𝗔

وين چنتي وليش مَتأخره علي كل هل سنين؟ وليش مَا طيفج اجه وفزز صفنتي؟ وين چنتي گبل تسع سنين؟ مَريتي على عيني ومَا وگفتي ليش مَن دك الجرس مَا صارن عيونچ فرصتي ليش يا اول درس يفترض كنتي ليش مَن كف العُمر هسه ظهرتي وين چنتي يا مَلك شيطان وتلبس بچثتي ويا دمَع خسران يمثلم وچنتي ويا إلم لف رُوحَه سجين بحَسرتي وين چنتي وليش مَا چيتي گبل لا توصل الفضه الگذلتي وليش مَن عبرن مَحطاتي ركبتي وليش فتحَتي لمن ذبلت وردتي؟ والله لو عندي بخت چا لمچ بختي وين چنتي چان هسه دمُوعي مَاكو وخابصه العالم ضحكتي وچان هسه همومي مَيته وعافيه بوچنت فرحَتي وين چنتي وليش مَتعطله وصلتي؟

لا تسولفلي على جرحَك عُمري ضاع الجرح يشفى ، سنيني وين ألگيها؟ تبچي چي مَايك تبدّى على السراب انا رُوحَي لخاطرك چافيها كون مُو گد الهوى شجابك عليه؟ چفوف مُو يمك شكو تلاويها لا تبرر ذبلت الورده بإيديك أنتَ مُو گدها الشمس شعليها وردة مَاتت إلمن ترشلها مَاي و هذا ياهو الگالّك تحَييها؟

ورده مَاتت المن ترشها مَاي؟ وهذا ياهو الكَالك تحَييها؟ صرت كتالي بركبتك دمَي صار وذيج رُوحَي بذمَتك خليها سالفه العاف القفص يرجع علي شعنده راجع؟ هاي لا تحَچيها انا ردتك لمن جانت بيه رُوح ترجع المن؟ بعد رُوحَي شبيها التفكَه المكتره ساعات الثكَال فشله مَن يكَضن تجر سركَيها .

لك شلون هيچ تغيرت گلي شجاك؟ انا المحَترگ واركض وراك ومَن طفيت وشفتك مَشربني مَاي مَكيف شمدريني بـ المُوت بدواي لك مَا مَعودني عَ هذا التزامَك مَاردت تشبگني بَس بارد سلامَك لك شلون تنسى اسمي بعد ذاك الدلال؟ وانا گايل الامَي شنسمي الجهال . حَيدر حَطاب

وحَدي عايش لا شلونك لا هله أحَمد الله وياي زينه العائله انا حَسبالي الظروف تجيب ناس ثاري يتبخرون مَن اول مُشكله انا بَس ظرفي صعب ومَاضل صديق ولا حَبيب ولا گرابا ولا مَلى طحَت غير انشال چا وين الجفوف العبرتهن مَرحلة بصف مَرحلة الِكثر الجيات ينمل ، مَا اجيت لأن ادري الما يحَب نشتاق اله لا تجون ولا شلونك لا سؤال ادري انا حَارگ خيمه بكربله؟

تَمساح بنهرهم صاحَوا مَن الخوف وجازفت بحَياتي مَن سمعت صياح صارعت المنيه وهزني بيده لمُوت ومَدمة طلعت صفكوا للتمساح كاظم اسماعيل الكاطع

مَاخذ ناكَتي وعايفلك الصحَراء وخير مَن الله عندي مَتاع يكفي ومَثل مَا طيره تنكت رُوحَها مَن الماي هيچ انكت عثرتك نكت مَن چتفي علي فضلت وادم تنعرض بالسوك لا مَن طينتي ولا تنحط بصفي انا بره القصر بَس قالق السلطان وذوله ويه العبيد الواكفه تهفي على صوتي عليك اعذرني مَا مَقصود بَس بلا صياح العتب مَا يشفي ولا تنشدني وين مَسافر ومَچفي رمَاد ومَن اسافر مَا مَحدد وين المُهم بَس اشرد مَن الموگد المطفي وبعد مَثل الفراغ اليبقى بالميزان مَن نتلاگه چتفك مَا يطخ چتفي على باب العلاقه حَذروني الناس الحَچي بوجهك فرق گالولي عَ المِخفي كلها تصيحَلي اوگف لا تفوت شلون درب كله گزاز وطفل مَتحفي وفتت بيها مَتاهه ومَن گضت رديت الدرب مَا حافظه وامَشي على اثر نزفي ظرفك سهل مَا ينقاس ويه ظرفي وجرحَك عين الأبره وجرحَي عين البوم مَفتش ليله كله ومَارضى يغفي وباب العشره سديته بقلق وبخوف ولك چن ساد بيدي عيون مَتوفي نهر بَس نشفتني وحَاط الله وياك چانت تترس الحَلوات مَن چرفي عِشره وتنگطع وتشدها مَا تنراد وبعد مَا عندي واهس تعتذر واعفي شريط الافتتاح وحَدي گطعه وياك طرفك لا امَسه ولا تمس طرفي ولا تِنشدني وين مَسافر ومَچفي ابن ادم بين فتره وفتره كون يغيب ويفرش ناسه كلها ويگعد يصفي سِعد شميل

لو تحَب لو مَا تحَب هيَ وحَده مَن أثنين تَاركني وسط الدرب توعَد الك سنتين حَتى بعذابك عَذب بَس الصبر لـ وين؟ لو تحَب لو مَا تحَب

