Ehab Fayez

ال SAAS بيموت في السوق الغربي لانه تقدر تعمل حلول محلية Local solutions باستخدام الذكاء الاصطناعي وتوفر فلوس اشتراك مبقاش منطقي الا لو الحل هيوفرلك فلوس ووقت كبير والحل المحلي مش هيساعدك في شغلك بنسبه 100% لكن اغلب الSAAS قابل للاستبدال حتي انه في توجه للشركات (واحده منهم شركتي) انها تقدم خدمات انشاء حلول محلية لاصحاب المشاريع الصغيره الي عايزه حل محلي وتبدل اشتراكاتها الشهريه عشان تقلل المصاريف طبعا مش كل الSAAS هيموت زي مثلا Slack بقي المكان المثالي لتجمع البشر والagents او نوشن او obsidian لتجمع افكار البشر وتقارير الوكلاء او القطاع المصرفي وقطاعات تانيه لكن التوجه المستقبلي هوا للحلول المحلية والاساس لاي توجه مستقبلي هيكون تجربه المستخدم وتصميمه والكود هيكون اعتماد شبه كلي علي الوكلاء وعلي المكاتب الي كل يوم بتطور اكتر وبتساعد في تمكين الوكلاء والذكاء الاصطناعي بالعموم في كتابه كود احسن ومتميكن في التكنلوجيا الي بيكتب لها ده مش بيعني انه المبرمجين دورهم انتهي بالعكس دورهم بقي اهم بكتير من اي وقت لانهم هيحسنه من الكود المكتوب من الذكاء الاصطناعي ومش كل مشكله بيكون حلها انه الذكاء الاصطناعي يشتغل عليها لانه ممكن يحرق فلوس اكتر من مبرمج خبير يقدر يحلها في وقت قليل وايضا مراجعة من مبرمج هتكون مهمه جدا جدا بسبب النظام الامني او قواعد البيانات واستيعاب المنصه او الحل لعدد كبير من المستخدمين لان دي حاجات مش الذكاء الاصطناعي يقدر حاليا يتمكن من تنفيذها بنسبه 100% المستقبل هوا تجربة المستخدم والحلول المحلية ونمو سريع للمشاريع الصغيره اكتر من الاول نظرا لوجود طرق انهم يقدره بيها يتحركه بشكل اسرع واوفر من الاول بكتير

في الوقت الحالي ال skills هيا واحده من اهم العناصر في المشاريع الي بتستخدم الذكاء الاصطناعي في تنفيذها بجانب ال DESIGN.md وال MCP وغيره انا عملت قايمه باهم وافضل المهارات الي ممكن تستخدمها سواء كنت مصمم تجربه مستخدم او مبرمج بيستخدم Claude في شغله هتلاقي كمان مهارات في الانيميشن الي هتساعدك تنفذ انيميشن قويه او مهارات للتصميم في انها تشوف التصميم الي بتعمله وتختبره بناء علي قواعد معينه في التصميم او انها اصلا تحسن منه او انك تبدء تصمم باستخدام المهارات دي وتطلع نتايج اقوي بكتير من النتايج الي كنت بطلعها قبل كده انصحك جداا تبص بصه علي القايمه وبالمهارات وتقولي رايك ولو في مهاره تستاهل انها تضاف ياريت تشاركها معايه في التعليقات رابط القايمه وفيها طرق التثبيت وروابط من Github: https://lnkd.in/dYhdbbzS * تقدر تشارك اي مهاره منهم علي كلاود وتقوله يحملها ويثبتهالك

غلطه مني واتمني تستفاد منها لما كنت بستخدم كلاود عشان اقدم علي مشاريع في منصه ابوورك او حتي ارد علي بعض العملاء في الايميل كانت نسبه الرد قليله جداا رغم ان الرساله من كلاود احترافيه جدا جدا وفي الصميم انما لما بكتب رساله بنفسي نسبه الرد كانت بتزيد الضعفين او تلاته تقريبا والسبب كان ان كلاود بسبب احترافيه الايميل بيخسر ان الرساله تكون قصيره او تكون انسانيه وفيها احساس ان انسان هوا الي كاتبها وبيخلي العميل المحتمل ده يفقد ثقته فيا لانه لاحظ ان ذكاء اصطناعي بيرد عليه وده هوا بيتجنبه عشان كده عايز يوظف انسان بيقراء التفاصيل وبيفهم الوضع وبيقترح افكار ورسايله تبان جدا انها من انسان مش بعيد ان العملاء دي بعته رسالتي لموقع بيختبر اذا كانت من انسان او من ذكاء اصطناعي ومش بعيد اول لما شافه الرساله تجاهلوني تماما بسبب اول احساس او نظره منهم انه دي من ذكاء اصطناعي ف ده بيعني الشخص ده مش عنده المهاره الكافيه انه يرد او يقوم بالوظيفة

