نــعــي +قــصــائــد حسينيه 💔

هنا يهلنا هنا يهلنا يا دنيا اعلى كيفچ هونچ ويانه ضليت انه اگولن هايه مو انه للغربه انطي وجهي الوكت خلانه غير الينطگ يباوع على اخوانه وينكم يهلي انولينه هدت الوادم علينه وينكم ردوها ما تحامي من الرديه للستر يهلي العبايه ليمت اتلحگوها ... ما توگف عساها تموت رجلينه نعثر بالندور عليه ضلينه خاف يشوفها من تركض سكينه همزين السهم عباس سد عينه يعرف الضيم الوراها يمكن اتعمد عماها مايريد يشوفها والشريعه نمر عليها ياهي اليچتفون اديها خل تضم اچفوفها ... من بين الحوافر ذيچ حاچيته جسمك منسحگ ويگوم تانيته خويه الشامت يسمعني حسيته يله العنده اهل خل يرجع لبيته گوم يالبس انت عندي اعبر اشگد اعلى ولدي ما وگفت اعليهم بالشمس نامو عفتهم والمشو يمهم صحتهم لحد يغطيهم ... كمل يلحديت ولا ترد بيهه المن راجعه المحد يتانيهه ماي النوگ محد گام ينطيهه خاطر تتعب وما نصعد اعليهه تعبت النوگ وتعبنه گمنه من نصعد تذبنه هاي شده ونايحه الحادي نسوانك يگلها الطايحه ما نوگف الها ميته حسبي الطايحه ... انه اخت اليحط نيشان بالهامه ذاك البس هوى الله يفوت جدامه بس دار الوكت وفترت ايامه گام يهوس المو زلمه بخيامه دارت الدنيا وشفتهه وصارت الما حسبتهه هاي چا تاليها هاي الطلابه شيحلها حرمه تنطگ يم اهلها ومحد يهد ليها هنا يهلنا هنا يهلنا لـ حمزة الحسناوي

🌷🌷 قصيدة ثكيله للعليله يادار الحزن يادار وين اهلي المشو عني خلوني اون بليل وسفه خــــيبو ضني 💔🥹💔🥹💔🥹💔🥹 يادار الحزن يادار راحت ذيج كعدتنه يم الباب اون كل يوم مترد ليش لمتنه نتفارك حسافه بساع هاي الدنيا خلتنه وين الجان يوميه يطب للدار يحضني 💔🥹💔🥹💔🥹💔🥹 يحضني ويواسيني ابويه الچان ويانه راح وعافني بجرحي وسط الدار حزنانه نتحسر عليه كل يوم ابونه المات خلانه بس وسفه الوكت ياناس راد بساع يهضمني 💔🥹💔🥹💔🥹💔🥹 ياربي دخذ روحي بعدة الدنيه ماتسوة من يوم المشه لليوم كعدتنه فلا حلوة يابويه الدهر شيريد مني ماخذك كوة يابويه الهجر موزين مريضه وحيل عذبني 🥹💔🥹💔🥹💔🥹💔 موهين يبعد الروح وين تريد لاترحل ولمثلك يبويه شلون بلدنيه فلا يحصل انته أول بشر بلكون لحضه بيوم ماينمل دوهني الهجر بجفاك وسفه تبتعد مني هبه الموسوي https://t.me/Alizvlp

