دۆزەخ🖤.

بۆ دواجار لەوەیە برینەکەت نوێ ببێتەوە وەک سەرەتاش ئازارم ئەدات تۆ چ خوێ بکەی بە برینا یان برینەکە لەسەر خوێیەک دانێی ئازاری ئەبێ ، بەڵام ئەمە بۆ دواهەمین جارە گریانی ڕۆحم بۆتۆ بێ ، بۆ کەسێک کە منی بیر نەماوە و لە باوەشی نێرینەیەکی تردا ئەخەوێ ، دواجار کۆتایی پێهات و لە شەڕی ژیاندا توانیم لە هەموو ئەو کەسانە ببەمەوە کە ویستیان من بکەوم بەڵام سەرکەوتم وەلێ بۆتۆ لەسەر ئەژنۆ کەوتم و توانای هیچم نەما ..

ژوورەکەم وەک مێشکمە گۆشەیەکی ڕێکی نییە .

تۆی شکاند و رۆیشت ' کەچی تۆ نیگەرانی ئەوەیت کە عاجزت کردبێ ' بخەوە مرۆڤی سادە .

ئێوارەیەک کە دووریمان هەر ئەوەنەی تاڵە موویەک بوو لێیان بردم دووریان خستەوە لێم تا ئاستی ئەوەی هەموو ڕۆژێک بتوانم بیبینم و هەر بینینێکی ببێتە مردنێک بۆم کە نەتوانم پێی بگەم ، ئێستا نەک هەر خۆم جگەرەکەشم بۆ ئەو ئەسووتێ عارەقەکەشم تا دێ تاڵتر ئەبێ بەڵام هەر ناگات بەو تاڵیەی لە دووری ئەو ئەیچێژم …

دەستێکم جگەرەی لایە دەستەکەی تر نامەکانی تۆ کامیان ببڕم تا ئەم ئازارە کۆتای بێت ؟ …

لەم ژورە پڕ لە تەنهاییەدا تاکە ڕوناکیەک هەبێ ستوی جگەرەکەمە ، تاکە هیوایەک بوونی مابێت قومێکی تری جگەرەکەمە کە وا ئەکات سەر سنگم قورستربێت و ئەم تەنهاییە کۆتای نەیات ، لەم ژوورە پڕ لە دووکەڵ و تاریکەدا بکوژ و کوژراو هەر یەک کەسن دەستێکم برینەکانم ئەپێچێ ئەوەی تریان خوێی پیا ئەکات …

لە سوچێکی تاریکی ژیاندا هیوای مردنم خواست بێ ئاگا لەوەی دایکم دووعای تەمەن درێژیم بۆ ئەکات لە هەموو نوێژەکانیا …

لەوەیە کەس نەتوانێ دەستم بگرێ لەم تاریکی دەروونە دەرم بکات ، بەڵام بیرم ئەمێنێ کێ دەستی بۆ درێژ کردم …

ئاخیرەن جارە میوانم لە خەڵوەتا …

بەسەرچوو عومرم و نەمدیت وەفایەک لەو جەفاکارە ..

وتم با بەس وجودی بێ وجودم باری خاتر بێ لەگەڵ دڵ گۆشەیەکەم گرت ئەوم بەردا بەیەک بارا لە گونجی بێکەسیدا مودەیەکم بردەسەر ئاخر شەوێ دڵ کەوتە باسی بێوەفای ئەو ستەمکارە …

ئەگەر پەنجەتان ناشکێ ئەزیەت بکێشن ڕیاکتێ بکەن ..

لە ژوورە تاریکەکەی خۆمم نەخۆشی تەنهایم گرتووە و دکتۆرەکان ئەڵێن نابێ تێکەڵی کەسیتر بیت چونکە نەخۆشیەکی گوازراوەیە بۆ دەوروبەرەکەت ، پارچەیە حەبی خەفەتیان یاومەتێ لەگەڵ مغەزیەکی یادگاریەکانم لەسەر دەفتەری نەخۆشیەکەشم نوسیویانە بەهیوای زوو چاکبوونەوە ..