حتي اللقاء."! 🤎🤎🌿

انا هبطل انشر وممكن أخرج من القناة لأن الموضوع زاد عن حده كل شوية يااما انزل ويحصل تعليق من الصفحات التي لا يوصفها كلمة دي " اتكلمت عنهم قبل كده " فاضطر امسح المنشور يااما اعملهم إزالة تشرفت بيكم جميعا 💗

طب ايه 🤕🥸

تفاعلوا بقي خليكم شاطرين🙃💗 وياريت تكتبوا كومنتات لو حد ليه رأي في حاجه

عمر....عمر.....مالك بتعيط ليه نظر لها بانتباه فاقتربت منه بحنية وهي تمسح دموعه _ قلبي واجعني مش قادر انساهم ولا قادر انسي منظره وهو سايح في د/مه احتضنته بحنان وهي تملس علي خصلاته _ ادعيلهم بالرحمه ياحبيبي واحمد ربنا أنه أنعم عليك وبقيت كويس وماحصلش ليك حاجه ازداد بكائه بسبب ما آلت إليه الذكريات يتذكر عندما استفاق من غيبوبته بعد عدة أيام من طعنه ويتذكر عندما أخبره الطبيب أن أحد الأشخاص راي ما فعلته زوجه اخيه وأنه هو من طلب لها عناصر الشرطة وله سيارة الإسعاف وايضا ماعلمه من الشرطه بأنها تعاني من اضطراب نفسي هو ما جعلها تفكر بتلك العقلية المريضة وتفعل تلك الجرائم بسهولة وقد حُكم عليها ولكنها قامت بقـ/تل نفسها في السجن يتذكر عندما ظل سنتين وحيدا يعيش علي ذكريات عائلته الراحلة حتي كادت الوحدة تبلعه ولكن منّ الله عليه برؤية زوجته الحبيبة " ريم " عندما كان يجلس في أحد المقاهي عدة مرات فأحبها وطلب يدها وتزوجها وعاشا معا ٧ سنوات في مودة ورحمة وقد رزقهما الله بصبي لديه ٦ سنوات واخر ٤ سنوات واخيرا طفلته الحبيبة صاحبة السنة _ الحمد لله علي كل حال ربنا يديمكم ليا وما اتحرمش من حد فيكم ابدا يارب ولا اشوف فيكم مكروه ولا سوء _ فرفش بقي ياعموري ده انا حتي كنت بعملك كيكة بالشوكولاته بس شكلك زعلان المرة الجاية بقي وعليك خير ثم تركته وهي تخرج من الغرفة _ خدي يابت كله الا الكيكه بتاعتي دلف ورائها الي المطبخ فوجدها تضع قطعة من الكيك اللذيذ بجانب تسالي اخري وبعض البوشار فابتسم لها بحب خالص واقترب منها وهو يطبع قبلة حانية علي رأسها فضمته بقوة ثم قبلت اعينه بحب وهي تربت علي خده بحنان _ ربنا يباركلي فيك ويروق بالك ويريح قلبك ويسعدك ويهنيك ياعموري ضمها بقوة وهو يتنفس براحة محاولة منه لتشتيت ذهنه عن ذكرياته السوداء _ قفشتكم بتاكلوا كيكة من غيري أخص عليكم ما كانش العشم ابتسما بهدوء علي كلمات طفلهم البكر " حسام " _ تعالي ياشقي هات حضن وانت حلو كده ركض الطفل بحماس شديد وهو يحتضن والده وفي لحظة كان أخيه الأصغر يفعل مثله والفتاة الصغيرة تزحف أرضا محاولة تقليد شقيقيها فحملتها والدتها وهي تقف أمام عمر الذي يقوم بمداعبة طفليها الذي ارتفعت ضحكاتهما فتوقف ثم حاول أخذهم جميعا بين أحضانه وهو يدعو الله أن يحميهم له #نهلة_البطل #ما_أخفته_الايام