(لابي الفضل العباس) اليوم يومك يبن حامي ادخيلها خلها  بالخيــــــــاله تعثر خيــلها ــــــــــــــــــــ ــــــــــــــــــــ يوم صاح حسين الا هل من معين دوه  بالطف صوت يا ليث العريـن هذا صوت امك يفخــــر ام البنين اوياك حاضر رادتك توفيلها ــــــــــــــــــــ ــــــــــــــــــــ حيدر الهاليوم ضمك يالعجيـــــد صول بيها وخلي كاع الطف تميد ياعضيد حسين مامثـــلك عضيد گوم صب اعله العده سجّيلها ــــــــــــــــــــ ــــــــــــــــــــ طب يبعد امك وزلزل نينــوه حرّم اعله الگطعو الماي الهـوه حيدر ايشوفك واذا رف اللوه يفرح وبيك امك اتشد حيلها ــــــــــــــــــــ ــــــــــــــــــــ زمزم اتجيبه حشه ايكضـــك فرات اقره ايــــــــة (ان وعـــــد الله لآت) وسوي جمع الطف يبوفاضل شتات بيها خله ايحير عزرائيلها ــــــــــــــــــــ ــــــــــــــــــــ الگنطره ملكك يسبـــــع الگنطره لو ضمت علويــــه يبني ازعل تره فوت واگلب ميمنه اعله الميسره وخله يوصل للمدينه اعويلها ــــــــــــــــــــ ــــــــــــــــــــ بيك ماتگطع رگب وانت ابن ابوك لو شفتها اتكاثرت بعيـــون اخوك والعيال امن الخيــــم لو حشموك ارجع اعله المالت وتجيلها ــــــــــــــــــــ ــــــــــــــــــــ لاتهم وافرح بخوتك من تطيــــــح انت ابن الماتحــــــركِ الثامه ريـــح الصعبه الك وحسين خلّيه يستريح الحومه منك خل يبيّن ميلها ــــــــــــــــــــ ضامي امامك موت يوليدي بضماك وخلها تتبده گبل جودك دمــــــــــاك وخلي جفك يطبــــــــع بقبضة لواك كون زينب تفتخر بجفيلها ــــــــــــــــــــ ــــــــــــــــــــ اطفي عينك بالسهم عن لاتنـــام يبني وبصدرك تلگــــــاها السهام والعمد لو صابك وصحت السلام من يجي لحسين زندك شيلها ــــــــــــــــــــ ــــــــــــــــــــ علي محسن الزيادي

يزينب علي الأكبر للحرب راح واخاف عليه من ملاگه الرماح يزينب راح مني ابني ونار جفاه تلهبني واخاف عليه من ملاگه الرماح .............................. علي الأكبر عزيز ونص اله چبدي وانه الفرگاه يختي حيل ماعندي هذا ابني شبيهة المصطفى جدي حشمي امه يزينب للخيم ردي تدعي الباري يردة .. شبيهة المصطفى جدة محمد بالوجهة والليل مصباح واخاف عليه من ملاگه الرماح .............................. دخل لاگه الرماح ابن اخو العباس شردت ناس منه وسلمت ناس طلع بين العساكر يصدح الطاس من بكر ابن غانم جايب الراس الأرامب صيد مو صيدي .. جبت راس البطل بيدي كفو يالما تنازل عند الصفاح واخاف عليه من ملاگه الرماح .............................. طلب ماي واجيب منين اله الماي لسانك على لساني وماكو بس هاي لا عمك واحشمة ويوگف وياي يبني خلافك اصبح وليه لعداي العساچر ثار تطلبني .. واخاف تروح تتعبني بچتلك والگلب ما عايز جراح واخاف عليه من ملاگه الرماح .............................. راح وچني ادري بروحته يموت ولاگه رماح بيها الموت مثبوت صاح ادركني بوية بعالي الصوت وادعي الردته ونيت بسكوت هنا نار الگلب تلهب .. الأكبر راح يزينب تهدم سور صبري وعلى الظهر طاح واخاف عليه من ملاگه الرماح .............................. فر بيها المهر واتعنى للگوم تگطع بالخناجر حلو الرسوم گومن للعزة يزينب يچلثوم جبته الچن ذبيح تسبحه الدموم الأكبر سابح بدم .. يزينب شرد اگل لأمه انه عليه العذاب وهو الرتاح واخاف عليه من ملاگه الرماح .............................. شيصبرني بغيابك والصبر مر حگ يبني عليك الگلب يفطر على الدنيا العفى بعدك يالأكبر چوانين المصيبة بگلبي تسعر الصبر يتصبر بصبري .. ولله فوضت امري بنهار العمر غابت شمس الصباح واخاف عليه من ملاگه الرماح

