادعولي نوصل وين حابة العبرة :‏كُلُّ الصّعابِ بلطفِ اللهِ هيّنة طمئن فُؤادَكَ لَا حزنٌ ولا قلَقُ مهما وش صرالك مهما واش فوت من آلام واحزان رح تفرج هيا ابتلاءات ربي يختبر صبرنا في نهاية يعوضنا حتى نقولو هذا كله يارب لي متيأسوش رح يأتي فرج والله خلو يقين بالله عالي خليك أنت والله فقط مراحش يخليك مراحش يخذلك (عندي يقين رح يجي يوم ونعاود نحكيلكم ونقلكم وصلت لحلمي هذا ما اتمنى) #في أمان الله

هدف المدرسة الاساسي تبدل و لزم نظام يتغير (طلعوني رئيس نبدلو) مي خلينا نكونو واقعين وضعنا في دزاير مختلف شوي و دراسة قادر تحطك في موقف افضل مقصديش من بوسط اني نقول متقراش حبيت نفهمك انو مش هذاك اسلوب تفكير لي لزم تعتمدو فقط لانه فرض عليك في دزاير لزم تقرا هذا ميعنيش انك ما راح تحقق والو كان متقراش هيا مام لي قرا ما راح يحقق والو بالقراية بحد ذاتها الفرد هو لي يحدد نجاحو ، مي تقدر تقول لي قرا عندو خطة احتياطة اضافية لاسوء احتمالات ، لمهم بارطاجي البوست في كل مكان و اضرب طلة في قناة @dineahmed055 و قبل ما تروحو قلولي رايكم في الموضوع و رايكم في كلامي و واش هو صواب بنسبة ليكم...

