𝐃𝐔𝐎 𝐕𝐀 𝐙𝐈𝐊𝐑𝐋𝐀𝐑

🌿 «الاستغفار أمانٌ من الأضرار» Истиғфор — балолар ва жазолардан омонда бўлишлик сабабидир. 📖Аллоҳ таоло марҳамат қилади: ﴿ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ﴾ "(Модомики)Улар истиғфор айтар эканлар, Аллоҳ уларни азобламас." (Анфол сураси, 33-оят). Ушбу оят шуни кўрсатадики, истиғфор Аллоҳнинг азобини қайтарувчи энг улуғ сабаблардан биридир. Агар истиғфор бутун бир қавмни ҳалокатдан сақлашга сабаб бўлса, унда бир мўминни дунё ва охират азобидан сақлаши, албатта, янада муносиброқдир. Ибн Касир раҳимаҳуллоҳ ушбу оят тафсирида шундай дейдилар:⤵️ "Ушбу оятда истиғфор одамлар учун Аллоҳнинг азобидан омонлик сабабларидан бири экани баён қилинган." ("Тафсир Ибн Касир", Анфол сураси, 33-оят тафсири). Қурайш мушриклари эса куфрда собит бўлиб, тавба қилиб истиғфор айтмаганлари сабабли Аллоҳ уларни Бадр куни ўлдириш ва асир тушириш билан жазолади. Охират азоби эса бундан ҳам оғирроқдир. ➡️Мўминнинг қуроли эса истиғфордир. Гуноҳлар кўпайган сари истиғфорни кўпайтириш лозим. Чунки у гуноҳларни ўчиради, балоларни даф қилади, ризқни кенгайтиради ва Аллоҳнинг раҳматини жалб этади. Ҳасан Басрий раҳимаҳуллоҳ шундай деганлар:⤵️ "Истиғфорни кўпайтиринг. Чунки сизлар Аллоҳнинг мағфирати қачон нозил бўлишини билмайсизлар." أستغفر الله العظيم وأتوب إليه "Улуғ Аллоҳдан мағфират сўрайман ва Унга тавба қиламан." https://t.me/duozikirlar

Қарздан қутилиш дуоси Расулуллоҳ соллаллоҳу алайҳи васаллам масжидда ғамга ботиб ўтирган Абу Умома розияллоҳу анҳуга: «Агар айтсанг, Аллоҳ ғамларингни кетказиб, қарзингни ўтайдиган каломни ўргатайми?» — дедилар ва ушбу дуони таълим бердилар:⤵️ اَللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَأَعُوذُ بِكَ مِنَ الْعَجْزِ وَالْكَسَلِ، وَأَعُوذُ بِكَ مِنَ الْجُبْنِ وَالْبُخْلِ، وَأَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ «Аллоҳумма инний аъузу бика минал ҳамми вал ҳазан. Ва аъузу бика минал ажзи вал касал. Ва аъузу бика минал жубни вал бухл. Ва аъузу бика мин ғолабатид дайни ва қоҳрир рижал». Маъноси:⤵️ «Аллоҳим! Сендан ташвиш ва ғам-қайғудан, ожизлик ва дангасаликдан, қўрқоқлик ва бахилликдан, қарзнинг ғолиб келишидан ҳамда кишиларнинг қаттиқ таъсиридан (босимидан) паноҳ тилайман». Абу Умома айтадилар: «Мана шу дуони ўқидим, Аллоҳ таоло ғамларимни кетказиб, қарзларимни ўтаб берди». Имом Абу Довуд ривояти, «Сунан», «Китоб ут-тафаддул» (1555-ҳадис). https://t.me/duozikirlar

🌙 Қурбон ҳайити муборак бўлсин! 10-Зулҳижжа, 1446-йил 🕋🕋 🕋🕋Сизларни муборак Ийд ал-Адҳа Қурбон ҳайити кириб келиши билан чин қалбимдан табриклаймиз! 🌸🌸 🌸🌸Аллоҳ таоло ушбу байрамни бизга ва сизларга яхшилик, барака ва қувончлар билан қайта-қайта насиб этсин. Байрамингиз гўзал ўтсин, яқинларингиз даврасида доимо соғ-саломат бўлинг. 🕌🕌 🕌🕌Ушбу байрам кунлари ҳеч бир яқинимиз йўқотилмасдан, ғам-ғуссасиз, ҳамиша шодлик ва қувонч ичида ўтсин. Ҳар йили яхшилик устида бўлинг Байрамингиз муборак бўлсин! https://t.me/duozikirlar

⚪️🔘⚪️🔘⚪️⠀ 📚 بعض المختارات من الكتب المعينة لك على الدعاء #أدعية_من_الكتاب_والسنة #هدية_يوم_عرفة #مركز_آيات ❤️➡️🕋

https://t.me/islomiy_odob_pdf

🤎 Зулҳижжанинг ўн кунлигида такбир айтиш 🤎 Зулҳижжа ойининг ўн кунлигида бозорда, йўлда, ишда ва уйда — ҳамма жойда овозни чиқариб такбир айтиш мустаҳаб амалдир. ▫️Такбирнинг лафзи: 🤎Аллоҳу акбар, Аллоҳу акбар, Ла илаҳа иллаллоҳу Валлоҳу акбар. Аллоҳу акбар, ва лиллаҳил ҳамд.🤎 ▫️Такбирнинг икки тури: 1. Мутлақ такбир (Чегараланмаган) Юқорида айтилганидек, вақт ва жой танламасдан айтиладиган такбир. Бу Зулҳижжа ойининг биринчи кунидан бошланади. 2. Муқайяд такбир (Чегараланган) Бу такбир фақат беш вақт намоздан кейин айтилади. Унинг вақти ҳали (ойнинг бошида) кирмайди. ▫️Унинг бошланиш вақти: Ҳожи бўлмаганлар учун: Арафа куни (Зулҳижжанинг 9-куни) бомдод намозидан бошлаб, Зулҳижжанинг 13-куни аср намозигача давом этади. Ҳаж қилувчилар учун: Қурбон ҳайити куни (10-зулҳижжа) пешин намозидан бошлаб, 13-зулҳижжа аср намозигача айтилади. 🔖Муҳим эслатма "Муқайяд такбир" (намоздан кейинги такбир) масаласида Ибн Ражаб шундай деган: «Уламоларнинг кўпчилиги: "Нафлни (ихтиёрий намозларни) ўқигандан кейин такбир айтилмайди (фақат фарз намозлардан кейин айтилади)", деб айтишган». Манба: «Фатҳул-Борий», 9/26. https://t.me/duozikirlar