صراخ عمّ الارجاء جعل بعض الأُناس يجتمعون أسفل المنزل ، والبعض الآخر يحاول الدلوف محاولة منهم لفهم سبب الصراخ دقيقة واثنتان ونجحوا في دخول المنزل وهم يذهبون حيث مصدر الصراخ وعندما دلفوا وجدوا شخصا ينام علي سريره غارقا في دمائه بعدما ذبــــ/حه شخص ما .... وزوجته تقف في أحد أركان الغرفة بملامح مرعوبة وجسد متخشب من هول المنظر ومازالت صرخاتها ترتفع وبعد فترة قصيرة كان يدلف شخص في الثانية والثلاثين من عمره بوجه شاحب وهو يتنفس بصعوبة بالغة بسبب ركضه بعد ما سمعه من أحد الجيران " الحق اخوك غرقان في دمه " كان يحاول الدلوف الي غرفة أخيه وعناصر الشـ/رطه تحاول منعه _عاوز اشوف اخويا ابعدوا عني وبعد محاولات منه لإقناعهم دلف وعندما راي مظهر أخيه لم يقوي علي التحرك خطوة واحده وعيناه شاخصتان بصدمة شعر بألم شديد وانقاباضات في صدره وصعوبة في التنفس وفجأة انفجر في بكاء عنيف وهو يقترب من أخيه ويتحسس ملامحه وهو يري الدماء التي تلون ثيابه البيضاء _ حسام......رد عليا ابوس ايدك.....عشان خاطري ماتسيبنيش لوحدي انت اللي باقيلي........عشان خاطري هموت من غيرك مش هقدر اعيش.....قوم وهعمل اي حاجه انت عاوزها ومش هزعلك مني تاني ابدا........قوم يلا........ يا حسام....حساااااااام ارتفعت صرخاته بهستيرية شديدة وهو ينادي أخيه فجاء بعض من عناصر الشرطة وهم يحاولون أبعاده عن الغرفة ولكنهم واجهوا صعوبة شديدة بسبب تمسك ذلك الشخص بجـ/ثة أخيه وبعد مرور عدة أيام كان يجلس أمام قبر أخيه وهو يتلو القرآن الكريم علي روحه طامعا بغفران المولي عز وجل وبعدما انتهي وجد يد احدهم توضع علي كتفه ولم تكن إلا لزوجة أخيه فانتفض جسده باشمئزاز وهو يبتعد عنها فنظرت له ببسمة _ مش بخوّف علي فكرة نظر لها بشرود وهو يحاول فهم بسمتها تلك وقبل اي شيء وبدون انذار رفعت يدها بسكـ/ين حاد وهي تغرزها في صدره فوقع أرضا بألم وامتلأت عيناه بدموع الخيبة _ هتحصل اخوك ..... اقولك علي سر ... انا اللي قتلت اخوك ، قومت بالليل دبــ/ـحته وبعدها اخدت السكينة روحت غسلتها كويس جدا ومحيت اي شيء ممكن يسبب ١% شك ناحيتي وزي ما انت شايف لعبتها كويس والقضية اتسجلت ضد مجهول تحدث بألم شديد وهو يحاول أخذ أنفاسه بصعوبة وكلماته متقطعه _ ليه عملتي ك.....كده كان بيحبك....... حر.... حرام عليكِ _ قتلته عشان كنت بحبك وعاوزه اتجوزك بس انت ماكنتش شايفني وهو وقع في حبي ..... ههههه ما كانش قدامي غير اني اتجوزه عشان ابقي قصاد عينك وتشوفني وكل ما احاول اقرب منك تبعد وتصدرلي الوش الخشب ....... ٦ سنين وانا بحاول اعجبك وانت ولا شايفني قولت مابدهاش بقي يا اما ليا ، يا اما ليا ماهو مفيش خيار تالت ...... وسر كمان اقتربت من شأنه وهي تهمس بعدما ضحكت ضحكه مريضة مختلة _ انا اللي حطيت لامك سم في الاكل عارف ليه..... عشان دايما كانت تقولك هجوزك بنت كل الشباب تحلم بيها......وبردو عشان استولي علي أملاك اخوك وتبقي ليا لوحدي واه ماتخافش موضوع الخِلفة انا اللي كنت مخططاله بردو...... كنت باخد حبوب منع الحمل نظر لها نظرة أخيرة واعين مشوشة وهو يلفظ أنفاسه بصعوبة بالغة وهو يتحدث بكلمات خافتة _ أنتِ واحدة م...مريضة وبعدها استسلم لتلك الغمامة السوداء التي ابتلعته #نهلة_البطل #ما_أخفته_الايام

جمعة مباركة يا أحباب 🤍 أكثروا من الصلاة والسلام على شفيعكم وحبيبكم محمد صلى الله عليه وسلّم 💚💚

تم حذف ونشر الاسكريبت مرة أخرى ثم حذفه مجددا بسبب قيام أحد الأشخاص بالتعليق بحساب يحتوي على صورة شخصية غير لائقة ومخالفة لقيمنا وآدابنا الإسلامية صورة اقل ما يقال عنها انها شيء دنيء، وقد قمت بازالته وبعض أمثاله من القناة أرجو من الجميع الالتزام بما يرضي الله واحترام القناة ومن فيها، ولا يقوم أحد بالتعليق باي لفظ خارج حدود الاحترام أو بحساب يحتوي علي صور غير لائقة ، جزاكم الله خيرًا.💗

وبكرر تاني انا مش بعرف ابذل افضل ماعندي في الاسكريبتات عشان الأحداث بتبقي متلخصه وسريعه وبالتالي هي مش هتبقي افضل شيء بالنسبالي 🤍

ما تتفاعلوا اخواني في الله بكومنت أو لايك او اي حاجه 😀 هنزل اسكريبت هنعتبره درامي بناء علي طلب شخص منكم ويارب ينال اعجابكم بس ياريت تتفاعلوا عشان تشجعوني فأحاول افكر احسن وانشر اكتر 🤎