تعليم كان موجود منذ الازل مي شكلو اختلف بزاف مكانش عبارة على نظام موحد و امتحانات صارمة تعليم كان عبارة على نقاش بحث و تجربة مدفوع بغريزة البشر الفضولية تحول الكبير صرا في روسيا كي الزم الملك فريدرك كل طفل بذهاب للمدرسة يتعلم قراءة الكتابة و دين و منها الفكرة بدات تنتقل حول العالم وصلت لاوروبا مع ثورة صناعية في قرن 18 ، كانت دراسة في فرنسا اداة توحيد لغة و تزرع الهوية القومية في كل طفل ، بينما في امريكا كانت وسيلة لضبط المهجرين جدد و غرس القيم الامريكية و في المقابل في بريطانيا المصانع كانت تحتاج عدد اكبر من العمال منضبطين و ملتزمين بالوقت و يسمعو الاوامر و هنا بدات فكرة المدرسة بشكلها الحالي عبارة على مصنع مصغر ، الحكومات اهتمت لهذا نمذوج مش لانشاء عمال فقط بل شفتها اداة لبناء المواطن نموذجي يعرف يقرا و يكتب يحفظ و يطبق و عنده هوية وطنية هدف اولي للمدرسة كان بناء جيل متعلم مي في مرحلة ما رجع مشروع اجتماعي اكثر من انه مشروع تنموي للفرد ، كان الهدف توحيد القيم و خلق انضباط ، نفس لغة ، نفس الهوية نفس القيم كل هذا كان على حساب تنوع الفردي ، تعليم رفع نسبة القراءة و كتابة بشكل كبير جدا و في المقابل قتل الفضول و ولا العلم مجرد مواد للحفظ ، مدرسة تطلب الانظباط و طبيعة البشر تحوس على اكتشاف دراسة ولات عملية حفظ عشوائية دون فهم ، المنهج يقدم مجموعة معلومات تحتاج تتفكرها حتى يفوت اختبار وخلاص دون حاجة للاستعاب ، هذا نمط من اساس يركز على ذاكرة قصيرة مدى مخك يتبرمج انه لا حاجة لتلك معلومات بعد اختبار كيف نقدرو نعتبرو هذا تعليم من اساس تعليم لحقيقي يركز على فهم استعاب و تطوير المهارات و تعزيز الابداع ، الاجيال الجديدة غير قادرة على ربط افكار بشكل غير اعتيادي و الخروج بحلول ابداعية ، مام يطيح في مشكل واقعي تقريبا مستحيل يحلو بنفسو تلقاه يبحث على حل منهجي ، عقلنا بطبعو كسول علاه يحوس على حل ابداعي اذا وفرولو حل منهجي ، مشكل راح يولي يخدم بهذي عقلية في كلش ، قادر طيح في مواقف وين متقدرش تلقى حل منهجي و تحتاج تبدع و على اغلب راح يكون امر صعب جدا علينا قع لاننا كبرنا بهذاك اسلوب من تفكير تقدر تكون عبقري في اختبار منهجي مي مستحيل تلقى حل ابداعي حل خارج صندوق ، المدارس بدلت طريقة تفكير اجيال كاملة صنعت جيل يقدر يحفظ بشكل مجنون مي يواجه صعوبة في ابداع صح مدرسة مش سبب الوحيد لذا تغير مي تبقى حقيقة انها من احد اكثر الاسباب الله عز وجل خلقنا مختلفين و الاختلاف جميل مي هذا نظام يغفل على انو لكل طالب قدراتو الخاصة و كل فرد اسلوبه في تفكير مي منهج تعليمي يعاملهم قع بنفس شكل ، نفس اسلوب ، نفس الوقت و نفس اختبار رغم انو كل انسان يفكر بطريقة مختلفة تماما عن غيره طلاب تفكير تحليلي يستفادو اكثر كي يكونو في مكان مرتب و منظم اكثر و في مقابل طلاب تفكير الحدسي فيستفادو من البيئة مرنة ، مدرسة رجعت مجرد روتين يتكرر يدخل في نمط ممل تبدا تحاول تهرب منه رغم طبيعتنا البشرية الفضولية لي تحب تعلم بشكل فطري قتلو كل حوفزنا لتعليم و زرعو فينا فكرة انو الخطا مرفوض تماما مش يعتبر فرصة لتعلم ، رغم انه كان اساس كل اكتشاف ، ضغط نفسي لي يديرو الخوف من خطا وحدو يخليك تكرها و المقارنة تخليك في موقف اسوء مش نحكي على اهلك يقارنوك ولا استاذ ، تصنيف و تنقيط يفرض عليك مقارنة دون ادراك بينك بين نفسك راح تخليك في ضغط يجب انك تكون الاول ، نجاح رجع مربوط بنقاط مش بتعلم عكس ما كان المدرسة ولات مصنع للخوف بدل انه تكون مصنع للفضول ، الخوف من انك تعاود الخوف من المقارنة الخوف من تخيب الامل شخص لي يعيش خايف من فشل عمرو ما يقدر يحقق شي عظيم ، اساس نجاح تجربة و الفشل ، لعبة شطرنج فيها احتمالات لحركات غير متناهية مثلها مثل الحياة اي حركة تنتج مليار احتمال قادر يصرا بعدها و طريقة الوحيدة باش تحسن لعبك في شطرنج هيا مرجعتك لهزيمتك اذا مخسرتش مكش راح تتطور قع رغم انو كل العالم عارف سلبيات نظام الحالي للمدارس مي اين تغير واش الحل بزاف اقترحو حلول مثل تعليم ذاتي و تكنولوجيا فتحت باب كبير لهذا ، تقدر تتعلم باسلوب يناسبك اكثر ، كاين مدارس فكرو في اسلوب اكتشاف شغف على انه حل ، يخلو الفرد يجرب اكثر مي شي و يطولو فرصة انه يتكشف ما يحب تعليم مش لزم يكون مجرد اختبار هو رحلة كاملة تعلمنا كيف نواجهو الحياة كيف نتاقلمو و نبدعو مش رحلة حفظ و جمود فقط ، فيلاند من اول دول الي راهي تحاول تحقق تغير نظامهم تعليمي يعلم من اجل الحياة مش من اجل اختبار و طلابهم تصدرو في اغلب المجالات على المستوى العالمي رغم انهم يقراو اقل دون اختبارت صارمة و منهجهم اقصر @dineahmed055

اذا مريت بتجربة او تمر بيها في هذي المرحلة تجربة مرض تجربة صعبة تحدي كبير حتى لو تبانلك بسيطة ، اكتبها في كونت و اذا مش حاب كومنت هاهو رابط صارحني http://t.me/SY8Bot?start=1R0GSSGGSb حبيت نسمع ، نسمع قصتك لاني اعتقد انها اعظم من انها تنسى ويجب ان تسرد مش ليا فقط للكل ، اكتبها بكل تفصيلها ادي كل وقتك في الكتابة راح نقراها حرف بحرف لاخر حرف و ننشرها في قناة لعلها تكون اثر...

