1001 Tech

التسجيلات مستمرة لنهاية سبتمبر لكن من المستحسن تشوف تخصصك من الان قبل مايتعمرو وماتلقاش مقاعد شاغرة

كاش كسوف في هذه الأثناء عندكم وشكون عندو عدسة محمية وقدر يصور !

إذا عندك مشروع يستحق الدعم أو انت تقدم خدمة ما وراك حاب تعرض خدماتك هذا المنشور لك، بالمختصر المفيد شاركنا وش راك تقدم وفيها خير ان شاء الله. يقدر يكون هذا المنشور باب رزق ليك وبالتوفيق 👌

رسـميًا تعديل الدخـول المـدرسـي للتلاميذ الذي سيكون بدايـة من يوم الإثنـين 21 سبتـمبـر والاساتذة 13 سبتمبر و الاداريين 6 سبتمبر زيدو ابررفيتيو من العطلة مابقاش وتخلاص 😅

رسميا في هذه الأثناء تم الاعلان عن نتائج مسابقة التوظيف للأساتذة مبروك لكل الحاصلين على المناصب يادرا كاش نتائج ؟كاش ترتيب ؟

العاشرة بتوقيت الجزائر هل من جديد حول موقع نتائج مسابقة التوظيف للأساتذة فتحلكم ! ولا مزال ثقيل ؟ كاش ستراس !

⁨ خاصية التعليق الصوتي في الستوري تصل للجميع على الإنستغرام⁩

لسنوات ونحن نكتب عن التقنية، وأن تبنيها حتى في أبسط الأمور سيجنبنا الكثير من الكوارث. قطاع واحد تكلمنا عليه مئات المرات، النقل، قطاع حيوي في كل بلد تجتمع فيه الكثير من المدخلات: البنى التحتية، العامل البشري، والعامل المادي من وسائل النقل. هنا ما تقدرش تخلي الأمور للصدفة، ما تقدرش تخليها لـ«فيها خير إن شاء الله»، ولا لضمائر الناس، لأنه في الأخير أنت مسؤول. والمسؤول عنده مهمة واحدة، تنظيم القطاع وتسييره بأفضل الطرق لحفظ الأرواح أولا، ولتقديم خدمة نقل تساهم بشكل مباشر في اقتصاد البلاد. وهنا التقنية ماشي حاجة فرعية ولا مجرد أحلام، لازم تكون داخلة في كلش: في رقابة الطرق، في رقابة المركبات، وفي رقابة السائقين. دورك تقدر بنظام موحد في كل الحافلات، ومن خلال الكاميرات، تعرف العدد الفعلي للركاب في كل حافلة، تعرف سرعة السائق، وتتعرف حتى على حالته العقلية والجسدية. هدو كامل كي رانا نحكو عليهم، مراناش نتخيلوا ولا عايشين في المستقبل، لأنه منذ سنوات أصبحوا من أبسط الأشياء في الكثير من البلدان. نعم، ما نقدرش نمدلك هنا حلولا عملية تروح تطبقها مباشرة، لكن نقدر نمدلك راس الخيط: لازم عمل بضمير، واستثمار في التقنية والتطور الرهيب لي راه صاري في العالم. وماشي عيب أنك تبدأ من وين راهم لاحقين الأمم. شوف الأنظمة ديالهم، اخدم عليها، واستثمر في البيئة ديالك، وبالعقل تبدأ تطور أنظمة داخلية خاصة بيك، وبعدها تستغني تدريجيا على هذيك الأنظمة. المهم، الكثير من الكلام يقال، لكن ربي يرحم خاوتنا، وإن شاء الله تكون هذه الحادثة عبرة تخلينا نغيروا كلش...