ليه تحتاج Adobe Aftereffect وانتا عندك Figma Motion هتصدق لو قلتلك ان الفيديو ده والانيميشن ده معمول ب فيجما موشن؟ انتا متخيل الامكانيات والافكار الي المصممين كانو نفسهم دايما ينفذوها لكن بسبب الاجهزة بتاعتنا الي مش بتشغل افتر افكت او بسبب مستوي التعلم الصعب للافتر افكت مش بيخلينا نقدر نوصل لمستويات اعلي ف الانيميشن دلوقت كل ده اتشال من حدودنا!!

ااااخيراااا في مؤتمر فيجما اعلنه عن Figma Motion انسا زمان لما كنا بنحتاج نستخدم ادوات خارجيه زي Jitter او Protopie عشان نعمل انيميشنز متقدمه بسبب ضعف فيجما في الانيميشن

فيجما عملت اضافة جديده رهيييبه جدا بتخليك تقدر تحول اي موقع علي النت لـ تصميم قابل للتعديل جوه فيجما وبيكون طالعلك بAuto layout و Frames عملنا فيديو عنها تقدر تتفرج عليه من الرابط ده: https://youtu.be/twzvVs1y24o

كتير جدا ناس بلاقيها بتسال او حتي بتدخل تسالني انا لسه ببدء في المجال ومش عارف اعمل مشروع ايه عشان اضيفه للبورتفليو بتاعي ف قلت ليه مش نحل المشكله دي عشان الكل يستفاد؟ دلوقت علي موقعي هتلاقي مولد الافكار هتختار اساسيات الفكره الي عايز تصمملها سواء لو كانت لوحه تحكم او صفحه هبوط او تطبيق موبيل او ويب وعلطول هتظهرلك فكره للتصميم بالمحتوي بالالوان وبالفونتات (الخطوط) الي تقدر تستخدمها وكمان تغذيه بصريه تقدر تجيب افكار منها تقدر تبدء تستخدم مولد الافكار من الرابط ده: ehabfayez.com/design-ideas

الفتره الجايه هنلاقي اكاديميات وصناع محتوي بتقدم كورسات مدفوعه في ال Design & Develop with Agents انا مش ضد ده ابدا طبعا بس اهم حاجه تكون من تجربتهم الشخصيه مش مجرد نقل معلومه مجانيه بالانجليزي تقدر تترجمها بـ ChatGPT او Claude او تشوف فيديوهات عل يوتيوب وهتلاقيها مجانا لحد ما الوقت ده يجي ان شاء الله هنرجع نكمل كورس فيجما علي اليوتيوب اخر فيديوهات فيه وهندخل علي المتطلبات الجديده في السوق الوظيفي والي المصمم محتاج يتعلمه سواء شغال كـ فري لانسر او في شركه والكورس الجديد طبعا مجاني وهيكون بيستهدف المصممين والمبرمجين وكمان اصحاب الشركات الي حابه تقوم بدور المصمم والمبرمج باستخدام الادوات والذكاء الاصطناعي المتاح حاليا في السوق وحتي لو انتا مش معاك امكانيه تعمل اشتراك في كلاود او شات جي بي تي انصحك بالكورس لانه مجرد مشاهده هتديك افكار ومعلومات كتيره هتوفر ملاين التوكنز من مجرد مشاهدتها بس ان شاء الله

حد يديني مليون جنيه عشان من فتره اكلمت عن جزء الديزاين سيستم والتوكنز والفاريابلز وانه قريب جدا هنلاقي الذكاء الاصطناعي بيساعدنا في دي ومش هتكون شغلتنا التسميه او انه نفضل حاول نستمر ف تنسيق التصميم والكود والمنتجات تحت براند انهارده اقدملكم Claude Design😍❤️ واستني عليه شويه وهتلاقيه ف مستوي تاني!!!

