ذكريات النجاح مع أ. فارس جقل💕

The owner of this channel has been inactive for the last 11 months. If they remain inactive for the next 20 days, they may lose their account and admin rights in this channel. The contents of the channel will remain accessible for all users.

الاستاذ فارس جقل انا من احد طلابك يلي بالنت اول شي ماكان عندي قدرة سجل بمعهد او استاذ خصوصي واكبر حلم لالي انو كنت سجل مشان جيب علامات عالية انا ابي متوفي هو كان سندي قطعت الامل من الدراسة ومرق شهور بس بالصدفة مريت على صفحتك بالتلغرام وبلشت اقرأ البوستات تشجعت منك وحطيت هدف وبلشت ادرس ادرس ادرس عنجد ربي يعطيك الف عافية ياارب وربي يرزقك الجنة ياارب وربي يبعتلك ايام حلوة ييارب ان شاءلله يارب بتشوف ايام حلوة كتير ساعدتنا ووصلنا لنتيجة من مساعدتك ومن كتر ماحبيت تدريسك صرت درس طلاب وانا شكرا من القلب يا احلى استاذ 🌹🌹♥♥♥

والله يا استاذ انا ما بعرفك شخصيا ابدا بس حبيت اليوم اتشكرك بعد ما مر سنة او اكتر على دراستي عندك اون لاين ببساطة انا كنت فارشة بالرياضيات والفيزيا والكيميا بالباك وضيعت كل الوقت طول السنة ما كنت اهتم ووقت شهر الانقطاع ندمت وحسيت بالذنب انو كل مصاري اهلي وتعبن عليي رح يرو ع الفاضي هالتلت مواد هنن المنهاج كلو فصرت دور على طريقة نجي حالي فيا ولقيت قناتك لان بالتاسع كنت حالة منا نماذج وساعدتني كتير وطول الباك بسمع عنك ستنيت لتنزل المكثفة شتريتا وصرت احضر المقاطع على التيلي واحد واحد وحل الوظائف ويصعب عليي كتير ونضغطت اخر شهر وماكان معنا دخل يسمحلي سجل اوف لاين وهيك خلصت تقريبا تلت ارباع المكثفة بالرياضيات والفيزيا درستا كاملة والكيميا من عندك ولحمدلله جبت بالرياضيات ٥٦٥ من الدورة الاولى رغم انو الاسئلة كانت بتعجز وانا كنت طول السنة مسيبتا ومو فهمانة شي بس صوتك كان بقاعة الامتحان عم يدلني شو حل 🥺❤️ والكيميا سكرتا والفيزيا نقصني جزء وهي كانت تجربتي انا معك حبيت اذكرا لغيري ليعرفو قديشك انسان محترف بشغلك وتدريسك وتعبان كرمالنا وكرمال نجاحنا حتى البث يلي كنت تطلع في كان مليان تفاؤل وامل بانو ننجح باكتر وقت كان الاحباط في ساكن قلوبنا ❤️❤️❤️ وبحب خبرك كمان انا اليوم مهندسة اتصالات صرت رح خلص سنتي الاولى بدمشق دعيلنا منترفع 🥺❤️

استاذنا العظيم انا احدى الطالبات يلي كنت عندك بالدورة المكثفة هاي السنة ٢٠٢٤ بدمشق 🤩الشكر الكبير لك ولدعمك لنا 🤩صحيح ما قدرت اجيب المجموع العالي يلي بحلم فيه بس حاولت 😞والسنة الصعبة هاي يلي مرت لولا وجودك معنا ما قدرنا نكمل فيها🤗وكنت بقوي حالي بجملة لا تتلبك كول مشبك 😁😁 ولحمدلله اني قدرت ارفع معنوياتي بسببك 💛 😍 ويا نيال الطلاب الجايين لسنة ٢٠٢٥ لانو معك 💛 وبدي انصح الطلاب الجاايين انو يكونو بكل خطوة معك لانو مالح يندموا وانو مافي خوف مع الاستاذ العظيم فارس😍والله يوفقك الجميع انا هلق عم بدرس للتكميلي ولح ارفع مجموعي ان شاء الله ادعولنا💛💛💛🧡

شكرا استاذ على تعبك معنا بتستاهل كل خير وكل هالمحبة كنت احضر عاليوتيوب حتى حضرت واقع بالجلسة الامتحانية وشفت شقد طلابك محظوظين حتى وقت خلصت الجلسة زعلت وحسيت بسهولة بالمواد اكتر من طول السنة وترتبت كل الافكار شكرا على وقفتك معنا سواء واقع او يوتيوب ماقصرت والله يعطيك العافية ويجزيك كل الخير🫶🏻💗💗

