5𝑻𝒉

هاي سنه اريد اسوي هاي فعاليات بس الوضع ميساعد بس احاول اسويههم ذني بيهم فيونكات اما بقيه شعب حاولو تتفقون سوون فعاليه هاي سنه حتى تغيرون مود دراسه الي عندكم 🦋🫂🌷🥹

هلاو بنات بلشت وياكم هسه بفقره النصايح اتمنى تستفادون منها شنو الاشياء الي اذا ممكن تلتزمون بيها تغير حياتكم ١٨٠ درجه؟ ابصراحه بنات اكو اشياء اني التزمت بيها وكومه ناس التزموا بيها تغيروا كلش من ناحيه كل شي عدكم اول شي النومه من تلتزمون بنومه صحيه تنامون بالليل ساعه ب١٢ او ب١١ وتكعدون الصبح تتدرون شراح يصير؟ اول شي ذاكرتج راح تتحسن خصوصا بالدراسه الحبوب من وجهج تختفي كومه اشياء راح تتحسن وادري بيكم نصكم تسهرون لذلك كاعد انصحكم هواي عل نومه ثاني شغله الصلاه اعتقد هاي المفروض الكل يسويها وميحتاج نصيحه؟ بس للشواذذذذ الي ميصلون ادري بيجن دااشوفجن 👆🏻👆🏻 الي متصلي لازم ترجع للصلاه الصلاه مستحيل تتعو ض حته اذا نفسيتج تعبانه؟ الصلاه هيه الي تحسن من نفسيتج ثالث شغله يوميه تغيرين ملابسج شوفي بصراحه هسه تكليلي شراح استفاد من هل عاده؟ بس بصراحه هيه نظافه وراحه نفسيه من تغيرين ملابسج كل يوم تحسين نفسج اميره 😭. والي حالتها ماعدها هواي ملابس حته تغيرهن كل يوم كلش طبيعي اغسليهن بايدج يوميه ماكو شي مستحيل رابع شغله مااعرف بنات بس لازم تلكون فد شغله او مهاره تتعلموها يوميه مثلا تكتسبون لغه وتحاولون تتعلموها؟مثل الانكليزي او رسم؟ حياكه؟ او اي شي كومه اشياء موجوده تكدرون تتعلموها وتكتسبون خبره بيها تفيدكم بالمستقبل هذني الاشياء الي كلش استفاديت منهن الي تحتاج حل لمشكله تدزلي عل خاص @FATIMA_XF يمكن اكدر اساعدج؟ حسب معرفتي بالتوفيق 🥹💋.

صدك بنات تردون تدمرون نفسكم؟ لتنامون بالليل ، تدمرون الاول والتالي .

هلاو بنات كلش مهم تشوفون هل رساله 🚫🚫🚫🚫🚫 طبعا اليوم راح احجي عن شلون تنظمين وقتج بالدراسه بدون ما تسهرين ؟ احنه كلنه نعرف يوميه ينطونه كل تحاضير بكل المواد تقريبا يومي وشهري راح اكلج شلون : اريدج تنظمين وقت نومتج من ساعه ١٠ تنامين وتكعدين ساعه ب٥ هاي سواء صبحي او ظهري تنتظمين بهاي النومه واعرف هذا الشي صعب وراح تكليلي ماالحك ، بس خليني اكون صريحه من تكعدين الصبح ساعه ب٥ راح تكدرين تكملين نص المواد بسرعه مو طبيعيه لان الدماغ بهل وقت يصير كلش ذكي ويستجيب لاي شي تريدي تحفظين؟ تحفظين بسرعه بهل وقت حرفيا كل شي ونومتج هاي مال تكعدين تحاولين تسويها بوقت الدوام هاي مستحيل مراح تكدرين فا نظميها من هسه احسلج بدون ما تتعبين من يجي الدوام عدج اول شي بالصبحي شلون تنظمين وقتج بي ؟ شوفي انتي اذا تنتظمين بنومه الساعه ب١٠ وتكعدين ساعه ب٥ الصبح ، مراح تحتاجين قيلوله الظهر من ترجعين من الدوام الصباحي لذلك كلش ضروري تنتظمين بهل نومه لان من وراها مراح تضطرين تسهرين ولا راح تنعسين من ترجعين من الدوام اريدج من ترجعين للبيت بدوام الصبحي كتبي الاشياء الي راح تقريها عله سبيل المثال : عدنه باجر امتحان رياضيات يومي ، واحياء شهري ، وعدنه تحضير واجبات يومي كيمياء وفيزياء… الجدول صعب موو ؟ خلي ببالج دائما الامتحان الشهري خلي اولويه وحددي اله وقت هسه امتحان الاحياء الشهري بساعتين اني اخلص هذا الامتحان شوفي لتخدعين عقلج اذا انتي الامتحان قاريته باليومي متطولين بي اكثر من ساعتين خلصي الامتحان الشهري وراها روحي عل يوميات وهم قسميها عله ساعه ساعه اليوميات متطول ابدا اقوه شي ينطونه ٤ صفحات وتقريهن ميطولن ابد لان هوه يومي وموضوع واحد تنطينه الست . وره كل ماده تخلصيها باليوم اخذيلج استراحه فد نص ساعه ارتاحي بيها العبي بيها وره متخلصين كل ماده عدج نجي عل ظهري شلون انظم وقتي بالظهري وهوه الوقت اساسا من نرجع قصير؟ هنانه راح تجي فائده النومه الي حجيتلج عليها تنامين ساعه ١٠ وتكعدين ساعه بال٥ الصبح تكعدين تسويلج كعده من ساعه ٥ الصبح لحد ما ترحين تداومين اضمن الج تسيطرين عل ماده كلها ترجعين من دوام الظهري خنكول ترجعين ساعه ب٥ العصر بين ما تاكلين وتصلين وتسبحين وذني سوالف صارت ب٧ تكعدين تقرين من ٧ لحد ساعه ب١٠ وتنامين وتكملين ساعه ب٥ الصبح السالفه كلها بالنومه وبالكفاءه اقري بذكاء ولتقرين بجهد سويلج خطه عن شنو راح تقرين اليوم؟ وطبقيها والشي الي يمنعج من تنظيم وقتج هوه التسخيت دقيقه وحده تضيعيها بالتسخيت تروح عليج هواي اشياء مو ترجعين من الدوام تفتحين التلفون وتگلبين بي وبعدين تكولين ياا ليش وقتي مو منظم ! ليش مداالحك ! كله من وراج انتي انتي السبب اذا تطبقين هل شي راح تتغيرين ١٨٠ درجه واريد نسوي كلنه تحدي نعتمد عله هل نومه وعله هل شي حته بالسادس مينخاف علينه وبس هاي ختاميه لليوم تصبحون عله خير 💋 ادعولي انيهم دااعدل نومتي وخنعدلها سوه 😂.

