فعاليات معوان

الحالة: عملية قلب مفتوح الاسم: محمد صديق الاحتياج:.كيسين دم الفصيلة :B+ المكان: مستشفي الجامعة القديمة رقم المرافق: 01044670397 01060455429 #C363 #ومن_أحياها #معوان

الحالة: عملية قلب مفتوح الاسم: محمد صديق الاحتياج:.كيسين دم الفصيلة :B+ المكان: مستشفي الجامعة القديمة رقم المرافق: 01044670397 01060455429 #C363 #ومن_أحياها #معوان

يارب مليش غيرك ! الشيخ جابر عبدالحميد رحمه الله

كدة قلنا الكلام خطوة بخطوة بس في كام حاجة لازم ننبه عليهم وهم ما يلي :- الذكر الثمانية أيام السابقة أيام للتكبير المطلق أما من فجر يوم عرفة فاحنا بدأنا نعيم التكبير المقيد لبِّ بقلبك لبِّ بلسانك بجميع جوارحك وعلشان منطلش عليكم لو في ذكر واحد هنوصيكم به هو "لا إلَهَ إلَّا اللَّهُ، وحْدَهُ لا شَرِيكَ له، له المُلْكُ وله الحَمْدُ، وهو علَى كُلِّ شَيءٍ قَدِيرٌ" التوبة ، افتكر بقا كل ذنوبك بتفاصيلها وافتكر اليوم الي لما رحت المكان الفلاني وقابلت فلان الفلاني وعملتوا كذا ولا اخدتوا كذا ولا اغتبوتا كذا ولا اكبر من ذلك ولا اصغر من الذنوب افتكر كل ذنب في الخلوات وانك استهنت بنظر الله لك وخشيت الناس وتخفيت منهم ولم تخشى الله ! اجتهدت في انك تعصر دماغك وتفتكر كل ذنب وكل مصيبة عشان تدرك انت منيل ايه وغافل ازاي وبعيد قد ايه ومحتاج ترجع له وتنطرح بين يديه عشان محدش هيخلصك من الي انت فيه الا هو سبحانه وتعالى افتكر وابكى فالندم توبة تأمل الندم يعتبر توبة فلا تحرم نفسك ابكي وسح وعيط واخرب الدنيا وبعدها خذ العهد بانك مترجعش ولا تعصي الله تاني قاصدا متعمداً ابداً تارك الصلاة عاق الوالدين مدمن الإباحية صاحب العلاقات المحرمة صاحب المال الحرام صاحب الغيبة المتساهل في الاختلاط المتساهل في نظر الحرام فرصة فرصة فرصة يا اخي ، فرصة ان يفرح الله بك ! تأمل فرحة الله بتوبة عبده واسمع قول النبي صلى الله عليه وسلم لَلَّهُ أَشَدُّ فَرَحًا بِتَوْبَةِ عَبْدِهِ حِينَ يَتُوبُ إِلَيْهِ، مِن أَحَدِكُمْ كانَ علَى رَاحِلَتِهِ بِأَرْضِ فلاةٍ، فَانْفَلَتَتْ منه وَعَلَيْهَا طَعَامُهُ وَشَرَابُهُ، فأيِسَ منها، فأتَى شَجَرَةً، فَاضْطَجَعَ في ظِلِّهَا، قدْ أَيِسَ مِن رَاحِلَتِهِ، فَبيْنَا هو كَذلكَ إِذَا هو بِهَا، قَائِمَةً عِنْدَهُ، فأخَذَ بِخِطَامِهَا، ثُمَّ قالَ مِن شِدَّةِ الفَرَحِ: اللَّهُمَّ أَنْتَ عَبْدِي وَأَنَا رَبُّكَ، أَخْطَأَ مِن شِدَّةِ الفَرَحِ. اقبل فوالله ان اقبلت على الله ماشي يأتيك هرولة ! قرب وبادر واغتنم ، سيبك من صحابك ومن اي حد اقبل على الله خالقك ورازقك ومن اعانك في الشدائد وحماك وحفظك اقبل وادرك فان القوم كل قد اخذ ما ينفعه فحولك من أتم القران وبدأ بطلب غيره من العلوم الشرعية وغيره من يبادر بالدعوة وغيرهم تجده في كل موطن خير فاين انت ؟ اين انت ؟ تارك للصلاة مفرط في حقوق الله آكل للحرام ، مدمن للإباحيات ، عاق لوالديك مغتاب لكل من حولك سريع ونشيط لكل معصية ومتثاقل عن كل طاعة وقربة ؟ ادرك رحمك الله فوالله لا يحرم يوم عرفة الا مغبون وتأمل معايا كدة قول الله تعالى ((فَإِنْ تَوَلَّوْا فَاعْلَمْ أَنَّمَا يُرِيدُ اللَّهُ أَنْ يُصِيبَهُمْ بِبَعْضِ ذُنُوبِهِمْ)) قال العلامة بن عثيمين رحمه الله :- ومن فوائد هذه الآية الكريمة: أن الذنوب لها آثار سيئة، من أعظمها التولي عن دين الله وعما أنزل الله، فالإنسان كلما عصى الله ابتعد عن قبول الوحي والشريعة؛ ولهذا قال: ﴿فَإِنْ تَوَلَّوْا فَاعْلَمْ أَنَّمَا يُرِيدُ اللَّهُ أَنْ يُصِيبَهُمْ بِبَعْضِ ذُنُوبِهِمْ﴾؛ ولهذا قال بعض السلف: من حرم قيام الليل فإنما ذلك لذنب أصابه. فإذا رأيت من نفسك إعراضًا عن شيء من دين الله فاعلم أن هناك ذنبًا انبنى عليه هذا الإعراض، والآية صريحة بذلك هتقولي طيب منا عشان كدة مش هعرف اعمل حاجة بكرة عشان ذنوبي كثير ! هقولك انوي دلوقتي واستعن بالله وابذل السبب لعلها بداية النجاة لعلها توبة واستقامة حتى الممات يكفي والله ما فات من عمرك في الغفلة اوشكت ان تصل وانت غافل لاهِ عن مولاك وخالقك ويدخل تحت المعنى ده ان مينفعش يوم عرفة اعمل اي معصية متعمد وقاصد لها فتخيل انت في اجتماع مع مديرك عشان تقنعوه يزود المرتب فيجي حد من الحضور يقول بلا مدير بلا بتاع والي انا عاوزه هعمله والاحكام دي متخصنيش وكدة كدة المدير طيب وهيسامحني ! ولله المثل الأعلى والأجل ! روى عن بعض السلف انه قال "إن هذا يوم من ملك فيه سمعه وبصره ولسانه غفر له" الدعاء : جهز قائمة بدعواتك لمين وبأيه متبقاش داخل بقا براسك وخلاص والي افتكره افتكره وخلاص لا اقعد بليل ونسق كدة ورتب افكارك فكم من شخص جرب دعاء يوم عرفة ووجده مجابا وهو امر استقر بالتجربة فلا تحرم نفسك يا أخي ! اخيراً ربي ييسرلنا وإيكم الخير ويهدينا ويسددنا ويعننا على ذكره وشكره وحسن عبادته والسلام عليكم ورحمة الله وبركاته