في حماس كبير اوي علي الذكاء الاصطناعي وانه هيبدل المبرمجين او المصممين وفي شركات بدات تبص علي المرتبات الي بتصرفها مقارنه بالانتاجيه الي بتيجي مقابل ليها ده حتي في شركات سرحت موظفين كتير عشان يستعينه بالذكاء الاصطناعي لانه شايفين ان اغلب الشغل ممكن جدا بالذكاء الاصطناعي ومع شخص واحد بس يدير كل ده الحقيقه الصريحه الي محدش فيهم بيبص عليها وهوا انهارده الشركات دي وصلت للمكانه العاليه دي في السوق او للمكان الي هيا فيه بسبب الموظفين البشر الي قدره يصممه منتج مش بس قابل للاستخدام انما متناسب مع المشكله الي الناس الي محتاجه الحل ده وبالطريقه المناسبه الي بناء علي اختباراتهم واستنتاجاتهم بعقلهم البشري وخبرتهم الانسانيه قدره يوصله ليها وبنفس دلوقت الشركات تركت التفكير تماما في جزء ان اطلاق ميزات جديده لازم يكون بيحل مشكله وبنفس الوقت تكون مبنيه علي طلب من المستخدمين والحل بيتناسب مع الفئه دي والسوق ده والنوع ده من البشر وبدات تركز علي جزء انه احنا عندنا قاعده جماهيريه كبيره وخلاص استقرينا او ثبتنا مكاننا ف توفير الفلوس من الموظفين واستخدام الذكاء الاصطناعي هوا الحل الامثل عشان نتحرق لقدام هوا اكتر قرار كارثي اي شركه ممكن تاخده بسبب انه مكانتك السوقيه مش مبنيه علي ثقه اكتسبتها وفضلت معاك وهتفضل معاك للابد وبنفس الوقت مكانتك اكتسبتها بناء علي الحل والقيمه الي بتديها لمستخدمينك وحتي لو المستخدمين دول متعودين علي منتجك مش معناه ان في منافس ليك ممكن يظل يستخدم موظفين بشر ومش يعرف يتفوق عليك بالعكس التفوق عليك هيكون امر حتمي لانه تركيزه مش في عدد المميزات الي بيتم اطلاقها يوميا او شهريا انما المشاكل الي بيحلها ومكانه المنتج ده في حياه المستخدم وازاي يحافظ علي مكانته وازاي يكبر مش ازاي يوفر فلوس موظفين عشان يستخدمها في ذكاء اصطناعي ومستعد للكوارث الي ممكن تحصل وقت ما يعتمد عليه اعتماد كلي تفتكر لو انتا كـ صاحب شركه وفي عصر الذكاء الاصطناعي اختيارك في الاستثمار انه تخلي شركتك بيتم ادارتها من الذكاء الاصطناعي وانتا بس ده افضل حل ولا انك توظف موظفين؟

من فتره بسيطه شركه Figma اعلنت عن انه دلوقت الMCP بتاعهم يقدر يخلي مثلا كلاود يصمم جوه فيجما ويستخدم الديزاين سيستم بتاع الشركه عندك ويعدل عليه او يضيف عليه او يصمم منه الناس اخدت الموضوع ده بتساهل تام ومركزتش في حاجه انا اكلمت عنها من فتره سواء في بوست او حتي في بث مباشر وهوا ان شركه فيجما محتاجه تواكب في موضوع الذكاء الاصطناعي وهما لاحظه حاجه مهمه انهم مش هيعرفه يواكبه اصلا لانه مين الي بينافسوه؟ اكبر معامل علي وجه الارض زي انثروبيك و openai ف بدل ما تكون فيجما عامله ذكاء اصطناعي خاص بيها بقت اداه الذكاء الاصطناعي يقدر يستخدمها عشان يصمم وبكده فيجما بتحاول تحتفظ بمكانتها السوقيه زي ما شركه ابل برضه نفذت نفس الطريقه دي ويها مش عاملين ذكاء اصطناعي خاص بيها انما فتحت سوقها الي فيه اكتر من ٢ مليار مستخدم لهواتفها واجهزتها لشركات الذكاء الاصطناعي وبتاخد نسبه منه (من الهوا حرفيا بتاخد فلوس وهيا لا دربت الذكاء الاصطناعي ولا اي حاجه فتحت سوقها ليهم بس) فيجما الفتره الجايه هنلاقي انه تحديثاتها مش هتكون متوجهه جدا للبشر انما للذكاء الاصطناعي وده شيء انا متحمس له جدا عشان هيخلي الاداه تتمركز في السوق اكتر من الاول وهتكون مهمه جداا لانه اكتر تحدي حاليا موجود في العالم الرقمي انه الذكاء الاصطناعي بيطلع تصاميم مشابها لبعض او لازم تستخدم اكتر من واحد واكتر من شركه عشان تعمل حاجه كويسه ما بالك لما يكون عندك اداه واحده مركزيه تقدر تطلع بيها حاجات رهيبه؟