_جدو خالو بيقولي اتفلقي اقترب منها الجد بحنان وهو يحملها ثم طبع قبلة حانية علي جبهتها _ مش متربي ازاي يزعل السكر ده _ شوفت ياجدو....أخص عليه صح ضحك عليها وهو يتكلم بهدوء ويخرج من الغرفة _ صح ياروح جدو وعندما جلس جدها أمام خالها نظرت إلي خالها باشمئزاز وهي تتمسك في جدها بحب وكأنها تعانده ثم أخرجت لسانها له _ هقطعهولك ياقلب خالو ... ياختي برغوتة حلوة جميلة وضعت يدها علي فمها بصدمة زائفة ثم همست لجدها _ بيشتمني ياجدو ابتسم عليها وعلي ولده الذي دائما يشاكسها _ مزعلها ليه يا كريم _ هي اللي نصابة وبترمي بلاها عليا ياحاج يرضيك _ انا عملت كده اخص عليك يا كوكو نظر لها بغضب _ بت مش قولتلك ماتقوليش كوكو دي تاني _ خلاص منك ليها دماغي مصدعة نظر الاثنان بغضب لبعضهما وكأنهما طفلان عنّفا من والدهما _ انا عاوزه حلويات ياجدو وكوكو مش راضي يجيبلي _ اه يابنت البومة نطق بها كريم في سره وهو يتوعد لها _ هجيبلك انا كل اللي أنتِ عاوزاه ياقلب جدو... تيجي ننزل نجيب علي ماما ماتحضر الاكل وبابا ييجي عشان نتغدا انفرجت شفتاها ببسمة واسعة والتمعت أعينها بفرحة _ يلا بسرعة وهتجيبلي مصاصة _ حاضر عيوني قومي بس يلا نادي رحيم عشان يجيب حلويات هو كمان _ يعيش جدو حبيبي والناس التانية لا نطقتها وهي تنظر لخالها وكأنها تكيده ثم ذهبت كي تنادي أخيها _ شوفت البت الكيادة ياحاج _ بطل تتراخم عليها _ بحبها ياحاج البت بنت القرعة دي عشان بلسان....وتحسها واحدة عجوزة وهي بتتكلم بتبقي سكر وعاوزه تتاكل ابتسم أبيه بيأس وبعد دقائق كان يأخذ الاطفال حتي يجلب لهم مايشتهون وصل زوج رودينا وهو يلقي السلام عليهم ببسمة مرحة ثم اقترب من زوجته وهو يجلس بجانبها وهو يغمز لها فضحكت بخجل وقبل أن تتحدث تكلم كريم وهو يرفع جانب شفتيه _ بيزغزغك ولا ايه ثم اقترب منهم وجلس بينهم في المنتصف وهو يتكلم ببرود _ رجلك ياشبح شوية نظر له زوج أخته برفع حاجب فابتسم له كريم بسمة صفراء _ الدنيا ضلمت ياحبيب اخوك _ مضلمة بناسها ياقلب اخوك _ قومي يارودي ياحبيبة قلبي وعمري وحياتي ودنيتي كلها جهزي الاكل ولو احتاجني مساعدة ناديلي يا عمري نظرت له بعدم تصديق أهذا الذي ان كان بجانبه كوب ماء وطلبته منه يقول لها " مش هعرف اجيبه قومي هاتيه لنفسك ولا اتشليتي " ولكنها تعرف سبب تغيره الوحيد وهو العزيز زوجها فاخيها يغار أن ينال زوجها مدحا منها وهو لا ابتسمت بيأس ثم ذهبت كي تجهز الطعام كاد أن يقوم زوجها ولكن منعه كريم وهو يتكلم ببرود _ مطبخنا مابيتكشفش علي رجالة _ ماترحم امي بقي ايه الشغل الصفار بتاعك ده وقبل أن يرد كريم كان يدلف الجد والصغار وعندما رأوا والدهم ذهبوا له بسرعه وهم يحتضنونه بحب وبعد وقت كان الجميع يجتمع علي مائدة الطعام كعادة لديهم يوم الخميس _ تسلم ايدك يا رودي _ الله يسلمك يانحنوح اطفح وانت ساكت _ ياربي علي الناس المتغاظة ، ماتتجوز ياعم وتخلصنا منك بقي قِرفنا _ ريح نفسك بس والدنيا كلها هترتاح نظر لهم الجد بحزم _ هتبطلوا شغل العيال ده امتا بقي مش خلاص _ هو اللي بيتنحنح يا حاج خليه مالوش دعوة بأختي _ ياحاج دي مراتي هو اللي مالوش دعوة _ اللهم لا اعتراض علي قضائك نطق بها الجد ثم تجاهلهم وهو يطعم الاطفال بينما كانت النظرات مشتعلة بين كريم وزوج أخته التي تبتسم علي مشاكساتهم التي تحدث اينما اجتمعوا ولكنها لا تنكر سعادتها بذلك وبسبب حب كل منهم للآخر حمدت الله ولم تنسي الدعاء لوالدتها الراحلة بالرحمة ثم قضوا وقتا عائليا ملئ بالمشاكسات والمرح والأجواء الدافئة #نهلة_البطل #مشاكسات_عائلية