ايه يا صاحبي مالك كدة تايه ليه ؟ نسيت اننا في خير ايام الدنيا وهمتك راحت وبدات تفوت وتضيع ؟ لأ انشف كدة واجهز عشان معانا خلاصة الخلاصة واهم يوم في العشرة كلهم -بعد يوم النحر- وهو يوم عرفة سريعاً كدة نفتكر اليوم ده مهم ليه ؟ هذا اليوم ينزل فيه الله جل جلاله للدنيا وهو خير يوم طلعت عليه الشمس وفيه يعتق الله عباده من النار وفيه يباهي الله اهل السماء باهل الأرض والعمل فيه مضاعف كما أيام العشر ويزداد الفضل بيوم عرفة طيب اعمل ايه او لو في جدول مقترح يبقا تمام جداً خطة عملية :- قبل أي حاجة النية واستحضار النية بانك بتتعبد لله سبحانه وتعالى قاصدا وجه وانك مش مجرد مؤدي بتزيط مع الزايطين وانك بتعمل الاعمال دي تقريبا لله مش مجرد عشان ابقى عملت وخلاص او عشان مبقاش انا الوحيد الي معملتش او اعمل عشان هو يوم خير وخلاص وانما اكون فاهم قيمة اليوم ده فيه فرق كبير في همتك وفي نفسيتك اولاً تعمل جدول واديك بتعلمه فالف مبروك انت عملت اول مهمة من مهمات يوم عرفة والموضوع طلع سهل اهو :) ثانياً تنام بدري يا قمر يعني على 11 بالكثير تكون مصلي الوتر (ولو ركعة) ونايم وقايل أذكار النوم الي محدش بيقولها دي ايوة وهنا ننبه لنقطة مهمة وهي انك تخلص كل طلبات البيت من النهاردة عشان محدش يصدعك بكرة ياباشا وتلغي اي حاجة كنت حاططها في جدولك بكرة عشان بكرة هو يوم الموسم ومفيش تاجر شاطر بيتشغل عن تجارته في عز الموسم ولا ايه؟! ثالثاً تصحى على قبل الفجر وتبدأ الرحلة بأحلى سحور لزوم تزبيط الدماغ وتعمير المعدة وافتكر وانوي انها سنة عن النبي صلى الله عليه وسلم وخير السحور ما كان في اخر الوقت بس خلي بالك ليأذن عليك وانت في نص السحور وتبقى اكبر كلاون في سوهاج لعام 2027 رابعاً تقوم تصلي الي تقدر عليه من قيام الليل 2 في 2 في 2 ولو انت مصلي وتر قبل ما تنام خلاص مش هتصليه تاني ولكن لو كسلت تصليه قبل ما تنام يبقى تقفل بيه قيامك نصيحة انك تقوم الليل قبل ما تتسحر هيفرق في تركيزك جداً ولكن لو بتعرف تزبط أمر اكلك وتقسمه مثلا او هتتسحر حاجة خفيفة يبقا تمام براحتك ثم تقعد تستغفر اخر ربع ساعة كدة قبل الفجر في مكان هادئ واستغفر و سَل الله ان يوفقك في اليوم ده وان يعتقك واسأل بصدق قوله يارب مليش غيرك فكرني هوريك حاجة بخصوص يارب مليش غيرك دي... خامساً تقوم تجهز للفجر وتنزل بدري وهنا مقترح انه لو تقدر تعتكف اليوم ده من الفجر للمغرب يبقا تمام عشان تكون في مكان هادئ بعيد عن اي شئ يشتتك ننصح وبشدة عدم اصطحاب الموبايل نهائياً وهتعرف ليه بعد ما تخلص اليوم الجميل ده طيب لو انا فتاة اعمل ايه؟ غرفتي سر سعادتي ونفس الفكرة اخلص اي شغل او تكليف في البيت النهاردة قدر المستطاع والزم غرفتي او اي مكان في البيت نفس الأمر للشباب لو لم يتيسر لي الاعتكاف لاي سبب حقيقي من رعاية مريض او والد او غيره المهم وانت اول ما توصل الجامع تصلي السنة وتقعد بين الأذان والإقامة في دعاء فده من أوقات الأجابة فمتضيعهوش ثم تصلي مع الجماعة ثم تختم الصلاة وتخش على أذكار الصباح مش هياخداو منك ربع ساعة ثم قرآن لغاية وقت الضحى تقوم تصلي الي تقدر عليه 2 / 4 / 6 ولو تقدر تاني هات = شكرا كدة جلسة الضحى تم هنا تنبيه هام انه السنن الرواتب وهي الركعات النافلة قبل وبعد الصلاة المفروضة دي مينفعش افرط فيها عشان في كلام ان الي هيصليهم كلهم هياخد بيت في سوهاج الجديدة ! تخيل لو الكلام ده بجد هل كنت هتفرط فيهم ؟ طيب يا سيدي الكلام ده بجد بس البيت في الجنة ومش اي بيت وانما بيت فيه لبنة (طوبة) من ذهب واختها من فضة فمين عاقل يضيع بيت في الجنة عشان مكسل يصلي 12 ركعة خفيفة 2 قبل الفجر 4 قبل الظهر و 2 بعده العصر ملهوش 2 بعد المغرب 2 بعد العشاء سادساً :- تقلب بين القرآن والذكر والدعاء ادعي يابا ده سيدك صلى الله عليه وسلم يقول ((خير الدعاء دعاء يوم عرفة )) ادعي واطلب من الله خير الآخرة وابدأ به فهو الباقي ثم عرج على ذكر الدنيا وألح بالدعاء وأكثر وتذلل واخضع للملك فهو منك قريب سبحانه وتعالى ولدعائك مجيب سابعاً تجهز اي مبلغ عندك ولو جنية وتروح محوله على الرقم ده محفظة مش انستا 01060613925 هيتقسم على كل البنود الي شغالين عليها الفترة الي فاتت ثامناً تصلي العصر وتقفل على نفسك خلاص بقا عشان دي دقايق +90 مفهاش هزار ولا كلام وكلم اهلك وانصح ان محدش ينشغل بتجهيز فطار وفين البلح وفين العصير والعيش هيكفي ولا ننزل نجيب والحوارات الي مصر كلها بتفتكرها في اعظم الاوقات دي والله من حيل الشيطان عشان يصدك عن خير الأوقات .

