دكتور '؏َ|ـٱئد..'

*ادخلوا مساكنكم.. ✋🌿* عارف إيه أكتر حاجة ممكن "تحطمك" وتدمر نفسيتك النهاردة؟ مش جيوش ولا أزمات كبيرة.. هي "المقارنة". في تفسير لطيف جداً لقول النملة: ﴿لَا يَحْطِمَنَّكُمْ سُلَيْمَانُ وَجُنُودُهُ﴾.. يقول اهل العلم إنها خافت على قلوب النمل "تتحطم" من الانبهار بملك سيدنا سليمان، خافت إنهم لما يشوفوا العظمة والابهة بتعت ملك سيدنا سليمان ينسوا "تسبيح ربنا" ويحسوا إن اللي في إيدهم قليل. وده بالظبط اللي بتعمله الـ سوشيال ميديا فينا دلوقتي... بتدخل تلاقي "Lifestyle" وهمي، سفر وأكل ولبس وعربيات، فـ قلبك "يتحطم" بالمقارنة.. وتبدأ تحس إن حياتك ناقصة، ومملة، ومفيهاش جديد، وتنسى نعم ربنا اللي في إيدك. الحل العبقري اللي قالته النملة: ﴿ادْخُلُوا مَسَاكنكُمْ﴾. يعني اعمل "Log out" من الفتن دي. ركز في "بيتك" وفي حياتك أنت.. "المساكن" هنا مش بس حيطان، دي سلامك النفسي وخصوصيتك. ليسعك بيتك: استمتع باللي ربنا قسمه ليك ومتبصش للي في إيد غيرك، لأن الانبهار الزيادة بالدنيا بيموت "عضلة الشكر" في قلبك. احمي عينك من الفيديوهات اللي بتحسسك إنك "قليل".. سيدنا سليمان كان ملكه عظيم، بس النملة علمتنا إن "الرضا" و "الستر" أعظم. ادخل مسكنك.. ركز في مذاكرتك، في صلاتك، في تطوير نفسك بجد.. متبقاش "أسير" لشاشة بتعرضلك"أفضل 1% من حياة الناس" وتفتكر إن دي حياتهم كلها! خليك واعي للي بيدخل عينك وقلبك.. عشان متتحطمش نفسياً. ادخلوا مساكنكم.. بوعي، وبقلب مليان رضا. 🩶 #عائد

تاني أيام العيد.. وسط الدوشة واللمة، بتحس بهزة خفيفة كده جواك، صح؟ إحساس إنك كنت فى أمان وسلام وفجأة رجعت لزحمة الدنيا وملاهيها تانى.. المشكلة إننا بنقع ف فخ غريب، يا إما عايزين نفضل طايرين ف السما بنفس طاقة رمضان وده مستحيل، يا إما بنسيب الحبل خالص ونرجع نعك كأن مفيش حاجة حصلت! الفكرة كلها فى "الوصل" ي صديقى.. مش مطلوب منك تبذل نفس المجهود، بس المطلوب متقفلش الباب.. صفحة قرآن واحدة، ركعتين و وتر ف جوف الليل، ذنب كنت مبطله ف رمضان كمل ومترجعلوش. ﴿وَلا تَكُونُوا كَالَّتِي نَقَضَتْ غَزْلَها مِن بَعْدِ قُوَّةٍ أَنكاثًا﴾.. الآية دى بتلخص كل حاجة، تخيل تبني عمارة وتتعب فيها ٣٠ يوم وتيجي ف يومين العيد تهدها كلها! خلي بينك وبين ربنا شعرة مبتتقطعش، عشان لما الدنيا تضيق بيك وتتوه تلاقي طريق ترجع منه.. ربنا رب كل الأيام مش رمضان بس، فخليك واعى ومتبوظش اللى بنيته.. #عائد

كُل عامٍ وأنتم بخير ، عيدكم مبارك 🩶🌿 لأجل أننا مُسلمون، وتعظيم شعائرِ الله فريضة..  "ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ"..

