اللغه الانگليزيه للصف الثالث للمتوسط

السلام عليكم بناتي. بالنسبه للمكملات بنات باقي ايام فقط لامتحانكم وهاي الفرصه متتعوض حتى تغادرون عالم المتوسطه وتدخلون عالم الاعدادي بناتي النجاح بالانكليزي مو صعب مثل ما اكرر عليكم داءما تمارين اليونت احفظوهه مثل اسمكم وطبعا من ضمنهه تمرين القصه والقطعه واني كلهم مأشرتهم الكم والانشاء ات هيه اللي تضمنلج النجاح واهم شي تعرفين اسم الانشاء وتكتبي وسط الصفحه من اجاوبين. بنات ارجعو شوفو نشر الاسأله وشون علمتكم تحلوهه مع دعاءي الكم بالنجاح

والمكملات لتيأسون عدكم فرصه ثانيه لضيعوهه اقرو تنجحون ومن الله التوفيق

والف الف مبروك للمتميزات صاحبات اجمل 100 باللغه الانكليزيه بناتي جمانه حسين زينب عدنان حسن. فاطمه جاسم فاخر فاطمه محمد صادق انتو رفعة راس تستحقون التميز

الف الف مبروك نجاحكم تستحقون الفرحه حبيباتي

السلام عليكم بناتي

بنات من تقرون الانشاء احفظو اسمه حته تعرفون الانشاء المطلوب منكم واكتبو اسم الانشاء وسط الصفحه علي درجه

السلام عليكم بناتي شونكم شون المعنويات ان شاء الله عاليه باذن الله راح تكون هاي اخر مره تقرون بيهه انكليزي الثالث المتوسط لان راح تنجحون وتفرحون انتو واهلكم وطبعا اني هماتين كل اللي اريده منكم متتكاسلون ولا اضيعون وقت لان اجت اللحظه الحاسمه اللي تقررون بيهه تنجحون لو لا بناتي ركزو كلش زين على المنشورات الاخيره اللي علمتكم بيهه شون تحلون الاساله الوزاريه وعلى التعاريف والاسقاطات والتوصيلات والاضافات والمعاكسات اللي دزيتهه الكم ومننسه الانشاء اللي تضمنون علي درجه كامله واساله القصص والقطع والقواعد انتو ابطال وعدكم هواي وقت اذا شديتو حيلكم من صدك وقررتو تنجحون وصدكوني واني اراقب يوم الامتحان على طالبات ما اعرفهم راح تجون كلكم على بالي وادعيلكم من كل قلبي ان اجاوبون وتنجحون والله يوفقكم حبيباتي

السلام عليكم بناتي شدو حيلكم واقرو زين ومثلما اوصيكم داءما احفظو تمارين كل يونت مثل اسمكم

بناتي هذا الشرح للاسأله كلش مهم ويعلمج شون تحلين اقرو اكثر من مره واتمنالكم وادعولكم بالنجاح والتوفيق ان شاء الله

اما السؤال الخامس والاخير من الاسأله الوزاريه حيكون الانشاء وطبعا ينطيج فرعين تختارين واحد وتكتبي ودورين بصيغة السؤال عن اسم الانشاء حته تعرفين اي واحد مطلوب يعني من تجين تحفضين الانشاء اهم شي تحفضين اسمه وكتبو الانشاء بخط واضح وحلو واسم الانشاء وسط الصفحه واستفادو من الكلمات اللي ينطيكمياهم تره يذكروكم بالانشاء

وطبعا كل هاي المواضيع اني شارحتهه وكاتبيهه بالدفتر ارجعولهه