كل مرة نهدرو على Cloud نلقاو ناس يقولولك علاش نستعمل حل محلي وكاين AWS و Azure و Google Cloud !والحقيقة انو السؤال ماشي شكون خير، بل شكون مناسب أكثر لاحتياجك؟ فإذا راك Startup جزائرية، مؤسسة، جامعة، ولا حتى مطور يخدم على مشروع محلي، كاين عدة عوامل تقنية لازم تشوفها قبل ما تختار وين تستضيف البنية التحتية تاعك. أول نقطة هي الـ Latency أو زمن الاستجابة. كي تكون الخوادم مستضافة في أوروبا ولا أمريكا، كل طلب يبعثه المستخدم لازم يقطع آلاف الكيلومترات قبل ما يرجع الرد. بالنسبة لبعض التطبيقات البسيطة الفرق مايبانش، بصح في خدمات أخرى كيما الأنظمة الداخلية للشركات، تطبيقات المؤسسات، المنصات التعليمية، أو خدمات معالجة البيانات، كل millisecond تحسب. ثاني نقطة هي Data Sovereignty أو سيادة البيانات. اليوم بزاف مؤسسات وشركات ولات تسقسي وين راهي البيانات تاعي مخزنة بالضبط؟ وتحت أي قوانين راهي خاضعة؟ لهذا شفنا في السنوات الأخيرة توجّه عالمي نحو استضافة البيانات داخل البلد كلما كان ذلك ممكنا، خاصة بالنسبة للبيانات الحساسة. النقطة الثالثة هي الدفع. أغلب الخدمات العالمية تعتمد على بطاقات دولية واشتراكات بالدولار أو اليورو. بالنسبة لكثير من الشركات الناشئة أو المطورين في الجزائر، هاذ النقطة وحدها تقدر تكون عائق أكبر من الجانب التقني نفسه. لهذا شفنا مؤخرا ظهور حلول محلية تسمح بالدفع بالدينار مع نماذج مرنة مثل Pay As You Go، وين تخلص فقط الموارد لي استهلكتها فعلا. من الجانب التقني أيضا، الناس عادة تتصور بلي Cloud يعني فقط VPS. في الواقع، المنصات الحديثة توفر منظومة كاملة تشمل Compute Instances، Block Storage، Snapshots، Backup Automation، Virtual Networks، Security Groups، Load Balancers وحتى GPU Resources للذكاء الاصطناعي والحوسبة المكثفة. ولهذا شفنا مؤخرا شركات جزائرية بدأت توفر Cloud Platforms محلية مبنية على نفس المفاهيم المستعملة عالميا، مع Data Centers داخل الجزائر وإمكانية إنشاء وإدارة الموارد عبر Portal Self-Service، سواء بخطة شهرية أو بالدفع حسب الاستهلاك. ومن اللافت أيضا أن Icosnet كانت من أوائل الشركات في الجزائر التي وفرت منصة Cloud Public بهذا المستوى من الخدمات، وهو ما يعكس تطور البنية التحتية السحابية المحلية خلال السنوات الأخيرة. في النهاية، AWS و Azure و Google Cloud مازالو مرجع عالمي بدون نقاش، لكن السؤال الحقيقي اليوم هو هل كل مشروع يحتاج بالضرورة بنية تحتية موجودة خارج الجزائر؟ أم أن بعض المشاريع المحلية تقدر تستفيد أكثر من Cloud محلي يوفر استجابة أسرع، دفع أسهل، وتحكم أكبر في مكان البيانات؟ وبالنسبة لكم، لو كان عندكم Startup أو SaaS جزائري يخدم أساسا داخل الجزائر… واش تختارو؟ Cloud عالمي أم Cloud محلي؟ وعلاش؟

الخميس القادم ستصبح استاذ ؟ 👨‍🏫

كل مرة يطيح موقع ولا Service، الناس تقول (السيرفر طاح) بصح في الواقع، أكبر الشركات ما تخافش من تعطل سيرفر واحد، لأنها تخدم بخطط كاملة اسمها Backup & Disaster Recovery. الفكرة بسيطة إذا وقع عطل في الخادم، هجوم إلكتروني، حذف ملف بالغلط، ولا حتى كارثة على مستوى مركز البيانات، الخدمة لازم ترجع تخدم في أقل وقت ممكن وبأقل خسائر…لهذا المؤسسات ماعادهاش تعتمد على Backup فقط، بل تبني استراتيجية كاملة تشمل نسخ احتياطية دورية، استرجاع سريع للبيانات، وتوزيع الخدمات على أكثر من مركز بيانات باش تضمن استمرارية النشاط. شفنا مؤخرا بلي Icosnet تعتمد على Double Data Center في الجزائر (الجزائر العاصمة ووهران)، مع حلول Backup وDisaster Recovery موجهة للمؤسسات لي ما تقدرش توقف خدماتها أو تخسر بياناتها. بالنسبة لينا هاذ النوع من البنية التحتية هو لي يبين نضج أي مزود Cloud أكثر من مجرد مساحة تخزين ولا VPS. السؤال اليوم لوكان شركة تخسر قاعدة بيانات الزبائن تاعها الآن… هل تعتقد انو عندها خطة استرجاع حقيقية؟ ولا أول رد فعل يكون (إن شاء الله نلقاو Backup)

