لطميات حسينيه نسائيه 🥀

فزاعيه للرسول الكريم صلى الله عليه واله وسلم امشنه لبت/ رسول الله/ نعازيها شال اليوم ابوها //وحيل مابيها =================== نعازيها الزجيه ونلطم وياها عايفها الابو بلظيم خلاها مكسورت كلب والحزن غطاها محزونه .. لفراك الوالي =================== نشد احزامنه ونعازي الزهره ماتكدر تدك اظلوعها مكسره نواسيها علبوها والد العتره ( نعازيها .. نلطم وياها ) =================== نعازيها الزجيه هاي المسيه مصباح الحزن مصباح البنيه نصب فاتحه ننصبله تعزيه ( شديها .. اللطمه وياها) =================== نعازيها الزجيه اليوم حزنانه تلطم علوجه وتنوح ويانه من البيت ابوها خالي مجانه ( مضيعينه .. يجبير البيت) =================== نعازي ام الحسن هلضلت وحيده تكول البيت عقب الحيد ماريده وابو الحسنين يبجي رايح اعضيده ( يون عليه .. ويلطم راسه) =================== ابو الحسنين دمعه بعينه تلالي مكابلته الزجيه والدمع هالي ضل بيت النبوه مترب وخالي ( مانهواه .. البيت خلافك) ========== خادمة ال البيت الحجيه ام علي البصره https://t.me/fatima2000ss

#جديد وحصري _فزاعية_ لرسول الله ص شال اليوم ابن عمك _ يحيدر على فراك النبي _ كلبك تفطر شال اليوم ابن عمك يكرار الله ايعين كلبك عالجره وصار الصادق والامين النبي المختار واوتاده _ اهتز عرش الله اهتز عرش الجليل وي السماوات وصدى من كل مكان بهاي الاصوات محمد ابو القاسم يا بشر مات سموهه _ معجزة الخالق انقبظ كلب الكتاب وطلع دخان وسورة مريم اتون وال عمران وي حيدر علي القران حزنان انعازيهه _ الكوثر كون نواسي الكوثر الزهرة الزجيه ام النبي هاي وبنته هيه اشكال الحيدره بذيج الوصيه ايهد حيلك ــ اصواب ابنيتي رحل أعظم خلق رب الجلاله محد وصل مرتبته وكماله قدم للأمم أعظم رساله وسلمها _ الرايه لحيدر بقلم #مريم_الصدر العمل مهداة إلى الزهراء عليها السلام لا أجيز حذف الاسم 🚫 من القصيدة https://t.me/fatima2000ss

قصيده كأني بالسال حال مولاتي فاطمه الزهراء عليها السلام تخاطب ابيها رسول اللّه( ص) 🖊️📙 شلون عني اتروح وتخليني بويه تدري  فرگتك تعميني ¤=======¤¤=======¤ بويه بغيابك تــــمر چــم لوعه روحي مالومـه تضل موجوعه وعلى افـراگك ونتي مسموعه ابجي ماتسمع يابويه اونيني ¤=======¤¤=======¤ ابجي يابويه ودمع عيني جره اليوم اون عليك روحي مرمره بالحـزن ضليت بـــعدك حــايره على غيابك بويه تهمــــل عيني ¤=======¤¤=======¤ علــى غيابك بويه متهدم الحيل اليوم وحشه الدار وتذوب الدليل على فراگك مانمت دمعي يسيل اعليك ابچــي والــدمع عاميني ¤=======¤¤=======¤ هالعده حـــرگوا يـابويه داري انــوح مهضومه واتـسعر ناري اعليه ماتـدري يوالي شجـاري اليـوم صابوا ضلعي اوياذيـني ¤=======¤¤=======¤ بعد عينك شـفـت الام وهـموم من البجي اعليك منعوني الگوم من الدار طلعوني ودموعي دموم اتمنيت بويه اوياك تگضي اسنيني ¤=======¤¤=======¤ تــــمت بعون الله تعالى بقــــ✍🏻لم خـادمة السيده رقيه عليها  السلام *الشـــاعره سهام علي المـــالكــي* لاأجيز حذف الأسم نسالكم الدعاء بتعجيل الفرج لصاحب الزمان ((عج ) https://t.me/fatima2000ss