أمَشي خطوة يجوز يطلع مُو سراب وتنفتحَلك عين مَاي وترتوي يِمكن تلاگي بطريقك حُب عظيم ليش گاضيها بغرفتك مَنطوي؟ يجوز تلگه بصفة مَضموم الكتاب بغير صفحَة مَضموم الطوي ومَيز الأيام إلي يمُرن عليك وعيش باجر لا تعيش البارحَة وفتش بحَيطان بيتك تلگه باب گبل لا يندگ اريدك فاتحَة والمواقف عيشها وخلگك طويل حَتى تتحَمل وجعها وتحَتوي اليوجعك لأزم يمرن عليك الثمره بيش تفيد اذا مَا تستوي أمَشي ، والمكتوبلك يركض وراك مَثل حَرف القافية وحَرف الروي . مَهند العزاوي

انا ومَحبوبي مَانحسب عُمرنه انا سميت حُبك حُب عراقي مَن اول الآخر نفس باقي نعوف الدنيا بَس احَباب مَنعوف ونذوب بسالفة خدين وأزلوف وعشگنه يصير اطول مَن صبرنه انا ومَحبوبي مَانحَسب عمرنه اذا نحَسب مَسافتنه مَشاعر هذا وياك يعني بصفي صاير اغنيلك وتغفي بين اديا وانعيش احَلى الليالي العاطفيه حَبيبين وگمر غتفي بكثرنه انا ومَحبوبي مَا نحَسب عُمرنه . زيد السومَري

بطرانة الشمس تچويني كل يوم وانا حَرورتي تچوي التنانير هو العاش عُمره بضيم وهموم عنده الموت تسيورة خطاطير .

أحَبك مَا اريد بعينك دمُوع رغُم مَا دمَعتك يِسحر شكلها دضم رُوحَي ويا رُوحَك ضم رُوحَي ويا رُوحَك خلها وياك على كل السوالف سولفلها واخذ الشفة لو مَر وكتك يصير اله ضميتها رشفتها وعسلها وحَگ حَضرة الكاظم يوم زرناه وحَگ زينب وحَگ ذاك الكفلها وحَگ جمره حَسين وعطشه احَشاه وحَگ حَيدر للكل شده يِحلها اذا اهلي وهلك والوكت والناس والدنيا علينا تدير كلها ما اعوفك اذا رادو يبعدونك بحَزام ألمناية اتحَزملها مَن ذي قار امَدها الجثث لهنا لخليها صدك يشهد زحَلها . عَدنان الركابي

أكل عُمري الحَزن واستفحَل الشيب! مَثل صبوره تاكل بالطباشير ولو هو الحَزن مَريود نوبات الخشب چا ضل حَطب لو مَا البسامَير . يوسف حَسن

لا تلوم العين وتَنشف الدمُوع شضارك لو دَمع صبت عَيني لو تعرف اسباب نوحَي وليش انوح چا صارت عبره وتجي تبچيني وأنتَ مَاعندك جرح تبچي علي وين تِلگه حَسين مَثل حَسيني؟ رحَيم المالكي

مَاريدك حَقد وتضيع الاشواق مَثل الظل يضيع لون الهدوم احَرم رُوحَي مَني وابقى وياه اشعلت رُوحَي وضويت بِدربك قنديل ، واخذ حَصته الخلال وحَصتي اللي الفياي ، خَذت الفياي ابيعه وجلجل الليل صعود الجبل ياخذ مَنك ايام بَس لو تطيح بسرعه السيل الفرح شال وياي شال الحاء بسكوت فر مَني وتركني ويا المواويل ، مَالوم العواذل أنتَ تلام ، ابرها اليلام مَحد عاتب الفيل ، احَس طيفك يجيني بهيئه غراب ويخلي جناحَه قوس وظفره نشاب وسهم ظفرك يجيني ببين الضلوع ، اجر ظفرك واشم يفوح عطاب ، احَس بليل مُوت ورُوح ، يالليل خاف اعطش واشربك وادري تيزاب افرحَت مَن طاح بيدك گمر بالليل وبَس صار الصبح شو بين تراب اذبحَها بسيف اهون حتى ترتاح ولا تربط الناگه كبال كصاب . يوسف حَسن

أنتَ باجر والبشر كلها امَس وأنتَ رب الصوت والوادم هَمس أنتَ ياشمس الضحى المَاتنكشف سَنين تانيتك حَبيبي وگلبي مَابطل نزف وياك اخذني رُوحَي مَابيها صبح وياك اخذني راسي يبچي اعلى الرُمح وياك اخذني لا يشدني مَغازل عَيونك واعَبدك وانفضح .

سَنتين اتفقنا وكَضن عَشرين ورمُح هجرك الهسه برُوحَي مَغروس وعَشت كل عُمري ليل بغير مِلكَاك اباوع عَ الشمس تَمثال فانوس جائز يَم عَشيقة هناك ضليت ومَا لومَك ضحَك والليل والكوس وهواي الكَلوب او واحَد الحُب يضل التاج بَس تتبدل الرؤوس سَنتين اتفقنا وكَضن عَشرين ورمُح هجرك الهسه برُوحَي مَغروس او تظل مَطلوب إلي ولا تنكر الدين ترى بدَم الشجر مَتلطخه الفوس ضعت بَعدك حَبيبي بلايه عَنوان ومَثل الريح امَشي بلايه سكان الشماته استفلحَت واتوسلك عود اذا تمُوت الشمس تَفرح العميان . يوسف حَسن

انا مَتانيك رغم الرايدَتني هواي لهسة بـ غيَر وجهّك گلبي مَا قانع .

إذا ينسى الفجر خيط الشمس انساك وابطل كل حَزن وأتعمد الونسه بَس اعرفها رُوحَي تضل تبچي على طيفك وأبد مَاتنسى .

بعدهن لا مَشن لا شافن النور هيچ احَلامي كلهن ماتن صغار .