🌷

خل علاقتك بالله هي الثابت اللي ترجع له كل مرة واعرف إن اللي كُتب لك ما راح يفوتك واللي ما كُتب لك ما راح تقدر تمسكه مهما حاولت اذا ربي رزقك بشيء أشكره واحمد الله واذا تأخر لعله خيره واذا راح منك شيء لا تتوقع ان الحياة بتنتهي بيجي العوض بعده

لا تنتظر مدحهم عشان تعرف قيمتك ولا تخلي انتقادهم يهز ثقتك بنفسك مو كل شخص مدحك يعني إنه عرف قيمتك ومو كل شخص انتقدك يعني إنه عرف حقيقتك والناس بطبيعتها تتغير ممكن شخص اليوم يكون قريب منك وبكرة تفرقكم الظروف .. ممكن علاقة كنت تظن إنها بتستمر سنين وتنتهي وممكن شخص ما توقعت وجوده يصير من أجمل الأشخاص في حياتك وهذا كله طبيعي جدًا المهم إنك ما تربط حياتك ببقاء أحد ولا تربط وناستك بحضور أحد

وفيه ناس يعيشون حياتهم وهم شايلين مواقف قديمة في قلوبهم موقف صار قبل سنة ، كلمة قالها شخص قبل أشهر، شخص ما وقف معهم ، شخص خذلهم… وكل ما تذكروا الموقف رجعوا يعيشون نفس الشعور من جديد وهنا اسأل نفسك: إلى متى؟ الشخص اللي أذاك يمكن نسي الموقف أصلًا وأنت للحين تدفع ثمنه من راحتك عشان كذا تعلّم إنك تترك بعض الأشياء تمشي سامح إذا قدرت، تجاوز إذا ما قدرت تسامح، وحط حدودك إذا احتجت… لكن لا تعطي موقف واحد له القدرة إنه يفسد عليك حياتك كلها! لك حق فيها

شيء لو تعلمناه صح، ممكن يغيّر طريقة تفكيرنا، وطريقة تعاملنا مع الناس، وحتى علاقتنا بالمواقف اللي تصير لنا واهو عند " سعة النفس " بالمختصر ليه بتكلم عنه لأن الحياة ما راح تمشي دائمًا مثل ما نبي والناس مو دايم بيقولون الكلام اللي نبي نسمعه ولا بيتصرفون بالطريقة اللي نتوقعها أحيانًا إحنا اللي نتعب أنفسنا مو لأن الحياة صعبه لكن لأننا نعطي كل شيء أكبر من حجمه كلمة تضايقنا ونقعد نفكر فيها يومين موقف بسيط ونبني عليه قصة كاملة شخص تأخر علينا ونبدأ نفسر أسوء ظروف! لكن ممكن الحقيقة كل هذا أبسط بكثيييييير من كل هالتفسيرات وعشان ندخل بموضوعنا سعة النفس مو إنك ما تزعل ولا إنك تسمح لأحد يتجاوز عليك سعة النفس إنك تعرف وش يستحق منك وقفة ؛بمقابل وش يستحق منك تجاوز لأن مو كل شيء يصير حولك لازم يدخل داخلك

فكروا فيها… الإنسان ما يكبر بعمره فقط يكبر بوعيه وفهمه ونظرته للأشياء فـ طوّروا عقولكم لأن طريقة تفكيركم هي اللي بتحدد كيف تعيشون مستقبلكم

