بوح و شعر و قصيده

من حبها كنّ ماخلق غيري على الدنيا شجاع ‏لو دربها جمرة وطتها الرجل ماحسّيتها ‏اسوق عمري في رجاها لو تعشّاني السباع ‏اهم شيء اشوف شارعها ولفّة بيتها

‏طابت لك دروب العمر والمقادير ‏من حقنا لله عليك نـتشكر 🤍

‏عليك أخاف من جرح الكلام و لوعة التدقيق ‏و أحنّك من قساي ومن قسى الايام و آوي لك  ‏لك الله ماقدرت أسلا بعدك ولا قدرت أطيق ‏تفاصيل الحياه اللي مافيها من تفاصيلك

ابياتي وحروفي كلها لك يا من سكنت بمقله العين العين منزلك والصدر مدهالك وتربع بالقلب واسكن الشرايين

‏جمـيع الـدروب اللي اجيـها تنـبـت ورد ‏وجميع الـوجيه اللي اقابلها محظوظة

إن كان عندي هم .. أكبر همّي ‏فرحة أهلي لو تنشرى بأحزاني ‏أستودعك ربي . . أبوي و أمي ‏وأستودعك ربي جميع أخواني🤍

وهو مادرى عن دمع عيني وكيف أجراه ‏غداله على خدي علامة وماريّة

‏أحيان أعسف الصعب وأعقده وأحلّه ‏وأحيان حتى الهبوب — تجرح فؤادي

‏تواضع ، تغافل ، لاتدقق ، وخلك سمح ‏جمال الحياة إنك " تساير بساطتها "

‏إقتنعت إن الليالي متاحف ذكريات ‏يوم تبطي سجّة البال بين أسوارها ‏اللي ظاهرها سعادة و باطنها شتات ‏وحشةٍ ما ملّت النفس من تكرارها

‏صواديف الزمن ماهي قليلة يوم جات ثقال ‏لكنّي جيت من فوق الشعور وهقوة الهاقي

لو لقينا كتاب يستوعب جميع امجادك ما لقينا له غلاف إلا .. الغلاف الجوي 🚀

لقيتك ليلةٍ تسرق شعور . . و مزنها صبّاب ‏يا وجهٍ كل ما يضحك جعل تضحك له سنينه

‏على حد التعب واقف والوح للسهر نعسان ‏لـ اجل صبح تباطا جيته لين انبلج نوره ‏انا والليل والذكرى وجرح يرفض النسيان ‏نغني للشعر واسمع صدى تصفيق جمهوره ‏بعد حزة مغيب الشمس للضيق التفت عجلان ‏ارحب بالمساء كاره ظلامه ، لاعن حضوره ‏وعلى شان الامل لو ما بقى له من همومي شان ‏اغني واعزف لـعذري ... وارتل للندم سُوره ‏شعور الخوف له سلطه ولا يرحم وانا انسان.. ‏يقدس كل شي بداخله و يصدق شعوره ‏رسمت ولا اعرف في صفحتي غير البياض الوان ‏وجيه تضحك لوجه الزمن و وجيه مكسوره ‏تمادى هالتعب لين اتخذني لـ العنا عنوان ‏فرض رايه على كل امنياتي واعتمد شوره ‏انا من وين ما وجهت اعود لـ اولي بلشان! ‏كرهت ام السهر وابطى الصباح وصوت عصفوره

يالله عسى بيتنا ماتوقف افراحــه ‏وعسى دلال الفـرح فيه دوم مصبوبه

‏شعور الليلة: ‏والله أن الوجه زاهي والقلب مبسوط

‏لقيت لي حاجه قبل سن الثلاثين ‏ مافيه احد بالكون مثلي لقاها ‏مخلوق ماضنه تكون من الطين ‏يمكن سحابه عابره طاح ماهاا ‏خلت ثلاث ارباع صدري بساتين ‏ محد وصل في داخلي مستواها ‏ماقارنك بالحور وانتي تعرفين ‏ حتى قصيدي يبتهج لانصاهاا ‏حبيبتي انتي هنا لا تخافين ‏شفتي ضلوعي والله انك وراها

مرحبّا يا طاريّ الود وهلا يا صحبة الوافين ‏ أبادلك السلام الراهي المنقاد و الضافي

‏« حاول انك بالحياة تصير واضح و انتقائي ‏ بالكلام وبالقصيد وبالدروب وبالرفاقه »

‏اعاتبك مرة على شان تقدير ‏عنواني يمكن ماوضح من كتابي ‏واعاتبك مرة كاسلوب تحذير ‏اما اعتدل ولا خصيمك غيابي ‏والثالثة لو توقع النفس وتطير ‏لي عزة تفرض عليّه صوابي ‏اللي يحب رضاه برضاه بيصير ‏الا الكرامه جرحها من عذابي