هذاي كربله يحسين گوملها حانت ساعتك ماضن تبدلها شر اگشر يفهاگ الزلم ياحيد الگوم تريد راسك گوم ياصنديد هذا الكون هذا وحان يوم الويد يادهدار فل خلباصه من الجيد حل يوم المنيه الجنه عندك عيد فزعت كربله عليك بجحافلها شب النار وچلها زلم هالنار بالدم خلها تغرگ گوم ياكرار ياهزبر يراس صياح يا مغوار يا عز الهواشم يابجية الدار حانت ساعتك وتريد شد وزار ياتلعه المنيه وزار شدلها يمچنه الهواشم گوم ياجيدوم يرباة النشامه الما عليهم لوم حان الوعد حان وحان هذا اليوم ياصل الحماد اسجي الحماد سموم سمم نينوى ومن العرج شلها ياكوسج بحرها الناحر الروجات ياسم الزعاف المن ضرس حيات ياشيب البراري الماتهمه آفات ياريح الصرير الجاسح الجيمات ياعصف المنايا سموم هبلها نشگها الصرير الحار خلها تلوي هي وخيلها بالدم تغط و تفوي حشها رگابها كون العبيط يروي ارفس كاعها وخلي وزنها يموي من روس الزلم يحسين چيملها اوجد نارها واحطب زلم بيها شما يركد لهبها روس عذيها أحمام أحمام فوگ أحمام رويها زرگة النار تجدح غيض خليها شما تبرد زلم چيم و عسلها كر بكر ينشمي الماتعرف الفر كرهم كر يقسور ياعياي البر ياطاعون موت احمر ينگط شر جز الروس گطع ارگاب ياحبتر شلع ارگابها من الچتف وانتلها صم چفك يصمام عالصم السيف ذب جيمه عالجيمه وبيها طلع الحيف شي طر روسها وشي بيها طيب الكيف راويها صگيع الشته وغيض الصيف ضيع شوفها وبالسيف كحلها دگ ضلوعها عالصخر دگ الهيل گض مشرادها وبدل ضحاها بليل من عرگوبها عگر الزلم و الخيل الويل الويل ضوكها سقر و الويل خلها ادير شرجي وتالي شمللها حيك ياشديد الباس يا حياك نكل كبار قادتها جيوش اعداك يازرنيخ ياحنظل يسم فتاك هذاي ساعتك مامش شريج وياك حيك يالمشكر يله فرعلها ياخنياب ياسيل وغريج وفيض نشف ارياگها هصي بصدرها البيض الغيض الغيض ناوشها شرار الغيض لجم احلوگها خوف ويباس وليض ربع اكتارها ربع و خطملها عودة حسن المالكي س

حسين بس هوه الصدگ صاحب طويله واحنــه غيــر حســين ماعـدنه وســـيله *** الله يرحـم حجـــي مـهـــدي الامـوي گــال هالجـــمله وبقـــت تـدوي دوي حسين صاحب لچن هالصاحب قوي واليســنده حسيـــن لامـــــاينـــــلوي   ابحـثنه وبحـثنه وطــلعنه بهالحصيله واحــنه غيــر حسـين ماعــدنه وسيله *** حسين ماهــد ربـعه يوم من الأيام بالــضــوه لازم ادينــــه وبالـــظلام امرار ياخــذنه الهوه وحــلو الكلام نبــتــعد وتـــردنه نفــحات الامــام   مستـحيله يعــوف ربـعه مستــحيله واحنه غير حسيــن ماعــدنه وسيله *** عـــن ابوالـــسجاد نـــبعد مســـتحيل بيـــتـنه وعـــن بيـــتنه لامـــانـــشيل حسين حيـل هواي والبـــاقي قـــليل غــير هـــوه المن اجلنـــه انـطه كفيل   حسين مو صم ينطي من ينطي بشليله واحنــه غيـــر حــسين ماعـــدنه وسيله *** حســين واليتــمسك بحـبـله المتين مايــــزل جــدمه شـــمال ولا يـمين حسين ونعـرفه شنو من چـنه طـين ولــِهــذا السبـــب بــــي متمـســكين   نحيــي بي يــاناس ونموت بسبيله واحنه غير حســين ماعـدنه وسيله *** حـسين جـــننه وحـــلو بيــه الجنـون حســـين ايــاتً لقــــومــن يعـقــــلون حسين لـو ما هــو احــنه مــَن نــكون حسين بس هوه السكن وسط العيون   باقـي وســـط گــلوبنـــه ولامانـــشيله واحنــه غير حسين ماعــــدنـه وسيله *** الدنيــا ياهــالناس مابيــها ضمان شيلگه بلله الي يــعوفه بـهالزمان حسين من نلــوذ بي نلگـي الأمان هـــوه أبو الحنـيه بـل رب الحنان   شما نوصفه اوصافنه تبـقى قليله واحنه غير حسين ماعدنه وسيله *** بصاية الله وصاية حسين الحنين حســين أصــحابـه دلال مـــدللين بفضله وبجوده وعطائه عايــشين الــف نــعمــلله وشــكراً للـــحسين شيخـنه المهيوب طبــعن مـنتميله واحنه غيـر حسين ماعدنه وسيله *** حيدر تركي الكربلائي

