سأڪوטּ طبيـبـ‌‏هہ💜🩺

الخبر صار عندكم، والخوف طبيعي.. بس تذكروا: لسه في وقت كافي لتصنعوا المعجزات! ⏳ باقي أكتر من 120 يوم، يعني لو بتبلش من اليوم "من الصفر" بتقدر تلحق وتجيب مجموع يرفع الرأس. الخوف ما بيصنع نجاح، بس الهمة العالية هي اللي بتوصلكم للهدف. 💪 رسالتنا لكل طالب♥️ انسى يلي ضاع، وابدأ اليوم. الحلم لسه بمتناول يدك، وفرحة أهلك بتستاهل منك هاد التعب.

كيفكن يا أكابر اول شي ليش كل هالخوف ؟! قالولكن بكرا امتحان ؟! او بعد اسبوع امتحان ؟! ما دام الإمتحان مو بكرا فلسا في وقت صدقوني لح قلكن شغلة صغيرة مواد الجامعة اضخم من البكالوريا هي اولا تانياً اغلب الطلاب بتدرس قبل المادة بكم يوم وما شاء الله بجيبو علامة ممتازة والله انتو لست معكن ١٢٠ يوم يعني بتخربو الدينا فيهن اقسم بالله العظيم شو ما كان مستواكن بتلحقو لك حتى اذا لسا ما بلشتو وحطيتو مخكن براسكن بتحلقو توصلو لحلمكن والله هدو ولا تخافو وتفائلو بالخير في كتيييير قصص طلاب بلشو قبل الإمتحان ب ١٠٠ يوم او اكتر بشوي او اقل ووصلو للطب وجابو مجموع عالي وانا واحد منن على فكرة صدقا بلشت دراسة قبل الامتحان ب ٩٠ يوم واقل والله وجبت مجموع الحمد لله ان تصل متأخراً خيرا من الا تصل قولو يارب ولا تخافو ابدا ما زال هناك متسع من الوقت قرأو الرسالة ودعولي بالتوفيق ولكم بالمثل 🤍 #Dr_MOHAMMED

@YNXBOT - 03:08, 2.9 MB

@YNXBOT - 02:33, 2.4 MB

@YNXBOT - 03:40, 3.4 MB

@YNXBOT - 03:16, 3 MB

@YNXBOT - 01:29, 1.4 MB

@YNXBOT - 04:39, 4.3 MB

@YNXBOT - 03:11, 2.9 MB

@YNXBOT - 04:23, 4.1 MB

🎓 طلاب الفرع #العلمي… ها أنتم تقتربون من #نهاية الطريق… آخر امتحان، آخر تحدٍّ، وآخر محطة في عامٍ طويلٍ من السعي و #الاجتهاد. 💥 ليست مجرد مادة، بل فرصة أخيرة لتثبتوا لأنفسكم أنكم كنتم على قدر الحلم، وعلى قدر #التعب. 🕰️ لا تدَعوا التعب يسرق منكم روعة الختام… شدّوا العزم، راجعوا بهدوء، وادخلوا القاعة وأنتم #واثقون من أنفسكم… فأنتم أبناء العلم، وصُنّاع #الغد. نحن فخورون بكل لحظة بذلتم فيها جهدًا، وبكل ليلة سهرتم فيها على نور #الأمل… فلا تجعلوا خط النهاية باهتًا، بل اجعلوه يليق بمسيرتكم #النبيلة. 🔔 هي آخر ساعات… ولكنها ليست نهاية #الطريق. بل بداية جديدة لحياةٍ تصنعونها بعقولكم #وإرادتكم. ثِقوا بأنفسكم، وثِقوا بأن الله لا يضيع أجر من أحسن عملاً. 🌿 بالتوفيق من القلب، ولكم منّا كل الدعاء بالنجاح والتفوّق. https://t.me/Syria_na #سيريانا_التعليمية

