🎭🎼🎤ДНТ "Эйгэ" им. Г.Е.Скрябина, библиотека им. Т.А.Жараевой 📚📕🗞

уом. Эбэни киртитэр – түктэри кэмэлдьи Ыһыах күн куйаас түстэр эрэ, оҕолуунулаханныын бары эбэҕэ чомполонон сөтүөлээн барар үгэстэммиттэрэ сыыһа. Бу күн ким даҕаны эбэ уутун уйгуурдуо, салгынын сатарытыа, киртитиэ суохтаах. Ити улахан сиэр, ону кэһэр табыллыбат. Онон бобуу-хаайыы баар буолара ирдэниллэр. Ууга киирэр сирдэри эриэн лиэнтэнэн бүөлүү тардан баран, сэрэтэр сурук ыйаныллыахтаах. Саламаны ыйыыр сиэри тутуһуҥ Ыһыах туома сокуон курдук буолуохтаах, санаатаҕыҥ аайы уларыйбат. Олортон биирдэстэрэ – саламаны ыйааһын. Саламаны таптаабыт сиргэ, талбыт сэргэҕэ ыйыа суохтаахпыт, ыһыах эрэ күн көҥүллэнэр. Ыһыах бүппүтүн кэннэ үс хонук иһинэн-таһынан сүөрэн, туһунан ууран-харайан кэбиһиэхтээхпит. Ити – Айылҕа ирдэбилэ. Хайдах курдук тэрээһиҥҥэ үлэлээбиппитий, сол курдук төттөрү хааҕа түһүөххэ диэри барытын ыраастыахтаахпыт, ханан даҕаны улахан ыһыах буолбатаҕын курдук оҥоруохтаахпыт. Ол кэнниттэн «суолбутун саптан» булгуччу Эбэни аһатыахтаахпыт. Ол аата далыҥ аанын сабыллыахтаах, хаһан даҕаны аһаҕас хаалларыллыбат. Харыстыырбыт ирдэнэр. Өссө биир түгэн. Ыһыахтыыр сир иһин-таһын, түһүлгэтин уйгуурдуо, санаатах аайы көрөөрү-истээри диэн онно сылдьыа суохтаахпыт. Ыһыах кэнниттэн ким даҕаны, ордук ыччат дьон, онно баран күүлэйдиирэ, түүннэри мустан оонньуура, араас тиэхиньикэнэн сүүрдэрэ, ыһыытаан-хаһыытаан салгынын уйгуурдара көҥүллэммэт. Бу – ытык, иччилээх сир, барыбыт холумтаммыт, кэнэҕэски олохпут төлкөтө тутулуктанар түһүлгэтэ буоларын умнумаҥ. Алгыс араастаах «Ыһыаҕы тоҕо алҕаабатый?» диэн миигин билбэт дьон ыйытыытыгар манныгы этэбин: алгыс араастаах буолар. Арай эрэ таҥнансимэнэн аал уокка ас куппут киһи алҕаата диэн ылынар арыый да кыараҕас өйдөбүл. Мин, сахалыы дьарыктаах киһи, Дьокуускай куорат ыһыаҕын былырыын 25-с сылбын арчылаабытым, туох баар хара үлэтин оҥорбутум. Ону мин үлэлиирбэр тэҥҥэ сылдьыбыт эрэ дьонум билэллэр. Бэйэм итини-маны оҥордум диэн хаһан да түөспүн охсумматах киһибин. Ити олус улахан үлэ, ол тутуһуллар сиэрэ эмиэ кытаанах: кэпсээн-ипсээн ыһыахтанар буоллахха, субу алҕаан-арчылаан үлэлээбиккин ситинэн ыстаҕыҥ ол. Дьокуускай ыһыаҕа Үс Хатыҥ сиригэр кэлиэҕиттэн биир да сыл тохтообокко арчылаан кэллим. Эргэ ыһыахтыыр сиртэн саҥа сиргэ көһүү туомугар Нина Протопопова уонна Альбина Поисеева кыттыбыттара. Үс Хатыҥҥа аан бастаан ыһыах ыһылларыгар сэргэлэри оҥорууга