الاستاذ عماد الزهيري_الفيزياء

https://vt.tiktok.com/ZS4d1cYPC حسابي بالتيك توك الي هاملة و ما احبة راح يصير بديل منا لحد ما يرجعولنا حساب الانستغرام 😬 المهم ادخلو تابعوني حتى تشوفون رحلة زيارة الامام الرضا (عليه السلام) وان شاء الله ماننساكم من الدعاء والزيارة

طلابي اعزائي حسابي بالانستغرام تم تعطيلة من الشركة وقريباً سيكون لي حساب جديد ان شاء الله في حال عدم عودة القديم .. سأنشره هنا لأتشرف بمتابعتكم

شلونهم طلابنة الابطال اللي خلصو السادس طلاب هواي مسجات مجاي الحك حتى ارد مسجاتكم كُلها اقدرها واحترمها وعلى راسي مُبارك الكم هذا الانجاز ويارب نشوفكم باحلى الجامعات كُلش مُمتنه لكلامكم جان واجبي اوكف وياكم وادعمكم والحمدلله شفت شكد دعيتو وشكد شكرتو من طلعتو النتائج وشكد جيتو وشاركتو فرحتكم وياي هواي ممتنه اني الكم ويارب اشوفكم ب اعلى المراحل❣️. كُل التوفيق ويارب يوم للباقين ونفرح بيهم✨🤏🏻

99درجة …. طلاب السادس 2026 طلابنا الاعزاء تحية طيبة بعد هدوء عاصفة الامتحان الوزاري لمادة الفيزياء و ماصاحبها من اخطاء في الاسئلة وكذاك اخطاء في الاجوبة النموذجية اضافة لعدم وجود (الثوابت) في بعض النسخ و كذلك مصيبة وفاجعة المُرشحات التي كانت ومازالت وستبقى حديث الساعة اضع بين ايديكم ماورد من درجات لملزمة الموسوعة الوزارية للاستاذ عماد الزهيري وكل سؤال من اي صفحة و وكم درجة ليكون صافي الدرجات التي وردت ك (وزاري مكرر) هي 99 درجة بالتمام والكمال …

السلام عليكم طلابنة الابطال ان شاءالله تكونون بخير بما انو اليوم جمعة وماعدكم دوام ف ان شاءالله بل ليل نسويلنة كم اختبار بسيط نص ساعه او اقل نسوي استذكار للماده خلصو كُل واجباتكم وانتظركم💕.

اكو خبر حلو يخص الممتحنين فيزياء اليوم حسب مايشاع الان بين الفيزيائين بگروبات خاصة بين (( مصححي الوزاري)) و ((مدرسي الفيزياء بالعراق )) اعتقد سيتم التغاضي عن كلمة (الاعظم) التي وردت مع كلمة التيار حيث ستحتسب درجة كاملة لمن قسم ال (ق.د.م) المحتثة على…

اكو خبر حلو يخص الممتحنين فيزياء اليوم حسب مايشاع الان بين الفيزيائين بگروبات خاصة بين (( مصححي الوزاري)) و ((مدرسي الفيزياء بالعراق )) اعتقد سيتم التغاضي عن كلمة (الاعظم) التي وردت مع كلمة التيار حيث ستحتسب درجة كاملة لمن قسم ال (ق.د.م) المحتثة على المقاومة واستخرج التيار الآني وليس الاعظم و #كذالك درجة كاملة لمن استخرج ال (ق.د.ك) العظمى والتيار الاعظم (لان السؤال فيه اشكال علمي غير منهجي) والعلم عند الله على مايشاع