لطميه للرسول ﷺ ( تبچي اليوم حزنانه ) وأم حسين تبچي اليوم حزنانه خالي يالرسول المصطفى أمچانه ❥━──➸➽❥💔❥━──➸➽❥💔 خالي يالرسول أمچانه بدياره وحشه وأنطفن من حمّل أنواره وعگبه الدين ويلي طاحن أسواره فرغ برض المدينه الوالي ديوانه ❥━──➸➽❥💔❥━──➸➽❥💔 فارغ من گعدته وكشخته الليله وبدياره تنوح أو تنحب العيله حبيب الله مشه وحيدر أنهد حيله طلع بيه الوصي أملثم أو دفانه ❥━──➸➽❥💔❥━──➸➽❥💔 صاحت فاطمه لا تمشي يا يابه وأتعوف الدموع أبعيني سچابه وجهك يالحنين أيعذب أغيابه وبالگعده أنفگد يا شخصك أويانه ❥━──➸➽❥💔❥━──➸➽❥💔 مشه عن المدينه وحيدر أدموعه يجرن وأنحنت من فرگته أضلوعه والزهره أبمصابه أتنوح مفجوعه أنسد يالأسس الأسلام ديوانه ❥━──➸➽❥💔❥━──➸➽❥💔 شايل للگبر والزهره مهضومه وحيل أثگيل وأيهد يالأبو يومه وبتراب اللحد غطوهن أرسومه والزهره الزچيه اليوم نحلانه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الأربعاء / ٢١ من شهر صفر الحرام الموافق / ٢٠٢٦/٨/٥ https://t.me/fatima2000ss

*قصيده للرسول (شيردك اليه)* #من_ديوان_مسير الفواطم_ج٤ ❥━──➸➽❥❂❥━──➸➽❥❂ الله وياك يالرحت من اديه شيردك اليه صارت شوفتك حسره علية شيردك اليه يالماكو بحنانك ... ظل خالي مكانك من بعدك يغالي اشلون بيه شيردك اليه ❥━──➸➽❥❂❥━──➸➽❥❂ توادعنه ورحت عني وعفتني بويه الموت اخذاك تابوتك نظرته وافجعتني گمت اصرخ وانعاك اصيح ابصوت وانت مسمعتني بويه خذني وياك اصيح وزاد وني شلون تروح عني شلون اتنام بويه عالوطيه  شيردك اليه ❥━──➸➽❥❂❥━──➸➽❥❂ تابوتك يبو الروح الحنينه گبال عيوني شالوه ادگ عالراس ظليت وحزينه عني لمن اخذوه عشرتنة گضت واتفارگينة وشخصك بويه دفنوه وسفة ايضمك اتراب ... وشخصك يالابو غاب اطب دارك واهل دمعه جرية شيردك الية ❥━──➸➽❥❂❥━──➸➽❥❂ دارك مظلمه واتهدم الحيل من طبيت الهه تنشدني عليك وذاب الدليل ماادري شگلهه راح الوالي او خلاني بالويل والدمعه اهلهه الدللني مشه وراح وخله اخلافه الجراح بعد متعود گعدتنه سوية شيردك اليه ❥━──➸➽❥❂❥━──➸➽❥❂ ريت اتعودلي واترد الايام ترجعلي يغالي شبسرعة عفتني ابحسره والام والمدمع يلالي انوح اعليك حتى الليل مانام توحشني الليالي مني شيب الراس ايتيمه اصيحلي الناس اسمعهم واون ونه خفيه شيردك اليه ❥━──➸➽❥❂❥━──➸➽❥❂ تدري ابغيبتك شصيحلي الناس سموني يتيمه يتيمه وياحچيهم يجرح احساس شگد صعبه واليمه يالغالي ادگ ظليت عالراس يابويه هظيمه بتك لوعوهه ... ياطاهه وولوهة ريت وياك اخذتني المنيه شيردك اليه ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃* https://t.me/fatima2000ss