Вильям Яковлевтыын биир өйгө-санааҕа кэлбиппит эмиэ баара. Оччолорго да, билигин да ыһыах тэрээһинэ этэҥҥэ ааһарын туһугар арчылыыр туому олус бэркэ билэр, сүрэхтэринэн иэйэр дьон баар. Бу сыллар устата олохтоохтук, дьаныардаахтык дьарыктаммыт, куорат дьаһалтатыгар өр сылларга култуураны салайбыт Антонида Корякина, Лариса Андреева ыһыах ыһыллар бары ымпыгын-чымпыгын дириҥник үөрэппит, өйдөөбүт дьонунан буолаллар. Былырыын саҥа састаабы кытта билсэн, өйдөһөн, ыһыах буолуон инниттэн ирдэниллэр кэмигэр барытын силигин ситэрбиппит. Үсбиэс күн иннинэ арчылааһын сиэрэ-туома оҥоһуллар. Дьааһыгынан арыы, лаҕаанынан алаадьы, лаҕаанынан лэппиэскэ, уопсай үрүҥ ас барыта, сэргэ аттыгар эҥин буолбатах, ыһыах буолар түһүлгэтигэр, хабыллар хаба ортотугар ууруллар. Ити – улахан туом. Онно миигинниин түһүлгэлэринэн тэҥҥэ хаамсыбыт ыччаттарбын эмиэ арчылыыбын. Улахан сиэри-туому оҥорбут, алҕаабыт киһи Ыһыах буолар күнүгэр, сиэр быһыытынан, түһүлгэҕэ хаамара табыллыбат. Кини бу ыһыах этэҥҥэ ааһарыгар салгынын суулаан тутан олорор. Мин кутум ирдэбилэ, тутуһуллар сиэрэ итинник. Кытаатыҥ, ыһыаҕы ыһыҥ, арчыланыҥ, этэҥҥэ буолуҥ диэн алгыыбын. Эдьиий Дора. Чолбон.-2023.-Бэс ыйа.

Ыһыах туһунан ыллыктаах тыл. Эдьиий Дора. Саха эрэ ыһыахтаах. Ыһыах түҥ былыргыттан тардыылаах. Ол сиэрэ-туома түҥ былыргыттан тыыннаах биһиэхэ тиийэн кэлбитэ бу бүтүн норуот духуобунай өйүн-санаатын кыладабыайа, туохха да бэриллибэт баайа-дуола. Баҕарар буоллаҕына, ким да үтүгүннүн, ол эрээри биһиги таһыммытыгар хаһан да тиийэр кыахтара суох. Тоҕо? Тоҕо диэтэххэ, саха ыһыаҕа бу Айылҕа күүһүгэр итэҕэйэр уонна олоҕун онон салайтарар хотугу киһи үгүс үйэ тухары муспут, силигилии ситэрбит барҕа баайын бары араҥата, манна кини олоҕо-дьаһаҕа барыта көстөр, көрдөрүүгэ турар, сылга соҕотохто эрэ буолар улуу түһүлгэ. Ыһыаҕы биһиги хайдах ыһабыт, ол курдук дьылы кыстыыр эбиппит. Сыл устата ыал барыта ити күҥҥэ тиийэргэ, улахан алгыска тиксэргэ эрдэттэн эттиин-хаанныын, өйдүүнсанаалыын бэлэмнэнэр. Ол аата, иистэнньэҥнэроһуордьуттар, мас, тимир, көмүс уустара, ырыа чаҕааннар, тойуксут-оһуохайдьыт бастыҥнара, күүстээхтэр-быһыйдар, сымсалар-мадьынылар, асчыт-күөсчүт чулуулара, сүөһүлээх-бултаах бастыҥнара, сүүрүк ааттаахтар, күрэстэһэр бөҕөстөр, биир тылынан эдэрдиин-эмэнниин бары таҥнан-симэнэн, Айылҕаны кытта бииргэлэһэр, уруйдаһар-айхаллаһар, күөх кэнниттэн кэлэр кыһыҥҥа байдам-сайдам олох буоларын туһугар