بطل ام شرير ؟ ملك الجليد من وقت مغامرة تجسيد حرفي لضياع العطفي ، في بداية بان كاي شرير نمطي تافه و مزعج و غريب مي مع تقدم احداث و رجعو للماضي راح نكتشف انه من اعظم شخصيات الكرتونية كتابتا انفاعله و جميع تصرفاته لي توحي انه شرير مكانتش نابعة من شر من اساس ، هو مجرد شخص تائه في فقدان الذاكرة ، شخص يحاول يلقى دفء الي مش قادر يتفكر من اين يحصل عليه اصلا مأساة الحقيقية لشخصة هيا تضحيته بذاته (سايمون) مقابل القوة باش ينقذ فتاة صغيرة تاج صح طاه القوة لنجاة في عالم مدمر مي خسر نفسه هنا هو جوهر الامر ، كيف يقدر الانسان يبقى انسانا اذا فقد كل ذكرياته كل ما تعلم و كل قيمه في الحياة ، سايمون كان موجود حقا ؟ أفعالو الشريرة هي محاولة يائسة لملء ثقب في روحه ميعرفش اصلا منين جا في ذاته و بشكل غريزي هو يبحث على اميرته (بيتي) لي معندوش قدرة انه يتفكرها ولا اين هيا علذيك كان يخطف الاميرات صور الكاتب ابتلاع الوسيلة للغاية ( موضوع لزم نحكي عليه وحدو ) بشكل جميل جدا ، غاية ملك جلد من ارتداء تاج كانت مجرد نجاة و حماية مارسلين مي مع الوقت وسيلة ولات هيا الغاية بحد ذاته رجع ميقدرش ينزع تاج اصلا بزاف بشر في الواقع كيفو عالقين في سجن الغاية دراسة العمل و بزاف امور هم مجرد وسائل مي في مرحلة ما يولو هوما الغاية دون هدف يولي انسان دون هوية حقيقية عالق في متاهة لا متناهية عبارة على انبيسي كل يوم يقوم بنفس امر مي مهوش عارف علاه يدير فيه اصلا يخدم غير باش يخدم ملك الجليد ضحى تضحية صامتا دون ان يدرك انه البطل كانت بطولة نبيلة دون اي مقابل او تقدير دون اي غرور ضحى بذاته كلها الانسان اذا فقد ذكرياته لم يصبح هو بعد الان نفس جسد حمل شخصيا سايمون مطلع المثقف و ملك الجليد تافه طفولي حياة سايمون و ملك جليد كانت عبارة على سلسلة متتالية من الفشل و معاناة انهار كلش بنسبة ليه تمدر العالمه و تاج دا عقلو و في نهاية لقى روحو فارغ دون هوية ولا ذكريات يلحق حنين مش عارف واش يعمرو ، نتيجة كل ذلك كانت شخص مرتبك عاطفين يبحث على صدقات لكن بطريقة خطا منعرف لاه جاني في بالي و حبيت نكتب عليه مي صح اعتقد انه شخصية عظيمة و ضحية للبطولة ، برطاجي منشور و خلاص مام معجبكش برطاج و نط للقناة تلقى حاجات اجمل @dineahmed055 ذوك واش رايك شرير ولا بطل...

اي عفسة في الحياة مهما تكون خير ولا شر مهما تكون بمعنى الكلمة اي احساس تشوفو عيان ولا مليح اي شي مام يسبب ضرر هيا عفسة مليحة فقط تحتاج تكون في مكانها المناسب متحتاجش تفرق بين صواب و خطا هذا مبدا تربينا عليه وحنا صغار لانه بسيط عقلنا صغير يقدر يتعلمو بسرعة و يفهمو و يطبقو بشكل مباشر مي ذوك كبرنا يليق تميز وكتا صواب يكون صواب و خطا وكتا يكون خطا بسك مرات مام صواب يكون خطأ...