Channel photo updated

كيف ممكن نتعامل مع الفحص بكرا؟ بدايةً، لا تنسوا الأذكار والدعاء الصبح. لما تمسكوا الورقة لا تقرؤوا كل الأسئلة مع بعض، خلوكم سؤال سؤال.. بالنسبة للنصوص، النص يلي من الكتاب بتكونوا بتعرفوه لهيك فيكم ما تقرؤوه وبس تشوفوا الأسئلة وتطلعوا تبحثوا عن الجواب ضمن الفقرة، انتبهوا انه بدكم تجاوبوا على حسب المعلومات يلي قدامكم بالنص.. فبتتقيّدوا باللي هنن ذاكرينه حتى لو كانوا مختصرين شغلات من النص اللي بالكتاب. بالنّسبة للنص الخارجي، طبيعي جدًّا يمر معكم كم كلمة ما تعرفوها منه، ما تتوتروا وما تخافوا، حاولوا بس تشوفوا الأفكار العامة تبعه عن شو عم تحكي وبعدين انزلوا للأسئلة شوفوا شو المطلوب منكم وابحثوا عن الإجابة المناسبة. باقي الأسئلة بتحلوها متل مو متعودين بالنماذج، وأهم الشي أنكم ما تتسرّعوا بالجواب، والاعتماد على الأدلة ما يكون بصم وإنما حاولوا كمان تحللوا سياق الجملة مشان إذا في شي نكشة. اكتشاف الجملة الصحيحة والسؤال الصحيح دققوا وقارنوا بين الخيارات لتختاروا الإجابة الصحيحة بشكل مضمون. ترتيب الجمل استعينوا بالخيارات يلي هنن ذاكرينها قدامكم، مشان ما تضيعوا وقتكم وترتبوه بشكل مو موجود ضمن الخيارات.. فيعني ناقشوا ببالكم كل خيار إذا مناسب ترتيبه أو لا لتوصلوا للصحيح. إذا في سؤال وقفتوا عنده لا تضيعوا عليه وقت، انتقلوا للي بعده وبترجعوله لاحقًا، وأكثروا من الصلاة على النّبي لما تنسوا. واثقين جدًّا أنكم رح تبشرونا بعلامات عالية وتامة إن شاء الله🤍