استوقفنى موقف النهردة .. طبعا زى مالكل عارف انه معظم التطبيقات والبرامج بتجيبلك ذكريات السنة وكده ف كنت عادى بقلب وبتاع لاحظت سبحان الله لما تجيلى حاجة كويسة عملتها او سمعتها بفرح جدا ، والعكس صحيح بقول هو انا فعلا قضيت وقت كده سواء فى اللعب او غيره حرفيا بتصيبك هزة كبيرة وحسرة وندم.. سبحان الله ده مجرد سنة من حياتك مبالك يوم القيامة هيكون ف كتاب وهتفضل تقرا بقا وتشوف نفسك هل اصلحت ولا افسدت .. المفارقة كبيرة جدا وصعب تقارن الحمدلله انت ممكن لو فى حاجة وحشة ممكن تستدرك الامور وتبطل وتوب وربنا هيتوب عليك برحمته وعفوه سبحانه .. بس هناك بقى هتقول يارب مش هعمل كده تانى ..!! بس هيهات هيهات ي صاحبى.. ﴿كَلَّا إِنَّهَا كَلِمَةٌ هُوَ قَائِلُهَا﴾ .. فبجد لازم كل واحد فينا يراجع نفسه لانه الموضوع كبير اوى ي صاحبى .. ده جنة او نار مش لعب ولا هزار .. واتمنى من الله يكون البوست لمس معانا ونستفاد كلنا.. ونعمل لليوم اللى فعلا لما نقرأ فيه اللى عملناه يكون ردنا .. ﴿هَاؤُمُ اقْرَءُوا كِتَابِيَهْ﴾... وأحسِن اللهم ختامنا ولا تجعلنا من الغافلين ..🩶🌿 #عائد

‏صوم عاشوراء غدا.. هل أرهقتكٓ ذنوبُ عامٍ غابر؟! وتريدُ عفـوا من كريمٍ قـادر! أبشـر فإن المصطفى قد دلّنا أن الخطا يُمحٓى بصومِ العاشر.

بحُكم شغلي في العناية بشوف مرضى كتير بيحتضروا.. وبحاول قدر المستطاع ألقن المسلمين منهم الشهادة.. وعايز أقولكم إن لا إله إلا الله اللي بنقولها بكل سهولة وأريحية دي، مش سهلة خالص على فراش الموت، وعمرك ما هتقولها إلا لو كنت عايش عليها وربنا كاتبهالك.. في راجل طيب توفي معايا من فترة ، كان في مرحلة متأخرة جداً من سرطان البنكرياس، والورم منتشر في جسمه كله.. مش هقدر أوصفلك الألم اللي كان فيه.. قعد ساعتين ينازع الموت وكانت درجة وعيه سيئة جداً، ومع ذلك لقنته الشهادة 3 مرات.. وقالها في الـ 3 مرات.. وكان آخر كلامه لا إله إلا الله.. في حين إن بيعدي عليا حالات بتكون درجة وعيهم كويسة وهما بيحتضروا، وممكن يتكلموا أي كلام تاني، لكن مستحيل يقولوا لا إله إلا الله، حتى لو قعدت تلقنهم سبعين مرة..! ودا اللي خلاني أتأكد إن الكلمة دي رزق من ربنا للناس اللي عاشوا عليها.. د.محمد فهيم

لو صمت يوم السبت الجاي، ربنا بإذنه هيغفرلك كل ذنوب السنة اللي فاتت. صيام يوم واحد بس= تكفير ذنوب سنة كاملة. يوم السبت الجاي هيكون عاشوراء إن شاء الله، وكلنا في حاجة إن ربنا ينظر لينا نظرة عفو ورحمة ويغفر لنا ذنوبنا. والأفضل طبعا نصوم جمعة وسبت. لو فكرت حد وصام، هتاخد نفس أجره إن شاء الله. ولو فكرت حد ومصامش، هتاخد أجر على التذكرة إن شاء الله والدعوة إلى العمل الصالح.