⁣💌 وصلتك رسالة جديدة ⏱ وقت الرسالة: 2025/12/26 - 08:16:49 PM ---- أهلا أحمد .. عساك تكون بخير وصحتك بخير .. في الآونة الأخيرة انتشر فيديو لفتاة تقول أنو الرجل لازم يكون أحسن منها في كل المجالات .. أنا أوافقها الرأي ، ان شاء الله ربي يرزقني بشخص مستواه أحسن…

⁣💌 وصلتك رسالة جديدة ⏱ وقت الرسالة: 2025/12/26 - 08:16:49 PM ---- أهلا أحمد .. عساك تكون بخير وصحتك بخير .. في الآونة الأخيرة انتشر فيديو لفتاة تقول أنو الرجل لازم يكون أحسن منها في كل المجالات .. أنا أوافقها الرأي ، ان شاء الله ربي يرزقني بشخص مستواه أحسن من مستواي ويكون طموح وداعم لي في كل خطوة ( هذا هو السبب لي خلاني نوافقها في الرأي ، مشي باه نتفاخر بزوجي لانو مستواه عالي ويخلص غايا ولا .. ) المهم أنت وش رأيك في هاته الفكرة ، صراحة شفت بزاف و ملتزمات مشي موافقينها .. نتمنى تشاركنا رأيك 🤍 ---- - تبرع لإستمرار عمل بوت صارحني 🎁

فكرة برك باش تستوعبو سرعة ضوء شحال سريعة اذا قلنا سرعة صوت هيا واحد ماخ سرعة ضوء هيا 880الف ماخ و سرعة رصاصة عيار 47 تع Ak توصل تقريبا 2 ماخ برك على فكرة كان يتيرو عليك بمسدس عادي سرعة رصاصة تعو تكون حوالي 1.6 ماخ تموت قبل ما تسمع صوت رصاصة توصل اسرع من صوتها ليك و اسرع شي خدموه البشر هو مصبار ناسا لي وصلت سرعتو 560 ماخ و طائرة الحربية امريكية توصل ل 10 ماخ و رغم سرعة ضوء رهيبة يستغرق 8 دقايق باش يوصل من شمس للارض و هذا مجرد جزء صغير من كون العظيم لي خلقه الله عز وجل من عظم هذا الكون انو اغلب نجوم لي في ليل و رغم سرعة ضوء رهيبة من طول المدة لي يستغرقها ضوء نجم باش يوصل للارض اغلب تلك نجوم يكونو ماتو و انداثرو رغم انو اعمار نجوم تبلغ من 3 ملاين سنة حتى لالف مليار سنة عقلنا محدود لدرجة ميقدرش يتصور هذا حجم حنا مجرد جزء من ذرة في هذا الكون العملاق كل ما تشوف نجوم في سماء اتفكر انك راك تشوف مجرد صورة للماضي عندها حوالي 50الف سنة او اكثر...