ضل الگلب ونه علىونه على الراح وبعد ما يرجع النه ما يرجع النه على الراح وبعد ما يرجع النه وزاد ونه گلبي عليهم زاد ونه گبالي جنه دوم العزيز گبالي جنه غاب عنه ما ترك بالي وغاب عنه ما شبع منه يبعده الگلب ما شبع منه ونريد اهلنه كثر ضيمنه ونريد اهلنه يهل المحنه وشيعودكم يهل المحنه شيفيد العتاب للغربو شيفيد العتاب حدر التراب وعزاز گلبي حدر التراب وجهنه العتاب ولدارهم وجهنه العتاب ليش غياب يادر اهلنه ليش غياب حته الگلب ذاب على فراگم حته الگلب ذاب وتريد اهله انه يروحي تون وتريد اهله شيالت حمله تون وتريد شيالتة حمله مو محلة نامو النومه مو محله

احنه  انصار الحسين الهيبه كلنه صرنه سيوف وكت النيبه ------------------------------ احنه الله ختارنه انطب جنته انصار صرنه وشلنه بالطف رايته الف هنياله اليموت ابحظرته هوه هذا البخت متنه  ابصحبته عابس ابصدره يدك .........صاح جنني العشك احنه بالكلفات نار وطيبه .....احنه انصار الحسين الهيبه ___ كلوبنه على عدانه خشنه او ماترف احنه وينه الفارس او وين التجف صلنه بيهم لحد ماردو زحف موش سبين احنه جن سبعين الف نعشك احنه الملحمه ...... الطف نغركه بالدمه شيخ نازل واقر صاحب شيبه .... احنه انصار الحسين الهيبه ____ جون وي عابس شفت يمهم برير صالو او  روس العده كامت  تطير ياهو اليلاكيهم ابروحه يحير وين ينطي الوجه مايعرف يدير بحدهم يهوس حبيب .... موتكم اصبح قريب   والعده صابتهم ادري الخيبه..... احنه انصار الحسين الهيبه ___ نافع ابن اهلال ترهب طلته حير الطف كله شافت صولته من دمه عدا نكعت ابدم لامته حيل مترهي رجع يم خيمته هذا المجي الزلم ......  شيخ بس كله عزم ياهو اليلاكينه مات ادريبه.....  احنه انصار الحسين الهيبه _ واحد او طشر كتيبه الصاعده الجيش كام يصيح ودو السانده وهب نازل صاعقه ابجيش العده شلون لو عباس ياهو ايعانده خله يدري المادرى ... الكمر مانازل ترى والبعيد ايصير يمه ايجيبه ...احنه انصار الحسين الهيبه ___ حسين الزيدي

رجوع السيدة زينب الئ كربلاء ـــــــــــــــــــــــــــــــــــــــــــ حســيـــــن ردت زينــــب اتلگاها من السبي ورقــــيـة موش اوياها ـــــــــــــــــــــــــــــــــــــــــــ ردت ودمــعاتها عله الخــــد تصـب ويـــه كتــــالك مشــت كــل الدرب تريد تشرحلك تره الموقف صـعــب والــدهــــر فـوگ الـهزل خـلاهـا ـــــــــــــــــــــــــــــــــــــــــــ ردت اودمــــع الــحـزن بـعــيـــونــهـا جـمــر ينـزل ضل يجــوي اجــفــونهــا بـغـربـه عـاشـت عـــنــك ايــبــعدونها ولــلشــماتــه هل سـبــي وداهــا ـــــــــــــــــــــــــــــــــــــــــــ ردت او مـشــتــاگـه تــشــتـم التــــراب حسين خـويه اكعدلي اذانــــي المصاب خويه ما احمل بعــــد حـــزن الـغــيــاب أخـتـك اوشـوگ الگــلب رداهـا ـــــــــــــــــــــــــــــــــــــــــــ ردت او مـحـتـار ما تـدري اشــتكــول تــذكر اخيـول الــعده بصدرك تجـول اتصيح خويه حسين يالحدر الخـيــول جــمـر خـيــماتـــك تــره جــواهـا ـــــــــــــــــــــــــــــــــــــــــــ ردت وخـجـلانــه يم گبـرك تـصــيـــح رقــيــه مــاردت يـبـو اليمه الــذبــيــح ركضت بلهفــه وعلـــه گـبرك تطــيــح وطـفـك الما يـــنوصـف اذاهـــــــا ـــــــــــــــــــــــــــــــــــــــــــ الشاعر : خالد جودي العارضي