алҕатар, арчылатар, Үрдүк Күҥҥэ, Мэҥэ Халлааҥҥа, Үрүҥ Ыйга, Үрүҥ Чолбоҥҥо сүгүрүйэр улуу кэмнэрэ бу – Ыһыах. Ыһыахтыыр бэйэҕэ туһалаах. Ыһыах күн Үрдүкү Айыылартан биһигини арчылаары-алҕаары Айыылар түһэр иччилээх кэмнэрэ үүнэр. Айылҕа бэйэтин күлүгүн биһигинэн сирэйдээн билинэр, көрүнэр кэмэ тосхойор. Бу ураты күҥҥэ тиийиэх биир күн иннинэ олорор Эбэлэрбитин хайаан да илин өттүттэн аһатыахтаахпыт. Ким кыайан киирбэт (кыра оҕолоох, ыарыһах, кыаммат, кырдьаҕастаах дьон диэн баар), ол тиэргэнин да аһатара сөптөөҕүнэн ааҕыллар. Ол аата Айылҕа сокуона этэринэн, эрдэттэн көҥүллэтэн, арчыланан, ыраастанан эрэ баран Ыһыах түһүлгэтигэр үктэниэхтээх эбиппит. Дьиктитэ баар, былыр маннык түһүлгэҕэ киирбэт киһи диэн суох буолар эбит. Ол мээнэҕэ буолбатах, киһи киһиттэн ситимнээҕин быһыытынан, бу ураты күҥҥэ хайаан да бэйэбит кэскилбит, ыччаппыт туһугар ыһыахха киирэр ытык иэспит эбит. Тоҕо? Этэҥҥэ кыстыгы туораары, уйгулаах нүөл дьыл, сымнаҕас сайын кыһын буоларын, от-мас хойуутук чэчириирин, быйаҥнаах-байанайдаах сайын-күһүн үүнэрин туһугар Эбэбититтэн, Айылҕаттан көрдөһөн, сиэринэн-туомунан айах тутан туран, алгыс тылын анаан этиэхтээх-тыыныахтаах эбиппит. Маныаха «кирдээх» эрэ буолуу киһини хааччахтыыр, хонуктара туола илик дьон ыһыахха сылдьаллара булгуччу бобуллар. Кинилэр ити кэм устата Эбэҕэ киирэллэрэ, аһаталлара, ыһыахтыыллара сатаммат. Бу – Айылҕа сокуона. Ханнык да омук сатаан сүһэн ылбат Киһи аймах түмсэр түһүлгэтин холумтанын биһиги омук эрэ сатаан иилээн-саҕалаан ыытарбыт Айылҕабыт маанылаабыт бэлэҕэ буолар. Ыһыахха кэлбит бары омук ыалдьыт эрэ быһыытынан сылдьар кыахтаах. Кинилэр эмиэ биһигини кытта тэҥҥэ ыраастаналлар, эмтэнэллэр, арчыланаллар уонна алгыс ылаллар, өйдөрүн-санааларын байытыналлар. Алгыс кинилэргэ эмиэ тиийэр. Ол иһин кэнники кэмҥэ омуктар, тастан кэлбит ыалдьыттар ордук биһирээн-сөбүлээн, эттэринэн-хааннарынан таайан, анаан-минээн, ааттаан-суоллаан сылдьар буолан эрэллэр. Кэтээн көрдөххө, оннук. Бу – үчүгэйбит. Айылҕабыт холумтаныгар биһиги киһини омугуттан тутулуга суох арчылыыр, алгыыр ытык иэстээх эбиппит. Бу мантан биһиги туохпут да энчирээбэт, көҕүрээбэт, төттөрүтүн, Айылҕа бэйэтин, Эбэлэрбитин ааттатаары, номоххо киллэртэрээри, дьону-сэргэни итинник дьаһайар. Барытын таба туһаннахпытына, аҥаардас эбиллии-табыллыы тосхойор, баарпыт-байанайбыт өссө үрдүкү таһымыгар тахсар. Саха киһитэ билигин сатаан ыһыахтыыр буолла диир оруннаах. Урут