دلوقت تقدر تستخدم Claude Code عشان يصمم داخل فيجما وبفهم كامل للـ Design System بتاع الشركه عندك او المشروع عندك دي ميزه رهيبه جدا وخصوصا حتي انك تقدر تخليه يحسن من الديزاين سيستم او يعدل فيه ويبني منه وتشوف كل ده كمان!

بعد ما اشتريت الماك ميني الحقيقه الهدف منه مكنش ل انه اثبت OpenClaw انما للاختبارات الي عايز اعملها زي مثلا انه بدل OpenClaw استخدم Hermes Agent لكن مع Local AI زي Qwen 3:14B واعدل عليه واحسن منه باستخدام AutoResearch من كارباثي واحسن من معدل التوكنز الي بيستخدمها عن طريق انه اوقف ال reasoning و thinking واخليه يستخدمها وقت الاحتياج بس او انه استخدمه هوا و مودل تاني صغير جدا 3B علي منصه واخليهم يقررو امتي كل واحد فيهم يرد علي العميل بناء علي مستوي الطلب وكمان استخدم ميثود ال RAG عشان احسن من جوده الردود بما انه عندنا المعلومات ك ملفات متاحه في المنصه نفسها اصلا غير كمان شويه integrations زي Google Calendar, Ads, Analytics وكمان Notion و انه استخدم كلاود فلير عشان اخلي الLocal AI يكون مربوط بالمنصه من غير ما استخدم اي حل خارجي وادفع عليه فلوس شهريه وبستخدم AWS عشان استضافه المحتوي والصور وبستخدم digital ocean ك سيرفر للمواقع الي بشتغل عليها بعيدا عن ويب فلو او فريمر ك نوع من التجربه الي اقدر اوصله غير برضه بتحكم ف الماك ميني من بعيد باستخدام Claude Cowork Dispatch واليومين دول بجرب عن طريق ال SSH وانه افتح كلاود كود ف الماك ميني من بعيد واستخدمه بشكل اسرع من Claude Cowork لاني لاحظت انه بطيء ف الاستجابه ومش بتقدر تشوف كل حاجه هوا بيشتغل عليها الفتره الجايه بقي بفكر اجرب شويه حاجات مجنونه بس نخليها مفاجآه بعيدا عن ده الحقيقه انا عايز اعمل كورس او محتوي عن الذكاء الاصطناعي والي وصلتله لكن الواحد مش عارف يبدء منين بسبب كميه التحديثات الي بتحصل كل شويه والمودلز الي بتنزل كل شويه بعيدا عن كلاود وشركه انثروبيك او كوديكس من OpenAI بس انا متحمس جدااا جداا اشارك الي بوصله والي ممكن نعمله اصلا سواء كنت مصمم او مبرمج او صاحب شركه او هتفتح مشروع او عندك مطعم او محل او تجاره الي بيحصل حاليا في العالم ده محتاج انتباهنا كلنا ونشوف ازاي نقدر نستخدم الذكاء الاصطناعي عشان حرفيا الي جاي احنا مش مستعدين له بسبب كميه التحديثات والانجازات الي بتحصل بشكل سريع وبدون القدرة علي المواكبه

من فتره بسيطه داريو المدير التنفيذي لشركه انثروبيك قال انه الي جاي احنا مش مستعدين له وانه تطورات الذكاء الاصطناعي في السنه الحاليه هتكون جنونيه وده الي بيحصل فعليا بعد التحديث بتاع انهارده ده بيربط حاجات كتيره جدا ببعض هحكيلك علي تحديث انهارده وهنربطه بكل حاجه شركه انثروبيك عملتها الفتره الي فاتت تحديث انهارده بيخلي كلاود يقدر يتحكم في جهازك ماوس وكيبورد وعنده اكسس علي اي تطبيق عندك علي الجهاز وكمان المتصفح بتاعك يعني يقدر يقوم بمهامك كامله وتقدر تتحكم فيه من Claude Cowork dispatch في ناس هنا هتقف كده مذهوله

