عودان العمر

وغفت كلها وكرهت الليل.. شگد بيه فراغ ومختنگ صدري ... وبچيت وانت ما تدري تفكير وسهر وايام مرت وانت ما تدري ... بعذابك ملتهي وغرب ضعن عمري !! محسن الموسوي

دهد عمري الي حصة ترى بروحي ، ولو صوتك اذان  وياي  رايح  ...  جاي انة المشموس من ابعيد اصيحلك تعال فياي ، واتلگاك ملگة عتاب .. نفسُ طعنة وهواي گراب زحمة هوى بوجه لباب شموازيك تلبس لبست الدخان ؟ طارش عمر ثوبك والغزلِ چذاب ... رافگتك خلگ ناعور بس بوجه جوري ابيض ورافگتك سهر مشلول بس بوجه صبرة نفض اعلة ساعة يطيح شوفي المنتچي اعلة الدوم ماملچوم منك و ولاملچوم منك بس اشم فراگ وي كل غبشة بية يحوم  . عباس الغالبي

احچي وياك وحدي وانت ماموجود واسولفلك عليه وانت مو يمي واصيح واشتكيلك واصرخ من الآه ولا چني اشتكيلك واحرگ بدمي تلم بيه حطب لا تگلي المن بيك لان جاسك برد مو كاتلك همي سمير صبيح

انه مفارگ ... واعيش بلا ضوه ولاشوف ومتاني.. الرسايل تطلگ احچايه وترف روحي إعله دگه امن الهوه إعله الباب وتصعد عبرتي فوگ الگلب بايه واگولن ها اجو وانسه الركض واحتار ادور عـ المشي واعثر بگشايه جـواد الحمراني

محد صار يگعدني ويگلي....شبيك وابقه من الوجع نوبات مناااا.....لل عصر......ميت.....!!!!! محمد لفته العماري .

حتى السمأ تغيرت باعتني وانه الچنت لعيونها مرآيه. ميثاق الهلالي

‏ناس أسرآر أيجوز ابعد انسان ايصيرلك شريان ويجوز أقرب صديق ايصيرلك جــزار ناس أسرآر عبد الكريم القصاب

كافي الهوه ياخذني ويرجعني يرب مو گذلة حديثات سعف يابس أريد أرتاح لو ما فشل من آدم كفرت بدين كل تفاح  كريم حاشوش

طيحي فوگي .. المشمش التثگل ثمرته يلين حيله زيد الهاجري

يآذنبي ... القصايد والسهر والخوف وأمتاناك شنهي الما گلتلك بيه؟ جواد زغير

اجيتك مدري من يابير من ياطين مدري شمالني بلياك اصيح وصوتك يردني اجيتك ردتك تحبني طارق بريسم

مدري ياهو اينگي ليامي حزن هاي ياهي النست شال اسود بگلبي ...؟ موعود قاسم

آخ لو عرف البيوت الطافية شعدها ويه روحي چا تشلبيت الحياطين الغرب وآخ لو عرف الجمر يقرا الرسايل چا بچيت على الورق حد ما يشب الليلة بيّن عندي راي المو نخل محد يذكره وآنه شاتل روحي صبّيرة بدرب ليا وكت اجدح وادخّن غير أَلم ارماد روحي من السواجي ويطلع ابنادم جديد ليا وكت بهدومي ضايع دمعة يم باب المحطة وفشلة يم ساعي البريد هاشم الخزاعي

هاي عيني العثرت ابـطيف الچذب وهذا گلبي الخفگ خوفه بلا وچاد امتاع شوگين وغرب آه ياعشگ الغرب آه من دمعي الرچيچ اعله الغرب سعد هاشم الزبيدي

هيه دنيه بلا عشگ تسمه دنيه ؟!! لذة بنادم حبيبه وهيه قسمه وكلمن وحظه ونصيبه وهيه قسمه وحيرة المايدري حيره الدخيل .. مسودن يحبله اميره !! محسن الدخيلي

أستسهلوك بكثر ما شفتك صعب عقيل العرد

غريب أنه .. الشوارع كلها مو مني ولاتصوير يشبهني وحتى هناك المرايات بيها  انه وجه ثاني كاظم اسماعيل الگاطع

بيش غروك وكفرت بـ دين عيني بـ يآ ذنب آمشي ودموعي تخط ورآي سمر الخآلصي

يلوگلي من احزن عليچ وحزنچ يوالمني....كلش والسواد ال جوه عيني من ال بچي......ب عيني.....شحلاته......!!!!!!! محمد لفته العماري

يالمالك ولا نية الصلاة الليل چا المن بنيت بروحي الك محراب ؟ سعود الخفاجي