اليوم أي واحد يقدر يفتح متجر الكتروني باستعمال WordPress، WooCommerce او غيره، لكن بزاف ناس تلقاهم يركزو على تصميم الموقع والمنتجات وينساو حاجة أهم لي هي البنية التحتية لي راح يستقبل عليها الزبائن تاعو لأن الحقيقة،إذا الموقع يولي بطيء، راح يطيح وقت التخفيضات، ولا يولي غير متوفر وقت ما الزبون يحب يخلص… هنا راك ما خسرتش زيارة فقط، راك خسرت عملية بيع كاملة. لهذا الشركات اليوم ماولاتش تختار الاستضافة على أساس أرخص عرض، بل ولات تشوف عوامل كيما سرعة الاستجابة، الحماية ضد هجمات DDoS، شهادات SSL، معدل التوفر (Availability) وإمكانية تطوير الموارد مع نمو المشروع. هاذ التفاصيل هي لي تحدد واش الزبون يكمل عملية الشراء… ولا يغلق الموقع ويروح لمنافس آخر. شفنا مؤخرا حلول محلية ايضا كيما خدمة Hébergement E-commerce من Icosnet، لي راهي موجهة للمتاجر الإلكترونية مع استضافة محلية، شهادات SSL، حماية ضد الهجمات ولوحات إدارة كيما cPanel وPlesk. رانا حابين نجربوها أكثر ونشوفو كيفاش يكون الأداء الحقيقي مقارنة بحلول أخرى. السؤال الأهم لأصحاب المتاجر الإلكترونية واش أكثر حاجة واجهتكم؟ بطء الموقع؟ مشاكل الاستضافة؟ ولا الأمان؟

جماعة المقاول الذاتي و التجار لي مزال مافراوهاش مع التصريحات G12

تذكير لمستخدمي سنابشات بقاولكم شهرين فقط على حذف صوركم داخل التطبيق دير حسابك

الان وقت تحديد تخصصكم ومستقبلكم روح بلعقل وماتتحمسش لانو هاذي المرحلة الاولى فقط مزال كاين وقت

هذه كل التفاصيل الخاصة بحق الصرف للسفر التي اصدرها بنك الجزائر: ✅ كما تكلمنا البارحة الجديد ان الحق الصرف سيصرف حصرا في البطاقة البنكية الدولية التي يمنحها لك البنك الذي تتعامل معه. ✅ 19 جويلية 2026، راح تدخل حيز التنفيذ. ✅ إضافة إلى شرط فتح حساب بالدينار الجزائري وآخر بالعملة الصعبة يجب ان تتحصل على بطاقة دفع دولية Visa أو Mastercard من بنك جزائري. ✅ مدة السفر يجب أن تكون 7 أيام على الأقل. ✅ الاستفادة تكون مرة واحدة فقط خلال السنة المدنية. ✅ تقديم ملف كامل يتضمن جواز السفر، تذكرة السفر، التأشيرة عند الاقتضاء، ووثيقة تثبت المداخيل. ✅ الدفع لازم يكون قبل 7 أيام من موعد سفرك. الشروط الأخرى بقت نفسها.

تحذير مهم بخصوص خاصية جديدة في الإنستغرام لازم تنحيها

إذا كنت تستعمل خدمات التخزين السحابي، هاذ الاسبوع نحاولو نجيبو اكواد مجانية لتجربة تطبيق ibox لي هو واحد من التطبيقات الجزائرية الموجهة لتخزين الملفات سحابيًا، مع إمكانية رفع الصور، الفيديوهات، الوثائق والملفات المهمة والوصول إليها من أي جهاز وفي أي وقت، دون الحاجة للاعتماد على وسائط تخزين تقليدية. الفكرة الأساسية هي أن تكون ملفاتك متوفرة دائمًا، مع واجهة بسيطة وسهلة الاستعمال، سواء كنت طالبًا، صانع محتوى أو حتى تستعمله لحفظ ملفات العمل والنسخ الاحتياطية. من الجيد أيضًا رؤية حلول جزائرية تدخل مجال الخدمات السحابية، وهو قطاع يشهد نموًا كبيرًا مع تزايد الاعتماد على التخزين الرقمي. هل سبق لكم تجربة ibox؟ وإذا كنتم تستعملون التخزين السحابي، أي خدمة تعتمدون عليها أكثر؟