يمكن احلى شي صار بحياتي وقت قدمت ع التكميلة وحضرت عندك وعند الاستاذ نضال مابقدر اوصف فرحتي وقت شفتك استاذ كانت فرحتي اني تقابلت مع استاذ متلك وبقدرك اكتر من فرحتي بنجاحي عنجد كانت ايام حلوة انو بعد سنة تعب معك ع الفديوهات والضحك القعدة بقاعتك والانصات الك كان احلى بكتير شكرا لوجودك بحياتنا ولوقفتك معنا والاستاذ نضال طبعا لا ينسى شكرا من القلب صرنا طلاب جامعة ولهلق منذكر حكيتك الحلوين وتحفيزك منحفز حالنا في لهلق 🥹❤️#Bac2023

السلام عليكم استاذنا واخواني كانت تجربتي ب ٢٠٢٤ تجربة مميزة وبتمنى من الكل يقرأها للاخير اني اول السنة تقريبا بشهر ١٠ كنت مخلصة العلوم وانكليزي ونصاص المواد الباقية ماعدا الكيمياء كنت بين رفيقات متميزات كثير من ناحية الدراسة كان في بيناتنا منافسة ومودة كثير اجيت اخدت الفيزياء خصوصي عند استاذ بالبيت لانو هما كانوا مسجلات ب مدرسة خاصة وانا بمدرسة حكومية وماكان في كادر منيح فيها لهيك تعرفت ع بنات اخدت معهم وكان مستواهم ضعيف شوي صرت اهمل واقصر بدروسي وما اعيد يلي اخدتو وصلت ل رمضان مامعي شي من المنهاج اكثرو مراكم العلوم والانكليزي نسيتهم فلهيك بنصحكم اخواني انتبهو ع دراستكم منيح واهم شي الصحبة اذا ما كان فيها منافسة واجتهاد ولو كانوا مناح بعد عنهم حاليا نجحت ع الحد ب علامة ١٣١ مع اللغتين وهلأ بدي عيد مع العلم كان حلمي سكر المجموع 💔

شكرا كتير الك استاذ 🤍🤍 انا كنت بالرياضيات ضعيف تقريبا الحمدلله الله هداني على قناتك على اليوتيوب من كتر ما استمتعت بالدراسي معك عدت المنهاج كامل مرتين وغير المكثفي 🤍 الحمدلله نجحت وجبت 50بالرياضيات بدي كملا وهلق عم ارجع عيد المكثفي وان شاء الله بدي جيب 600 ❤️❤️الله يعلم قديش الك معزي بقلبي شكرا كتير

مرحبا شباب صبايا حابة احكي شوي عند تجربتي أنا متزوجة وعندي طفلين ابني الكبير صف اول زوجي عسكري من زمان حلمي عم يكبر يوم عن يوم مرقت بظروف صعبة كتيررر ومشاكل زوجيه بمافيه الكفايه بس انا بقيت عم واظب على حلمي حتى حصلت عليه صح عمري ٢٥ سنة بس لسا بحس انو المستقبل قدامي كانت امي الداعم الاساسي الي وقفت معي وساندتني وساعدتني بولادي كتير درست لحالي بلا استاذ لانو الوضع ما بيسمح درست ع النت والموبايل والحمدلله نجحت جمعت٢٠٢٩ علمي وان شالله رح حسن ب التكميلي وارفع شوي من علاماتي دعولي يبقى هاد الشغف الدراسي فيني وابقى مواصله لحتى وصل لهدفي وبتمنالكن السعادة من كل قلبي والنجاح يارب دعولي 😊