#الفزاعيه_بديوان_فرسان_الطفوف_الجزء_٧_. فزاعيه للرسول ﷺ ( بركان السمه الليله ) ناصب فاتحه جبريل بركان السمه الليله ❥━──➸➽❥💔❥━──➸➽❥💔 ضلمه الدنيه من بعده اليوم اتوسد ابلحده والكرار ضل وحده وياه تنحب العيله ❥━──➸➽❥💔❥━──➸➽❥💔 دين الله صبح حزنان اليوم امكدر القرآن ضجت بلمدينه احزان كلهه المدمع اتسيله ❥━──➸➽❥💔❥━──➸➽❥💔 حزنان العلم من شال وافراگ النبي چتال والكرار دمعه سال واعليه انهدم حيله ❥━──➸➽❥💔❥━──➸➽❥💔 شال اليوم مولانه والأملاك حزنانه محزن صبح قرآنه افراگه صعب شيشيله ❥━──➸➽❥💔❥━──➸➽❥💔 عليه ارتجت الكونين والأمه تهل العين وانعازي ابو الحسنين وبنته الضلت انحيله ❥━──➸➽❥💔❥━──➸➽❥💔 *تـــمت والـــــفضـــ🤲ـــل لله تعالى* *بقلم ✍ الشاعره أم محمد الكناني* *صاحبه ديوان📚أقل الوفاء في مصائب كربلاء* *❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌ https://t.me/fatima2000ss

‏مربعه جنوبيه لاستشهاد رسول الله ص ‏🩵🩵🩵🩵🩵🩵🩵🩵🩵 أبو إبراهيم. . شال وحمل ضعونه ‏اليوم على النبي الكونين مرجونه ‏🩵🩵🩵🩵🩵🩵🩵🩵🩵 ‏أبو ابراهيم شال وعايف دياره ‏والزهره تون عليه ومحتاره ‏بيته موحش ومظلمه اكتاره ‏نون وياها// والزهره تون ‏🩵🩵🩵🩵🩵🩵🩵🩵🩵 ‏جبير البيت ياحيف نغلك بابه ‏أم حسين تبجي تصيح يايابه ‏نارك بالكلب ياطاها لهابه ‏بظلوعي توج // نارك بويه ‏🩵🩵🩵🩵🩵🩵🩵🩵🩵 ‏جبير الكوم مفكود وخله مجانه ‏مضيفه مسدد مهدمه أركانه ‏المكظي الكلافه شلون خلانه ‏الدار أظلم // ضل بعيني ‏🩵🩵🩵🩵🩵🩵🩵🩵🩵 ‏عليه مكدره أحبابه وحزينه اليوم ‏الحسن وحسين ونو وبكلب مهظوم ‏منيته جدمت جدها صبح مالوم ‏يدير عيونه// ويودع اهله ‏🩵🩵🩵🩵🩵🩵🩵🩵🩵 ‏عينه يديرها ويودع أحبابه ‏يوصي بحيدره وآلامه مرتابه ‏ماخلوه يكتب ويلي كتابه ‏راسه بحجره// حيدر خلاه ‏🩵🩵🩵🩵🩵🩵🩵🩵🩵 ‏خادمة الزهراء عليها السلام أم مصطفى الموسوي ثواب العمل مهداة إلى مقام صاحب العصر والزمان عجل الله فرجه الشريف وإلى روح والديه وروح ابني المرحوم مصطفى كريم الفضلي ‏https://t.me/fatima2000ss

لطميه للرسول الليله ونت الزهره. على واليها عنها شال وتعلت بواجيها الليله ونينها علته على الوالي شايل يا اعز من روحي يالغالي مالومة تضل منها الدمع.هالي اه يم الحسن يامن يهديها راح المصطفى منها وخفه صوته وشالوه ياوسافه وسار تابوته ضلت خاليه من شخصه بيوته وبته تنوح والونه تعليها اه ياحالها الي يهدم المرمر تبجي وتنتحب منها الدمع فجر مهظومة تون عالفركه ماتكدر تدري ام الحسن عالفركه مابيها شلون تفاركك يانور عيناها يالكضيت عمرك كله وياها مالومه تراهي وزاد بلواها اه ياحالها للضيم تاليها الليله ونت الزهره على الهادي نادت يا حبيبي وسلوة افادي حالي من عكب عيناك مترادي روحي تلوج يافركاك كاضيها أم زينب السعداوي https://t.me/fatima2000ss

