Dr Skin

هو صدك منتجات Glutathione فعالة و تغير شكل و لون الانسان لو اكو مبالغة و دعاية تجارية بالموضوع ؟ 🔥 نريد تجارب الناس الي مستخدميه 🩷 📣 حتى نشرحلكم الموضوع بعدها بشكل علمي و قطعي

مساء الخير عيد سعيد على الجميع🎉🎉 نريد نرجع هالقناة للحياة ، فأذا بعد اكو ناس هنا عايشة ، دزوا طن تفاعلات حتى نرجع ننشر 😁

مساء الخير جماعة الخير 👀👋 حابين نتكلم عن منتج أو موضوع معين ببااالكم ⁉️

♦️تتوقعون البشرة الحساسة هم اكو الها مقشرات كيميائية تناسبها؟ ❇️هذا حيكون موضوع اليوم البشرة الحساسة و المنتجات الي تناسبها من الاساسيات الى اختيار المواد الفعالة الي ممكن تستعملها

استعملتي منتج جديد وبشرتج تهيجت وتحسست ومتعرفين شنو تسوين ؟؟ 📌هذا الشي كلش شائع من تبلشين تستعملين منتج بدون ما تسوي اختبار حساسية قبلها! ❇️هذي الخطوات الي لازم تتبعيها حتى تعالجين المشكلة والتحسس : ١- توقفي عن استعمال المنتج الي سوا تحسس مباشرة حتلو جان غالي ٢- تاكدي هل هذا المنتج نفسه سوا عندج تحسس او شي غيره عن طريق وضع كمية من المنتج على الرقبة او على معصم اليد وانتظري يوم واحد وشوفي هل يصير عندج تحسس بهذي المناطق؟؟ ٣- الرجوع الى الاساسيات ❇️غسول لطيف على البشرة ❇️مرطب ❇️واقي شمس بالنهار ٤-ترك اي مواد فعالة بالروتين مثلا سالسلك اسد نياسينامايد وغيرها الى ان تهدئ البشرة من التحسس ٥- لا تجربين اي منتج جديد خلال هالفترة ما عدى منتجات الي تحتوي خلاصة السنتيلا اسياتيكا هذي تهدئ البشرة

موضوع التقشير الكيميائي جداً واسع بس اليوم بنية طرحت علية سؤال وهو دكتورة التقشير الكيميائي غالي كلش والا بالمركز نسوي شلون تقترحي كطريقة علاج لتصبغات الجسم ؟ فاني كلت الها وعد انزل معلومات كاملة عن التقشير الكيميائي ومستحيل انصح بشي لازم يتطلب مركز ويكون غالي ( اهم شي الغالي ركزوا 😂😭) يلة هسه ارجع اختفي🫣

واخر شي مقشر كوتون بيل ات ناو هذا اني من اشد معجبيه من ناحية الفعالية ومن ناحية السعر صراحة يسوي تقشير كيميائي عميق للجلد بحيث نشوف الجلد يجف وورا فترة يتقشر تدريجياً استعماله يكون على شكل جلسات يعني كل أسبوعين جلسة ولازم اكيد ويا كل المنتجات الي بيها تقشير كيميائي نستعمل ترطيب وواقي شمس

📌منتجات Perfect image اكثر مقشرات كيميائية اشتهرت هذي السنة ( مع انو سعرها كلش مبالغ بي) هي مجموهة منتجات تحتوي على احماض الفواكه او السالسلك اسد بتراكيز جداً عالية فتسوي فكرة التقشير الكيميائي بالمنزل تشمل سيروم السالسلك اسد و بادز التقشير وغسول بالكلايكولك والترانكسامك اسد

‼️مجموعة الميركال من som by me الكورية مجموعة كاملة من المنتجات الي يشملها مصطلح التقشير الكيميائي وكلش اشتهرت خصوصا بفترة ٢٠٢٠ صارت ترند

كلايكولك اسد وهو احد احماض الفواكه يستعمل تدريجيا بالاسبوع ٣ مرات فقط ليلا بعد الغسول وبالتدريج نزيد مرات الاستعمال ‼️ممكن استعماله لتصبغات الجسم كذلك

مقشرات الاحماض مشهورة متوفر ذا اوردنري والشركة الثانية غير داعمة من ذا بيورست هذي تقشيرها يكون بتراكيز عالية لذلك استعمالها حصراً يكون ل 10 دقائق فقط وتغسل بماء فاتر مرة او مرتين بالاسبوع فقط

