In The Guidance Of Philosophy

الانتماء ليس شعورًا تنتظره قبل أن تبدأ. الانتماء شيءٌ تُمارسه. الخطأ هو التعامل مع الانتماء كشعورٍ يجب أن يظهر أولًا: "عندما أشعر بالثقة، سأذهب." "عندما أشعر بالقبول، سأتحدث." "عندما أتخلص من الشعور بالحرج، سأتواصل." هذا هو الفخ. غالباً ما تسير الأمور في…

يمكن الصورة مش مبين فيها شي، لأنه لا انا ولا الطرف الآخر منفضّل نطلّع وجوهنا عالعام، بس مع كل ذلك، هالشي ما بينقص من قيمتها ولا شوي، فأي صورة وهالصورة بالتحديد، ما بتكون حلوة بجودتها أو مدى دقتها وقديش الكاميرا يلي تصورت فيها خطيرة، بل بتوثيقها للحظة حلوة، لموقف بجنن وصادق ومعبر وسأبقى امتن له كل حياتي مثل هاد. ممتن لهالتلت ساعات كل الامتنان يلي ممكن اي انسان يمتن له لأي شي بالحياة، يمكن شخصياتنا متشابهة لحد الجنون، لهيك مر فترات منيحة ضلينا ساكتين فيها، بس حتى هالفترات كانت جزء جدا بجنن من هالمشوار الحلو. 13.8.26 احلى قعدة مع احلى حدا. 🤍🤍

الفترة الماضية بكثير من الأحيان فيها كنت عم انشغل ومش عم افتح نت، وهالشي تزامن مع تقديم بعض الاصدقاء لامتحاناتهم. فمن حرصي الشديد على أنني ما فوّت فرصة إني اتطمن عليهم كيف قدموا، ومع انو احتمال إني انسى امتحاناتهم ضئيل جدا، بس عكل حال وللاحتياط صرت جَدْوِل رسائل الاطمئنان. فـ اي، الحب واللهفة ما بتحصرهن الظروف، ممكن تخففهن، تأجلهن كم ساعة، بس مستبعد تلغيهن بالكامل إلا إذا كانوا من الأصل زائفين. فـ اي فينا نكون لطفاء ومؤثِرين ومؤثِّرين إيجابيا حتى بظروف مش أحسن حاجة. والأهم انو اي، يلي عنده رغبة حقيقية بشيء ما سيكون قادر على محاولة تحقيقه، بغض النظر عن ظروفه. ابقوا بخير. 🤍🤍

12.8.26 عشوائيات أحلى يوم بحياتي: قعدنا انا وصديقة بنت مش محجبة بحديقة كلية الشريعة. ✨✨

المصيبة مو أنهم معروفين أكتر منّا المصيبة قديش صار في قبول عند الناس لهالكم من التفاهة جاي لحالي ما بجيب عالتواليت جاهة بضرب وبصيب لأنه العرصات صاروا كتار بس صدق لما بضرب.. على الله وعماها ف انساك منّي انا الشي اللي بتسمّوه هادف.. نحنا منسميه راب الشي اللي بتعملوه فراطة يعني من الآخر بتسلى بالدسّات وأكبر باتل أسهل من أسهل تراك لأنه صعب تحاكي عيوبك بس سهل تحاكي عيوب الناس.. لا؟ عم راجع حالي كل يوم بتأمّل صلّح أخطاء فما بخاطب أشخاص بل أفكار وما بذكر اسمك إلا لأنه بيعبر عن الفكرة اللي وراه فبرفض الشهرة اللي بدّا تجي من وراه وبرفض الشهرة للشهرة من الأساس الجبهة عالية والأفق خط تماس لأنه صعب تحاكي عيوبك بس سهل تحاكي عيوب الناس.. لا؟

لطافتكن اللي بتجنن حتى بفترات عدم النشر. 🤍🤍🤍

استراحة من النشر إِلى أَجَلٍ غير مُسمًّى. ابقوا بخير. 🤍

من أساسيات قواعد التربية الجيدة أنه ينبغي على الأهل ألا يُلقنوا ولا يُعلِّموا أطفالهم المعتقدات والأفكار التي توصلوا إليها أو التي يقتنعون بها حاليًا. فالأب أو الأم يجب أن يتخذا دور المُرشد، ويعلما الطفل كيف يفكر لا فيما يفكر ولا ما النتيجة الصحيحة التي يجب…

