إرتاع

"بيني وبين انفجار الصبر حذفة حصاه ياليت لو بيننا كلمة قريّب بدو احساسي براحة العزله عطاني قفاه الراحه الماضيه غدو بها اللي غدو العام اشوف العلاقات الكثيره غناه واليوم سلّم علاقاتي هو اكبر عدو من كثر الاحلام ومجاهد ضغوط الحياه فاقد شعور السلام الداخلي والهدو"

"لو إن الزمن هذا همومه تجيك ثقال ‏ما يحتاج له شلفا ولا مهرةٍ تسرج ‏لا تزعل ليا مريت في ضيق حال ومال ‏يجي يوم وظروفك ب آمر خالقك تفرج ‏ليا صرت طيّب فال دوّر لـ طيّب فال ‏ولا تدرج اسم اللي مع الطيب ما يدرج ‏صديق الرخى مهما عطيته قدر واجلال ‏ليا طالت الطرقة عطاها مع المخرج"

‏امثل اني عديم احساس – وانا فطين ‏وهموم صدري ظروف الوقت من دونها ‏مشاعري في يدي .. ماهيب للراحلين ‏ماعادهم يوم راحو يستحقونها ‏وماعاد قلبي على من غاب عني حزين ‏حتى ولو ذكرياته لي ... يطرونها ‏من ينكرون العهد ويمثلون الحنين ‏الذاكرة .. مستحيل انهم يمرونها

‏لولا التوكل على الله والرجاء والعزوم ‏يمدي الليالي توطّتنا .. وهي ماشيه

‏" أنا لي إذنٍ من عجين و إذن من طين ‏لا والله ما لوث صفاء جوي غبارك ‏كليم القفى وينك وأنا عن كلامك وين ‏تبي تموت مارد الصدى صوت مزمارك ‏أعَرّف اجرحك جرحٍ يوسّم لـ يوم الدين ‏" ولكن شرف عداوتي فوق مقدارك "

‏"لا تنظر لـ ماضيك لانه لا يعود فكّر بحاضرك الجديد وسنّعه"

‏في زحام المغريات، وليلها المتمادي ‏من ترك لله شيٍ عاضه أبرك منّه ‏يالله أعصم من محابيل الحرام فوادي ‏عصمةٍ تاخذني بيمناي لين الجنّه ‏ياعظيم الملك وأنت المستعان الهادي ‏باب جودك جعل مانيب محجوبٍ عنّه ‏كل ظنٍ في سواك من الخلايق غادي ‏وانت عبدك عند ظنّه لاحسن بك ظنّه

يا رب تعرف وش اللي فالضمير وتشوف ‏ما غيرك اعلم بدعوى ضيقتي وجهدي ‏جيتك وانا حاجتي راحت فـ يد الظروف ‏ومتأكد اني بروح وحاجتي في يدي

اجوب الشوارع والشوارع تجوب الدار ‏وسكون البيوت يحرّك اللي سكن فيني ‏من يديني أخذها الزمان بيديه و دار ‏وضاعت معاه أجمل سنيني من يديني ‏مسيّر ولا عندي خيارات لجل اختار ‏بعد غابت نجوم السما من يقديني؟ ‏عن البال وش يمنعك يا الطاري المرّار ‏تمر ان بغيت تمر…

اجوب الشوارع والشوارع تجوب الدار ‏وسكون البيوت يحرّك اللي سكن فيني ‏من يديني أخذها الزمان بيديه و دار ‏وضاعت معاه أجمل سنيني من يديني ‏مسيّر ولا عندي خيارات لجل اختار ‏بعد غابت نجوم السما من يقديني؟ ‏عن البال وش يمنعك يا الطاري المرّار ‏تمر ان بغيت تمر من بيني وبيني ‏وأنا كل ما ناح الحمام بضمير وطار ‏تمنيت لو كانت يدّيني جناحيني ‏هروبي بذاكرتي عن مواجهة الأقدار ‏تكرّر بيومياتي وصار روتيني ‏يازوّار خلّوني على البال يا زوّار ‏لو ان الوجود فـ بالها ما يكفّيني ‏تغربت بـ أطواري وماني غريب أطوار ‏وغديت بـ ليالينا .. ولا عاد يمديني ‏مثل من دخل غيبوبه وما درا وش صار ‏وبعد ما انتهت غيبوبته قال انا ويني ؟ ‏وحيد وملت بالي طواري و انا محتار ‏بطاري يصبرني .. و طاري يسريني ‏عليها وأنا مابيني وبينها / مشوار ‏مسافة سهر من جفني الذابل لـ عيني ‏لكن الظروف اللي تعيق الوصال كثار ‏حدّتني على الصمت وحدّتها تخليني ‏لذلك : تقبلّت المفارق بدون أعذار ‏و ودعتها ، ماكنّها شي يعنيني ‏وراحت ، وقسّتها الليالي وأنا منهار ‏تبي من يذكرها وأبي من ينسيني

التفاؤل ياخذك من طموح إلى طموح ‏والتشاؤم يحذفك أنت وأحلامك ورا

إعتبر كل القصايد خطأ ساعي بريد ‏جاء يسلم ظرف سرّي و لكنه أنتشر

"لا تخاطب بالمروءة من لم يفعل الفضيلة إلا بوعد ولن يترك الرذيلة إلا بوعيد"

كأنهم ذهبوا لغيابٍ أشد ‏وغِبتُ أنا لِحضورٍ أشد تعاكست الغيبتان!. ‏فصار الغيابُ لهم سكنا ‏وصار الحضور لي وحشَة ‏كأنَّا افترقنا على موعدٍ ‏فَهُم في زحامِ المدى .. ‏وأنا في فضاء بلا مدى ‏أيهما أشد غياباً .. ‏المُختفي عن عَيْن.. أم المختفي عن ..روح؟

لا أنطوى يومٍ من العمر في جيب الغروب ‏ما أنقطع طيب الرجاء في الصباح اللي يليه

"أتوقف أحيانا، لا لأبرر الغياب، بل لألتقط أنفاسي من فضول الآخرين، وأمضي والوجهة محفورة في ما بيننا، لا ترى لكنها ثابتة. وحين أنظر خلفي، لا أرى فراغا، بل مسارا متماسك الخطوات، اختار أن يستمر، حتى حين لم يكتمل المشهد كما أراده العالم."

ويحك! أهَذهِ عِبادَتك فِي شَبابِك؟ إذًا مَا أَنْتَ فَاعِلٌ فِي المَشِيب؟

ليا طعَن رمح الفجر سطوَة اللّيل ‏أصبحت انا ، والملك ، والناس لله