الجمعة = تاسوعاء السبت = عاشوراء * إن لم تكن من الصائمين فكن من المُذكرين و الدال على الخير كفاعله

"يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍۚ مِّن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِنۢ بَعْدِ صَلَاةِ ٱلْعِشَآءِۚ ثَلَـٰثُ عَوْرَٰتٍۭ لَّكُمْۚ لَيْسَ عَلَيْكُمْ وَلَا عَلَيْهِمْ جُنَاحٌۭ بَعْدَهُنَّۚ طَوَّـٰفُونَ عَلَيْكُمۡۚ بَعْضُكُمْ عَلَىٰ بَعْضٍۢۚ كَذَٰلِكَ يُبَيِّنُ ٱللَّهُ لَكُمُ ٱلْـَٔايَـٰتِۗ وَٱللَّهُ عَلِيمٌ حَكِيمٌ" (النور: 58) الآية دي مش مجرد أوامر شرعية، دي مرآة لحياة طاهرة ونظيفة… ربنا بيقول خلوا حتى الأطفال والخدم يستأذنوا ٣ مرات في اليوم قبل ما يدخلوا عليكم، علشان في الأوقات دي بيكون الإنسان على طبيعته زى ما بنقول واخد راحته كده … وممكن ينكشف منه شيء من غير قصد. المشهد ده واقعي جدًا، إنت ممكن تبقى نايم وطفل صغير يدخل فجأة عليك في أوضة النوم، أو بنت صغيرة تفتح الباب من غير ما تخبط، لأن مافيش حد علمها... الإسلام مش بينظم عبادتك بس، ده بينظم بيتك، خصوصيتك، وبيعلمك تحافظ على عوراتك وعلى نفسية غيرك. في زمن السوشيال ميديا والتصوير والتجسس على خصوصيات الناس، الآية دي بتفكرنا إن الحياء مش اختياري، ده عبادة... معظمنا مبياخدش باله من الموضوع ده وممكن ميكنش فاكر انه موجود فى دينا ..يعنى ممكن يكون عارف انها ذوقيات وكده لكن سبحان الله شوف ياخى دينا مهتم بالتفاصيل ازاى .. حاول تاخد بالك وتتعلم الموضوع ده وبعدين علمه لابنك...علشان حرفيا الموضوع ده بينتج عنه كوارث كبيرة خصوصا مع الاطفال يبقى نتكلم عنها فى بوست تاتى ان شاء الله.. فالله المعين .. دين بيعلّمني أراعي مشاعر اللي عايش معايا في نفس البيت، هو دين عظيم يستحق إني أرجعله وأفهمه من جديد... #القرآن_حياة #أدب_الاستئذان #عائد