عمرو بن عبد العزيز كتب رسالة لعدي قالو اجمع اياس بن معاوية و القاسم بن ربيعة و اياس هذا شخص يقولو عليه انه اذكى رجل مر على العرب كان ذكي لدرجة لا توصف عرب بكري كي يحبو يوصفو شخص بذكاء يقولو عندك ذكاء اياس كما في بيت شعري لأبي تمام يمدح فيه الخليفة المعتصم قال ، إقدامُ عَمْرٍو في سَماحةِ حَاتِمٍ .. في حِلمِ أحنَفَ في ذَكاءِ إِيَاسِ ، جمع فيه كل العرب لي كانو مشهورين في صفة حسنة و هذا البيت عندو قصة جميلة جدا ثان لمهم جمعهم باش يعرض علي واحد فيهم القضاء على البصرة ايا جمعهم و قللهم واش قالو امير الامؤمنين ايا اياس حب يتجنب المنصب ايا قالو سقسي فقيهي البصرة لي هوما ابن سيرين و الحسن البصري حبو يسقسيهم لانو القاسم كان يروح ليهم بزاف و يعرفوه عكس اياس لي ميعرفوهش مليح و بطبيعة الحال اي شخص تخيرو بين زوج راح ينصحك بلي يعرفو مليح ايا القاسم ستوعب الفكرة تع اياس من اقتراح و مام هو مكانش حاب يرجع حاكم ايا قالو لا تسأل عنه ولا عنى، فا والله الذى لا إله إلا هو إن إياس بن معاوية أفقه منى وأعلم بالقضاء ، وإن كنت كاذبًا فما يحل لك أن تولينى، وإن كنت صادقًا فينبغى لك أن تقبل قولى ، رد اياس بسرعة و قالو إنك جئت برجل أوقفته على شفير جهنم فنجَّى نفسه منها بيمين كاذبة يستغفر الله منها وينجو مما يخاف، يقصد بكلامو انه كذب كي قال بلي انو اياس اذكى منو و بعد كذبو راح يستغفر و يكون تجنب واش مش حاب و هنا عدي رد رد جميل ايضا قال لاياس اما و اذ فهمتها فانت لها ، كشغل قالو بما انك فهمت انه يكذب غير باش يتجنب الحكم يعني انت اجدر منه بالقضاء و الجاحظ قال في إياس "إياس من مفاخر مضر ومن مقدمى القضاة، كان صادق الحدس، نقابا، عجيب الفراسة، ملهما وجيها عند الخلفاء" و قصة اخرى عن اياس مرة شاف راجل و قال انه معلم يحوس على عبد هربلو و يسكن في واسط ايا صحابو جاتهم بيزار كيف يعرف كل ذو تفاصيل بمجرد ما شافو راحو سقساو و خرج واش قللهم صح قلولو كيف عرفت قللهم شفتو يمشي ويلتفت عرفتو انو غريب على منطقة و شاف في ملابسو تراب احمر من واسط و اذا عقب عليه طفل يسلم عليه و يطول في كلام معاه و ما يلسمش على كبار عرف انه معلم و شافو يشوف غير في اشخاص مغطين و اماكن لي تقدر تتخبى فيهم عرف انه يحوس على عبد هارب و مرة ارسل ابن هبيرة في طلب اياس في عمل كي وصل ابن هبيرة سقساه قالو تقرا قرآن قالو ايه قالو تفرض الفرائض قالو ايه قالو اتعرف من ايام العرب قالو نعم قالو اتعرف من ايام العجم قال انا بها اعلم قالو حبيت نستعين بيك ايا اياس حب يتجب العمل ايضا قالو اني لا اصلح كي سقساه علاه قال لأني عييّ وأنا دميم وإني حديد و دميم هو شخص الغير جميل و الحديد يقصد بيها طبعو حاد و عيي هو شخص لي ميعرفش يهدر مع ناس ميعرفش يعبر ( كما انا ) لمهم ابن هبيرة رد عليه قالو أما الحدّة فإن السوط يقوّمك وأما الدمامة فإني لا أريد أن أحاسن بك ( كشغل قالو اصلا انا منيش جاي نوري لناس جمالك ) وأما العيّ فقد عثرت على ما أريد وإن كنت عند نفسك عييا فذاك أجدر ، قالو كشغل راني نشوفك تهدر عادي وهذا يكفيني و اذا تشوف روحك متعرفش هذا احسن و مرة قلولو انك تعجل في القضاء قال اياس كم لكفك من اصبع رد عليه و قال خمسة قالو اياس هاك عجلت في جواب قالو لم يعجّل من استيقن علما قالو هذا حوابي مجرد قصة حبيت نحكيها لشخص عزيز عليا و مكانتش عندي نت قررت نكتبها في نوت و بما اني كتبتها نحطها و خلاص ربما تعجب حد لمهم اذا عجبتكم برطاجو و انظمو للقناة @dineahmed055 نحبكم 🫂...

من جميل مرة على مرة انك دير امور مملة ، هذيك امور لي ما تحتاج منك والو غير صبر ، ديرها دون اي مشتت غير نت مع روحك ، تدي امر بروية تخرج من ذيك الوتيرة سريعة للعالم تخلي الوقت يفوت بلا اي تفكير في ماضي او المستقبل تعيش حاضرك بكل هدوء تحس بكل دقيقة و هيا تفوت تفكر في جمال هذا عالم و طبيعته بلا ما تخمم واش راح دير بعدها تعيش كل لحظة بدقة ثم تفهم قيمة الحياة كم انها تفاهة ، ثم تدرك انك لطالما كنت تجري دون سبب منطقي فقط لانهم خلاوك تحس انك لزم تجري مي خلف واش ؟ دنيا في كل الحالات راح تخلاص ، واش راح يفوتك الوقت ؟ في قع الحالات راح يفوت ، حاول تعيشها بكل لحظة جميلة حزينة سعيدة لطيفة قاسية عيشها كلها ربما مش راح تتعاود استمتع ابكي اضحك افرح مدام مديرش عفسة حرام دير واش راك حاب في نهاية و في كل الحالات راح تخلاص...