ااااااه كانت صرخة مرتفعه من شخص في السادسه والعشرون من عمره بسبب الكهرباء التي مسكت جسده عندما كان يحاول تصليح احدي الكابلات الكهربائية ثانية واثنتان واخري وهبط فوق جسده احدي المكنسات اليدوية الخشبية عدة مرات حتي منعته عن مصدر الكهرباء وقع علي الارض بحالة رثة وهو يأخذ أنفاسه بصعوبة وهو يشعر بجميع خلايا جسده غير قادرة علي التحرك _ خلي بالك بعد كده وبلاش تعمل حاجه انت مش فاهم فيها حاجه كان صوت أحد الفتية الذي يبلغ من العمر ثمان سنوات وبعد ان انهي كلماته تركه ببرود وذهب يكمل اللعب تكلم الملقي أرضا بتعب _ اشوف فيك يوم يا ابن الموكوس علي برودك ده اقتربت منه فتاة في الخامسة من عمرها وهي تتكلم بتأثر _ ياحرام ! مالك ياروحي مش تخلي بالك نظر لها بتشوش وهو غير قادر علي الحركة _ عاوز اشرب ملست علي خصلاته بحنان _ حاضر ياحبيبي عاوز سخنه ولا ساقعه _ اي حاجه _ كوباية ولا ازازة _ اي حاجه _ عليها سكر ولا لا _ قومي من قدامي _ اروح فين _ اي داهية _ ليه _ عشان تناحة اللي خلفوكي دي _ يعني ايه تناحة _ اااااااه ارحمني يارب من ولاد الموكوس دول _ مالك ياخالو اغمض عينيه بتعب وهو يحاول تجاهلها حتي يستعيد حركة جسده _ خالو لم يرد عليها فشهقت بعنف وهي تضع يدها علي صدرها _ انت مُت ؟! لم يرد عليها فنظرت له بحزن وهي تربت عليه بحنان _ معلش ياحبيبي بس كويس عشان اعرف اكل حلوياتي من غير ما تاخد منها _ مش بقولك دايما انتم ولاد كلب بحر ماحدش بيصدقني ابتعدت عنه برعب _ انت بتتكلم وانت ميت اما هو فقد استعاد نشاطه تدريجيا فنظر لها ببسمة مختلة وهو يقترب منها بهدوء مريب _ هاكل منك حتة _ يا مامااااا أنهت كلماتها وهي تدلف الي المطبخ حيث توجد والدتها _ خالو بيتكلم وهو ميت وعاوز ياكل مني حتة ثم انفجرت في بكاء وهي تتمسك بوالدتها فحملتها والدتها بحنان وهي تبتسم علي سذاجة طفلتها _ بيهزر معاكِ يالولو نظرت لها الطفلة وقبل أن تتكلم كان خالها يدلف للمطبخ بنفس البسمة المختلة وهو يصدر أصواتا مخيفه من فمه ارتفع صوت الصغيرة بالبكاء فلم تهُن عليه واقترب كي يأخذها ولكنها تمسكت بوالدتها التي نظرت له بغضب _ جننلي العيال بقي _ لولي بهزر معاكِ ياحبيبة خالو تعالي عشان اجيبلك حلويات يلا _ نظرت له بدموع وتساؤل _ يعني انت مش هتاكل مني حتة ابتسم بحنية _ نفسي والله اكل خدودك الحلوين دول بس مش هينفع _ هتجيبلي حلويات كتير _ من عيوني _ ومش هتاكل منها _ لا دي بقي هاكل منها انتي عبيطه يابت ولا عبيطه حاولت التملص من ايدي والدتها بغضب وهي تقترب من خالها _ انت مش بتحترمني ليه _ امشي يابت جاتك واكسة انتي وامك اللي واقفة وراكي دي _ وانا ذنبي ايه دلوقتي _ انك خلفتيها ياقلب اخوكي جاتك داهية تاخدك عيلة بومة نظرت له بصدمة وهي تراه يرحل من المطبخ تاركا إياها هي وابنتها التي نظرت لها بغضب ثم حاولت اللحاق بخالها _ انا عاوزه حلويات لم يرد عليها فاقتربت منه وهو يجلس علي الأريكة ويشاهد التلفاز ببرود _ بكلمك ياخالو نظر لها ثم حوُل نظره للتلفاز ولم يرد عليها ضمت يديها الي صدرها بحزن مصتنع _ مقموصة منك وهتصالح لو جبتلي حلويات _ اتفلقي نظرت له بأعين متسعة ثم تركته وهي تصرخ ذاهبة الي غرفة جدها #مشاكسات_عائلية #نهلة_البطل