مسالخير لاخي واستاذي وصديقي ومدرسي العظيم فارس جقل❤️ انا كنت من طلابك السنة الماضية عالاونلاين والحمدلله بفضلك وبفضل تعبك كل السنة انا حاليا طالب تحضيرية مافي كلمات ولا في اي شي ممكن يوصف الشي يلي انت  قدمته من شرح لنصائح لتحفيز يعني انت كنت الداعم الأول والاخير بهي السنة احضرت معك وتابعت معك كلشي وكل كلمة حكيتها كانت متل الدهب بالنسبة لإلي كل ما كنت اتعب وحس حالي مليت كنت اسمع تسجيلاتك وارجع ادرس متل الاول❤️ تعبنا وتوترنا وصار زلزال وصار تأجيل ومع كل هاد انت كنت الداعم الاول والاخير لالي ❤️ الشي يلي قدمتلنا ياه تجاوز انو مجرد استاذ وطلابه كنت الاخ والسند لالنا كانت سنة حلوة وممتعة بفضلك ولانك كنت معنا ❤️ والذكريات يلي فيها رح تضل محفورة كل العمر وانت يا استاذ رح تضل بالقلب كل العمر❤️ شكرا لهالسنة الحلوة وشكرا لهالذكرى الحلوة يلي ما بتنسى شكرا للبثوث يلي كنت تعملها قبل الامتحان يلي كانت تخلينا نشعر بالثقة والقوة شكرا لمكثفاتك ولمنهاجك ولشرحك الرائع ايام لا تنسى وذكريات ولا أجمل طبعا مافي داعي قول انو علاماتي كانت تامة وشبه تاامة وتحديدا بمواد الأستاذ العظيم فارس جقل شكرا لالك لأنك ساعدتني لأوصل لحلمي ❤️❤️ ونصيحتي لأي طالب خايف ومتوتر لا تخااف خليك شجاع ❤️❤️ طالما استاذك فارس جقل انت بخييررر كل الحب والتقدير والاحترام والامتنان لإلك استاذي العظيم الله يوفقك ويحميك ويخليك يارب وانشالله ما منشوفك خير بكل خير وانشالله بيوم من الأيام بكون قادر ردلك جزء من هالشي العظيم يلي عملته وانشالله رب العالمين يقدرني كفي وساعد بهالرسالة العظيمة والنبيلة يلي عم توصلها كل الحب لالك استاذي الغالي❤️❤️ طالبك حمزة معلا.

مسا الخير لأعظم و ألطف استاذ عرفتو بحياتي ❤️ انا من طلابك السنة الماضية ع النت و هلا طالبة جامعة عم ادرس هندسة اتصالات🥰❤️ متل هالايام كنت انت الاستاذ الوحيد يلي يعطيني أمل لاقدر كمل بدراستي بعد مع صار شي كتير صعب بحياتي الي هوي وفاة بابا وقفت معي بأصعب ايام دراستي انت السبب بالمكان يلي فيه انا وبالفرع يلي دخلتو طبعا فرعي كان حلمي من اول يوم بالبكالوريا والحمدلله دخلتو بسبب دعمك والثقة والقوة يلي كنت تعطيني ياها اسلوبك بالشرح خيالي والله خيالي بعمري ما شفت استاذ متلك و بعظمتك والله يا استاذ بتمنى تنعاد ايام البكالوريا بس حتى ارجع تابعك و شوف فيديوهاتك و تشجيعك لدراسة و البهادل و عباراتك يلي ما بتروح عن البال 🥺❤️ لهلا متابعتك و كل ما شفت فيديو إلك بقول نيال كل طالب بكالوريا ونيال كل طالب عم ياخد عندك تركت أثر كتيرر حلو بحياتي فضلك بعمري ما بنساه❤️❤️ كنت ورح ضل أحلى استاذ بحياتي ❤️❤️❤️ الف شكر الك يا ملك❤️ شكراً ع كل فويس و كل فيديو شاركتو معنا❤️ شكراً ع دعمك والثقة يلي عطيتنا ياها❤️ شكراً ع هالمكثفات اللذيذة❤️ شكراً ع كل بث مباشر ساعدتنا فيه❤️ شكراً لانك موجود معنا بكل خطوة ❤️ شكراً للبكالوريا يلي خلتني اعرف أ.فارس❤️ منحبك كتيرر كتيرر استاذ❤️❤️❤️ كل الخير بطريقك استاذ انشالله ايامك كلها خير متلك❤️ رح ضل اجمل ذكرى بقلوبنا🥺❤️ أسطورة مستحيل تتكرر ❤️ كل الحب والاحترام لاستاذي الغالي ❤️❤️❤️ طالبتك ع النت Sedra❤️ #كل طلاب بكالوريا لسنة 2024 بحب قلو لا تخاف خليك شجاع فارس جقل معك❤️❤️❤️