فيديو انهارده عن هل تم تسريحي من شغلي بسبب الذكاء الاصطناعي؟ هسيبلك القصه والاجابه في الفيديو من الرابط ده: https://youtu.be/LmOHzZeYNeA

في اكتر من حد سالني ليه الشركه الي انا كنت شغال فيها في امريكا عملت تسريح لكل الموظفين وهل التطورات الي بتحصل دلوقت في الذكاء الاصطناعي بتضر مجال تصميم تجربة المستخدم والمبرمجين او حتي المسوقين واتسالت انه اجاوب بكل صراحة عشان كدن انهارده هرفع فيديو بكلم عن الجزء ده مش من منظوري انما من الي تعايشته في شغلي وكمان في شركتي ايهاب ستوديو مع العملاء خلال الاشهر الي فاتت 👀

عصر الفايب ديزاين 💀 https://x.com/iam_ehab/status/2034355720133431697?s=46

🚨 اخبار اخر 24 ساعه في عالم التقنيه و الذكاء الاصطناعي شركة صينية خلّت الـ AI أرخص ٢٥٪ وطرحته ببلاش. OpenAI بتاخد منك ٢٠٠ دولار في الشهر على موديل أضعف 💀 ‏JPMorgan قالت لـ Meta افصلي ٢٠٪ من الموظفين. Meta عملتها نفس الليلة. السهم طلع فوق و١٤ ألف واحد فقدوا شغلهم. Wall Street والبورصه زادت مش نقصت بعد ما ميتا فصلت ١٤ الف موظف!!! ‏Elon سرق المهندسين اللي بنوا Cursor وقال إن SpaceX هتتفوق على الكل في الـ AI ‏xAI بتدفع لبنوك Wall Street عشان يعلّموا الـ AI إزاي يستبدل بنوك Wall Street والبنوك واخدة الفلوس ومبسوطة💀 ‏Jensen قال إن Nvidia هتوصل لـ تريليون دولار revenue بحلول ٢٠٢٧ رغم انها خسرت ٦٠٠ مليار في يناير بسبب DeepSeek ورجعتهم في أسبوعين ‏OpenAI إدت الـ AI agents القدرة يعملوا agents تانيين. الـ AI بقى بيوظّف موظفينه 💀 ‏Manus حطت AI agent كامل على الـ desktop بتاعك كل أداة SaaS بـ ١٥ دولار في الشهر بقت قديمة 💀 ‏AI CMO نزل بيستبدل فريق التسويق كله بـ ٩٩ دولار في الشهر. الـ social media manager والـ SEO والـ content writer — كلهم بـ ٩٩ دولار ‏Nvidia أطلقت DLSS 5 — AI بيحسّن جرافيكس الألعاب في real time 💀 وده كله كان يوم الاتنين بس يا صديقي🫠

🚨 سباق التسلح بدء في عالم التقنيه وانك تتعلم استخدامات الذكاء الاصطناعي وتتعمق فيه كتير ومش بعيد تقدم خدمات عن طريقه او باستخدامه عشان كده اشتريت ماك ميني عشان نبدء نجرب تدريب الذكاء الاصطناعي بشكل Local ونستخدم اكتر من Autonomous AI Agent زي OpenClaw او الامثله الجديده الي بتنزل كل شويه زي Manus وتحديثاته الاخيره من ميتا عشان معرفوش يتوصله للاستحواذ علي OpenClaw و Perplexity وغيرهم انا متحمس جدا انه نواكب التطورات الغربيه ونشاركها في المجتمع العربي ومع اصحاب المشاريع والشركات عشان يقدرو يزودو كفاءة موظفيهم او زياده الانتاجيه وتوفير الوقت! تابعني بقي عشان الي جاي دمار🫣

انهارده جتلي هديه عيد ميلادي من شركه Meta وانه شركتي الجديده بقت Officially Meta Tech Provider في امريكا اللاتينية الواحد مبسوط جدا جدا بالتقدم ده وان شاء الله اليومين الجايين هكلم عن شركتي الجديده 🫣