قصيدة ام البنين   من ايفيض بيـه الشوگ .. وين ادموعي اوديها ويثرب من عگب عيناك ..  طــف ثاني اسويها   ***   يملحت يثرب امن اتروح .. تبقى ابلا ملح يثرب وعـين ام البنـين عــليك .. گد شط العرب تسچب الكحله الوادم امن العين .. يمــه بكــربلـه تســلب   والـِبالي ييــمــه هـــناك .. خاف يـصــير تاليــها من تروح / من تروح / نــاري بيــش اطيفيـــها   *** مرورت هجرك بريجــي .. يالمـوطبعك امروره الـمتعوده تصـــبح بيــك .. مـن تنــوح معذوره وتضل متسمره اعيوني .. ييمــه عله القاروره   الغبره البــيها يولـــيدي .. دوه لعــيوني اخليها من تروح / من تروح / نــاري بيـــش اطـفيها   ***   امشاهگ ساعة فراگك .. مــثل امشاهگ الغرگان الكشايه علــيه اتصــير .. حــسره ياچــبير الشان شلون الكربله امن اتروح .. يلحـــگ بيـه ياسفان   والبفرگـــاك من اتضــيع ..  ياســـفان يلگـــيــها من تــروح / مــن تروح / ناري ابيـــش اطفيها   ***   يمه الينـجرح مـــرات .. هم ايطيبن اجروحه والما فارگ وبي روح .. تبـــقى سالمـه روحه لچـن ام البنيــن عليـك .. راح تصير مذبوحه   اليفارك مثل ابو اليمه .. روحه وشيضل بيها من تروح / من تروح / ناري بيــش اطفيها   ***   لون عــندي ولد سبعــين .. وفوگاهم بعـــد سبعه اذا فـــدوه الـك يرحـــون .. مـا ابچيــلــهم دمــعه يالروحــتك توجـع حــيل .. صعبه اتحمل الوجعه   من هالروحه گلبي يلوب .. هــاي الروحه خـليها من تــروح / من تــروح /  ناري بــيش اطــفيها   ***   امن اسمع سـالفة عاشور .. اتألـــم يــــبـو الاكــبر واحس اضلوع البصدري .. مــدري شبيـها تتكسر الدمع مو چنه لون الماي .. ليش يصير لونه احمر   طاري كربـــله يحســين .. روحي يبـني يسـبيها من تــروح / من تــروح / ناري بــيش اطفيــها   ***   وحق شيلة خدر زينب .. وحق اعمامتك والجود وي ماتــرتحـل انتــه .. هدومي تصير رأساً سود من اتروح هـــالروحه .. ادريـــبك بــــعد مــتعود   وره ماترتحل يبــني .. اخــدودي عـليك ادميها من تروح / من تروح / نـــاري بيــش اطفــيها ***

نزله (#حره_زينب) حره زينب والفخر عنوانها سكّت ايزيد وزمرته السانها ـــــــــــــــــــــــــــــــــــــــــــــــــــــــــــ توراثت زينب شجاعت حيدره بـــيها ينبع زود سبع الگـنطره خــــلّت العدوان كلها محــيره رغم مجروحه وجثيره احزانها ـــــــــــــــــــــــــــــــــــــــــــــــــــــــــــ رغم مجروحه وجثيره النايبات هزة اعروش النواصب ولطغات كلها زود وما تدنگ يم شـــمات ما تذل وذللت عدوانها ـــــــــــــــــــــــــــــــــــــــــــــــــــــــــــ ما تذل وتبقى اْميره مخدره نكّست راية يزيد وعـــسكره بت علي الكرار صارت مفخره بالبلاغه وبالصبر ويّمانها ـــــــــــــــــــــــــــــــــــــــــــــــــــــــــــ بالبلاغه وبالصبر صارت مثال كلها عفّه وهيه نبراس الجلال هيبة الكرار وايآت الكــــمال كلها ترجف من يطگ بركانها ـــــــــــــــــــــــــــــــــــــــــــــــــــــــــــ كلها ترجف من عقيلة حــيدره مثل ابو فاظل يموت التنّضره هيه قائد والجيوش ميـّـــسره وال اميه زلزلت اركانها ـــــــــــــــــــــــــــــــــــــــــــــــــــــــــــ ال اميه ما بقت عدهم رجــال ظلت اگبال الخدر بس الخيال جن علي ونازل عليهم بالقـتال ولعزم ماخدته من خووانها ✍️علي كاظم المنصوري اهدي ثوابها الى روح والدتي

