Feruza Jumayeva | Rasmiy kanal

Xalq deputatlari Karmana tumani Kengashi 📱Instagram📺Youtube📱Facebook 🕊Telegram 🇺🇿E-kengash

Xalq deputatlari Karmana tumani Kengashi huzuridagi Ekspert guruhi yig‘ilishi o‘tkazildi Xalq deputatlari Karmana tumani Kengashi huzuridagi Ekspert guruhining navbatdagi yig‘ilishi o‘tkazildi. Yig‘ilishda Kengash sessiyalari va doimiy komissiyalar muhokamasiga kiritilayotgan masalalarning amaldagi qonunchilik hujjatlariga muvofiqligi, ularning mazmun-mohiyati hamda hudud ijtimoiy-iqtisodiy hayotiga ta’siri nuqtayi nazaridan ekspertlik jihatidan ko‘rib chiqish masalalariga alohida e’tibor qaratildi. Shuningdek, kun tartibidan o‘rin olgan masalalar yuzasidan tegishli tahliliy xulosalar va takliflar muhokama qilinib, ularni yanada takomillashtirish bo‘yicha fikr-mulohazalar bildirildi. Yig‘ilish yakunida muhokama qilingan masalalar yuzasidan tegishli tavsiyalar ishlab chiqilib, kelgusida amalga oshirilishi lozim bo‘lgan vazifalar belgilab olindi. Xalq deputatlari Karmana tumani Kengashi 📱Instagram📺Youtube📱Facebook 🕊Telegram 🇺🇿E-kengash

“Mirsaid Bahrom” mahallasida chiqindilarni olib chiqish holati o‘rganildi Xalq deputatlari Karmana tumani Kengashining 12-Bunyodkor saylov okrugidan O‘zbekiston “Milliy tiklanish” demokratik partiyasidan saylangan deputat Jumayeva Feruza Ro‘ziqulovna “Mirsaid Bahrom” mahallasida bo‘lib, hududda maishiy chiqindilarni o‘z vaqtida olib chiqib ketish holatini joyiga chiqib o‘rgandi. O‘rganish jarayonida deputat mahalla raisi va faollari bilan muloqot qilib, hududdagi sanitariya-obodonlashtirish holati, chiqindilarni yig‘ish va olib chiqib ketish ishlari hamda aholiga ko‘rsatilayotgan xizmatlar sifatini muhokama qildi. Ma’lum bo‘lishicha, “Mirsaid Bahrom” mahallasiga “Stimul Navoiy” mas’uliyati cheklangan jamiyati tomonidan xizmat ko‘rsatiladi. Belgilangan grafik asosida mahalladagi maishiy chiqindilar haftaning dushanba va payshanba kunlari muntazam ravishda olib chiqib ketilmoqda. Ta’kidlash joizki, O‘zbekiston Respublikasining “Chiqindilar to‘g‘risida”gi Qonuni talablariga muvofiq, chiqindilarni o‘z vaqtida to‘plash, olib chiqib ketish, zararsizlantirish va hududlarda sanitariya-gigiyena qoidalariga rioya etilishi muhim vazifalardan hisoblanadi. Deputat o‘rganish davomida chiqindilarni olib chiqib ketishning belgilangan grafik asosida uzluksiz amalga oshirilishi, hududda tozalik va obodlikni ta’minlash hamda aholiga ko‘rsatilayotgan xizmatlar sifatini doimiy nazorat qilib borish yuzasidan tegishli tavsiya va takliflarini bildirdi. Xalq deputatlari Karmana tumani Kengashi 📱Instagram📺Youtube📱Facebook 🕊Telegram 🇺🇿E-kengash