ханнык эрэ кэрчик кэмҥэ умнулла быһыытыйбыт, соччо сэҥээриллибэтэх эбит буоллаҕына, билигин ыһыахпыт ис хоһооно урукку чөлүгэр чугаһаата, сиэри-туому тилиннэрии, туһаныы, тутуһуу да үлэтэ күүскэ ыытылынна диэн бэлиэтиир саамай сөп. Ыһыах биһигини барыбытын түмэр, сомоҕолуур ураты күүстээх Ил, Эйэ кэрэһитэ. Айылҕаттан күүстээх дьайыылаах ураты куппут. Бу күн сүргэ көтөҕүллэн, бары кэрэттэн дуоһуйан, баар кыахтан үөрэн, тэптэн, норуот сатабылыттан саҕыллан, ырыаҕа-тойукка

🤳 Экватор отбора на «Мастерскую новых медиа» Якутян приглашают пройти отбор на «Мастерскую новых медиа», сейчас подано более 3 500 заявок из России. Среди участников: медиаменеджеры, журналисты, блогеры, SMM-специалисты, руководители СМИ, политтехнологи и лидеры мнений. Лидеры по количеству заявок: Москва и область, Санкт-Петербург, Удмуртия, Краснодарский край, Ростовская область, Югра, Челябинская область, Ставрополье. Участники выбирают одно из трёх направлений: – Медиакоммуникации – Связи с общественностью – Высшая школа новых медиа Прошедшие отбор будут учиться в Москве: работать с топами индустрии, разбирать реальные кейсы, запускать медиапроекты и информационные кампании. Примеры проектов выпускников: – хакатон #СмотриВверх с Роскосмосом — более 4 млн просмотров – акция #ТрудКрут к 1 мая После обучения предоставляются профессиональное сообщество, карьерные возможности и поддержка проектов на федеральном уровне. Регистрация: мастерскаяновыхмедиа.рф.

🌿🌿🌿🌿🌿🌿🌿 Быйылгы 2026 сылга Чурапчыбыт улууһугар икки улуус таһымнаах ыһыахтар ыһыллаллар; 🔹 Социалистическай Үлэ Геройа Р.И. Константинов — Дьоруой Көстөкүүнэп аатыгар, улуустааҕы ыһыах Чурапчы нэһилиэгэр; 🔹 VI төгүлүн ыытыллар улуустааҕы Олоҥхо ыһыаҕа "Ырыа Ымыычаан үрдүк аатыгар сүгүрүйүү" Мугудай нэһилиэгэр буолуо5а. Ыһыахтарга бэлэмнэнии чэрчитинэн, Муус устар 10 күнүгэр, Мугудай нэһилиэгэр, Г. Е. Скрябин аатынан "ЭЙГЭ" Н.А.Дь., "Алааһым оһуордаах оһуохайа" диэн маастар кылаас буолла. Маастар кылааһы Дьокуускай куораттан: Николаева Марта Тимофеевна — Дархан этээччи, Өрөспүүбүлүкэтээҕи "Оһуохай" түмсүү салайааччытын солбуйааччы; Хорунов Валентин Васильевич — Дархан этээччи, Дархан сүбэтин бэрэссэдээтэлэ; Иванова Мария Марковна — Үтүөлээх этээччи; Пестряков Данил Михайлович — Үтүөлээх этээччи; Алексеев Семён Петрович — Өрөспүүбүлүкэ Дархан оһуокайдьыта. Саха сирин бастыҥ кыначчыта Айыы уолана Алаас  Барыта 100 тахса киһи кытынна.