لطميه للرسول(ص) //////////////////// وين اتريد ياصدر الدواوين عليك اتنوح كتبك والقرائين //////////////////// وين اتريد شايل هالمسيه عليك اينوح حيدر والزجيه مهضوم الحسن وحسين اخيه يتعازون لمصابك محازين //////////////////// يتعازون هالليله ويونون فكدك مو سهل كلهم يكولون اشلون اتغيب عنهم ياضوه الكون محد يكدر الفركاك يومين //////////////////// محد يكدر الفركاك تدري اتصيح ام الحسن مكسور ضهري اشلون اصبر بعد خلصان صبري لاكلبي اليهيد ولاغفت عين //////////////////// كلبي المايهيد وبيش اهوده عدل ردناك بابك ماتسده اشلون اتعوف ابو الحسنين وحده خذاك الموت منه انجيبك امنين //////////////////// خذاك الموت شيجيبك يمهيوب محله وكفتك بالبيت الغروب يون اعليك كلبي وصار مصيوب اشلون ايطيب بويه الصوبه البين //////////////////// اشلون ايطيب كلبي البين صابه موحش مسجدك وانغلك بابه ياجيدوم يالتكضي الطلابه ياكهف اليتامه والمساكين /////////////////// يجد حسين ياكهف اليتامه فكدك مو سهل نوح وندامه بجفاك الدهر خيم ظلامه وهضموا فاطمه كوم الملاعين //////////////////// لشاعرة اهل البيت المله ام هجران العمارجيه https://t.me/fatima2000ss

فزاعية للنبي ص ( من شال النبي عنهه) ونت فاطمة ام حسين من شال النبي عنهه 📎📎📎📎 لمن شال سد بابه تون وتصيح يايابه احا يلخاليه طنابه تون عله الرسول ومن كطع ونهه / 📎📎📎📎 تنحب بضعة المختار لمن شال من الدار بمضيفه طافيه الانوار ابو براهيم شايل ونكطع ضنهه / 📎📎📎📎 تون وتصيح دلوني لكبر الوالي اخذوني الطم واعمي عيوني نصبت مأتم تريد اليعازنهه / 📎📎📎📎 نصبت مأتم الوالي تكول الطم يحلالي وفراكه شده بالي يسطرات الوكت ياحيف هضمنهه / 📎📎📎📎 سطراهه الوگت سطره ابوها نام عل غبره وضلت تنحب الزهره مصايب هل زمن كلهن تلافنهه / 📎📎📎📎 ✍️لخادمة اهل البيت ع الشاعره ام عون الحلاويه غير مبري الذمه من يحذف اسم الشاعرة او ينسب الرثاء لشخص اخر https://t.me/fatima2000ss

قصيدة للرسول(ص)لسان حال مولاتي فاطمة(ع) ❥━──➸➽❥❂❥━──➸➽❥❂ *وسفه ماترجع بعد … گلبي اعليك انمرد* بويه بويه                        بويه بويه ❥━──➸➽❥❂❥━──➸➽❥❂ بگلبي جمرة تستعر واهملها عيني رحت ياوسفة يغالي وماتجيني ليك احنن يالابو وزايد حنيني *بدارك اگعدت وصحت… ليش يالغالي رحت* بويه بويه         بويه بويه ❥━──➸➽❥❂❥━──➸➽❥❂ بدارك اگعد ليلي ونهاري اون اذكر ايام المضت ذيچ واحن بوية بغيابك اعيش انة بحزن *فرگتك اكبر جرح … چني طير ومنذبح* بويه بويه                  بويه بويه ❥━──➸➽❥❂❥━──➸➽❥❂ فرگتك صعبة علية وعذبتني ليش يالغالي رحت عني وعفتني بدنية وحشة ليش انة تيهتني *ادري عگبك انولي…وضلعي يكسرونة الي* بويه بويه           بويه بويه ❥━──➸➽❥❂❥━──➸➽❥❂ ادري ميرحموني والله اخلاف عيناك من رحت عني يريت اخذيتني وياك شلي ابعمري اعيشة انة بلياك *اگضي باحزان العمر … والگلب يلهب جمر* بويه بويه               بويه بويه ❥━──➸➽❥❂❥━──➸➽❥❂ بعد شيردك علية ياضوة العين وين مثلك الگة يابو گلب الحنين بيك فجعاني يوالي وصابني البين *بيك دلالي انفجع…والله مابطل الدمع* بويه بويه                بويه بويه ❥━──➸➽❥❂❥━──➸➽❥ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح والدي واختي وأمواتكم:🍃* https://t.me/fatima2000ss