https://youtu.be/gTKLFDFoRGI?feature=shared

8 نصايح لو عايز تستغل عشر ذي الحجة ♥️ ١- الصيام: صيام التسع أيام مش تقيل خالص، دي بس وسوسة الشـيطان! إنت صُمت رمضان كله وكان ٣ أضعاف الأيام دي، يعني تقدر.. دي فرصه لحسنات كتير جدًا، متضيعهاش. ٢- القيام: حاول ماتفوّتش القيام، حتى لو ركعتين بعد العشا وركعة وتر، هتاخد الأجر، ولو مش قادر خالص، اقرأ آخر آيتين من سورة البقرة، النبي ﷺ قال عليهم إنهم يكفوا المسلم قيام الليل أو يكفوه السوء في تلك الليلة. ٣- القرآن: حاول تختمه في العشر، يعني ٣ أجزاء في اليوم. ولو مشغول اقرأ اللي تقدر عليه، بس المهم تفتح المصحف كل يوم، كل حرف بحسنة، وخد بالك الأجر في الايام دي مضاعف.. ٤- الصدقة: لو تقدر تطلع صدقة كل يوم، يبقى حلو أوي! مش قادر؟ حتى لو مرة في الأيام دي تكفي، وخصوصًا لو ساهمت في إطعام.. الخير مش بكميته، النية أهم. ٥- الدعاء: ادعي من قلبك، وماتستقلّش بدعوتك، ربنا كريم وبيحب اللي الإنسان اللحوح، اطلب كل اللي نفسك فيه مهما كان، وادعي لحبايبك وأمواتك، واعمل قايمة من دلوقتي بدعواتك. ٦- الذِكر: خلي لسانك دايمًا رطب بذكر الله، في أي وقت: وإنت بتغسلي، بتطبخي، راكب مواصلات، ماشي.. سبحتك في إيدك، استغفار، تسبيح، حمد، تكبير.. كله أجر عظيم. ٧- السُنن: حاول تطبق أكبر قدر منها: - إشرب وانت قاعد وعلى ٣ مرات - أذكار الصباح والمساء - السحور حتى لو بتمرة - نام على وضوء وقول أذكار النوم - إقرأ سورة المُلك قبل النوم - صلي ١٢ ركعة سُنة في اليوم - قول للي بتحبه إنك بتحبه في الله - افطر بدري واتسحر متأخر - ادعي لغيرك بظهر الغيب - امسك نفسك وقت الغضب - ابتسم وقول كلمة طيبة حاجات بسيطة بس ليها أجر كبير، خصوصًا الأيام دي. ٨- التوبة ومحاولة التغيير: محدش يقولك إنك بتنافق لو بدأت تتغير في الأيام دي، دي أيام فرصة، ربنا بيحب التوّابين، الأوابين، اغتنمها بكل قوتك ومتسمعش كلام الناس! ربنا يجعلنا من اللي بيستغلوا الأيام دي على أحسن وجه، ويكتب لنا فيها أضعاف الأجر والخير يا رب. منقول.

