صيدلي ما بعد التخرج ✌🏻

مرحبا عيني شخباركم شنو الاسئلة الي تحبون طرحها من الاشياء الي دا تسألون عنها وهي العمل بصيدلية المستشفى شلون نحصل فرص العمل داخل مستشفى اهلي ؟ الجواب وبكل بساطة تعمل سيفي مرتب واحترافي تكتب بيه كل المهارات اماكن العمل السابق شهادات دورات اماكن التدريب تروح ع المستشفى بنفسك وتقدمه للرسبشن بعدها هم يتواصلون وياك اذا قبلوا ويحددون مرعد مقابلة نجي لطبيعة العمل صراحة ساعات العمل جدا طويلة تختلف من مستشفى لاخرى الرواتب حسب الساعات تكون ومتفاوتة لكن اعتبرها اماكن محترمة تطور من شخصيتك وعلميتك

اكو بيكم مخلين عليهم تواجد وادارة وتسعير و اعلام للصيدلية وكل الاعمال حتى عمل مساعد الصيدلي همة ماخذينه يا ريت تكونون ماخذين حقكم من صاحب الصيدلية مو شغل ببلاش لا تسمحون لاحد يخلي عليكم مسوؤليات اكثر من طاقتكم الي يسألون عن ادارة الصيدلية لازم انت تكون مسوؤل عن النقوصات شنو عليه سحب وينقص من الصيدلية تسجله وتطلبه الاكسبايرات انت الي تطلعها ع الاقل كل شهر ين تسوي جولة ع الرفوف تطلع الاكسباير المواد الي ما تمشي اواكسبايرها قريب تسويلها استرجاع بوقت وصول الطلبية من تجي طلبية تكعد تراجع الاكسبايرات مالتها لان هواي دا تجي ادوية قريبة وتنتهي انت مهمتك تراجع الطلبية احسب عددالايتمات الموجودة بالقائمة شوف البونصات احسب كلشي مرات يصير نقص بالعدد مرات التبريد ينسوه ما يوصلونه وي الطلبية واجبك تسجيل كل الاشياء الي يطلبوها المراجعين وتوفيرها صرف ادوية بديلة في حال عدم توفر نفس الشركة عدا المزمن لا تبدل بكيفك والكثير سنعرفه لاحقا 🤍

الوصفة لازم جديدة ما تعدى تاريخها شهر مرات الاطباء يكتبون تكرر لمدة كذا انتبهوا للتاريخ الوصفة الاستنساخ لا تصرفوها لكن اذا وصفة جديدة ويحتاجها المريض عادي انتم استنسخوها وخلوها يمكم

شباب بالنسبة الي يسالون عن سجل المؤثرات العقلية تتسجل بيه كل الادوية المخدرة والتابعة لسستم النفسية هنا يكون فهرست تسجلون الادوية الي بالصيدلية ومن تجي وصفة تضيفوها بالقسم الثاني من الصرف اليومي وتخلون الوصفة بالصفحة نفسها اي دوا تصرفونه تسحبون الوصفة يمكم

مهتمك الوحيدة تسال صاحب الصيدلية عن نظام تسعيرهم وتعرف شلون يحسبون وقبل لا تورط نفسك تكلفهم ان يتخذون نظام معين ويسعرون كل الادوية لان التسعير مو وظيفتك

الدولة هم ما مقصرة هالايام جاي تشتغل ع موضوع التسعير وتقريبا اغلب الادوية عليها ستكر خاصة المزمن وسعر العلاج اسفل الستكر

احنا صيدليتنا تستخدم نظام الحاسبة والباركود تخلي العلاج يطلع الك السعر بدون تعب

انت هنا راح تعرف الاسعار من خلال النسبة لحساب سعر البيع مع الربح، نستخدم الصيغة: سعر البيع = سعر التكلفة + (سعر التكلفة × نسبة الربح) - سعر التكلفة = 10,000 دينار - نسبة الربح = 30% = 0.30 سعر البيع = 10,000 + (10,000 × 0.30) = 10,000 + 3,000 = 13,000 دينار سعر البيع مع الربح 30% يصبح 13,000 دينار