*قصيدة للرسول (بويه بويه)* *من ديوان مسير الفواطم لارض المظالم الجزء4* ❥━──➸➽❥❂❥━──➸➽❥❂ *بويه   يالكلك  حنان* *بفرگتك ضاع الامان* *بويه بويه ... بويه بويه* ❥━──➸➽❥❂❥━──➸➽❥❂ بويه رايح وين يالغالي وعفتني وسفه يالولي مشيت ويتمتني وحدي بالدار مهظومه اتركتني گاعده عليك انتحب ... تدري فراگك صعب *بويه بويه ... بويه بويه* ❥━──➸➽❥❂❥━──➸➽❥❂ عليك اون ابگيت والمدمع اهلة يصعب افراگك علية اشلون احملة خلافك اشبع هظم وآلام ومذلة اشبع هموم وقهر … خدي بعدك ينسطر *بوية بوية … بوية بوية* ❥━──➸➽❥❂❥━──➸➽❥❂ خدي بعدك ينسطر وتهجم اعداي وين گلي آه يوالي ابث شكواي بلوعة وأحزان وقهر خلتني دنياي الدنيه ويايه قست ... وچم عذاب تحملت *بويه بويه ... بويه بويه* ❥━──➸➽❥❂❥━──➸➽❥❂ قاسية الدنيه وابد مابيها رحمة صوبتني بفگدك وصارت مظلمة عيوني ما الومنها لويابوية تعمة شلي بعيوني بعد … ورحت ماشوفك ابد *بوية بوية … بوية بوية* ❥━──➸➽❥❂❥━──➸➽❥❂ شلي بعيوني بعد يغله من العيون گلي يالغالي بغيابك اصبر شلون وليلي كله مساهره وما اطبك اجفون جفني ابد ما ينطبك ... وصدري بالعبرة اختنك *بويه بويه ... بويه بويه ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح اختي ولأمواتكم: https://t.me/fatima2000ss

لطميه للرسول ﷺ ( جد أبني الحنين ) جد أبني الحنين   اليوم ضيعته ولأرض المگبره شايل وودعته ❥━──➸➽❥💔❥━──➸➽❥💔 جد أبني الحنين اليوم يتمني شال الچان يوميه يجي أيمرني ودولاب الوكت بفراگه دولبني 《 فارگناه العشنه أبجاله 》 ❥━──➸➽❥💔❥━──➸➽❥💔 وسفه الدار فاگد صوت راعيه جد حسين هذا الروح والريه يحييني صدگ لو مرني طاريه 《 بغيابه أمخربط وضعي 》 ❥━──➸➽❥💔❥━──➸➽❥💔 حزنان الحسن وأيده على خده وما ينلام حگه لو بچه الجده أشوفه أيجر ونين وگاعد الوحده 《 لمچانه أيصد أو يبچي 》 ❥━──➸➽❥💔❥━──➸➽❥💔 الجد أبني أبدليلي النار ما تطفه وبيه أجروح اله وسط الگلب كلفه ضلعي ينكسر وأيضل يجر نزفه 《 ياذوني أخلاف أعيونه 》 ❥━──➸➽❥💔❥━──➸➽❥💔 أبوي الما أمعودني على أوداعه حسبت أحساب يرجعلي بعد ساعه خلاني أبحزن والروح مرتاعه 《 هد حيلي أفراگ الحمل 》 ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الجمعة / ٢٣ من شهر صفر الحرام الموافق / ٢٠٢٦/٨/ https://t.me/fatima2000ss

فزاعيه للرسول ﷺ ( والزهره گطع بيهه ) يا شيخ الهواشم شال والزهره گطع بيهه ❥━──➸➽❥💔❥━──➸➽❥💔 شال المصطفى ياسين والزهره تجر أونين ما غمضت منهه العين أبوهه أفراگه ماذيهه ❥━──➸➽❥💔❥━──➸➽❥💔 شال الچان ساندهه وعاف أدموعهه أبخدهه وحيدر ينتحب عدهه أتواسيه ويواسيهه ❥━──➸➽❥💔❥━──➸➽❥💔 ماذيهه الحزن والنوح وأمترّس گلبهه أجروح أفراگ الأبو أيهد الروح وياهو العگبه يحميهه ❥━──➸➽❥💔❥━──➸➽❥💔 شال الهاشمي الهيبه وتسعر نار الأمصيبه تبچي الزاچيه أبريبه ويا دمعتهه تچويهه ❥━──➸➽❥💔❥━──➸➽❥💔 وين الأسس الأسلام شال وعاف عنده أيتام الزهره الليل لا متنام بس تبچي أعلى واليهه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الجمعة / ٢٣ من شهر صفر الحرام الموافق / ٢٠٢٦/٨/٧ https://t.me/fatima2000ss