كانت تنام بهدوء قبل أن تستمع الي صوت ضوضاء بجانبها ، ففتحت أعينها بخمول وهي تحاول رؤية مصدر الصوت وفجأة ....... ارتفعت صراخاتها بشكل هستيري وهي تري أمامها مباشرة شخص بملامح وجه مشوهه اثر حريق ، ودمـــاء تهبط من عدة فتحات في وجهه وفمه ، واخري متناثرة حوله علي سريرها وعلي ملابسه ، وهو ينظر لها ببسمة مرعبة ويمد يده لها يحاول امساكها ، والاخري صرخاتها ترتفع أكثر واكثر وهي تبتعد للوراء حتي وقعت أرضا تلا ذلك صوت والدتها واخيها وهما يطرقان علي الباب بعنف وينادون اسمها حاولت الوقوف عدة مرات ولكنها لم تستطع لشدة رعبها ورخو اعصابها ومازالت صرخاتها مستمره ودموعها تهبط بقوة لم يتحمل أخيها أكثر من ذلك فقام بدفع الباب بجسده عدة مرات حتي كسره ، ذهب إليها مسرعا وهو يأخذها بين أحضانه ووالدتها تنظر لها بخوف تارة والغرفة تارة اخري تحاول التأكد أن لاشيء في الغرفة ادي الي حالة ابنتها تلك كانت تبكي بين احضان أخيها وهي تتمسك به وهو يربت عليها بحنان _ بس ياقلبي مفيش حاجه هششش بس يا ماما اهدي تكلمت والدتها بعدما اقتربت تربت عليها بخوف _ ماتخافيش يا سمسمه مفيش حاجه ياحبيبتي نظرت سما الي أخيها بدموع وهي تتمسك به _ كان هنا ش.. شكله ك....كان وحش و... قاطعها أخيها وهو يملس علي خصلاتها بهدوء _أنتِ معايا وفي حضني ياقلبي ده كابوس وخلاص مفيش حاجه ارتفع صوتها ببكاء _ لا مش كابوس ده كان جنبي والله العظيم شوفته ماكنتش بحلم انا صحيت علي صوته والله ، صدقني انا مش مجنونه قوليله ياماما أنهت كلماتها وهي توجهها نحو والدتها التي نظرت لها بحزن ثم نظرت أرضا علي حال ابنتها التي كل ليلة يحدث لها شبه ذلك مسح أخيها دموعها بحنان _ حبيبتي احنا قولنا مفيش حاجه وانا وأنتِ وماما في الاوضه اهو ومافيش حاجه خالص ، وده معناه أنه كابوس وبعدين ياروح قلبي لو اعتبرنا أن ده فعلا حقيقه هيروح فين ياماما زاد بكاؤها بسبب عدم تصديقهم لها فهي تقسم أنها كانت مستيقظه وهذا ليس بحلم أو كابوس وأثناء بكاؤها نظرت ناحية باب الغرفة فوجدت نفس الشخص يقف وهو ينظر لها بابتسامه مرعبة ويشير نحو رقبته بعلامة تدل علي قتلها ارتفعت صرخاتها بعنف وهي تغمض عينيها برعب وتشير ناحية الباب _ واقف هناك يامروان عاوز يقتلني نظر مروان ووالدتها ناحية الباب فلم يجدوا شيئا وقبل أن يتحدث أخيها كانت رائحة حريق تنبعث من خارج الغرفة ونيران مشتعله هرول مسرعا محاولة منه أن يسيطر علي تلك النيران التي اشتعلت فجأة وهرول ورائه والدته واخته وهما تصرخان بخوف وقبل أن تخرج أخته كان باب الغرفة يغلق عليها وحدها صرخت برعب وهي تحاول فتح الباب فشعرت بجسد خلفها فنظرت برعب وقد وجدته يبتسم لها ويتكلم بفحيح مرعب _ هتيجي معايا ولا اخلي اخوكي وامك اللي بره دول النار تاكلهم لم تستطع فعل أي شيء ولم تستطع الحركه ناهيك عن ضربات قلبها التي كادت تتوقف وفجأة انحني حتي أصبح أمام وجهها مباشرة وبدون انذار انطفأت الانوار ولم يسمع أحد في الخارج شيء سوي صرخة واحدة #نهلة_البطل #ليلة_مرعبة اول مرة اكتب رعب عسي أن تنال اعجابكم رأيكم يهمني