اجمل عفسة يتعلمها الانسان في حياتو هيا شكر الله على كل امر مهما يكون بسيط صحتك رزقك و كل نعمة عندك و كل ابتلاء و بلاء ربما عفسة بنسبة ليك تكون بسيطة جدا كاين غيرك موصلش وين يتمناها اصلا بسك كاين الف حاجة ابسط منها معندوش و يحتاجها ابسط مثال القدرة تعنا على تنفس اغلب الوقت منكنوش مستوعبنها اصلا ، و في مقابل كاين ناس في انعاش و مربطوين بمليار جهاز باش يتنعمو بهذي نعمة لي حنا ندروها بشكل تلقائي بلا ادراك و متنساش ان كل نعمة نقمة و كل نقمة نعمة الله عز وجل حكيم ربما امر انت تشوفو ابتلاء و هو نعمة ومنه خير عظيم ليك تبقى كل يوم تتمناه يزول بينما يليق تحمد الله عليه الله عز وجل يقدر يغني كل ناس بكل بساطة يقدر يشفي كل مريض و ينصر كل ضعيف مي كل امر منه حكمة اعظم من اننا نفهموها كا بشر هذا هو دور ايمان منحتجوش نفهمو باش نامنو ،ذاك المرض يرفعك درجة في جنة و هذاك الفقر يبعدك على نار حتى فرعون لوكان مكانش عندو ذاك الملك مكانش راح يدعي ربوبية ، هنا هذاك الخير كان ليه نعمة ولا نقمة ، هذاك كان قرارو وقيس على ذلك في اي امر في حياتك و يبقى القرار ليك ، نعمة ام نقمة ومش كلش سطحي كما تتوقع...

كنت نتفرج فيديو ل مارك روبر قال جملة على تجربته في عمل في ناسا على مسبار نزل على المريخ قال - 7 سنوات من حياتي و مهنتي تتلخص في حوال 7 دقايق - وقع جملة كان غريب عليا نوعا ما رغم انها منطقة جدا هذي هيا الحياة مناش راحو نشوفو نتيجة تع جهد تعنا في وقت نفسو للمحاولة لزم نصبرو و نديرو قع واش نقدر مدام رانا قادرين في نهاية راح نوصلو لمرحلة وين ما نقدرو نديرو والو يخرج امر علي يدنا نولو نراقبو و نستناو نتيجة برك ، نتيجة واش درنا طول ذاك الوقت ربما عام و ربما عامين و قادر يوصل ل15 و 20 سنة ربما راح ينجح و ربما لا شكون يدري لمهم نت درت قع واش عليك و ربي راه عارف بكل تعبك بكل صبر صبرتو و كل جهد حطيتو و راح تدي اجر على كل ذلك ، - وَأَن لَّيْسَ لِلإِنسَانِ إِلاَّ مَا سَعَى, وَأَنَّ سَعْيَهُ سَوْفَ يُرَى - اما نتيجة تبقى على الله عز وجل مهما تكون لزم نفرحو مش لاننا نجحنا ولا فشلنا نفرحو لاننا درنا قع واش علينا و قع واش نقدرو و كل امر من الله فيه خير مهما يكون ربما حنا مناش راح نشوفوه ولا نعرفه مي لزم نكونو كلنا يقين انو كاين هذا الخير و الله ارحم بينا من نفسنا و كل من حولنا ربي يوفق كل شخص يسعى و ان شاء الله نتيحة تكون كما حابها ولا احسن و باذن الله كل ما فيه خير ليك راح يجيك... قناتي : @dineahmed055 ادعو لفلسطيننا قبل ما تفوتو...