لطميه للرسول ﷺ ( يا وسفه أو هضيمه ) أبوي أشلون عافاني يتيمه                        يا وسفه أو هضيمه چان أعليه أبو أبراهيم خيمه                        يا وسفه أو هضيمه ضمه أتراب الأگبور ••• هذا الچان الي سور يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 وينه والدي خلوني أشوفه وياه أرد أبات أو ما أعوفه كعبة شوك چان أو لليطوفه جرح گلبي بعد عينه أشيروفه حيف اليوم مفگود ••• خله الحيل مهدود يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 يوميه أذكر الحلوه ضحكته وأذكر ذيچ أيامه أو گعدته أصدن خاليه أو ضلمه حجرته حمل للگبر نام أبحفرته يا جد بزري وينك ••• بعد ما شوف عينك يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 ريت الموت ياخذني أو يخليك ولا شوف الرمل بويه يغطيك ساكت ليش ما تحچي أمن أحاچيك يعميني الدمع من أبچي أعليك يالبلروح أنه أهواك ••• خلصت عشرتي أوياك يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 ضماك الگبر بويه يالأحنين وأفراگك كلف وأيعذب حسين يا شيخ الهواشم يا ضوه العين سهمي أخلاف عينك نوح وأونين شيردك عليه ••• يا راعي الحميه يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 أنه الزهره لن أنته أصبحت ماي أريد أوياك أموت وهاي رجواي بشرني قبل لا ترحل وهاي بيهه الفرحه ما توصلهه دنياي بعدك روحي تطفه ••• لا تضن عيني تغفه يا وسفه وهضميه يا وسفه وهضيمه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* كُتبت الثلاثاء / ٩ من شهر صفر الحرام الموافق / ٢٠٢٢/٩/٦ https://t.me/fatima2000ss

لطميه للرسول ﷺ ( تبچي اليوم حزنانه ) وأم حسين تبچي اليوم حزنانه خالي يالرسول المصطفى أمچانه ❥━──➸➽❥💔❥━──➸➽❥💔 خالي يالرسول أمچانه بدياره وحشه وأنطفن من حمّل أنواره وعگبه الدين ويلي طاحن أسواره فرغ برض المدينه الوالي ديوانه ❥━──➸➽❥💔❥━──➸➽❥💔 فارغ من گعدته وكشخته الليله وبدياره تنوح أو تنحب العيله حبيب الله مشه وحيدر أنهد حيله طلع بيه الوصي أملثم أو دفانه ❥━──➸➽❥💔❥━──➸➽❥💔 صاحت فاطمه لا تمشي يا يابه وأتعوف الدموع أبعيني سچابه وجهك يالحنين أيعذب أغيابه وبالگعده أنفگد يا شخصك أويانه ❥━──➸➽❥💔❥━──➸➽❥💔 مشه عن المدينه وحيدر أدموعه يجرن وأنحنت من فرگته أضلوعه والزهره أبمصابه أتنوح مفجوعه أنسد يالأسس الأسلام ديوانه ❥━──➸➽❥💔❥━──➸➽❥💔 شايل للگبر والزهره مهضومه وحيل أثگيل وأيهد يالأبو يومه وبتراب اللحد غطوهن أرسومه والزهره الزچيه اليوم نحلانه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الأربعاء / ٢١ من شهر صفر الحرام الموافق / ٢٠٢٦/٨/٥ https://t.me/fatima2000ss