. 🕯️ مشهد وفاتك... تخيل معايا… الساعة 3 الفجر، البيت ساكت، الكل نايم، الدنيا ظلمة، لكن في أوضة من أوض الشقة، فيه إنسان نايم… نايم نومته الأخيرة. نوم من غير فُوقان… أهله بيصحّوه: "يا محمد... قوم صلي الفجر" "يا ابني رن التليفون قوم شوف مين بيكلمك…" بس... مفيش رد. القلب وقف. النفس طلع وما رجعش. الروح خرجت… وسابِت الجسد، جسد كان بيضحك، بيتكلم، يتحرك، يشوف، يخطط، يحلم… وبقى دلوقتي جثة باردة. الخبر انتشر: "محمد مات" "بسم الله ما شاء الله، كان طيب... بس مقدرش يكمّل" "سبحان الله، كان لسه مبارح بيضحك معانا" "معقول؟ ده كان لسه بينزل بوست امبارح!" بس اللي الناس مش عارفاه… إن قلبك كان مات من زمان. وانت بس كنت بتتحرك، لكن من غير روح. ينقلوك على المغسلة… يقلعوك هدومك اللي كنت بتختارها بعناية يغطّوا جسدك اللي كنت بتتفنن تظبطه يشيلوا منك كل شيء حتى التليفون اللي كان دايمًا في إيدك اترك، وامشي… وحدك. يبدأوا يِغسّلوك. ميّه باردة، وإيدين بتقلّبك يمين وشمال، وانت… ساكت، عاجز، مفيش اعتراض، لأول مرة في حياتك... ما بتقدرش تقول "لأ". يجيبوا الكفن… يلفّوك فيه، من غير ماركات، من غير ألوان، من غير ستايل، كلنا في الآخر بنلبس نفس الأبيض… الفرق بس مين قلبه كان أبيض... ومين كان عايش سَوَاد. تنقل للمسجد… تصلّى عليك. ناس بتيجي تبص عليك، فيه اللي بيبكي، وفيه اللي بيصوّر، وفيه اللي بيفكر: "أنا الدور الجاي؟" بس مفيش حد يقدر يوقف القدر. تيجي لحظة الدفن... يبدأوا ينزلوك القبر، تحس كأنك نازل تنام في مكان عمرك ما زرته، مفيش فرشة، مفيش نور، مفيش باب مفتوح، بس فيه سؤالين… وانت اللي هتجاوب. "من ربك؟" "ما دينك؟" "ما كنت تقول في محمد؟" وإنت... لسانك اللي كان بيغتاب… ساكت عقلك اللي كان بيحسب الفلوس… تاه قلبك اللي كان بيحب الدنيا… مش نافع وكل ده ليه؟ عشان كنت بتأجل التوبة… بتقول: "ربنا غفور رحيم"، وبتنسى إنه شديد العقاب. كم مرّة ربنا ناداك؟ كم صلاة ضيعتها؟ كم ذنب عملته وانت بتضحك؟ كم مرّة جالك وجع... وافتكرت تتوب... وبعدين نسيت؟ ⚠️ تخيّل بقى لو فعلاً اللحظة دي قربت… تفتكر كنت هتتمنى إيه؟ مش فلوس… ولا وظيفة… ولا بنت جميلة… ولا فولو ولا لايك كنت هتتمنى ركعتين بخشوع آية واحدة بدمعة استغفار من قلب حي بس ساعتها… التمن مش بإيدك. الرجوع مش مسموح. والندم مش هينفع. 💡 لسه فاضل أمل؟ آه... لسه في أمل طالما قلبك بيدق وطالما بتقرا الكلام ده فلسه ربنا فاتحلك الباب ابكي، صلي، استغفر، ارجع… امسح كل اللي فات… وقول: "اللهم رد قلبي إليك ردًا جميلًا..." 🩵 لو الكلام ده لمسك… انشره… يمكن تكون سبب في هداية حد… ويمكن لما تموت، تلاقي رسالة زي دي سبب فى حسن خاتمتك ... سلام...

الصيام.. من أحب العبادات إلى الله تعالى.. أحبَّه الله؛ فأحبَّ رائحة فم الصائم.. أحبَّه الله؛ فتولى جزاءه، وانفرد بعلم مقدار ثوابه ومضاعفة حسناته.. أحبَّه الله؛ فجعل للصائم فرحتان، فرحة عند فطره، وفرحة يوم يلقاه.. أحبَّه الله؛ فجعله وقاية من كثير من المعاصي في الدنيا، ووقاية من النار في الآخرة.. أحبَّه الله؛ فأحبَّه رسول الله ﷺ، وأحبَّ أن يُرفع عمله وهو صائم.. فبالله عليك، ألا تُعظِّم ما أحبَّ ربك! قال رسول الله ﷺ: "إِذا كَانَ يَوْمُ صَوْمِ أَحدِكُمْ، فَلا يَرْفُثْ وَلا يَصْخَبْ، فَإِنْ سَابَّهُ أَحَدٌ، أَوْ قاتَلَهُ، فَلْيَقُلْ: إِنِّي صائمٌ." وقال أيضًا ﷺ: "مَنْ لَمْ يَدعْ قَوْلَ الزُّورِ والعمَلَ بِهِ فلَيْسَ للهِ حَاجةٌ في أَنْ يَدَعَ طَعامَهُ وشَرَابهُ." فيا صائمًا لله ترجو ثوابه؛ عظِّم صومك واحفظ لسانك من كل فحش وقول حرام، واحفظ جوارحك من المعاصي والآثام. #الصيام #تعظيم_شعائر_الله t.me/moh_elghaleez

