Erpo'lat Baxt ijodi

DIQQAT, TANLOV! Hurmatli ijodkorlar va guruhimiz aʼzolari! 31 avgust – Qatagʻon qurbonlarini yod etish kuni, 1 sentyabr – Oʻzbekiston Respublikasi Davlat Mustaqilligining 35 yilligi bayrami hamda 1 oktyabr – Oʻqituvchilar va murabbiylar kuni munosabati bilan 5 ta yoʻnalishda ijodiy ishlar tanlovini oʻtkazishga qaror qildik: 1. “Vatan haqida eng yaxshi asar” a) sheʼr b) hikoya (3 betdan oshmasligi kerak) v) maqola (3 betdan oshmasligi kerak) g) ilmiy asar (3 betdan oshmasligi kerak) d) audio sheʼr (10 mb dan oshmasligi, “Muhammad Yusuf izdoshlari” kanali uchunligi eslatilishi kerak) j) video she’r (20 mb dan oshmasligi, "Muhammad Yusuf izdoshlari" kanali uchunligi eslatilishi kerak) 2. “Qatagʻon qurbonlari xotirasi – mangu barhayot” a) sheʼr b) hikoya (3 betdan oshmasligi kerak) v) maqola (3 betdan oshmasligi kerak) g) audio sheʼr (10 mb dan oshmasligi, “Muhammad Yusuf izdoshlari” kanali uchunligi eslatilishi kerak) d) video she’r (20 mb dan oshmasligi, "Muhammad Yusuf izdoshlari" kanali uchunligi eslatilishi kerak) 3. “Jadid adabiyoti – yoshlar nigohida” a) sheʼr b) hikoya (3 betdan oshmasligi kerak) v) maqola (3 betdan oshmasligi kerak) g) audio sheʼr (10 mb dan oshmasligi, “Muhammad Yusuf izdoshlari” kanali uchunligi eslatilishi kerak) d) video she’r (20 mb dan oshmasligi, "Muhammad Yusuf izdoshlari" kanali uchunligi eslatilishi kerak) 4. “Shahidlar xiyobonidagi oʻylar” a) sheʼr b) maqola (3 betdan oshmasligi kerak) v) audio sheʼr (10 mb dan oshmasligi, “Muhammad Yusuf izdoshlari” kanali uchunligi eslatilishi kerak) d) video she’r (20 mb dan oshmasligi, "Muhammad Yusuf izdoshlari" kanali uchunligi eslatilishi kerak) 5. “Ustozlar – faxrim mening” a) sheʼr b) maqola (3 betdan oshmasligi kerak) v) hikoya (3 betdan oshmasligi kerak) g) audio sheʼr (10 mb dan oshmasligi, “Muhammad Yusuf izdoshlari” kanali uchunligi eslatilishi kerak) d) video she’r (20 mb dan oshmasligi, "Muhammad Yusuf izdoshlari" kanali uchunligi eslatilishi kerak) ❗️Har bir ishtirokchi mazkur tanlovning faqat bitta yoʻnalishida bir marotaba qatnashishi mumkin. Tanlovda barcha xalqlar vakillari ishtirok etishi mumkin. Tanlov gʻoliblari ( 1- 2- 3- oʻrinlar) diplom va homiy tashkilotlar, ustozlarning esdalik sovgʻalari, Muhammad Yusuf nomidagi jamoat fondi hamda “Oltin qalam” gazetasi tahririyati tomonidan mukofotlar bilan taqdirlanadi. (❗️) Tanlov shartlari: 1. Tanlov uchun yuborgan ijod namunangiz oldin hech qayerda eʼlon qilinmagan boʻlishi kerak! 2. Tanlovda bir kishi faqat bitta yoʻnalish boʻyicha qatnasha oladi! 3. Tanlovga yuborilgan ijodiy ishlar sifatli va imloviy xatolarsiz boʻlishi talab etiladi! ❗️Tanlovga maktab yoshidagi oʻquvchilar ham ishtirok etishlari mumkin. Ularning ijodiy ishlari alohida baholanadi. TANLOV HAKAMLARI: Oʻzbekiston, Qozogʻiston, Qirgʻiziston, Tojikiston, Turkmaniston Yozuvchilar uyushmalarining vakillari. Ijodiy ishingiz hamda oʻzingiz haqingizda maʼlumotlar (F.I.Sh va manzil)ni nominatsiyasi koʻrsatilgan holda telegramdagi 👉 @Muhammadyusufizdoshlariguruhi Muhammad Yusuf izdoshlari 👈 guruhiga tashlashingiz mumkin. Shoshiling! Ijodiy ishlar 5 avgustdan 15 oktyabrga qadar qabul qilinadi!!! ❗️Tanlovga taalluqli boʻlmagan ijodiy ishlar, tanlovga ekanligi koʻrsatilmagan ijod namunalari va eʼlon etilgan, material ostida biror bir kanal reklamasi boʻlgan ijodiy ishlar ogohlantirishsiz oʻchirib yuboriladi. Eʼlonni ijodkor doʻstlaringizga ham yuboring. https://t.me/Muhammadyusufizdoshlari https://t.me/Muhammadyusufizdoshlari