نعي لنبي صل الله عليه واله عن لسان الزهراء ع خيمه الابو وفييه شحلاته ذره ايصير لوكعدن بناته الزهره تكول وين الفاكدته ............. وين الفاكده عزه وحنانه وبالبيت ضل خالي مجانه تون عله ابوي الدللانه ............. حزني وجرح كلبي كضاني من شال ابوي وتيهاني دمع افراك جد ابني عماني ............. انه معلمه دوم عله ملكاه غالي وجوتني نار فركاه اذكر حنانه واكعد انعاه ............ انعاك لمن تعمه العيون انوح عليك واولادي يونون مثلك يبويه وين يلكون ............. يبويه الفرح وياك شلناه والدمع بعدك ماكطعناه ثوب الحزن ما فاركيناه ............... بتك بعد ماينفل حزنها ولا ينكطع للموت ونها حسرات فكدك عذبنها .............. تنعه الزجيه وهلت العين ونو وياها الحسن وحسين وني عالعودج يحله الونين ............. يسوه البجه ويسوه المناحه وكتنه بعد ماطر صباحه بعد ماشفتي يم حسين راحه ............... ✍أم زينب كربلاء غير مبري الذمه من ياخذ الكلام وينسبه له او يحذف الاسم https://t.me/fatima2000ss

فزاعيه اومربوعه لرسول الله صل الله عليه واله عليمن ناصبه الماتم يعلويه لبوي الشال والتيه مبانيه ............ نصبت الفاتحه والطم عله الهامه اوصيح انروح فدو الذيج العمامه انحب والدليل ايلوج بالامه عزيز الفركته كل حيل مابيه ............ ابجي والبجه ما برد الجمره اكولن وين شايل هيبة الزهره لحكته والعيون من الدمع حمره يمته تعود بويه وترجع اعليه ........... جاليمت تعود وترجع أيامك ضل محزن يون هاليوم قرأءنك كول شلون صبري وخالي مجانك اريدابجي عله ابوي بعين مجريه ........... اريدابجي عله ابوي ولاتلوموني جاالمن يبويه ايصدن عيوني مشو لبعيد يحنان اليفكدوني مشو ووجوهم بالدار ماهيه ........... حكي عله الابو ماتم انصبنه البس ثوب حزني واجذب الونه عينوني يشيعه بيوم المجنه تره يومه كلف وايريد تعزيه ............... ✍أم زينب كربلاء غير مبري الذمه من ياخذ الكلام وينسبه له او يحذف الاسم https://t.me/fatima2000ss

فزاعيه لرسول الله ص عن لسان حال الزهراء ع شايل وين ابونه وهيبة الساده مفكود وعليه اتنوح ويلاده .......... شايل وين ابونه وعز العلينه نشبع من عشرتك ماتخلينه يوم الحملت بالضيم ضلينه افراكك والكلب يابوي ماراده .............. ماراد الفراك ايضيع احبابه ابوي اشكد عزيز ويوجع صوابه مشه البيه المحنه وانغلك بابه الميت مايرد والنوح ماعاده ............ بعد مافاد ونج غرب الهيبه يزهره والخذاه الموت شيجيبه روحج يالحزينه ضلت بريبه اليوم حسين شالت هيبة اجداده ............ مشه هيبة الزهره وشال واليها بويه ارسوم وجهك وين الاكيها عفت بتك حزينه واكطعت بيها حيدر عله اغيابك ذابت افاده ............ حمل والاملاك عليه مرجونه ابو ابراهيم من رادو يشيلونه حزن وحي الاله وهلت عيونه محرابه بجه وتنحب السجاده ............ ✍ام زينب كربلاء غير مبري الذمه من ياخذ الكلام وينسبه له او يحذف الاسم https://t.me/fatima2000ss

نعي لرسول صل الله عليه واله بعد مايخمد ويطفي يمرنه كطع برياكنه وحنضل يمرنه عكب عينك بعد ياهو يمرنه يدك بابي ويجي ينشد عليه ......... شلت الضعن والعين سالت حمول الكلب للكاع مالت اليله المحنه وياك شالت ........... اليله وي ابونه حل الفراك هلن عيوني والصدر ضاك حنين الابو وعليه نشتاك ........... جاوين شايل بعد العيون واليلة بضعونك يحملون باصرني يبويه ابتك شلون ........... روحي يبويه معلكه بيك يوميه تمر واكعد واتانيك تنشد على حالي واحاجيك ........... تعال لاتبطي عله بتك بالباب اريد اكعد وانطرك مهضومه واشكي الحال عندك ........... عينك غفت والهم غطاني هظم الوكت بعدك عماني شسوه يبو الزهره زماني ............... ✍أم زينب كربلاء غير مبري الذمه من ياخذ الكلام وينسبه له او يحذف الاسم https://t.me/fatima2000ss