رجّع قلبك لربنا قبل ما يدخل ذي الحجة! في أيام بتعدّي علينا عادية، وفي أيام ربنا بيبعتها لينا عشان تفوقنا.. العشر الأوائل من ذي الحجة مش بس موسم طاعة، دي موسم "رحمة ومغفرة وتغيير حقيقي".. يمكن محتاج تبطّل ذنب، ترجع لقرآنك، أو بس تقول "يا رب" من قلبك! يمكن نفسك تتغير، بس مستني اللحظة المناسبة.. هي دي اللحظة، فابدأ ولو بالقليل.. نية صافية، تسبيحة بإخلاص.. دمعة خفية، ركعتين قيام.. ربنا كريم، بيحب عباده يرجعوله، بيفرح بتوبتهم، وبينزل رحمته عليهم. فمتفوتش الفرصة دي! خلي بداية ذي الحجة بداية لحياة جديدة. t.me/moh_elghaleez

رمضان كريم! 🌙♥️ غدًا بإذن الله نستقبل شهر الخير والبركات، شهر تُغفر فيه الذنوب، وتُرفع فيه الدرجات، وتتنزل فيه الرحمات. اللهم اجعله شهرًا مليئًا بالطاعات، مكللًا بالمغفرة والقبول، وأعنا فيه على الصيام والقيام وتلاوة القرآن. كل عام وأنتم إلى الله أقرب، وباليُمن والبركات أنعم. رمضان مبارك عليكم جميعًا! ♥️🌙

شهر شعبان محطة روحية عظيمة، يغفل عنها كثير من الناس، كما قال النبي ﷺ: "ذلك شهرٌ يغفلُ الناسُ عنه بين رجب ورمضان، وهو شهرٌ تُرفعُ فيه الأعمالُ إلى رب العالمين، فأحب أن يُرفع عملي وأنا صائم" (النسائي وصححه الألباني). فيه تهيئةٌ للقلب قبل رمضان، بالصيام كما كان يفعل النبي ﷺ، فقد كان يصوم أكثره، حتى قالت عائشة رضي الله عنها: "ما رأيت النبي ﷺ استكمل صيام شهر قط إلا رمضان، وما رأيته في شهر أكثر صيامًا منه في شعبان" (البخاري ومسلم). من أهم الأعمال في شعبان: تصفية القلوب، ترك الذنوب، تلاوة القرآن، والبدء في عادات رمضانية كقيام الليل والصدقة، حتى لا يكون رمضان مفاجئًا للنفس. قال ابن رجب: "شعبان كالتمهيد لرمضان، فصيامه تدريب، وقراءة القرآن فيه استعداد، والعبادة فيه تزكية". فلنجعل شعبان بدايةً صادقة، نتخفف فيه من أثقال الدنيا، ونتزود بالطاعة، ليكون رمضان انطلاقةً لا بداية! #شعبان #عائد

شهدت في حياتي أعياداً لا تُحصى، لكن عيداً كهذا لم أشاهد، وفرحاً كهذا لم أفرح، كيف لا أفرح وقد سلم الله من تبقى منا، وحقن دماءنا، وحفظ أطفالنا، ورد كيد عـدونا عنا !!

الله أكبر ولله الحمد، أبشركم يا مسلمين، الآن الآن انتهت الحرب على غزة !!

لا تغفلوا عن غزة في هذه الليلة الأخيرة، فإنها أصعب الليالي وأشدها رعباً، لا تكونوا ممن رفعوا أيديهم بالدعاء طيلة الحرب، ثم خفضوها حين اقتربت النهاية، فإن العبرة بالخواتيم، وغزة في هذه اللحظة أحوج ما تكون إلى دعاء الصادقين، فلا تتخلوا عنها ولا تنسوها !!