انا احمد عمري ما حسيتو يعبر عليا باي شكل من الاشكال عمري ما عرفت شكون هذا احمد ولا شكون انا كيف نقدر نعرف نفسي بيه و مش انا خترتو حتى ، علاه البشر يحبوه و يفتخرو بيه رغم انو حدد قبل ما تولد - اسم شخص بالنسبة له ، هو اعذب صوت في اي لغة _ البارح شخص عزيز عليا قالي مرات نحس أسماء ميتولموش مع شخص فكرة صح غريبة علاه نحسو بيها ، بنسبة ليا اسم مفهوم غير منطقي عفسة مش ملكنا اصلا مش حنا خيرناه ولا درناها نلقاو نفسنا نحبوه و ننزعجو كي يسخرو منو و هذا ابسط مثال لتملك عشت مع اسمك وقت الكافي باش يولي مالوف ليك لدرجة رجعت تحسو صح انو تعك اسم يقدر يعبر على جنسك اصلك و مرات حتى دينك مجرد كلمة او صوت يقدر يحمل اكثر من معلومة عنك كا شخص في بعض احيان اسم شخص يكون اعمق من مجرد كلمة ياثر علي حياة شخص بشكل كامل ، كاين تاثير اسمه تاثير حرف الاسم وين انسان يولي عندو تقبل اكثر للحروف لي في اسمو يقدر يخير قرارات كبيرة في حياتو على اساس حروف فقط بلا ما يحس اصلا مرات اسم يحمل مشاعر عمقية مش مجرد صوت ، يعتمد امر على شخص لي يقولو و اي شخصية منك يقصد بذلك الاسم نبرة صوت و طريقة تقدر تاثر عليه تخليك تفرح تحزن تخاف ولا تحس بلحنين مي واش راح يكون احساسك اذا اعتبرت ان اسمك لا يعبر عنك ربما شخص اخر كي يقولك اسمك مش مناسب ليك راح تفرح لانه شاركك نفس احساس و فهمك بصح صح يهم واش اسمك ؟ واش لي يخلي اسم ملكك من اساس الفة ولا استجابة ناس له و ربما امر انت خيرتو في اسطير كاين فكرة الاسم الحقيقي يقولو لكل انسان اسم خفي يعبر عنه بحق ، الاسم هو اول مكان نتعلم منه الفخر الخجل و نفهمو تهميش ربما عمرنا ما فكرنا في امر مي يبقى واقع صح غريب بنسبة ليا انا منحسش انو اسم احمد مش مناسب ليا نحس اني مش احمد اصلا احمد شخص منفصل عني و انا بلا اسم لا احد وفقط مجرد منشور عشوائي نط للقناة تلقى اكثر @dineahmed055 متنساوش دعاء لاهلنا بفلسطين...

هل فعلا هناك من يهتم طفل قبل ما يولد حتى يصير محور تركيز قع ناس يهتمو له و يسقسو عليه و بمجرد ما يولد يولي محور الكون ملخر يبقى مراقب كل وقت قليل جدا وين يبقى وحدو و هذا الحرص يبقى حتى لعمر كبير نوعا ما 15 سنة رغم انو ينقص بصح يبقى بعض تركيز عليك مي بمجرد ما تكبر شوي اكثر و تخرج لدنيا يرجع واحد ما يهتم ربما مرة في عام شخص يسقسي عليك و هذي حكاية قع دير تاثير اسمو تاثير نقطة ضوء تولي تعتبر هذاك عدم اهتمام احساس كاذب و تضخم اهتمام ناس لك تولي تحس قع راهم يعسو فيك كما كنت صغير واش لابس كيف تمشي كيفاه تهدر و مخك كل شوي يخترع موقف و يبقى يكبر فيه مي في الواقع واحد ما يهتم حط نفسك مكانهم وكتا اخر مرة تفكرت بلي صاحبك قبل 5 ايام مكانش لابس شباب مكش متفكر واش كان لابس اصلا ولا اخر شخص عشوائي شفتو يطيح فطريق تقريبا مستحيل تتفكر علاه في مقابل تتوقع انو ناس قع راح يتفكرو واش درت نت ملخر مكاش لي يهتم كل واحد لاتي بروحو نت تخمم كيفاه راه يشوف فيك ولا واش راه يفكر اتجاهك مي هو مهوش قع سمع بيك راه يخمم في بيتزا لي مكملهاش البارح و نت داير حكاية عملاقة داخل مخك بلا فايدة طاي موقف كثر من حقو و تبقى تخمم فيه اصلا نت واش تكون باش يبقاو يخمو فيك ناس ركز على واش يهمك انت و خليك من تخمام ناس هوما بعد. 10 دقايق راح ينساو انك كاين اصلا و نت تعب في عقلك . كي متبقاش تخمم في رايهم راح تلقى فورص اكثر في الحياة تولي متحشمش تجرب حاجات جديدة ولا تغلط متحشمش تسقسي ولا تطلب معروف حاول تجرب امور جديدة حاول تحط نفسك في مواقف محرجة و مع الوقت صح راح تعرف انو واحد ما يهتم دير في بالك واحد ما راه متفكر اذا كنت في يومو اصلا دير واش راك حاب دير و جرب مدام مكش دير عفسة حرام عمرك ما تحشم كاين ناس يغيرو افكارهم و اهدافهم و اسلوب حياتهم كامل بسك خايفين من راي ناس وتخمم اذا كي يشوفوك راح يهدرو عليك و مام يهدرو و منبعد . واحد ما رايح يتفكرك اصلا واحد ما يهتم ليك لاه تهتم ليهم ونت ما رابح والو اذا عجبك منشور متنساش تبرطاجي و اضرب طلة في القناة تلقى احسن @dineahmed055 متنساوش دعاء لاهلنا بفلسطين و اختنا اخلاص بشفاء...