آستاذ فارس يسعد مساك انا اليوم طالب جامعة عم ادرس هندسة قوى ميكانيكية انا فتت عالبكلوريا ما بعرف شي برياضيات بتذكر وقتا طلعتني الآنسة عاللوح منشان حل تمرين مسكت القلم وصرت اطلع ما بعرف شي قالتلي وين رايح انت وشو مفوتك علمي قدام رفقاتي كانت صعبة كتير بعدا عملنا امتحانات الفصل الاول وكنت جايب 16 من 600 قالولي انت اذا بتنجح وبتجيب علامة نجاح بيتك رح يكون ب راس القلعة المهم فترة المراجعة شفت كتير طلاب عم يحكوا عنك وعن عطائك تابعت كل فترة المراجعة وصرت ادرس من مكثفتك والنماذج يلي كنت تبعتا وحطيت هدف امامي اني رح انجح ورح جيب علامات حلوة والحمد الله قدمنا الفحص النهائي من طالب ما بيعرف يفك معادلة  ل طالب جاب فيا 500 من 600 لرياضيات والحمد الله سجلت فرع هندسة بحبو ولما كنت قاعد ب جامعة بعتت حضرتك فويس ل طلاب يلي صاروا جامعة هلا وكان في كلام كتير مؤثر ل درجة كتير اتأثرت وقت سمعتو❤️ الله يوفقك يا آستاذ ويعلي مراتبك يارب كل الحب لالك ❤️ طالبك عالنت من طرطوس Nour_Tarchi

رسمتي لافضل استاذ بسوريا كل الاحترام لك استاذنا الكبير🙏❤️

استاذنا الكبير استاذ فارس جقل كل الاحترام وتقدير لك ❤️ استاذ عظيم بيعطي المادة بكل ضمير وبخاف عالطالب وكأنو ولد من ولادو قديش عانينا وتعبنا بسنة البكلوريا ويأسنا وفقدنا الامل بس بيرجع استاذ فارس بيرجعلنا الطاقة من اول وجديد بكلامو التحفيزي والتشيع الدائم لكل طلاب سوريا قد مامر من سنين بيضل هو اكثر استاذ الو اثر بقلوبنا وبيضل الو فضل كتير كبير علينا #استاذ_فارس نبض البكلوريا❤️🫶

استاذي الكبير شكراً الك بفضلك انجحت ب البكالوريا وسجلت الفرع اللي بحبو..🤍 حاولت اكتب ع ذكريات النجاح ماعرفت كيف .. بعرف متأخرة بس كل ما ادرس رياضيات بتذكر استاذي العظيم فارس جقل ❤️❤️ كل الحب والاحترام والتقدير لأجلك .. طالبك محمد كردي😊

احلى مكثفة لاحلى استاذ بكل سوريا💜💜💜 صرنا جامعات وبعدنا منتابعك ومنحس حالنا عم نعيد البكالوريا   تابعت معك وتابعت مكثافتك الرائعة💙💙💙  وشغلك وانجازك العظيم ❤️❤️❤️ كنا تعبانين كثييرا متل هالايام وخايفين  بس الحمدلله  انت دائما تحفزنا بكلامك  وبهدلك  النا كانت تيجي بوقتها المناسب لنكمل ومانستسلم  ونتخلى عن احلامنا والحمدلله نحجت وصرت جامعة وان شاءالله رح اكمل واكون اشي ناجح بالحياة متل ماعلمتنا تعلمنا منك شغلات كثييرا وشلون الانسان بيكون ناجح🌺🌺🌺 ونصيحة لكل طالب تابعوا هالمكثفات مارح تندموا ان شاءالله واهم اشي وانو تحضر المقاطع وترجع تحلوها بيدكم كلها ولاتتركوا ولا تمرين وان شاءالله الله  بيجبر بخاطركم ويحققلكم كل احلامكم ولاتخافوا البكالوريا سهلة كثييرا وممتعة  وخصوصا مع الاستاذ فارس 💜💜💜 وفي مقولة دائما كان يقوله الاستاذ اهم اشي خليك واثق بنفسك❤️❤️❤️ شكرا لكل حرف وكلمة وشكرا لكل شي قدمتوا كرمالنا وكرمال مستقبلنا 💙💙💙 شكرا لاحلى واغلى استاذ فارس 💙💙💙💙💙💙🌺🌺🌺🌺🌺🌺 اسفة ع الاطالة بتمنى تقرا هالرسالة تضيفها لقناة الذكريات🌺🌺🌺

طلاب الاعوام الماضية مطلوبين عالتحقيق👇👇👇 اقرؤو أخر سطر بالبوست👇 https://www.facebook.com/share/p/t6BS5vfmk9Xwsqfb/?mibextid=oFDknk

استادنا وقدوتنا انا طالبة من دير لزور وبحب اتشكرك علا عطائك وكرمك إلنا ماعم تقصر معنا عليوتيوب وهي مقطع زغير تشكر إلك انا طالبة معيدة وعقدتي لفيزيا بس بلشت معك من لاول وكلشي معك نهايتو نجاح يارب🤲🏻🤲🏻💪🏻🤍