تذكر إنك ما خُلقت عشان تقضي حياتك تثبت للناس إنك تستحق أنت لك قيمة قبل ما يصفق لك أحد وقبل ما يعترف فيك أحد لا تخلي نظرة شخص لك تهز نظرتك لنفسك ولا تسمح لأحد يقلل منك بحجة المزح أو العفوية لأن الإنسان إذا عرف قدر نفسه ما ينتظر أحد يذكره فيه وإذا كنت في مكان تحس إنك دايم تحاول تثبت نفسك فيه أو بين أشخاص ما يشوفون قيمتك إلا لما تحتاج منهم شيء تذكر إنك مو مجبور تبقى في مكان يقلل منك أحيانًا الانسحاب مو ضعف أحيانًا هو احترام لنفسك ومعرفة بقدرك لأنك ما تستحق تعيش طول الوقت وأنت تحاول تقنع أحد بقيمتك لا تخاف من ترك شيء ما يناسبك الحياة أوسع من شخص وأكبر من موقف وربك اللي خلقك يعرف مكانتك ويعرف وش يناسبك مو لازم تفهم كل اللي يصير حولك مو لازم تعرف ليه تأخر الشيء اللي تتمناه يكفي إنك تعرف إن رحمة الله تحاوطك حتى في الأوقات اللي ما عندك فيها إجابات يمكن اليوم ما تفهم السبب لكن بكرة بتعرف إن الله كان يدبر لك بطريقة أجمل مما كنت تتخيل

لا الفرص ما تنتهي إلا إذا استسلمت أما وأنت حي فكل يوم ممكن يكون بداية جديدة أنت تعبد الواسع الوهاب الكريم فـ وش اللي يخليك تيأس اسع وتوكل عليه وبتشوف كيف يفتح لك من حيث ما تحتسب

اهلا أول شيء ألف ألف مبروك للي انقبلوا الله يبارك لكم ويكتب لكم التوفيق ويجعلها بداية خير وسنين مليانة تحقيقات الي تبونها وللي ما انقبلوا أو ما جاهم القبول اللي كانوا يتمنونه باقي فرص الترقيات وفرص الاضافية تنتهي نهاية سبتمبر يعني فيه أمل ان شاء الله مع الدعاء ❤️‍🩹 لا تخلون هالنتيجة تقنعكم إنكم انتهيتوا أو إن مستقبلكم وقف هنا ترى اللي راح خلاص راح والزعل ما بيغير النتيجة ولا بيرجع الوقت قدر الله وما شاء فعل إنت سويت اللي عليك واجتهدت وحاولت والباقي كله بيد الله وربك أرحم فيك من نفسك وأعلم وين الخير لك يمكن الباب اللي انقفل اليوم كان بيصرف عنك شيء ما فيه خير لك ويمكن الطريق اللي تتمناه مو هو الطريق اللي بيحقق لك مستقبلك وربي يدخر لك باب أحسن وأوسع وأجمل لا تقارن نفسك بأحد كل شخص له رزقه ووقته وطريقه واللي كتبه الله لك بيجيك ولو تأخر واللي مو مكتوب لك ما كان بيصير حتى لو اجتمع له كل شيء إذا ضاق صدرك رح لربك وفضفض له هو اللي يجبر الخاطر ويبدل الضيق راحة والحزن فرحة ولا تنسون إن الفرص ما وقفت على قبول واحد لسه فيه فرص ثانية وأبواب كثيرة بإذن الله بتنفتح لكم ثقوا بالله ولا تستعجلون الأرزاق كم شخص تأخر ثم وصل لمكان ما كان يتخيله وكم شخص انكسر بشيء وكان هو بداية أجمل مرحلة في حياته خلوا يقينكم بالله أكبر من أي نتيجة وأحسنوا الظن فيه دائمًا لأن الله إذا منع شيء أعطى خيرًا منه وإذا أخّر شيء جاء به في الوقت اللي فيه الخير كله وإذا احتجتم أي شيء أنا موجوده معكم في قروب او بالخاص عندي @Fay949

إذا حسيت نفسك خايف من شيء أو شايل هم المستقبل تذكر هالكلام قدرك بيجيك ولو كان بين جبلين والي كتبه الله لك بيجيك في وقته حتى لو كانت كل الأسباب تقول مستحيل والي ما كتبه الله لك ما راح تناله مهما تعبت وركضت له ف ليه تحمل هم شيء ربي تكفّل فيه ! تطمن وأحسن ظنك بالله ترى تدبيره خير من تدبيرك واختياره لك خير من اختيارك لنفسك خلك مرتاح وخل يقينك بالله أكبر من خوفك

