🧚🏻‍♀️✨🍀فرح الذهبي 🍀✨🧚🏻‍♀️

مشتري او هيمنة الدلو او ميزان او جوزاء انتبهوا اي شي تحجوا او تغنوا او تسمعوا ياثر بيكم فاسمعوا شغلات ايجابية فقط وغنوا اغاني ايجابية فقط واحجوا فقط كلام ايجابي اي شي ينتقل عن طريق السمع او الكلام او الهواء ياثر بيكم

عدكم يومي مشتري جدي كرستيانو مشتري جدي موكيش امباني اغنى رجل بالعالم مشتري عذراء احلام المغنية مشتري عذراء بالاضافة بلد العراق مشتري عذراء فانتوا اصلا محظوظين لان مولودين ببلد مشتريكم اقتران مشتري البلد

بالمناسبة معلومة ع الطاير بيت الثور بالخارطة الفلكية هو اكثر بيت يجيبلكم ثراء

ولاتخافون اني مشتري عذراء عادي ومتراجع عادي بالرغم ماعندي معاناة بالمال بحياتي كلها بس اني شخصيا اشتغلت بعمر ال ٢٧

مشتري العذراء والجدي وبال وهبوط المشتري لازم تعتمدون على نفسكم بالتفعيل بس يجيبون ثراء بجهدكم الشخصي

حتى محد تسالني فرح شلون يتفعل مالتي المشتري نزلت الكل يبقى بالخريطة الفلكية مالتكم الميلادية وين المشتري بأي بيت هم يأثر طبعا

مشتري الدلو يتفعل عن طريق العمل الخيري والانساني مساعدة الاخرين وايضا اذا اشتغلت بامور تخص التكنلوجيا والتطور مشتري السرطان يتفعل عن طريق العقارات والطب النفسي او الراحة النفسية بالمنزل مشتري الاسد يتفعل عن طريق الظهور امام الاخرين او الشهرة من تكون جريء وشجاع وواثق من نفسك كل ما ركزت على نجاحك يتفعل

مشتري الحمل يتفعل عن طريق الرياضة والاكل الصحي مشتري الجوزاء عن طريق الكلام والتعبير الصادق مشتري الميزان والثور يتفعلون عن طريق الجمال والتجميل والفن والتصميم

مشتري العذراء والجدي يتفعلون بجهد الشخص وذكاءه ركزوا ع الانضباط والالتزام والنظافة بحياتكم

المشتري اللي يتفعل عن طريق التحولات الجذرية الروحية والتشافي (مشتري العقرب) بس يجيب ثراء فاحش

المشتري اللي يتفعل عن طريق السفر القوس والحوت

المشتري الهوائي جوزاء ميزان دلو البخور كلش ينظف طاقتكم ونفس الوقت ينفع للمشتري الناري (اسد و حمل و قوس ) والمشتري الهوائي تنفعكم اجواء المغامرات او طرق التنفس العميق التعرض للاوكسجين بكثرة الجلوس قرب الاشجار واستنشاق الهواء النقي او سماع الموسيقى والتأملات

المشتري الناري (اسد حمل قوس) التحرر بالكتابة والحرق ينفعكم او تشغلون شموع باستمرار يعني اي شي يخص النار وحتى الجلوس تحت اشعة الشمس يفيدكم (طبعا مو بهيج اجواء 😂😂😂) بس ع العموم الجلوس قرب النار ينفع طاقتكم

المشتري الترابي جدي وعذراء و ثور انتوا تكدرون تفعلون المشتري عن طريق التراب يعني ازرع زرعة او اعتني بالزرع وايضا بالانضباط والالتزام مشتري العذراء بالنظافة هم يتفعل

احد طرق تنظيف شاكرا الجذر عن طريق القدمين تحتاجون ٣ اوراق من شجرة الغار (من العطار تشتروها) وملح خشن وعاء كبير من الماء (طشت بالعراقي) تخلون قدمكم بالوعاء او الطشت و تطلقون نية انوي ان اتحرر من اي طاقة سلبية او مشاعر سلبية مخزونة في كل خلايا جسدي الان…

احد طرق تنظيف شاكرا الجذر عن طريق القدمين تحتاجون ٣ اوراق من شجرة الغار (من العطار تشتروها) وملح خشن وعاء كبير من الماء (طشت بالعراقي) تخلون قدمكم بالوعاء او الطشت و تطلقون نية انوي ان اتحرر من اي طاقة سلبية او مشاعر سلبية مخزونة في كل خلايا جسدي الان وحالاً تبقوها لمدة ١٥ دقيقة (ربع ساعة) بدون استعمال موبايل او موسيقى بس غمضوا عينكم واسترخوا تكدرون تطبقوها يومياً او عند الحاجة (الحوامل اللي عدها عذر عادي تطبقوها) والمي ينشمر بالمجاري عادي (لان ما قارين عليه ايات او سور قران) (اذا قريتوا عليه قران ينشمر بحديقة او سطح مايصير مجاري) فوائدها : تنظف شاكرا الجذر تعزز الامان و الاستقرار تسحب الطاقات السلبية تريح الاعصاب تقلل التوتر تخلصكم من المشاعر العالقة تعالج اوجاع الاقدام … الخ

انتظروا انزللكم ايام العقد بالتاسع لان عطارد حيكون بالعذراء ببيته مرتاح ينفع لتوقيع العقود جداً واكيد اختارلكم قمر اما بالثور او السرطان حتى يكون بشرفه او ببيته مرتاح والله يسعدكم طول العمر حبيباتي

اللهم يا من يحي العظام وهي رميم احيي ما مات في حياتي بسبب العين والنفس والحسد والسحر واعد لي مافقدت من راحة وبركة اللهم ابطل اثر كل عين ونفس وحسد وسحر اصابت روحي وأحزنتها اللهم اخرج كل عين ونفس وحسد وسحر من جسدي وبيتي يا رب العالمين يقرا هذا الدعاء يومياً لمدة اسبوع بأي عدد حتى يرجع رزقكم وبركتكم لحياتكم

الزواج نشوفه من البيت السابع والعاشر الخطوبة نشوفها من البيت الثالث والخامس حفل الزفاف نشوفه من البيت التاسع كرستيانو عنده التاسع عذراء وحاكمه عطارد بالثاني بالدلو يعني عائلي جورجينا عدها التاسع قوس حاكمه المشتري بالثامن بالعقرب يعني عرسها يكون بالسر او الخفاء الخريطة تنطي احتمالات لان كل انسان عنده ارادة حرة بالاخير

راقبوا شنو حيصير عدكم 🙃🙃🙃 بفترة عبور زهرة الميزان