اختبارات الإنجليزي الوطني

توقيتات التقويم الجامعي للدراسات العليا للعام الدراسي 2026_2027 https://t.me/loszz1

🕒الامتحان الوطني ساعة واحدة فقط🕓 طريقة الحل بالسرعة المطلوبة قبل انتهاء الوقت تابع:- الامتحان مقسم لأربعة اجزاء وكل جزء 25 درجة:- عشرة اسئلة قطعة خارجية عشرة اسئلة محادثات عشرة اسئلة وظائف لغوية عشرة اسئلة قواعد وكل سؤال من هاي الاقسام بيه اربعة اختيارات ...................... لمن تفتح الاسئلة عندك اكو يمين الصفحة تشوف اكو قائمة جانبية بيها كافة الاقسام واسئلتهن بالتسلسل تضغط على اي سؤال ينقلك اله مباشر يعني تكدر تحل سؤال من المحادثات وتنتقل مباشر لغير سؤال للقواعد او اي قسم تريده. حتى ميروح منك الوقت اول متفتح الاسئلة تروح تگلب بالاسئلة مثلا القواعد تبدي تدخل على الاسئلة بالتسلسل تشوف اي سؤال تعرفه حله مباشر واعبر للوراه شوف اذا ماعرفته اعبر للوراه بحيث اول خمس دقايق من الامتحان تدخل بشكل سريع على كل الاسئلة ماعدا القطعة بالاخير تخليها هو اي سؤال تحله وتحدد الاختيار الصح راح يأشر عليه بالاخضر وراح تعرف الاسئلة الحالها والما حالها من تسوي هيج هاي العملية السريعة الحجيت عليها كلها ماتطول ب8 دقايق او اقل راح تشوف روحك حليت كل الاسئلة التعرفها والي ماتحتاج تفكير زايد وصفنة لان مارات عليك او سهلات وراح يبقن عندك بس الاسئلة الي تفكير او تحتاج صفنة. من تحل كل الي تعرفه راح تشوف الوقت راح منه 10 دقائق او اقل بحيث انت لازم حال اسئلة لابأس بيها تضل بعدها تنتقل بين الاسئلة الفكرية والي تحس روحك تعرفلهن بس تحتاج تركيز او ترجمة اقره السؤال بتمعن وتركيز لان اعتقد ماكو سؤال جاي ابد مينحل لان لازم مار عليك مشابه اله بالاسئلات المحلولة او المحادثات او القواعد تبقى انت وشطارتك السؤال الي فد نوب تحس ماتعرفله اختار الخيار الي تحسه مختلف عن بقية الاجوبة وما مشابه الهن يعني لاتعيف سؤال ما مجاوبة الحظ هم يلعب دور بس مو دائما نسبة ضئيلة كلش لسؤال او اثنين او اكثر مو لكل الاسئلة عن تجربة احجي والي يكلك يدخل ويختار عشوائي ونجح مستحيل اقره واجتهد وتنجح ونسبة الحظ موجودة فقط في بعض الاختيارات الي ماتتعدا ال5 او ال10 بالمية القطعة الخارجية📝:- وره هالهوسة كلها تدخل للقطعة الخارجية تدخل على سؤال مثلا السابع مو اله بالتسلسل تشوفه يسأل عن احمد ولد وعاش في اي مدينة والاختيارات كاتبلك لندن ، العراق ، ايطاليا، الفلبين ، القطعة موجودة فوك السؤال تدور بيها عن اي مقطع يحجي عن اسم احمد اذا ملكيت شي مثلا تروح حسب الاختيارات هي تدليك على الحل تدور اسماء المدن المذكورة بالاختيارات بأي مقطع موجودة من تلكاها تطابق الجواب بالسؤال تشوف هو المطلوب لو لا اذا لا انتقل لمقطع ثاني وشوف يامدينة مذكورة اذا مطابقة للي يريده حسب صفاته هو اختارها وكذلك الحال لبقية الاسئلة واذا تشوف سؤال بيه رقم او وزن او كلمة عدد مثل fifteen او thirty او اي كلمة رقم او وزن هاي الكلمات والارقام سهل تلكاها بالقطعة مباشر مجرد ماتنظر للقطعة ب5 ثواني تشوف الرقم بأي مقطع وطابقه ويه السؤال وشوف ياهو الاصح بيهن وهكذا ويه كل الاسئلة نفس الطريقة القطعة الخارجية تسهل اكثر واكثر مع كل سؤال تحله لان المقطع الي لكيت بيه سؤال او اثنين او ثلاثة بعد ماتلكا بيه فمن تجي تدور حل بقية الاسئلة انت رأسا راح تعرف ان الجواب موجود بالمقطع الوراه او الوراه ومو شرط لبالك ان السؤال الاول لازم موجود بالمقطع الاول لا الاسئلة كلها عشوائية وكل واحد بمقطع شكل لان القطعة الخارجية عبارة عن مقاطع اربعة او ثلاثة ملاحظة هامة💌:- اذا ترسب مرة ومرتين لا تحبط وتترك لان طبيعة الاسئلة متفاوتة مرات تمتحن تجي الاسئلة صعبة او انت يجوز ممارات عليك الاسئلة ومرات تمتحن تجي الاسئلة سهلة ومكررة واغلبهن مارات عليك بس من ترسب لتحاول ثاني يوم طور الجزء الضعيف بيك وماعرفت تحله سواء قطعة او قواعد الخ وبعدها ارجع حاول ،ختاما هاي الملاحظات والطرق للمبتدأيين فقط. منقول #للفائدة +بالتوفيق