هبت رياح الخير، وأقبلت الخيرات وشرّعت أبوابها، وحانت اللحظة المرُتقبة: يسرنا أن نعلن فتح باب التسجيل في الدفعة السادسة من برنامج #البناء_المنهجي. المسار الأساسي: https://binaamanhajii.social/3am المسار الميسر: https://binaamanhajii.social/Muyassar نسأل الله أن يفتح عليكم ويسدد خطاكم 🍃

'علو الهمة صفة عظيمة يتزين بها أصحاب النفوس الكبيرة والقلوب الطاهرة. هو ذاك الشوق الذي يرفع الإنسان عن دركات الكسل والرضا بالدون، ليحلق في فضاءات السعي والعمل. إن الله جعل في الإنسان طاقات عظيمة، ومن عظمة هذه الطاقات أنها لا تظهر إلا إذا علت همته وتاقت نفسه إلى معالي الأمور. يقول ابن القيم -رحمه الله-: "الهمة العالية على قدر شرف النفس، وعلى قدر إدراكها لقيمة ما تطلب." فالنفوس العالية تدرك أن الحياة قصيرة، وأنها إنما خلقت لتطلب المعالي، فلا تضيع وقتها في التوافه ولا تركن إلى ما يزول. ومن تأمل حياة الصالحين والعلماء، رأى أن علو الهمة كان عنوانهم. اجتهدوا في طلب العلم، وأفنوا أعمارهم في العبادة، وكانوا نماذج مشرقة لمن فهم أن علو الهمة عبادة تقرب العبد إلى ربه. وفي سيرهم عبرة لنا، فالعمر يمضي، والمحاسبة قادمة، والسعيد من جعل همته عالية، تسعى في الخير وتترك أثرًا طيبًا. يقول الحسن البصري: "إن المؤمن قوَّام على نفسه، يحاسبها لله. وإنما خفَّ الحساب يوم الحساب على قوم حاسبوا أنفسهم في الدنيا." فليكن لك من علو الهمة نصيب، ولتكن طموحاتك سامية، وأهدافك خالصة لله، فبهذا تكون من المفلحين الذين يرفعهم الله درجات في الدنيا والآخرة.' #عائد