#نعـي يحسين العبايه النار لهبتها بعد بيمن تلوذ الذبحو اخوتها اختك بالخدر والخيل جهبتهـا ماضل خدر عدها بس عبايتها على الظيم الهـواشم مــامعلمتها زينب بينت والناس شــافتها صدك يرضه ابوفاضل هاي حالتها نومتكـم يهلنا مــوش ساعتها مصايبكم عمت عينـي وطفّتها كظت رضعانكم والخيل سحكتها عزيزتكم رقيه النــار حركتها واختكم ونت الناكه اعله ونتها تصعب ع الهزل يحسين رجبتها غير يكوم منكم واحد يزتها بلا عبـاس اروحن مــامحسبتها اخته من تون ياهو اليسجتها رائد الناشي #اللهم_عجل_لوليك_الفرج

‏ابيات نعي ‏ ‏اجيت عليك ادور خويه يحسين ‏وجدمي من التعب مابي خطوتين ‏التظيع اخوتهه ضايع شوفهه العين ‏ابليل وغربه حيره تلتجهه وين ‏ ‏اخوي من الظهر بلحافر انداس ‏شفت احسين ظل جثه بلأ راس ‏الخيل الفوگه ابد ماعدهن احساس ‏والطف بس شماته بلايه حراس ‏ ‏تمنيت انذبح من شفته مذبوح ‏طايح علترب ظل شابع جروح ‏اخو زينب صفه عله الترب مطروح ‏مطبور ابنحر بي فاظت الروح ‏ ‏من خيامه بچي ركظن بناته ‏الحسين ابذبح خلصت حياته ‏يباوع للخيم ساعت مماته ‏تحرگ بلخيم شفنه الشماته ‏ ‏لگنه من السحگ متساوي علگاع ‏تموت زينبك ساعات الوداع ‏عليهه ابكربله حته الهوه ظاع ‏ماصدگ الخوه خلصت ابساع ‏ ‏  الشاعر سلام البهادلي ‏

يوم الطاح بي ظعنه علم چان تبچن من عمت عيني علم چان بخرابه وزينب ادور على مچان تنوم تريد بي سكنه ورقيه الوكت هاكثر لاعب يولبيچن هسه الموش كده يولبيچن العمچن مشتكاچن يولبيچن لو تشتكن يم حامي الحميه هلي من اعداكم اعرف ماتفزعون واحشم بيك يبني ماتفزعون يهل زينب لزينب ماتفزعون گلبي وخيمتي احترگن سويه يكلبي شما تريد اتون بعدوين چفيلي وحارس اظعوني بعدوين شتظن ايامنه ترجع بعدوين اليوم بغربتي ومحد اليه ............................. وحگ كلمن سجد لله ويامن من اشوفك يطمئن گلبي ويامن صحت عباس عايفني ويامن الشمر يحدي وخوله يگود بيه --------------------------------- شفت الظيم يا عباس بعداك يحيف الموت عني بعيد بعداك يخويه اشلون شنهي الراي بعداك طحت والخيمتي هجمو عليه ............................. يحادي الظعن لو مريت وانه خل يسمع ابو الكلافات وانه يخليني وحيده اشلون وانه وديعت فاطمه وحامي الحميه ............................. اعاتب والمعاتب من دليلي يبو فاظل اخلافك من دليلي چان الريح يخجل من دليلي هسه الخدر راح شلون بيه الصخر يازينب اتفسر لون چان ومثل لون العبي صاير لون چان ابو فاظل عدل يمچ لون چان الشمر يخسئ اذا يوصل رقيه اهنا يلي جبتنه گوم ردنه غير حسين بالدم نگع ردنه اخر شوفه الك عباس ردنه تجينه برايتك تحظن رقيه يلوج حسين اشوفه لوجبينه الوطنه ايردنه ريته لوجبينه شداوي اصواب گلبه لوجبينه شدور خنصره الضايع عليه زينب من بعد عباس شبكه عده وشبكت اعله الحرم شبكه على السجاد صاح الشمر شبكه وشبك عمته وياه سويه مـؤيد الحفاظـي