إذا خرب جوالك أول مكان تروح له هو الصيانة لأنك تعرف إنهم أدرى بإصلاحه منك وإذا ضاع منك الطريق تفتح الخرائط أو تسأل شخص يعرف المكان لأنك تثق إنه بيدلك على الطريق الصحيح وإذا تعطلت سيارتك توديها للورشة لأنك متأكد إن عندهم الخبرة في إصلاحها طيب إذا ضاقت بك الدنيا ؟ وخفت واحترت ليش أول شيء تعتمد عليه هو قلقك وتفكيرك وتنسى تلجأ إلى الله؟ إحنا بطبيعتنا نرجع لأهل الخبرة في كل شيء فكيف ننسى نرجع إلى الله وهو خالقنا وأعلم بما ينفعنا وأرحم بنا من أنفسنا وبيده تدبير كل أمر في هذا الكون مهما كان اللي يشغلك كبير فهو على الله هيّن ومهما تشابكت عليك الأمور فهو سبحانه يعلم مخرجها قبل أن تبدأ يمكن ما تلقى عند الناس كل الإجابات لكن عند الله ما يضيع سؤال ولا دعوة فضفض له قبل ما تفضفض للناس وادعه قبل ما تستسلم لأفكارك وتوكل عليه قبل ما تتعلق بالأسباب لأن اللي خلق قلبك هو الأعلم بما يطمّنه واللي كتب رزقك هو الأقدر على أن ييسر لك أمرك فإذا ضاقت بك الدنيا لا تجعل أول وجهتك القلق اجعل أول وجهتك الله ثم خذ بالأسباب وأنت مطمئن أن ما عند الله خير وأبقى

صباح الخير تفائلوا بكل اموركم لان بعدين تجيك رحمة ربك وتتيسر كل الأمور الصعبة والمعقدة ولا يغرك صعوبة الظروف ولا شوك الطريق اللي تمشي فيه تذكر دايم إن سيدنا يوسف كان يحسب السجن هو نهايته وقدره ! بس ربي رفعه وخلاه عزيز مصر وسيدنا موسى كان يشوف البحر قدامه سد مستحيل يعبره بس ربي شق له البحر وخلاه طريق لنجاته وحتى سيدنا أيوب كان يمر ببلاء طويل ويحس إنه ما راح يخلص فربنا بدّله بصحة وعافية وراحة بال عشان كذا لا تصدق عقلك وتفكيرك لما يجلس يعطيك لك سيناريوهات تخوفك لأن تدبير وتيسير ربك فوق كل ظنونك وتوقعاتك وترا خيالك مو هو قدرك وأحياناً مخك يصور لك أسوأ السيناريوهات بس من باب الدفاع عشان يحميك لكن ترا كل هالأفكار مو حقيقة مجرد أوهام وتوقعات مالها دخل بالواقع الضيق والتعب اللي تمر فيه الحين؟ يمكن يكون مجرد مرحلة صعبة وبوابة لشيء عظيم ينتظرك مثل يوسف عليه السلام ما وصل لمكانته العالية إلا بعد ما مر بظلمة السجن والأبواب اللي تنقفل بوجهك الحين مو معناها النهاية تذكر موسى لما وقف قدام البحر وكان يبان إنه خلاص ما في مفر بس دايم ربي عنده طريق ثالث أنت ما تشوفه ولا تتوقعه يفتحه لك من حيث لا تحتسب توكل على رب المعجزات اللي ما يعجزه شيء سبحانه وبتتيسر امورك