ذنوب الخلوة التى تحصل في الواتس والفيسبوك ووسائل التواصل الاجتماعي 👀 كتب أحدُ طلبة العِلم الفضَلاء في فائدة عجيبة فتح الله تعالى عليه بها ؛ وفيها يقول : ( هل تعلم أن اللهَ ابتلى الصحابةَ - رضي الله عنهم - وهم في حال الإحرام - والمُحرم بالحج أو العمرة يحرُم عليه الصيد - ؛ إبتلاهم الله بأن الصيدَ اقترب منهم حتى إن أحدهم يستطيع أن يصيده بيده دون استخدام آلةٍ للصيد ! . إقرأ قولَه تعالى : ﴿ يَا أَيُّهَا الَّذِينَ آمَنُواْ لَيَبْلُوَنَّكُمُ اللَّهُ بِشَيْءٍ مِّنَ الصَّيْدِ تَنَالُهُ أَيْدِيكُمْ وَرِمَاحُكُمْ لِيَعْلَمَ اللَّهُ مَن يَخَافُهُ بِالْغَيْبِ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ ﴾ ' سورة المائدة ، آية : 94 ' . وفي هذا الزمن يتكرر ابتلاءٌ عظيمٌ جِدًّا ، ولكن بشكل مختلف ! . كـــيـــف ؟! . قبل عشرة أعوام تقريباً كان الحصولُ على الصُّوَر والمقاطع المحرمه صعبا نوعاً مـا ، أمَّا الآن فبلمسةٍ خفيفةٍ على شاشة الجوال أو بضغطة زر على الحاسب الآلي تشاهد هذا حتى من دون برامج فك الحجب - أعاذنا الله وإياك - تـَـــــذَكَّــــــر : ﴿ لِيَعْلَمَ اللَّهُ مَن يَخَافُهُ بِالْغَيْبِ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ ﴾ . وفي خلوتك لا يغرنك صمتُ أعضائـك ، فـإن لهـا يـومـاً تتكلـم فـيـه ! : ﴿ الْيَوْمَ نَخْتِمُ عَلَى أَفْوَاهِهِمْ وَتُكَلِّمُنَا أَيْدِيهِمْ وَتَشْهَدُ أَرْجُلُهُمْ بِمَا كَانُوا يَكْسِبُونَ ﴾. تأمل جيداً قول الله تعالى : " يا أيها الذين آمنوا ليبلونكم الله بشيء من الصيد تناله أيديكم ورماحكم ليعلم الله من يخافه بالغيب فمن اعتدى بعد ذلك فله عذاب أليم " .. وفي هذا المعنى يقول أحد السلف: ( خوفك من الريح إذا حركت ستر بابك وأنت على الذنب أعظم من الذنب إذا فعلته ) .. يقول أحد من ابتلي بالنظر للحرام : سمعتُ خشخشةً في الباب، فبلغ قلبي حنجرتي، وانقطع نفَسي، فأغلقت جهازي، وفتحت الباب؛ فوجدتها هرَّة .. الم يعلم هذا المسكين ان الله أقرب إليه من حبل الوريد ليس بين الرجلِ وبين ما يُوصَلُ إليه من خِزيٍ في هاتفه الذكيِّ إلا جدار "مراقبة الله". قال العلامة الشنقيطي: أجمع العلماء أن الله لم يُنزِل إلى الأرض أعظم واعظ ولا أكبر زاجر أعظم من ((( جدار المراااقبة ))) فمن هدم الجدار؛ فقد تجرَّأ ! وما أقبح الجرأة على الله ! قال بعض السلف: لا تكن ولياً لله في الظاهر عدواً لله في الباطن. في الوقت الذي نقول فيه: هذا زمانٌ الوصول فيه إلى الحرام أسهل من غيره.. يجب أن نقول: هذا زمانٌ القرب فيه من الله بترك الحرام أعظم من غيره! الجوالات مثل الصناديق إما: حسنات جاريه أو سيئات جاريه فضع فيها ماتشاء ان تجده في صحيفتك يوم القيامة .. خذوا حذركم من ذنوب الخلوات وخاصة مع الجوالات والكمبيوتر والتلفاز عند غياب الأهل والناس .. فإنه يطعن في خاصرة الثبات وعليكم بعبادة السر فإنك تقي بها النفس من نوازع الشهوات. فإذا أردت الثبات حتى الممات فعليك بالمراقبة في الخلوات. قال ابن القيم: ذنوب الخلوات سبب للإنتكاسات وعبادة الخلوات سبب للثبات " كلَّما طيَّب العبد خلوته بينه وبين الله, طيَّب الله خلوته في القبر. " أما يوم القيامة؛ فعن ثوبان قال: قال رسول الله صلى الله عليه وسلم: ﻷعلمن أقواما من أمتي يأتون يوم القيامة بحسنات أمثال جبال تهامة بيضاء فيجعلها الله عز وجل هباء منثورا. قال ثوبان: يا رسول الله صفهم لنا جلهم لنا أن ﻻ نكون منهم ونحن ﻻ نعلم؛ قال: أما إنهم إخوانكم ومن جلدتكم ويأخذون من الليل كما تأخذون ولكنهم أقوام إذا خلوا بمحارم الله انتهكوها. 📚 رواه ابن ماجه؛ وصححه الألباني. اللهم اقسم لنا من خشيتك ما تحول به بيننا وبين معصيتك. اللهم إنا نسألك خشيتك في السر والعلانية. اللهم انفع بهذة النصيحة من قرأها وتأملها ونشرها بين العباد .