السلام عليكم ورحمة الله وبركاته 🌸 بما إن مفيش نشر بقاله فترة حابين ايه ينزل ( كوميدي ، دراما .....الخ ) اكتبوا اقتراحاتكم في، وإن شاء الله هحاول انزل أكتر حاجة عليها طلب وياريت يكون فيه تفاعل عشان استمر في النشر. 🤍 وعسي ينال اعجابكم

جمعة مباركة يا أحباب 🤍 أكثروا من الصلاة على شفيعكم وحبيبكم محمد صلى الله عليه وسلّم 💚💚

في الصباح الباكر كان ينام بعمق شديد حتي قاطع صفو غفوته صوت والدته _قوم يافاشل قوم هتتاخر علي أول حصة قوم ياموكوس ياابن الموكوس زفر بحنق وهو يتململ بين الأغطية بضيق ثم فتح عينيه نصف فتحة _عاوزه ايه يااما علي الصبح كان خُفها هو الرد المناسب في منتصف جبهته فتأوه بألم فتكلمت بصراخ _قوووووووم انت لسه هتقعد تقولي عاوزه ايه هي خمس دقايق والاقيك قدامي بره هكون عملتلك السندويتشات وتاخدها وتمشي انت فاهم اياك تتأخر ثانيه واحده انا بحذرك ثم تركته وذهبت للمطبخ كي تقوم بإعداد السندويتشات له فنظر لاثرها بحنق ورفع حاجب _حصة وسندويتشات اه ، رايح أولي ابتدائي انا ثم توكل علي الله وذهب الي الحمام كي يتوضأ ويؤدي فرضه ويتجهز فارتدي بنطلون من خامة الجينز وتيشرت قطن ابيض مصففا خصلاته الكثيفة السوداء ومرتديا ساعة انيقه وبعد ربع ساعةكان يقف أمام والدته التي تنظر له بشرار فجلس بجانبها يشاهد التلفاز ببرود فهبطت صفعه قوية علي عنقه من الخلف فتأوه وهو ينظر لها بغيظ _هي دي الخمس دقايق اللي قولت عليهم ياابن الموكوس وفين شنطتك روح هاتها وتعالي عشان تاخد الزمزمية والسندويتشات وحسابك معايا لما ترجع عشان متتاخرش علي أول حصة دلف والده وهو يكتم ضحكاته بصعوبة _صباح الخير يا سماح صباح الخير يا ابن الموكوس تكلم ولده بعصبية _شيل الولية دي من قدامي يا حاج عشان انا علي اخري أمسكت خفها وهبطت به فوقه بقوة تحت صرخاته وضحكات والده _انت متربتش عشان ابوك معرفش يربيك رد زوجها بحنق _وانا مالي يالمبي نظرت له بحده جعلته ينظر لها ببسمه صفراء ثم وجهت كلماتها لولدها _قوم اخلص اعمل اللي قولتلك عليه عشان اجي اوصلك ارتفع صوت خالد الذي كاد أن يقلع خصلاته بين اصابعه _ياولية ارحميني أشد في شعوري كام مره قولتلك دي جامعه مش حضانه وبعدين مش اسمها حصه اسمها محاضره و اول محاضره هتبقي الساعه عشره وتيجي توصليني بتاع ايه هتخطف علي ايه علي عنيا الزرقة ولا شعري الاصفر ثم نظر لوالده _انا هسيبهالك وامشي يارب ارجع تكون شوفت صرفة مع الولية دي ثم تركهم وقبل أن يعبر باب الشقة نظر لوالده بخبث ثم تكلم ببراءة مزيفة موجها كلماته لوالدته _ابقي اسألي أبا الحاج كده كان واقف امبارح مع ام حنان جارتنا ليه وما أن انهي كلماته حتي فر هاربا من نظراتها التي تحولت نحو أبيه الذي نظر لها ببسمه وهو يبتلع ريقه _هفهمك والله بهدوء من غير ضرب وقلة ادب _____ في جامعة طب عين شمس كان يمشي بين الأروقة وهو لايعلم اي شيء ولا اي شخص حتي وجد أمامه مجموعة من الشباب يقفون يمزحون معا فاقترب منهم ببسمه وترحيب _صباحكم عسل يارجالة سنة أولي هز الجميع رأسه بايجاب فأطلق صفيرا حماسيا ثم أخذ قطعه من البسكويت من يد أحدهم وهو يتكلم بغمزة له _ايوا بقي الكلام علي ايه ضحكوا عليه لغرابته فها هي أول رؤية لهم ويتعامل معهم وكأنهم اصدقائه منذ الطفوله وبعد ساعة تقريبا كانوا يجلسون في قاعة المحاضرات وامامهم دكتور الماده يشرح لهم فسأل احد الشباب خالد _هو الراجل ده بيقول ايه خالد بفخر _هو بيقول كلام مظبوط بس هو ايه بقي الله اعلم ربنا يسترها علينا هز الآخر رأسه باستحسان لتلك الإجابة وبعد وقت طويل تكلم دكتور الماده بهدوء _دلوقتي فيه كويز عشان اعرف كل واحد مستواه عامل ازاي وكان مركز في اللي بقوله ولا لا خالد بصوت عالي _جرا ايه يا دكترا ده احنا لسه بنقول ياهادي ليه كده تخلي هادي مش ييجي كويز ايه بقي ده الدكتور ببسمه هادئة _مخصوم منك درجتين خالد بصوت منخفض وهو علي وشك البكاء _هي باينه من اولها ياعالم ياظالمة _____ بعد العصر كان يجلس خالد بوجه مكفهر وهو ينظر لوالدته بغيظ بسبب نظراتها الشامته له بعدما أخبرها ماحدث في يومه نظرت سماح له بشماتة اكبر وهي تحرك حاجبيها بمشاكسه وتأكل بعض التسالي موجهه كلماتها لزوجها _الا مقولتليش يا محمود اللي بيزعق لامه قبل مايخرج الصبح ويتنطط ويفكر أنه عشان صوته بقي حلوف شبهه وشنبه بقي زي زرع البصل الاخضر وبقي مفكر نفسه راجل بيحصله ايه محمود بضحك مكتوم وهو ينظر لولده _بيتخصمله درجتين في الكويز ياقلب محمود ارتفعت ضحكاتهم سويا تلاها صراخ خالد بجنون _يارب ارحمني من العيشه المستفزة دي ثم نظر لهم بغيظ وهو يتجه نحو غرفته _ اعوذ بالله من غضب الله اللهم لا اعتراض علي قضائك يارب #عشوائيات_الدراسة #نهلة_البطل