كيف ممكن نتعامل مع القلق هالفترة؟ القلق شعور طبيعي وبيعطي دافعية لحتى ننجز ونجتهد، ولكن في حالات ممكن يزيد بحيث يربك الطالب ويعرقل تقديمه للامتحان أو دراسته، ومشان ما نتعرّض للقلق المُعسِّر يلي بيشتتنا ممكن نستعين ببعض الاستراتيجيات: 1. التّعبير والتّفريغ: - كبت مشاعر القلق ممكن يزيدها، لهيك حاولوا تعبروا عن قلقكم ومخاوفكم لشخص بتوثقوا فيه.. بهي الفترة يُفضّل ما يكون التعبير مع حدا بكالوريا، لأن هيك بتصيروا تزودوا على بعض المخاوف وبتقلقوا أكتر، بننصحكم تعبروا عن قلقكم لحدا أكبر منكم ومر بالتجربة وممكن يطمنكم حديثه، أو تكتبوا مذكّراتكم وخواطركم. 2. تذكّر الإنجازات: - بما أنكم خلصتوا انقطاع ويعني السّنة شارفت على الانتهاء، اقعدوا مع أنفسكم جلسة تسترجعوا فيها الإنجازات يلي جبتوها، العلامات العالية بالاختبارات والنماذج، إطراء الأساتذة والشغلات يلي حليتوها صح، ولحظات الفخر والإنجاز.. كيف ممكن يساعدكم هالشي؟ إحساسكم أنكم قدرتوا تحققوا أهدافكم خلال السنة (يعني إنجاز الكميات المطلوبة والحصول على علامات عالية) بيشجّعكم لتحققوا المزيد من النجاحات وبيرفع ثقتكم بحالكم. 3. محاكاة الامتحان: - بهي الاستراتيجية بتعملوا أجواء الامتحان كاملة، بتحطوا مؤقت وبتجيبوا نموذج شامل (أو وزاري أو دورة) لتحلّوه وممكن تشغلوا بيوتيوب Exam room ambience أو أي background noise لتحسوا بضجة الامتحان، هاد الشي بيساعدكم تتأقلموا لاحقًا بالقاعة وتركزوا حتى لو صار في ضجة وتوتر حواليكم. 4. تمارين التّنفّس: - تمارين التنفس بتساعدكم على الاسترخاء وترجعوا تتوازنوا، استنشقوا الهواء من الأنف لـ 4 ثوانٍ، احبسوا النفس 7 ثوانٍ، وبعدين زفر الهواء من الفم ببطء لمدة 8 ثوانٍ.. هيك بتهدؤوا وبيخف القلق. 5. السيطرة على القلق أثناء المراجعة: - خلال هي الفترة لما تحلّوا نماذج أو تراجعوا المواد ممكن تتوتروا أو تنسوا الحل، حاولوا ما تهلعوا وفكروا بهدوء، ما تسمحوا لفكرة أنكم إذا نسيتوا هلأ معناها رح تفرشوا بالفحص تدخل ببالكم، بالعكس فكروا أنكم قادرين ومتل ما حليتوا شغلات كتير صح قبل رح تقدروا تحلوا هي، طيب ولو فقدتوا الأمل وما تذكرتوها؟ بسيطة، بترجعوا بتراجعوها لأن هلأ انتو بمرحلة المراجعة وتثبيت المعلومات اللي ممكن تنتسى. ولما تراجعوها خلوا تركيزكم على المعلومة لتترسخ فما تراجعوها وانتو خايفين تنسوها أو عم تفكروا بباقي المعلومات، هيك رح يتشتت التركيز وما تثبت فالحل أنكم ترجعوا تقرؤوها وتحلّوا برواق. 6. النّوم المنتظم: - حاولوا من هلأ تهتموا بنومكم بحيث يصير منتظم وما يتخربط ليلة الامتحان، يعني ما تكونوا مثلًا بباقي الأيام بتسهروا للـ٣ وتجوا بليلة الفحص بدكم تناموا ١٠.. هيك رح يكون صعب عليكم ولذلك عدلوه شوي شوي من هلأ وبتوصلوا للفحص نومكم تمام، وقبل النوم فكروا باللي أنجزتوه خلال اليوم مشان تتجنّبوا القلق والأرق، وكمان حاولوا توازنوا بين احتياج الجسد للنوم وبين الدراسة بحيث ما تتعبوا أو تقصروا. 7. الحديث مع الذات: - من هلأ لحتى تخلصوا الفحص عزّزوا أنفسكم بكلامكم مع ذاتكم، بدلًا من أنكم تقولوا إنه المادة صعبة وما رح تقدروا و.. إلخ، كرروا عبارات إيجابية وابتعدوا كلّ البعد عن أي فكرة أو جملة ممكن تحبطكم، لا تجلدوا ذاتكم هلأ وتقولوا بعدين وقت تطلع النتيجة بنفتخر بحالنا.. البكالوريا رحلة وفيها مراحل وخطوات وكل خطوة عم تمشوها بنجاح بتستحقوا تفتخروا بحالكم فيها. طبعًا هاد كلّه بعد التوكّل على الله والإلحاح بالدعاء، تفاءلوا أنه جهدكم ما رح يضيع بإذن الله، وبأنكم بتستاهلوا نتيجة حلوة على الدراسة يلي تعبتوا فيها، الأيام القلائل المتبقية ممكن يزيد فيها القلق شوي لهيك تفهّموا وتقبلوا هي المشاعر بس كمان حاولوا تضبطوا الأمور لتبقى تحت سيطرتكم🤍.