موشح ويه نحرك سولفت وابچينه وعالرمح راسك يدور ابعينه **** الآه البصدري وحگ طولك جمر امنين اباوعلك يخويه ابيا كتر بمنحرك يحسين شمسوي الشمر بعده فوگك خويه طبع ايدينه **** شلون بعده ابصدري ينبض هالگلب عالرمل دمك يبو اليمه يصب وجسمك امچفن اشوفنه ابترب للحوافر ملعب امسوينه **** امنين اشبگك يالاخو ما تنشبگ عالظهر صدرك اشوفه منطبگ يعني بيك الخيل شبعانه سحگ الخرز ظهرك گلبك اموصلينه **** خويه جبت الماي ارويلك ضمه امنين اشربك والثغر كله دمه صحت صيحت موت يمه فاطمه لحگي لحسينچ تره امگطعينه **** حگه دم يحسين لو صب الجفن وحگي يم ذباحك اتصارخ و اون شوفتك نستني لسعات المتن اسياط خويه متني امشبعينه **** استوحدوك ادري برماح وبالحجر ومن حقدهم ادري گطعولك نحر الخنصر اشمعناها يا خويه انبتر ومدري وين بكربله امضيعينه **** هذا راسك خويه يفتر عالرمح خويه حافر تارك بگصتك جرح شيبك املطخ دمه من الذبح چن قميصك راسك امسوينه **** الشاعر اياد الديراوي

وين عباس اليجيهه اليله حمل زينب ياهو الايتجيله ................................... اليله جفك ياگمر هاشم دوه على زينب ضاگ ياخوهه الهوه حسين عنهه يروح يالكافل نوه وياهو غيرك يالنفل تشكيله ......................................... دارت العسكر عليهم عالخيم وانترس گلب العقيله من الالم هاي اول مره ياراعي الشيم ماكو والي امن الهضم تحجيله .......................................... گوم شد احزام زينبكم بجت يابو فاضل گوم وينك حشمت عالمخيم گومهم خويه الدنت گوم يالجفك يرد العيله ......................................... مال حملي گوم عدله ورد عدل وغير جفك ياهو اليعدل الحمل حسين ظل يتنخه وينك يالنفل استوحدوه وموتك الهد حيله ............................................ دارن اعله حسين كل يتسابگن الجبتهن وانته حماي الضعن بچن اعيون الولي ابيوم البچن وحده وحده اتروحله وتبچيله خادم اهل البيت علي الزرگاني

بوجهنه من اللطم مطبوع ////راحات وايام. الفرح و الخير. /////راحات يعمه اضهورنه من النوگ ////راحات وحادينه جبح مابيه حميه ____ اعله يذبل لو هضمنه يصير///چامال بسبينه لون صبر ايوب////چا مال راس حسين فوگ الرمح ////چامال حزن فوگ الحزن واكثر اذيه _ صبرت وگمت احس الصبر///بي مال چنت امخدره و الوكت ////بي مال شمسوين لرض الشام ////بي مال يساره انروح ويه اعلوج امية ____ النعي تمشي السبايا والضعن سار وراس الحسين التفت وندار شيال رمحه انذهل وحتار صاحو علي السجاد شالصار ____ صد العليل الراس الحسين وشافه يصد اعله النساويين گلهم احسبو اطفالكم زين دورو رقية رايحه وين ___ تعبانه وامن الضعن طاحت لانايمه ولا هي استراحت طفله ويتيمه اشكثر ناحت ولو ما ابوها چان راحت _ الشاعر حيدر الخفاجي https://t.me/joinchat/AAAAAEN4vuuUfDbAramBIQ قناة خاصه نعي / ابوذيه / هوسات