اهلا بنات حسب طلب بنيه نصايح عن العنايه بالشعر وخلطات شوفن حنطيكم نصايح كلش كلش حتفيدكم ومتحتاجون تصرفون الف دينار كل يوم قبل النوم نامي وافتحي شعرج ودلكي شعرج ومن تدلكينه لشعرج لازم بايدج نظيفه ،غسليها بصابون ونشفيها حته من تدلكين شعرج تحافظين عله نظافته ابقي دلكي ٥ دقايق ووراها سوي ظفيره ووراها نامي ، سوي هذا الشي يوميا اذا تستمرين عله هل طريقه تدلكين شعرج راح يطول ويتكثف لان الدوره الدمويه راح تتحرك ثاني شغله بنات بصراحه اغلب الشعر يحتاج تغذيه من الداخل اكثر من الخارج واكثر من الخلطات عدكم المي كثروا مي دائما اشربوا لترين مي يوميه مفيد لشعركم وفد اكو خلطه بالمي مفيده تجيبون مي وتعصرون عليها ليمون كلش مفيد كلشش عدكم الاكلات المهمه للشعر وتكثفه: البيض تقريبا اكثر اكله مفيده للشعر هيه البيض والمكسرات بكل انواعها مثل اللوز والجوز وحته بذور الشيا اذا تعرفوها كلش مفيده بحثوا عن بذور الشيا تجنن بنات تجنن يوميه حاولوا تمشطون شعركم مره وحده ووراها سووله ظفيره حته ميتقصف وميصير تشابك بالشعر فا لازم تمشطوا بس من ناحيه الخلطات بصراحه ماعندي اي فكره عن الخلطات لان اني اعتمد عل تغذيه الداخليه والمنتجات والزيوت واني هم وياكم هم اعاني من التساقط كلنه نفس المشاكل🥹 واكو هم بنات يسوون حنه لشعرهن ويشعرهن يتغير بعد الحنه لان يكثف ويصير احله بس هذا حسب كل شعر اكو بنات ترهم الهن الحنه واكو بنات لا حسب انتي وشعرج اخر شي اذا تعانين من تساقط مبالغ بي ضروري تسوين تحليل فيتامين D والحديد لانهن ذني المسؤولات عن هل شي وضروري تسوين هذا التحليل بين فتره وفتره لان كلش مهم هاي نصايح بسيطه حاولت اختصر شكد مااكدر اكو كومه تفاصيل غير الي كلتهن بتوفيق بنات 💋🥹 + لتنسون لعبه العراق ب١ بالليل

هلاو بنات شلونها العطله وياكم💋😔 اريدكم تكلولي عن الاشياء الي تردون احجي عنها نصايح لفد موضوع او فد مشكله اكتب عنها وعن شلون احل هاي المشكله؟ كتبولي عل خاص وتدللون 💋 @FATIMA_XF

🦋😭ادعو بيها كل يوم والله يسهل عليكم حياتكم 🦋😭

النتيجه النهائية تعادل 🙏🏻🙏🏻ان شاء الله عل جايات احسن

مباراه اسبانيه والعراق هسه تعادل واحد بواحد🙏🏻🙏🏻 ادعوا يارب نفوز

🦋🥹اقروها اتفيدكم 🌷

بنات مُقدما كل عام وانتوا بالف بالف خير خل اكون اول وحده اعايدكم بيها اتمنالكم النجاح والتوفيق وافتخر بيكم احبكم بنات💋😞

اقروهه هسه 🙏🥹

وهاي هم الاعمال مال اليوم :

جان كتلكم عل صيام حته تصومون اليوم بس ملحكت😞💔

نسيت اكلكم عله اعمال يوم عرفه البارحه الي م هوه يوم عرفه يوم الثلاثاء . بنات بيها كومه اعمال ومن اعمالها الصوم وهماتين وره صلاه العصر تصلون ركعتين الركعه الاولى تقرون بيها سوره الفاتحه وسوره الاخلاص ، والركعه الثانيه هم سوره الفاتحه وسوره الكافرون بيها كومه اجر