إن رؤية موب يبتسم في النهاية كانت لحظةً تحمل من الجمال ما يعجز الوصف عن الإحاطة به موب، هذه الشخصية التي ألهمتنا جميعًا لنبحث عن أفضل نسخة منا . موب مكانش مجرد شخصية عبثية كان يحمل من العمق ما لا يوصف و تطور شخصية اسطورى بكل معنى الكلمة ، قدر يقدّم لنا درس عظيم في التغيير والنضوج موب رغم انه كان بطل القصة و بعيد على قوته الخارقة كان مجرد شخصية عادية او كما يعبر اسمه "شخصية ثانوية" عبر بيه الكاتب على كل شخص منا ، كان قادر يجسد مشاعر البشر عبره من صراع نفسي . تقبل ذات لسعي نحو الافضل و على الرغم من امتلاكه لقوة مرعبة . محبش يعتمد عليها حب يطور من ذاته الحقيقية ، شفنا فيه روح تكافح لتصبح إنسانًا أفضل . شخصً يحاول ان يجد ذاته الحقيقية . و تقبّله لقوته كجزء لا يتجزا منه خلاه يلقى ذاته الكاملة . ستوعب ان إنكارها أو كبتها من اجل الغير ليس السبيل لتحقيق السلام الداخلي. في النهاية، تقبّل موب نفسه بكل ما فيها من قوة وضعف . و سعى بكل جدا باش يحسن من كل ضعف وأيقن أن امتلاك الموهبة أو القدرة لا يجعل المرء مميزا بل جوهر التميّز يكمن في محاولتنا المستمرة لنصبح أفضل و في تقبل كل عيوبنا التي تجعلنا بشرا بحق تطور موب طول المواسم الثلاثة جسد رغبة البشر في تحسن على اكمل وجه و قدم جرعة تحفيزية للمشاهد ، شفنا ذاك طفل الخجول المنطوي على نفسه . لذي لا يستطيع التعبير عن مشاعره أو الجري لمسافات طويلة . يتحول تدريجيًا إلى إنسانٍ أفضل، قادرٍ على التأثير في من حوله و تقبل ذاته في نهاية رجع انسان احسن رغم عدم تحقيقه لرغباته بعد كل ذلك تعب ، كان يستحق مكافأة على شجاعته و محولته فقط ، و رغم كل شيء في نهاية استمر في سعي لتحسن نفسه لم يرضَ بالاعتماد على قوته الخارقة . بل سعى ليكون مجرد انسان عادي . شخص يقدر يعتمد على ذاته . رجع يقدر يجري لمسافات اطول بقوته الجسدية فقط . يعبر عن مشاعره بكل شجاعة . و الأهم مواجهته لمخاوفه و تقبله لجانب المظلم منه واختتمت تلك رحلة الجميلة لي خلات اثر في كل مشاهد بابتسامة سلام مشرقة . تحمل فيها كل معاني الرضا و منيش شاك كاين نهاية احسن من تلك ، كان من أعظم الأعمال التي مرّت علي ، نقدر نقارنو بكل بساطة بأعمال عظيمة كما فيلاند او فيقابوند و ربما من الجانب الواقعي لتطور شخصية كان اعظم منه بكثر وان كاتب عظيم بحق كتب شخصية بسيطة باسلوب رسم فريد مش مميز او مبهر رسم بسيط جدا مش شخصية مبهرجة برسم جذاب مثل غوجو و غيريه و رغم ذلك قدم شخصية يقدر يحبها اي مشاهد من مشاعره من رغبته نحو تطور و من ذاته بلا حاجة لاي امر مميز حبيت نكتب منشور باسلوب مختلف شوي . واش رايكم ؟ كان مجرد منشور يصف تجربة مشاهد في عيش حياة شخصية . شخصية تركت اثر كبير بي و وصلتني لاحمد لي راني عليه لحين . و ليس موب فقط من ترك ذلك اثر ، قصص من خيال مرات تقدر تغير الواقع قناتي : @dineahmed055 متنساوش دعاء لاهلنا بفلسطين و اختنا اخلاص بشفاء العاجل...

هاتو كاش بيت شعري يعجبكم