السلام عليكم ويلادنا وبنياتنا الابطال ✋🏼 ختامها مسك كالعادة بالفيزياء بعض التوصيات الكم واكيد انتم گدها وگدود و سهلة عليكم ان شاء الله من بعد التوكل على الله عز وجل هو خير مُعين اوصيكم : 1-اهم نقطة اريد #اسولف بيها وخليتها اول وحدة (#ممكن) يجي فرع ابو 10 درجات فكرة قوية او خارجية (#ممكن)اذا اجة سوي نفسك ماشفتة 😎وحل الي انت درستة و ليربكك هذا الفرع وعندك 140 درجة باقيات منهجيات جاوبهن بهدوء وبلا متوترون انفسكم 😌 2-ماكو شي اسمة مرشحات انشطة ومراجعات مركزة وذني السوالف كلهن لتضيعون وقتكم بيها😬😬 3-الوزاريات قدسوها وبالغو بمراجعتها كل سنة جاي اثبت للطلاب انه خير وسيلة لل 100 هي الوزاريات والتحضير اليومي ايام الدوام 🙄 4-من تصير ورقة الاسئلة گدامكم بلشو بالسؤال الي تعرفون جوابة 100‎%‎ حتى المعنويات ترتفع والادرنالين يفول 😎 وهذني سببين لبرمجة العقل على عملية استذكار باقي الاسئلة وأي شي تحتاجو راسلوني على انستگرام emad_alzhairy #اخوكم: عماد الزهيري

أبنائي الطلبة الأعزاء، حين نستذكر الإمام الحسين عليه السلام، لا ينبغي أن تكون مواساتنا له بالدموع وحدها، بل بالعمل والاجتهاد وصناعة المستقبل. إنَّ من أصدق صور مواساة سيد الشهداء أن تحملوا كتبكم بعزيمة، وأن تسهروا على دروسكم بإخلاص، وأن تسعوا للوصول إلى أعلى الشهادات والمراتب العلمية. تذكروا أن الحسين عليه السلام قدَّم أغلى ما يملك لتبقى أمةٌ واعيةٌ، عزيزةٌ، وقادرةٌ على صناعة الحياة. فلا تسمحوا للتعب أو اليأس أن يسرق منكم أحلامكم، فكل صفحة تقرؤونها، وكل ساعة تجتهدون فيها، هي رسالة وفاءٍ للحسين ونهجه. اجعلوا نجاحكم صدقةً جاريةً لأهلكم، وفخرًا لوطنكم، ومواساةً صادقةً لإمامكم. واسعوا بعزيمةٍ لا تنكسر، فكم سيكون جميلًا أن تقفوا يومًا وأنتم تحملون شهاداتكم العليا، وقد صنعتم لأنفسكم مستقبلًا يليق بأتباع الحسين عليه السلام. أثق بكم، وأؤمن أن بينكم أطباء، ومهندسين، وأساتذة، وعلماء، سيُفرحون قلوب أهلهم، ويرفعون راية العلم، ويسيرون على نهج الحسين بالوعي والاجتهاد والنجاح

ولهنا نختم مراجعتنه البسيطة وية هاي الاسئلة وان شاءالله تكونون مستفادين💗. كُل التوفيق الكم يارب اختكم زينب

من اهم الفقرات هيه المتسعة المنفردة ولازم تحلون هذني عليهن ومتغلسون ياريت متغلسون وتحلوهن

استذكار سريع

الوحدددات حيل مهماااات حيلللللللل

سؤال وزاري :- اذكر فائدتين عمليتين تتحقان من إدخال مادة عازلة كهربائية تملأ الحيز بين صفيحتي متسعة ذات الصفيحتين المتوازيتين بدلاً من الفراغ؟ ____________ الجواب:- ١.زيادة سعة المتسعة (Ck=C.K). ٢.منع الانهيار المبكر للعازل بين صفيحتيها عند تسليط فرق جهد كبير بين صفيحتيها. ——————- وزاري مُكرر (٢٠١٣/د١، ٢٠١٤/د١، ٢٠١٧/د٢ خارج قطر، ٢٠١٨/د٢ ، ٢٠٢٠/د١)واضح شكد مهم بلا ما احجي