مثلا صيدلية تعتمد نظام التسعير على باكيت الدواء صيدلية لخ تعتمد ع الحاسبة والباركود صيدلية تعتمد نسبة معينة مثلا تكلك انا على المزمن اضيف ربح ١٠٪؜ والباقي ٣٠٪؜

هواي رسائل بالبوت مجاي الحك ارد عليها انا جدا اعتذر ان شاء الله بالايام القادمة راح اتكلم بكل المراضيع الي كتبتوها الي واهلا وسهلا بالاعضاء الجدد نورتونا من المواضيع المتكررة بالبوت هو مشكلة التسعير كاتبين جاي نشتغل بصيدليات وهواي ادوية ما نعرف اسعارها وما مسيطرين ومدا نحفظ جوابي هو مو مهمتكم حفظ الاسعارر🫥🫥🫥 لكل صيدلية نظام تسعير خاص

عدنااااا يا اصدقاء🫣

#مقابلات العمل شنو مطلوب مني اذا طلبوني مقابلة؟ شنو راح يسالوني وشلون اجاوب؟ كلش خليك ريلاكس تصرف على طبيعتك تحلى بالثقة بالنفس وبنفس الوقت خليك كد المسؤولية اكشخ البس لبس مرتب انيق اطلع على مجموعة الكيسات الباي هاند واهتم شلون تعالج كل كيس بعلمية اقرا أسماء علمية وتجارية احفظ الشائع منها احفظ الجرع لكل عمر وتعرف على قراءة الوصفات ع الاقل تعرف تقرا وصفات الباطنية النفسية وحسب المكان الي انت مقدم اله هل هي صيدلية باي هاند هل تابعة لمجمع شنو طبيعة العمل بيها اذا كانت باي هاند راح يركزون على اسلوبك وكلامك وشلون تكسب الهم زبائن اكثر اذا تابعة لمجمع لازم تكون قوي بالوصفات والأسعار اكو هواي قنوات بالتلي راح تساعد كروبات هواي بيها وصفات اطلع عليها طور من معرفتك تكشخ بالعلمية قبل الملابس🤜🏻

خلي نتكلم بشكل عام يفيد كل الأطراف ونتفق على نقاط أساسية ١. الرزق بيد رب العالمين مو بيد صاحب العمل فلا تذب روحك بمكان يقلل من قيمتك ولا تستعجل بعدك بسم الله تو تخرجت 🤜🏻 ٢.اذا انت جاي تدور فرصة عمل لا يكون هدفك الراتب ولا تقارن نفسك بغيرك فلان حصل شغل فلان شكد ياخذ أجر خليك قنوع ولا تدخل نفسك بمشاكل وتحجي وتسقط بالي حواليك انت ما تعرف ظروفهم وشنو تفاصيل حياتهم ٣. طور نفسك اتعب عليها تعلم مهارات جديدة تعلم تعلم طور علميتك لا تكعد وتكول ماكو شغل ابقى أسعى وانت كلك يقين بعطاء رب العالمين وجزاءه. ٤. من ترفض عمل لا تندم عليه بعد خلاص انت رفضت شي مو بمستواك دور على فرص غيرها لان الندم يضيع عليك المشيتين ارفض ميخالف لحد ما تحصل مكان مناسب ٥. لا تضر زملائك بالمهنة وأصدقائك بأي كلام ابد لحد ينطي بالثاني ترة انت محسوب عليهم من تحجي على أحد اعتبره واحد من عائلتك تريد تعاتبه على تصرف خطأ روح ونصحه بس لا تحجي عليه كلنا زملاء ومهمتنا نحافظ على أسم الفيلد وسمعته🤍

المواضيع بالبوت صارت كلش هواي اقترحولي طريقة اشارك بيها تجاربكم وكلامهم هنا بالقناة سوة لان صراحة الكل جاي يعاني من فترة ما بعد التخرج خاصة الشباب ضايعين بين ضغوط الأهل وانو اصدقاءه حصلوا شغل وهو لا هواي كلام اريد اشاركه هناااا اتعب من الرد بشكل خاص 😔