لكل شخص هالرسالة مكتوبه لك والله لو بينك وبين الشيء اللي تمناه جبال وهضاب ولو تسكرت بوجهك كل البيبان وتقطعت بك الحبال لـ يفتحها ربي لك من حيث ما تحتسب بيجيبها لك في وقت هو يعلمه وقت ينسيك كل ضيقة ومغثة عشتها بالانتظار وتزين أيامك عقبها وتصفى لك وتنسى التعب كله فلا تستعجل على رزقك ولا يضيق صدرك إن تاخرت الأمور ترا ربك يدبرها لك بالخفاء وبحكمة عظيمة ما تخطر ببالك جالس يزين لك أزين الأقدار وأثمن العطايا لين يجي الوقت المناسب ويدهشك بكرمه وفضله ويمسح على قلبك وتنسى كل ضيقة مرت عليك كأنك ما حزنت يوم اهدا وتطمن تماما ترا اللي كاتبه الله لك ما راح يخطيك والله ما يحول بينك وبين رزقك ومقسومك أحد من خلقه لو تكاتفت الخلايق كلها واجتمعوا على أنهم يمنعون عنك خير كاتبه الله لك ما حركوا ساكن ولا قدروا يمنعونه عنك أبدا

كُلُّ شَيْءٍ يَجْرِي بِقَدَرٍ مَكْتُوبٍ وَكُلُّ أَمْرٍ عِنْدَ اللهِ بِمِقْدَار فَلَا تَحْزَنْ عَلَى مَا مضى وَلَا تُرْهِقْ قَلْبَكَ بِانْتِظَارِ مَا لَمْ يَأْتِ فَمَا كَانَ مِنْ نَصِيبِكَ سَيَبْلُغُكَ وَلَوْ حَالَتْ دُونَهُ المَسَافَاتُ وَمَا لَمْ يُكْتَبْ لَكَ فَلَنْ تَنَالَهُ وَلَوِ اجْتَمَعَتْ لَهُ الأَسْبَابُ

إياك أن تيأس في أمرٍ تعسّرت عليك أسبابه، وربك الله

اذا تبي شيء رح له بإرادتك ولا تنتظر الحظ يجيك

اليوم بتكلم عن موضوع يمكن البعض مؤمن فيه، ويمكن البعض لا شيء اسمه "الحظ" هل فعلًا الحظ موجود؟ ولا هو مجرد كلمة تعودنا نقولها؟ خلوني أضرب لكم مثال لما نشوف شخص وصل لمنصب كبير، كثير ناس يقولون: "ما شاء الله، حظه حلو " ولما نشوف شخص عمره ٣٥ سنة ولسه ما حصل وظيفة، يقولون: "واضح إن الحظ مو معه" بس إذا وقفنا شوي ورجعنا للواقع... هل فعلًا الحظ هو السبب؟ أنا أشوف إن الحظ لا يجيب ولا يودي، وكثير من الناس يستخدمونه كعذر يخفف عليهم صدمة الواقع أو يبررون فيه ليش شيء ما صار لهم لكن الحقيقة إن اللي يوصلك غالبًا هو إرادتك، وسعيك، ورغبتك إنك تكمل... مو حظك لأن لو السالفة مجرد حظ، كان ما شفنا ناس تسهر الليالي، وتتعب، وتدرس، وتحاول مرة ومرتين وعشر لين توصل الشخص اللي أخذ منصب كبير، غالبًا وراه سنين تعب، وتعلم، ومحاولات، وتضحيات إحنا ما شفنا إلا النتيجة، لكن ما شفنا الطريق اللي مشى فيه عشان يوصل لها عشان كذا، لا تنسب كل نجاح للحظ، لأنك كذا تختصر سنين من التعب بكلمة من حرفين ! و الشخص اللي عمره ٣٥ سنة وما انقبل بأي وظيفة أول شيء ينقال: "حظه مو معه" طيب... هل فعلًا المشكلة بالحظ؟ إذا هو شخص قادر يشتغل فالفرص ما هي محصورة بوظيفة وحدة فيه مليون فرصة يقدر يبدأ فيها ويمكن ما تكون نفس الوظيفة اللي كان يتمناها، لكنها تفتح له باب، وتكسبه خبرة، وتوصله لشيء أكبر لكن أحيانًا الشخص يقرر إنه ينتظر الوظيفة اللي في باله ويرفض غيرها وهذا قراره، مو سوء حظه لأن الحظ ما هو اللي منعك تقدم ولا الحظ هو اللي منعك تطور نفسك ولا الحظ هو اللي خلاك توقف وتحط يدك على خدك وتنتظر فيه أشياء فعلًا خارج إرادتنا، لكن فيه أشياء كثيرة نملك القرار فيها