انشرلكم امثلة عن منتجات هي بالواقع تشتغل كتقشير كيميائي او chemical peels

التقشير الكيميائي هو صيحة العصر واكثر شي مفيد ممكن تسوي للبشرة بفترة الشتاء والجو بارد وحلو 🙂‍↔️💖 بس هل ضروري يكون بالمراكز حصراً اكيد لا ، التقشير الكيميائي هو مصطلح واسع يشمل هواييي مكونات فعالة ممكن انتي تستعمليها بروتينج اليومي بس متعرفيها هسه شنو ممكن نستفاد من التقشير الكيميائي؟ ١- علاج التصبغات ٢- علاج اثار الحبوب ٣- حروق الشمس ٤- التجاعيد زين شنو المكونات او المواد الفعالة الي يشملها التقشير الكيميائي؟ ١- الغلايكولك اسد ٢- اللاكتك اسد ٣- الماندلك اسد ٤- الهايدروكينون ٥-ريتنوك اسد ٦-سالسلك اسد وبعد وبعد هواي مواد فعالة بس ذني الاساسيات بالعادة تشوفون مكتوب Aha and Bha او احماض الفواكه والمكونات الي ذكرتهن مسبقا هن الي نسميهن احماض الفواكه 💖 بقى شغلة الاستعمال لازم صح وبأقل تركيز نبلش بي وتدريجيا يعني اول مرة ٣ مرات بالاسبوع فقط ويشترط اختبار حساسية قبل استعمال اي منتج تقشير كيميائي باي تركيز سواء عالي او قليل💖

شنو تعرفون عن Rosemary oil ؟ صدك فعال بعلاج مشاكل الشعر لو مجرد 🕊️دعاية تجارية ؟

هذهِ الحالة تدعى seborrheic dermatitis  تصير بالرضع والأطفال و الكبار ، بس احنه اليوم نسولف  عن الرضع .  بالأطفال الرضع كلش شائعة هالحالة  و ممكن تصير بأكثر من منطقة بالجسم ، بس أكثر مكان شائع تصير بالرضع هي فروة الرأس وهنا تتسمى Cradle cap  و تكون عبارة عن :  thick, greasy and waxy, yellow-white scaling and crusting of the scalp طبعاً الفترة الي ممكن  تصير بيها هي الأسبوع الثالث لحد 12 شهر من عمر الطفل ، بس أكثر فترة شائعة هي أول ثلاث أشهر من عمر الطفل  ❎ زين ليش تصير  ؟ شنو السبب ؟  بالحقيقة السبب ما معروف بس يعتقد أن  Malassezia species الها دور بحدوث seborrheic dermatitis 🌠 شلون تتشخص  الحالة ؟ تشخيصها بالرضع ما يحتاج بالعادة أي تحاليل  مختبرية أو فحوصات ، يعني تتشخص ك clinical diagnosis  💥 زين شلون أعالجها ؟ لازم أعرف أن هالحالة بالأساس تعتبر Self-limitng ونبين لأهل الطفل انو هي شيء كلش شائع وما تستدعى القلق وبالعادة تختفي بعد فترة  لكن في حال أصرار الأهل على العلاج فهنا أكو أكثر من خيار ، أضافة لمسألة تثقيف الأهل على طبيعة الحالة    العلاج يتقسم الى نوعيين  🔹Nonpharmacology  🔹pharmacology  بالخيار الأول يكون العلاج conservative measures مثل    emollients and frequent shampooing  to soften and remove the scales. Such as mineral oil or petroleum jelly followed by brushing and shampooing to remove scales  ♻️ لكن اذ كان  هذا الخيار غير مفيد للطفل فهنا نروح بأتجاه الخيار الدوائي pharmacology option  الخيارات المطروحة  هي   1️⃣ Topical corticosteroids topical antifungial  ✴️ نبدي ويه الخيار الأول  ✅ Topical corticosteroids not routinely recommended in infants  لذا حتى أذ نقرر ننطي  خاصة لمعالجة حالة الحكة ، فضروري ننطي low potency corticosteroids مرة وحدة يومياً لمدة أسبوع    ✴️ الخيار الثاني هو  topical antifungial  طبعاً يستخدم  بشكل off label  بالأطفال الرضع  الخيارات المطروحة  ⛔ ketoconazole 1-2% shampoo twice weekly for up to 8 weeks  ⛔ ketoconazole 2% cream or gel twice daily for up 4 weeks  ⛔ Selenium sulfide shampoo twice weekly for 2-4 weeks 📚 References 🔹 Uptodate 🔹 Dynamed 🔹 Nelson , Essentials of pediatrics dr skin

ما هو تشخيص الحالة ؟ و ما هو العلاج ؟