Manba: yoshlikjurnali.uz https://share.google/LwDLfW53vELcTqNm0

Раҳматлик тоғам Худоёр Оллаёров ва мен. "Дойи, фалон нарсангизни бериб туролмайсизми?" десам, "Жияним, агар жонимни сўрасанг ҳам сен учун беришга тайёрман, ахир Сизлар учун яшаяпман-ку!", дердилар. Бир орқа юкларим билан мени вокзалдан Тошкентга жўнайдиган поездга чиқариб, кузатиб қўяр ва: "Ўқишдан қайтишда пою пиёда юрувчи бўлма, телеграмма жўнатсанг, ғиз этиб олдингга чиқиб кутиб оламан", дердилар. Аллоҳ маконларини жаннатдан қилсин!

Қозоқ дўстларим билан. Хабаровск. 1991 йил, август.

Ҳамкасбларим билан.2003 йил.

Менинг навқирон ёшлигим! Тошкент - 2005

Қисмат хати битилди, бу жона ёзилди ишқ, Жунбушга келди кўнгил, уммона ёзилди ишқ. Бир бошга жавр бўлди, ақл-у ҳушим соврилди, Юрак ёнди, қовурилди, сўзона ёзилди ишқ. Эмиш эски асотир, ечилмаган тилсим-сир, Қадим замондан мазкур даврона ёзилди ишқ. Ақл бошга келмасдан, нафс дилни емасдан, Шоҳ-у гадо демасдан инсона ёзилди ишқ. Кўз ёшидан-намлардан, аждаҳодек дамлардан, Балолардан, ғамлардан нишона ёзилди ишқ. Юз сарғайиб сўлгунча, одамийдек ўлгунча, То қиёмат бўлгунча сурона ёзилди ишқ. Оҳим тинмас Эрпўлат, боғлади руҳим қанот, Ёр қўлласа, не сирот?! Афсона ёзилди ишқ. Эрпўлат Бахт

“ЭЙ ЎЗИДАН КЕТГАН КАС...”   Эй ўзидан кетган кас, Дор устидан юрсанг ҳам, Қанотини қайириб, Сор устидан юрсанг ҳам, Ҳамиятнинг устидан, Ор устидан юрсанг ҳам, Сенга босиб ўтарга Қалбим асло йўл эмас!   Шуҳрат-у шонни қониб Шароб каби ич, майли. Бу дунёнинг жумбоғин Бир ўй ила еч, майли. Кибр-у ҳаво домида Бўй чўз, кўкдан кеч, майли. Ҳар бир юрак – бир бўстон, Саҳро эмас, чўл эмас!   Азал халқда шул таомил: Эллашганнни – эр дерлар. Ҳар ғариб-у мискин-ла Диллашганни – шер дерлар. Баланд адир, тоғни ҳам Ўстиргувчи ер дерлар. Бу донолар ҳикмати, Ёғиб ўтган дўл эмас.   Илдизинг шул заминда, На қулатар шамол бор. Кимки ўзга маъвода Санқир экан – завол бор. Ким Ватанга фидодир, Унга бахт бор, камол бор. Юрса сўл ҳам ўнг бўлғай, Ўнги эса сўл эмас. Эрпўлат Бахт

ЮРТИМ ОҚШОМЛАРИ            Оқшом чўкар. Қораяди қош, Хотиржам хомуза тортади борлиқ. Ўзбекистон – дуогўй халққа Тинчлик – Ҳақдан берилган ёрлиқ.   Булбул сасин босади соҳир Айвонлардан таралган алла. Толемандлик муҳити ичра Ором олар сокин маҳалла.   Оқшомлари гўзал ўлканинг Сулув бўлар кўрган тушлари. Тонгга қадар бахтингни алқаб Сано айтиб чиқар қушлари.   Кекса гужум остида ширин Сирлашади севишган диллар. Сўриларга дорбоз қизлардек Чирмашади номозшомгуллар.   Шундай ажиб, чексиз тароват Таралади ҳар битта йўлга. Оқшомларинг эртакдек тотли, Ўзбекистон – серфайз ўлка!         Эрпўлат Бахт

"Юртим оқшомлари". Эрпўлат Бахт шеъри. Муаллифнинг ўзи ўқиган.