اي اخوان نجي نسولف عن مهاراتك بالصيدلية وشلون تكسب احترام المراجع🤜🏻 اول نقطة احب اتكلم بيها هي 1 الاهتمام /من يجي احد للصيدلية اترك كلشي واكعد اسمعله اصغي افهم حاجته مو مشغول بالمشتات والمراجع محد بحاله انطي كل وقتك وهتمامك ونصائحك هو جاي يحصل معلومة وعلاج 2/ الثقة خليك واثق من كلامك تكلم كأن انت ملك الساحة 🤜🏻 لا تنحرج من شي متعرفه كول صراحة هذا الشي ما جايبينه او هذا العلاج ما عندي معلومه عنه ما متوفر عدنا من تتكلم معاه اتكلم بعلمية مو كلام دخيل🤜🏻 لا بأس بالمصطلحات الطبية حتى لو ما عرف معناها من صيغة كلامك راح يفهمها ويحسك شخص مميز وسبشل😌 ولكنننننن لا تفيك هواي احجي بلغة مفهومة وسلسة بسيطة تكدر من خلالها تفيد المقابل . 3/ الاخلاق يا اخوان الأخلاق مهما بلغ المقابل رداءة وعدم الاحترام خلي ردك مؤدب انت صيدلاني وهذه اخلاقيات المهنة انت واكف بمكان مقدس هو شخص جاهل لا تنزل لمستواه راح تواجه هواي اصناف فلا تقلل احترامك وياهم تعامل وياهم برزانة بنفس الوقت وكفه عند حده كله ما مسموحلك تتجاوز ممنوع تحجي هيج كلام او رد بكلمة تعجبك المهم المهم لا تتلفظ لفظة مو حلوة🤜🏻 4/ خلي المراجع مرتاحلك ومرتاح بالمكان الواكف بيه انطيه مجال يحجي براحته يوكف براحته لا تقيده لا تجبره على شراء علاج هو ما يريده لا تكون انت الطرف المتملق ولا الطرف المتشدد يعني مو تكعد ساعتين تشرح ع المميزات والشركات وهو ما مقتنع راح يحسك انت تريد تمشي عليه سلعتك وهمك تبيع وبس انظر للعلاجات كانها شي عظيم ومقدس مو طماطمة خمسة بالف😌 5/ استخدم كلمات سحرية خاصة بيك رحب بالمراجع بطريقة لطيفة ومن يخلص ودعه وكوله عندك العافية لتخاف ان شاء الله تصير باحسن حال طمنه عن حالته ولاتخليه خايف او بنفسه شي كول ما محتاج شي عمو رايد بعد شي بخدمتك احنا عنده علاج مقطوع ابحث عن بديل عنده شركة مختلفه حاول تلكه شركة موازية ونفس الفعالية لا تكول ما عدنا وخلص حاول تقنع المراجع بأسلوب

https://t.me/caesat1997

https://t.me/Caseblu

اااااخووواااان انا تكلمت عن شي قانوني وحق لازم انت الي تفرضه مو أصحاب الصيدليات يفرضونه عليك هذا الشي الي صرحت بيه النقابة ومعمول به حالياً في اغلب مناطق البصرة انا اتكلم عن تجربتي وشغلي بالصيدليات. صيدلية ما عجبك تعاملهم او انطوك راتب اقل من استحقاقك عندك نقابة روح اشتكي عليهم شفت عدهم مخالفات اخذ رقم الصحة وبلغ عليهم وبهيج حالة اذا تتعاونون الكل راح يحترمكم ويدفع الكم حقكم ابسط شي تروح تبلغ الأمن او اقرب مركز شرطة يابه كذا صيدلية عدهم هيج سوالف

التواجد بالصيدليات انواع يا أخوان من تسألون على راتب التواجد اكيد راح يكون هناك تفاوت بالنسبة للشي الثابت هو راتب 4ساعات تواجد 750 +عطلة يوم بالاسبوع 3ساعاات تواجد 600 +عطلة يوم بالاسبوع الاختلاف يكون بعدد الساعات اكو صيدليات تطلب 6و8 ساعات وإدارة للصيدلية اكيد الراتب يكون بالمليون واكثر واكو صيدليات تطلب فقط تواجد بدون عمل ولا ادارة يعني همة مكتفين انت كاعد وساكت هنا الراتب يكون أقل