تشييع السيد الخامنائي.رضوان الله عليه صوت كل أهل العراق الشيعه الخامنائي ألنه شرف تشييعـه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ صوت من أهل العراق وللشعوب من الشمال أمن الوسط وأهل الجنوب باچر أبتشييعنه أنسـد الدروب للـولـي بـاچــر نـوقــع البيعــه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ للولـي باچـر نجـي أنجدد عهد مـا نعوفـه لا وحگ واحـد أحد أيران همّه أخوانّه أونفس البلد غصـباً أعلـه الملتهي أبتطبيعـه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ غصباً أعله الملتهي والما رضى بـاچـر أنشيّـع حفيـد المرتضى شيعـة الكـرار وأحنـا الرافضـه الشهيـد ألنـه فخــر تـوديعــه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ الشهيد ألنـه فخـر هاك أفتهم أيطيح قائد خلفه هم قائد شهم أحنا أهل دين أوعقيده وعن عِلم ما نخاف الطاح صيته أنذيعه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ مانخاف أبيوم والله أولا نذِل أحنا فوگ أحمولنا أنشيل الحِمل هذا درب أحسين ميزان العدل أحسين قائدنا أو أكيد أنطيعه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ أحسين قائدنا أو أبد ما ننكسر علمّـانـه أنمـوت حتـى ننتـصر أبفضل دمنه الدين لسه مستمر الشيعي لجل الموت خط توقيعه ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ كلمات الشاعر والرادود عدي البصراوي https://t.me/Alizvlp

نــــــــزال علي ألاكبر يله ياعمــــــــي نصــول عليها وزود هاشـــــــم كربله نراويها &&&&&&&&&&&&& طبو العباس وألاكبـــــر ســـــوى وعلى ذاك الجيش ضاكت نينوى علگت دخانها وضـــاع الهــــــوى وعلي الاكبــــــــــر گال ألا أفنيها ** نزل وارث حيدره وطه الرســول صولته صولة علي فحل الفحول والعده من الخوف محتاره شتكول وحيل للشـــــــرده صفت مابيها * يله ياعمـــــــي يفارس ياهمام مانخلي الجيش يوصل للخيام غيمو طف كربله وصارت ظلام ونار گلبـــــــــــج زينب نطفيها * طوقو طف گربله وصار الحصار ضلمه صارت ونگلب لون النهار وأكبــــــــر الفرسان لايذ بالفرار كـــــــــــربله لحسين ما ننطيها *** علي الاكبر غاص بجموع العده وأبــــو فاضل هـــوساله برايته نخطفت اوجوه العده من شافته وگالـــــــــــو الكرار ناوي عليها **** رجــــع يم حسين يشكي حالته من العطش ياحيف ذابت چبدته حسين من شاف أبنه نزلت دمعته وليلــــــــــى فگد وليدها ماذيها @@@@@@@@@@@@@ خــــــــــادم الحســـــــــين ســـــــــاري العبـــــــــادي

گوم يا حيدر يحامي ادخيلها.. دارت اعلى ابنك زلمه وخيله * ابحيلها اصالو وعلى حسين انتوت .. او جرّت البصره وعلى الكوفه انطوت احتوت بالطف يا علي كلها احتوت .. هاي عركت كربلا وتفصيلها * هاي كلها اتكورت بالطف سوه .. وسدت افجوج الفله وريح الهوى تعزلت سبعين كل جيمه ابلّوه .. واللوه ابسبعين الف تعزيلها * اتعزلت وتصيح يا ثار الوليد.. اليوم ياخذ من علي ديونه يزيد دگت بدمامها وتهجم تريد.. هجمت الكعبه بعساچر فيلها * هتف عباس و حِده وصار الجدال .. وآل هاشم گالت اعلينا النزال والاصحاب تناخت وگالت مُحال .. بالنفوس احنه الذي نبديلها * شبول هاشم گالت العز بالصگال.. والابطال ايهولها املاگه الابطال هاشم التنهض بالحمول الثگال.. والكلافة أهل الكلافة تشيلها * گالت الانصار ذله اعلى الانصار.. لو بدت هاشم نگص ونصير عار ليش طلگنه النسه وعفنه الديار.. كون حگ اهل المجد نجريلها * نجري حگ المرتضى وحگ البتول.. تجمعت شبانه شيب وكهول گالت الاصحاب يحسين اشتگول.. صحبتك لو هاشم التبديلها * گال تبدي اصحابنه وسالت العين.. وهز حبيب العلم عد وجه الحسين اليوم دون الدار و نشيّد الدين.. اليوم الهموم العليك انزيلها * انزيلها كل همك ونسكن دورها .. ونورد الكوثر ونحظى بحورها اتهبه الكوفه شما كثر مكثورها .. بالسيوف الماضيات انشيلها * شالو اعلام العدم و تنشرت .. والغماد اتطايرت وتكسرت والگلوب اعلى الدروع اتشمرت.. والارواح اعلى الحتف مصفيلها