Эрпўлат Бахт. “Дўстим, менга бирпас далда бер”. Муаллифнинг ўзи ўқиган.

"Мен ошиқ..." Эрпўлат Бахт шеъри. Шеърни муаллифнинг ўзи ўқиган.

Ўтинч Эрпўлат Бахт шеъри. Беги Дўст ўқиди.

АҲД                                                                                        Ҳали шўх булбуллар сайрагай Кўнгил орзу эккан боғчаларимда. Руҳ тугуни ғамларни тўкар Бойнинг қадри қочган оқчаларидай.   Мен рангин бўёқлар қўшаман Умримнинг кузакий рангига. О, Шеърият, мен ҳалол жуфтингман, Сен билан қолурман мангуга! Эрпўлат Бахт

АЙТИМ   Энди мен бу ерда турорим йўқдир, Ўзимни, рўзимни кўрорим йўқдир. Машқимда Йиғи доримаган унларим, хайр! Ай, нурли, ялтироқ кунларим, хайр!   Энди “ваҳ” деганда сўларим бордир, Ҳажринг қор – тўнгиб дил, ўларим бордир. Ишқингдай Май учун ташнадил бўларим бордир, Ҳаққини жон сотиб тўларим бордир.   Дил – дали, тил – дали, иккиси – мажнун, Юз азоб, минг азоб, фироқдир – қонун. Ашким-ла Тўрт томон термулиб турдим илинжда, Бўлмади на осмон, на замон овунч.   Ё Аллоҳ, дил топдим ўзимдай ҳазин, Кўйлари, ўйлари руҳимга яқин. Ўзимни, сўзимни топширдим унга, Қайта яшатмоққа шоширдим яна.   Бир куйдим, бир суйдим, туйдим азобни, Машшоқлар узатинг менга рубобни. Ишқимдан Замин бўлсин огоҳ, ер бўлсин огоҳ, Эҳ, менинг жонимдай эшилсин “Дугоҳ”...    Эрпўлат Бахт

ШЕЪР ДАФТАРИМ   Тамшанади лаблар шаробга, Титраб қўллар кўтаради қадаҳ. Мени ҳайдаб сололмайсан деб, Қалб тубига чўкади кадар.   Сархуш бўлиб ўпаман қалам, Оқ қоғозга роз тўкур нигоҳ. “Бахт” сўзини суриб қуйига Дафтар узра сачрар алам, оҳ.   Кўзларимда эрийди тўзим, Тугар сўнгги суянчим – илинж. Руҳим тинглар ғойибдан овоз: “Хайём руҳи қўллар, тўйиб ич!”   Яна шароб ва яна кўз ёш, Ғам юкидан эзилар қалам. Овутгувчи шаббоданг қани, Шеър дафтарим – бепоён далам! Эрпўлат Бахт

БУГУНГИ ТАШВИШ   Ёзғитимда шон йўқ, шуқуҳ, йўқ, Нолимайман, дил ўртанмас лек. Алҳамдуллоҳ, нигоҳларим тўқ, Ўз-ўзимга ўзимдирман бек   Бор, тўғриси, ғамим ҳам андак, Ҳар зум уни талқин этаман. Мен ҳозирча топишим керак Мустабид Севгига атама...   Шундан кейин ишққа мутелик, Мутлақ эрк ҳам бўлади унут. Фақат ёрнинг хаёли билан Ўзлигингни қиласан нобуд.   “Бу нимаси?” – сўрашар ҳайрон Одамларнинг гапфурушлари. Мажнунга хўп ўхшаб кетади Ўйга толиб ўтиришларинг.   Шунда бирдан қалқади шууринг, Қалбда ёнар бир жазба фақат. Ва англайсан муҳаббат – ўлмас Навоийдан мерос тариқат. Эрпўлат Бахт