قناة الأستاذ فراس الشمري F.Y.k

ضوابط الانتساب

#عاجل وزارة التربية تعلن ضوابط الانتساب لطلبة المراحل الثانوية وتحدد نهاية تشرين الثاني اخر موعد للتقديم أعلن المكتب الإعلامي في وزارة التربية عن ضوابط الدوام بالانتساب للعام الدراسي 2025–2026، في خطوة وزارية هادفة الى توفير فرص نجاح اكبر للطلبة وتتيح لهم إكمال دراستهم بانسيابية ويسر. موضحا تعليمات تقديم وقبول طلبة المراحل المنتهية (الثالث المتوسط والسادس الإعدادي) من الراغبين في الانتساب وهي كالاتي: * بإمكانهم الاشتراك طوعاً في المدرسة الإلكترونية، حيث يؤدي الطالب المشترك امتحاني نصف السنة وآخر السنة حضورياً في مدرسته الأصلية، ويُعفى من أداء الامتحانات الفصلية الأخرى،فيما سيخضع  الطلبة غير المشتركين بالمدرسة الإلكترونية الى الامتحانات الفصلية ونصف السنة وآخر السنة حضورياً في مدارسهم على وفق النظام المعمول به . أما  ضوابط انتساب طلبة الصفوف غير المنتهية: الأول والثاني المتوسط ، والرابع والخامس الإعدادي فجاءت كالاتي: * يؤدي طلبة الانتساب امتحان الفصل الاول (امتحانين ونصف السنة والفصل الثاني امتحانين) ويقسم على (ثلاثة) ويعد معدلاً للسعي السنوي وامتحان نهاية السنة، ولا يمكن الغاء الانتساب لأي سبب كان. * تلغى المنحة عن الطلبة المقبولين بالانتساب. *يقوم الطالب بتقديم طلب الانتساب عن طريق تطبيق المدرسة الالكترونية، فيما يشمل طلبة الانتساب بالإعفاء الفردي والعام. مشيرا إلى أن تقديم طلبات الانتساب سيكون حصراً ومجاناً عبر تطبيق المدرسة الإلكترونية، الذي يمثل البوابة الرسمية للتقديم وتنظيم الإجراءات إلكترونياً، علما ان اخر موعد للتقديم لغاية ٢٠٢٥/١١/٣٠ … الموقع الالكتروني: https://eschool.iq

علما الدورة مجانا

ان شاءالله راح اسوي دورة لتعليم الطلبة على الطريقة الامثل للتقديم على الجامعات خلال هاي الايام القليلة أعلن عن موعدها

طلاب اني ما معترض ليش اخذهن و احب الكل تستفاد طلاب أو مدرسين بس خلي يذكر بالملزمة انو هاي رسومات أستاذ فراس و ما عندي مشكلة

اكو رسومات للتوضيح من افكاري و ما موجودة ابد بغير ملزمة و اذا أيضا اخذها بوقتها راح اتصرف غير تصرف

طبعا الملزمة لمدرس اسمه عامر ستار و أني ردت أحل الموضوع من خلال تواصله وياي و ما ردت انشر باقي الرسومات لكن هاي سرقة و اخذ تعب مدرس اخر و نشرت لأن ما اتواصل وياي

اول صورة ملزمتي و باقي الصورة ملزمته و أني الملزمة مشتغلها من نهاية ذيج السنة

اول صورة ملزمتي و باقي الصورة ملزمته و أني الملزمة مشتغلها من نهاية ذيج السنة

عندي مجموعة من الرسومات بالملزمة مالتي اني مشتغلهن بفكرة معينة و هي رسوم للاطلاع لغرض التوضيح و هاي الأفكار انطيهن للمصمم و ياخذ عليهن فلوس و يشتغلهن يعني هاي الرسومات ما موجودة بغير ملزمة نهائيا أحد المدرسين ماخذ الرسومات مالتي نصاً و امخليهن بالملزمة مالته هسة ماخذهن بأي طريقة ما ادري المدرس حتى لو جان جديد المفروض ما ياخذ شغل غيره و يسوي ملزمة خاصة بيه و بشغله و بتعبه اني الموضوع ما ادري بيه لو ما الطلاب دزوا اليه و هاي كدامكم الرسومات هاي بس اللي دزوهن الطلاب احتمال اكو غيرهن ما ادري لأن ما شايف ملزمته اني اللي يعرف المدرس خلي يبلغه حتى يراسلني

في النية فتح مجموعة فقط لطلابي اللي امدرسهم سابقا أو حاليا في المدارس الحكومية أو الأهلية هواي من الأهالي كاعد يراسلوني درست ولدهم بالثالث و هسة صاروا سادس و يريدون اخذهم و صراحة اني هم اريد طلاب تعرف طبعي و اسلوبي ما اريد طالب مزاجي و تعال ياخذ وكت إلا يتعلم على طبعك و قساوتك في بعض الأحيان و طلاب غير مدارس إلا اشوف الطالب يناسب المجموعة إلا ادخلة وياهم لأن مثل ما تعرفون اني ما أضحك على الطلاب و هذا الشي ميناسب البعض من الطلبة لذلك اي طالب من طلابي يريد يدخل في هاي المجموعة لتدريس مادة الأحياء للصف السادس العلمي يراسلني على هذا المعرف Firas59 و خلوا في بالكم ترى احنه مدرسين مو طلاب و كاعد اندرس و مو مهم عدنا الموضوع المادي

لمن يسأل عن أماكن التدريس أتواجد حاليا في معهد التفوق الرابع و تم البدأ مع المجموعة الاولى للصف السادس العلمي

دعوة لتوعية الطلبة ما اعرف الطالب عقله وين من يدخل درس خصوصي بقاعة بيها ١٠٠ او ١٥٠ وين الخصوصي بالموضوع حتى لو جان أفضل مدرس على وجه الكرة الأرضية ابقى بمدرستك أحسن على الأقل بيها ٧٠ طالب و ممكن تفهم أكثر و تسأل اما هيج اذا قاعات تعبر ال ١٠٠ طالب فالافضل الطالب يدرس بالبيت على الاقل هدوء اعرف أحد الاخوة يكول قبل جنت داخل يم مدرس مجموعة 4 طلاب اجه طالب خامس كمت ما افتهم المدرس شلون راح يسطير على هيج عدد و ترى الطالب اللي بالاخير هم دافع فلوس هذا الموضوع بيه هواي تشعبات أذكرها لاحقا و المشكلة حجة الطالب يكول بالمدرسة هوسة لعد و ال ١٥٠ طالب مو هسة