تبليغات صيدلة المرحلة الرابعة

شباب المختصر القائمة الجديدة هي اللي تمشون عليها يعني اذا اسمك ماكو بالقوائم الجديدة ف معناها ما شملك القرار اللي يسال ليش التعليمات اللي نزلت انو العشر درجات اللي تنضافلكم هي فقط لتغيير الحالة من راسب الى ناجح مثال انت واكع بمادتين تكنو و فارما مثلا انت جايب بالتكنو 45 و بالفارما 45 بالببل شيت ف تنضافلك عشر درجات حتى تصير ناجح بس اذا جايب بالتكنو 44 و بالفارما 45 ف تنضافلك خمس درجات بس على الفارما و اذا جايب 44 تكنو و 44 فارما ف القرار ما يشملك و هل شي ينطبق كذلك على المواد الغير وزارية على نفس المنوال تمشي اتمنى وضحلكم كلشي

شباب القرار تطبق و كملت الدرجات و اندزت للنهرين بقت مصادقة اللجنة الوزارية و الجامعة و اول مناخذ موافقة راح تنزللكم الدرجات من البارحة كاملة و مرسولة الهم ف صبرا جميلا عليهن و ان شاء الله الكل يفرح بنجاحه

شباب اذا انت واكع بمادة وحدة ينضافلك القرار على هاي المادة و يشوف اذا ينجحك اذا انت واكع باثنين و اثنينهن اذا انضاف القرار تنجح بيهن ف راح تنضاف على المادة اللي مشى التصويت عليها ( اللي هي الفارما) هذا الحجي على المواد الوزارية

عسريع محتاج تصوتون

تنبيه هام إلى طلبة قسم الصيدلة طلبتنا الأعزاء… نود إعلامكم بأنه في حال عدم وجود كتاب التدريب الرسمي الذي يثبت مباشرة الطالب بالتدريب الصيفي، فسيُعد الطالب غير متدرب إلى حين استيفائه جميع متطلبات التدريب وإكمال الإجراءات الأصولية. كما نؤكد أن أي دورات تدريبية أو شهادات مشاركة لا تُعد بديلاً عن التدريب الصيفي المعتمد، ولا يُعتد بها لأغراض استكمال متطلبات التدريب، ما لم تكن معتمدة رسميًا ووفق الضوابط والتعليمات النافذة. لذا، يرجى من جميع الطلبة التأكد من استيفاء جميع الشروط وتقديم الوثائق المطلوبة ضمن المدد المحددة، تجنبًا لأي إشكالات قد تؤثر على موقفهم الدراسي. مع تمنياتنا لكم بالتوفيق والنجاح

شباب باجر اخر يوم لاستلام النتائج و تقديم الاعتراضات اللي عنده نقوصات لازم باجر يكملها لان باجر اخر يوم و بالنسبة للاعتراضات شباب نصيحة لحد يعترض الاعتراض ما يفيد بشي و لا حيقدم ولا حياخر مجرد دفع فلوس علخالي بلاش

شباب تلجلت النتائج للاربعاء علمود تلحكون تكملون الاستمارة مال تدريب و النقوصات مالتكم

مساء الخير شباب باجر النتائج الساعة ب 10 استلام حضوري النظام كالاتي : 1- تروح للكلية حيكون التىزيع على مقاعد الجلوس مال فاينل يعني تشوف روحك بالفاينل اي قاعة تروح تكعد بنفس المكان اللي جنت كاعد بيه و د نببل حيفتر يوزعلكم النتائج 2- اللي عليه نقوصات يكملها و يستلم و اللي عليه نقوصات او نازل اسمه يروح يسوي براءة ذمة و يدفع 10 الاف اللي اسمه منازل باي شي و اموره نظامية ميحتاج يسوي براءة ذمة 3- ورقة عدم الممانعة مال تدريب ضروري باجر يجيبها وياه و يسلمها بدونها ما يستلم النتيجة لازم يسلم ورقة عدم الممانعة اللي بيها تدريب و بيها كل التفاصيل و ختم الصيدلية

اللي ما لاكي صيدلية يتدرب بيها خاصة ببغداد خل يراسلني بعد ما يدور هو بنفسه اني حساعدكم خاصة بالكرخ يدزلي بالخاص و اني احاول اشوفلكم صيدليات (بس اهم شي انت تكون صدك مدور و ما لاكي و محتاجها مو متعاجز تدور ) و تحياتي للجميع

مساء الخير شباب شباب بالنسبة للنتائج ف هل اسبوع تُعلن و على الاغلب الاثنين (ينزللكم تبليغ من د نبيل بخصوص اليوم) لكن المهم و الضروري ان بيوم النتائج بالنسبة الى ورقة التدريب اللي استلمتوها باخر يوم امتحانات تكون العدم ممانعة جاهزة و تجيبوها للكلية يعني اخر ورقة اللي بيها اسم الصيدلية و اسم اونر الصيدلية و رقمه و ختم الصيدلية و توقيع الصيدلاني كلها بيها كاملة تجيبوها للكلية

تبليغ من القسم يمنع دخولهم الى القاعات الامتحانية

شبابنا الحلوين كل عام و انتم بالف خير جميعا اسئل الله ان يعيده عليكم بالافراح و السعادة و ان يرزقكم الدرجات العلا في الدنيا و الاخرة و يحفظكم انتم و عوائلكم الكريمة و يا رب اشوفكم باعلى المراتب نفر نفر و نفرح بشوفتكم احسن صيادلة شكرا لكل من عايد و دز معايدة و اعتذر على التاخير عن الرد بسبب الانشغال ف كل عام و انتم بخير حبايبي انتوا ♥️🫂

شباب ملازم المد جاي عليهن خمس نقاط بس و الخمس نقاط من اسئلة المد ف ركزوا على ما بعد المد تحياتي

ملازم العقاقير اذا اكو نقص بيهن كلولي