والوارد عن النبي ﷺ عند هبوب الرياح الشديدة هو: "اللَّهُمَّ إِنِّي أَسْأَلُكَ خَيْرَهَا، وَخَيْرَ مَا فِيهَا، وَخَيْرَ مَا أُرْسِلَتْ بِهِ، وَأَعُوذُ بِكَ مِنْ شَرِّهَا، وَشَرِّ مَا فِيهَا، وَشَرِّ مَا أُرْسِلَتْ بِهِ". كما يُستحب قول: "اللهم اجعلها رياح رحمة ولا تجعلها ريح

🔻صلى الله عليه وسلم

تُطلق قناة صِـلـة برنامج: ⬅في ظلال الفاتحة.. فهمًا لمقاصدها، وتذوّقًا لمعانيها، وتأمّلًا في هداياتها.⬅ عشرة أيامٍ مع الفاتحة.. قصيرة المدة ممتـدّة الأثــر؛ تنتقل فيها من تكرار الآيات إلى شهود معانيها، فتغدو هداياتها أثرًا ظاهرًا في سلوكك وحياتك. 🔘مدة البرنامج ١٠ أيام. 🔘الانطلاقة🗓 ١٤٤٧/١١/٩ الأحد. ⬇انضمامك للقناة الخاصة بالمبادرة يُعد تسجيلًا، رابط الانضمام للبرنامج: https://t.me/sillahsi

🔻صلى الله عليه وسلم

قال النبي ﷺ: "مَن صامَ رَمَضانَ ثُمَّ أتْبَعَهُ سِتًّا مِن شَوّالٍ، كانَ كَصِيامِ الدَّهْرِ" .. [رواه مسلم]. عن أبو هريرة: "أَوْصَانِي خَلِيلِي بثَلَاثٍ لا أدَعُهُنَّ حتَّى أمُوتَ: صَوْمِ ثَلَاثَةِ أيَّامٍ مِن كُلِّ شَهْرٍ، وصَلَاةِ الضُّحَى، ونَوْمٍ علَى وِتْرٍ" .. [رواه البخاري].

عن أمنا عائشة رضي الله عنها «أنَّ رَسولَ اللَّهِ صَلَّى اللهُ عليه وسلَّمَ كانَ إذَا رَأَى المَطَرَ، قالَ: اللَّهُمَّ صَيِّبًا نَافِعًا .»

• الصلاة نور «الصلاة نور يُستضاء به في دياجير الظُّلَم، تنير للمسلم الطريق المستقيم، وتهديه إلى الصواب، وتنهاه عن الفحشاء والمنكر ﴿ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ ﴾ والصلاة نور بكل معاني النور؛ نور للعبد في قلبه، وفي وجهه، وفي قبره، وفي حشره يوم القيامة؛ لأن الصلاة عمود الإسلام، فإذا قام العمود قام البناء، وإذا لم يقُمِ العمود فلا بناء».

في هذا الملف عبادات قلبية تُعين المصلي على تحقيق الخشوع، والتنعم بلذة الصلاة.🤍

🔗 نصاب اليوم الثامن والأخير | استعينوا بالله🤍 https://youtu.be/Xa_ubVMIV0c?si=-ZP-bnwszcbgmXyA

⬇️مادة إثرائية قال عنها الشيخ عبدالكريم السلمي: ليست للقراءة فقط، بل تخلد معانيها في الذاكرة؛ لإنها تجيب عن الإشكال الغائب في موضوع الخشوع في الصلاة.

🔗 نصاب اليوم السابع | استعينوا بالله🤍 https://youtu.be/kAX5wtQTXF4?si=sserbxZF18cYbXHa

🔗نصاب اليوم السادس | استعينوا بالله🤍 https://youtu.be/2SQH9KGRh7A?si=yPIYIcSXmRWWRYVA