ព័ត៌មាន ស.ភ.រ

សាលាភូមិន្ទរដ្ឋបាល សូមចូលរួមរំលែកទុក្ខយ៉ាងក្រៀមក្រំជូនចំពោះ លោកស្រី យក់ សុគន្ធា អនុប្រធាននាយកដ្ឋានស្រាវជ្រាវ និងទំនាក់ទំនងអន្តរជាតិ ---------------------------------------- នាថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ ឯកឧត្តម ស៊ុង វិនទិ នាយករង​ តំណាងដ៏ខ្ពង់ខ្ពស់ ឯកឧត្តម យក់ ប៊ុនណា នាយកសាលាភូមិន្ទរដ្ឋបាល​ បានដឹកនាំគណៈប្រតិភូដើម្បីចូលរួមពិធីគោរពវិញ្ញាណក្ខន្ធរបស់ឧបាសក យក់ ឡុញ ដែលត្រូវជាឪពុកបង្កើតរបស់លោកស្រី យក់ សុគន្ធា។ សូមឱ្យដួងវិញ្ញាណក្ខន្ធ ឧបាសក យក់ ឡុញ បានទៅកាន់សុគតិភព កុំបីឃ្លៀងឃ្លាតឡើយ។

យើងខ្ញុំគណៈគ្រប់គ្រង និងមន្រ្តីរាជការទាំងអស់នៃសាលាភូមិន្ទរដ្ឋបាល សូមគោរពចូលរួមរំលែកទុក្ខដ៏ក្រៀមក្រំជាមួយ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជានាយកសាលាភូមិន្ទរដ្ឋបាល ព្រមទាំងក្រុមគ្រួសារ ចំពោះមរណភាព របស់ ឯកឧត្តម ទឹម ផន សមាជិកព្រឹទ្ធសភា និងជាលេខាធិការគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃព្រឹទ្ធសភា (គណៈកម្មការទី៩) ដែលត្រូវជាឪពុកក្មេករបស់ឯកឧត្តម។ យើងខ្ញុំទាំងអស់គ្នា សូមឧទ្ទិសបួងសួងដល់តេជៈបារមីនៃព្រះរតនត្រ័យ និងវត្ថុស័ក្តិសិទ្ធិក្នុងលោក សូមដួងវិញ្ញាណក្ខន្ធរបស់ ឯកឧត្តម ទឹម ផន បានយោនយកកំណើតក្នុងសុគតិភព កុំបីឃ្លៀងឃ្លាតឡើយ៕

សាលាភូមិន្ទរដ្ឋបាល​ មានកិត្តិយសសូមជូនដំណឹងដល់ មន្ត្រីរាជការ យោធិន មន្រ្តីនគរបាលជាតិ មន្រ្តីបម្រើការងារក្នុងអង្គភាពស្វយ័ត មន្រ្តីផ្អែកលើកិច្ចព្រមព្រៀងការងារ មន្រ្តីជាប់កិច្ចសន្យា ជំនួយការ លេខាថ្នាក់ដឹកនាំ ទាំងអស់ដែលមានបំណងសិក្សាវគ្គខ្លីៗ ឆ្នាំ២០២៦ ជ្រាបថាសាលានឹងរៀបចំជ្រើសរើសសិក្ខាកាមសម្រាប់វគ្គបណ្តុះបណ្តាលរយៈពេលខ្លីៗ ឆ្នាំ២០២៦ សិក្សាតាមប្រព័ន្ធអនឡាញ ( Microsoft Teams) ដូចខាងក្រោម៖ ១. វគ្គរចនាសម្ព័ន្ធរដ្ឋបាល (រយៈពេល១៥ម៉ោង) ២. វគ្គការគ្រប់គ្រងគម្រោង (រយៈពេល៣០ម៉ោង) ៣. វគ្គការរៀបចំថវិកាក្នុងអង្គភាពសាធារណៈ (រយៈពេល៣០ម៉ោង) ៤. វគ្គភាសាអង់គ្លេសសម្រាប់កិច្ចការរដ្ឋបាល (រយៈពេល៣០ម៉ោង)។ សម្រាប់សិក្ខាកាម ដែលមានបំណងចង់ចុះឈ្មោះចូលរៀន សូមបំពេញព័ត៌មានស្នើសុំ និងស្កេនបញ្ចូលឯកសារតម្រូវការ ក្នុងការដាក់ពាក្យតាមរយៈ QR code ឬចូលទៅកាន់គេហទំព័រ https://go.gov.kh/era/ngtadm26 ខាងក្រោម គិតចាប់ពីថ្ងៃជូនដំណឹងនេះរហូតដល់ថ្ងៃទី៣០ ខែសីហា ឆ្នាំ២០២៦។ * ព័ត៌មានលម្អិតផ្សេងៗ សូមទំនាក់ទំនងទូរសព្ទ ឬតេលេក្រាម៖ ០៦៩ ២៨៩ ៦៩៩ ​/ ០៨៩ ៥៥០ ៥៤៥ ------------------------------------- 👉🏻 តំណភ្ជាប់ទៅកាន់គេហទំព័រ និងបណ្តាញសង្គមផ្សេងៗ 🌍| Website 🌐| Facebook 🌐| Telegram 🌐| YouTube