تدرون أن الخسارة ما هي فشل الفشل الحقيقي مو إنك تحاول وما تنجح الفشل الحقيقي إنك تقتنع إن محاولة وحدة تحدد نهايتك ترى الحياة ما عمرها كانت خط مستقيم يوم لك ويوم عليك وفي كل طريق فيه تعثرات وفيه أبواب تنقفل وفيه أشياء ما تمشي مثل ما كنت تتمنى ! لكن اللي يفرق بين الناس مو عدد مرات خسارتهم اللي يفرق هو مين قام وكمل، ومين استسلم من أول عثرة لا تربط قيمتك بنتيجة ولا تحكم على مستقبلك من موقف واحد ونتيجة وحدة كم شخص فشل مرة ومرتين وعشر، وبعدين صار في مكان ما كان يتخيله ومنصب عالي ولو وقف من أول خسارة كان ضيّع كل شيء يمكن اللي تعتبره اليوم خسارة هو الشي اللي بيغيّر حياتك للأفضل بكرة وربك إذا أغلق باب فهو يعلم ليش أغلقه وإذا أخّر عنك شيء فلحكمة وخير يمكن ما تشوفه الآن لا تعطِ الخسارة أكبر من حجمها ولا تعطِ الفشل فرصة يسكن بعقلك تعلّم، وابدأ من جديد لأن النهاية الحقيقية مو يوم تخسر النهاية الحقيقية يوم تقرر توقف دام فيك نفس ترى فيه فرص ودام ربك حيّ لا يموت فلا تفقد الأمل

لا حول ولا قوة إلا بالله العلي العظيم انتقل إلى رحمة الله أحد أقاربي ووالدته نسأل الله أن يرحمهما رحمةً واسعة ويغفر لهما ويعفو عنهما ويجعل قبرهما روضةً من رياض الجنة ويجمعهما بمن يحبون في الفردوس الأعلى دعواتكم لهما بالرحمة والمغفرة

لا حول ولا قوة إلا بالله العلي العظيم انتقل إلى رحمة الله أحد أقاربي ووالدته نسأل الله أن يرحمهما رحمةً واسعة ويغفر لهما ويعفو عنهما ويجعل قبرهما روضةً من رياض الجنة ويجمعهما بمن يحبون في الفردوس الأعلى دعواتكم لهما بالرحمة والمغفرة

صباح الخير إذا درجتك ما كانت مثل اللي تمنيتها لا تخليها تقنعك إن كل شيء انتهى لأن الحقيقة إن اللي انتهى هو الاختبار فقط ! أما فرصك ؟ ومستقبلك ؟ ورزقك؟ فما زالت بيد الله تذكروا إن الزعل ما راح يغير النتيجة لكن الرضا بيخفف عليك ويخليك تكمل طريقك ارض بما كتبه الله لأن ربي ما يختار لعبده إلا الخير حتى لو ما بان لنا من أول لحظة دامك اجتهدت وسويت اللي عليك لا تندم تعبك محفوظ عند رب العالمين وما يضيع عند الله شيء ويمكن هذي الدرجة تكون سبب يفتح لك باب ما كنت تتوقعه أو يوجهك لمكان فيه خير أكبر لك لا تربط مستقبلك برقم ولا توقف أحلامك عشان نتيجة ! النجاح مو اختبار واحد النجاح إنك تقوم بعد كل عثرة وتكمل وتثق إن الله إذا أغلق باب فتح لك أبواب خير أكثر احمدوا لله على كل حال وثقوا بالله وأكثروا من الدعاء وأحسنوا الظن بربكم وبإذن الله بتجون يوم تتذكرون هاللحظة وتقولون الحمد لله أن الله اختار لنا اللي اختاره