بعدما اقتربت جني منه حاولت مساعدته كي يجلس على الأريكة براحه ثم أخذت الدواء من اختها وناولته له فوضع يده ناحيه قلبه وهو يغمض عينيه بألم وهناك هي تجلس علي الكرسي المتحرك بقلب متألم علي مظهره وعقلها مشتت بسبب كلماته بينما عبده يقف وهو ينظر في الفراغ والكلمات…

بعدما اقتربت جني منه حاولت مساعدته كي يجلس على الأريكة براحه ثم أخذت الدواء من اختها وناولته له فوضع يده ناحيه قلبه وهو يغمض عينيه بألم وهناك هي تجلس علي الكرسي المتحرك بقلب متألم علي مظهره وعقلها مشتت بسبب كلماته بينما عبده يقف وهو ينظر في الفراغ والكلمات…

خسرتك قبلها بس اللي كان مصبرني انك عايشه ولسه عندي امل ان ربنا يجمع بينا ولما لقيت ابنك اقترحت عليه يجيك وييجي هنا في الوقت ده لان ده الوقت المناسب واللي ممكن بنسبه بسيطه يقدر يقتنع بكلامي لأن قبل كده مكانش هيبقي فيه اي حجه تخليكي تيجي هنا انهي كلماته وهو…

جُمعة مباركة يا صُحبة الخير🤍 لا تنسوا قراءة سورة الكهف فهي عِصمتكم🫀 أكثروا من الصلاة على الحبيب المصطفى صلى الله عليه وسلم 💚