معارف الإنسان هي يلي سخّرت كثير أمور لصالحه، الرياح والأحافير يلي هي جثث كائنات عاشت بزمن كثير بعيد. بدون معارف، هي ولا شيء أو حتى مصادر إزعاج. بس مع المعرفة الصحيحة بتصير موارد وثروات باطنية بتعطينا طاقة بتنور حياتنا. المعرفة هي الفيصل بين الأكثر والأقل تأثيرًا، لهيك ميسي أقصر شخص بالملعب، لكنه الأفضل بشهادة الجميع. هالمعارف ممكن تكون صريحة مثلاً بالتكتيك وقراءة الملعب، أو غير صريحة مثل القدرة على المراوغة. وممكن يكون طفل صغير بالمدرسة مانو خايف من المتنمر الأضخم منه حجمًا لأنه بيعرف كيف يلعب جودو أو جوجيتسو، أو لأنه بيعرف يفرض شخصيته، أو لأنه بيعرف يلعب سياسة. ممكن دولة صغيرة من ناحية عدد السكان أو المساحة، أو حتى تفتقر للثروات الطبيعية، بتلاقي المعارف الصحيحة من سياسات ومؤسسات واستثمارات وخلافه، بتخلي عندها اقتصاد قوي وبتنافس فيه دول أكبر منها. لأنه المعرفة هي الفيصل. وبظن من خلال الأمثلة اللي طرحناها صار واضح قديش كلمة معرفة شاملة. سواء كانت صريحة أو غير صريحة، واعية أو غير واعية. ممكن تكون معارف مبرمجة بالجينات، ممكن تكون معارف منصبة بالتقاليد مثلاً، تقاليد المؤسسات العلمية. وطبعًا كل المعارف غير معصومة، ومثل ما قلنا دائمًا قابلة للتطوير من خلال دورات النقد والتخمين التطورية. هذا هو سر التقدم المعرفي، وهذا هو الشيء يلي عكس قاعدة تراتبية الأثر. - جابر

الشياطين، بنفسها، أوحت بجزء من العلوم. – قدوتي أحمد الدعدوش. 😭🤍

تم جلي وضب مطبخ بشكل كامل اليوم. أثناءها أمي ما كانت بالبيت، برجح بنسبة كبيرة انها ستعرف اني انا يلي جليت لما تعود، لأنها دائما بتعرف ذلك، لأني مرتب كثير فببين من الشكل النهائي للمطبخ يعني. هالشي، كوني انا الشب أكثر ترتيبا وبشتغل بأعمال المنزل بجد من قلبي أكثر من أختي البنت، الناس من كلا الجنسين بشوفوه أنو مدعاة للسخرية او الاستهزاء او بيستغربوا استغراب سلبي منه. ليه عم قول كل هالحكي هون؟ لذكر نفسي انو كلامهم ووجهات نظرهم حتما خطأ، وانهن ما بيقدروا يأثروا عليي سلبا ليخلوني خفف من هالافعال أو يقللوا ثقتي بنفسي او يجعلوني حس اني عم اعمل شي غلط او انو هالفعل "بينقص من رجولتي" او بيحولني لـ"ست بيت مرتبة". فلذلك، نشري لهالفعل عالملأ هو عملية محاولة واثبات اضافي اني مش خجلان من هالشي وولا شخص متخلف جاهل لسا ما استعمل عقله بيقدر يأثر عليي ويخليني وقّف عمل الصح. ابقوا بخير. 🤍🤍

ثانيا: شرح العلاقة: شو هي اشارات الـΣ والـ(ⁿₖ) ؟ الـΣ بتدل على المجموع، يعني مثلا بدل ما نكتب: x⁰ + x¹+ x² + x³ + x⁴ + x⁵ + x⁶ منكتب: Σ⁶ₖ₌₀ xᵏ ويعني انو حنعوض بالمعادلة بk سبع مرات حيث k حتاخد كل مرة قيمة من الـ0 للـ6. ونفس الشي بعلاقة لايبنتز كان مكتوب:…

يخرببيتني شقد بحب اشرح كلشي من الصفر. ✨

ولي على ءامتي كل هاد وما بلشنا بالإثبات بس عم نشرح العلاقة. يخرببيتني شقد بحب اشرح كلشي من الصفر. ✨

(f • g)⁽ⁿ⁾ =  Σⁿₖ₌₀ (ⁿₖ) f⁽ⁿ⁻ᵏ⁾ g⁽ᵏ⁾ أولا: شو الفائدة من هالعلاقة؟ هالعلاقة هي حتى نلاقي مشتق من اي مرتبة لتابع مكون من ضرب تابعين، يعني لو عنا التابع مثلا: h(x) = x.√x فمنفرض: f(x) = x g(x) = √x ومنوجد اشتقاق ضربهن من أي مرتبة حسب قانون لايبنتز. (ممكن هنا…

حابب أكتب بوست عن إثباتها. لأن بحب لايبنتز وبحب الcalculus