gafurgooy

Адамдар сені түсінбеуі мүмкін. Бірақ жүрегіңнің сырын Раббың біледі. 🤍

Кей кітапты оқып шығасың. Ал кей кітапты оқыған сайын өзің өзгере бастайсың. Пайғамбарымыз ﷺ-ның өмірі мен үшін жай ғана оқылатын кітап емес, жүректі тәрбиелейтін, мінезді түзейтін, өмірге бағыт беретін үлкен мектеп.

Мәуліт айының мерекесіне санаулы күндер қалды… 🤍 Осыған себеп болып, Нұрсұлтан Рысмағанбетұлының Сира кітабын қайтадан оқып бастадым. Бұл мен үшін жай ғана кітап оқу емес.2022 жылдан бері Пайғамбарымыз Мұхаммед ﷺ-ның өмірі туралы бірнеше еңбекті оқып келемін. Авторлары әртүрлі болғанымен, әр кітаптан Оның ﷺ өмірін, сабырын, мейірімін, көркем мінезін және үмбетіне деген шексіз жанашырлығын тереңірек таныдым. Бір кітап өмір жолын танытды. Бірі мінезін ашды. Бірі қасиеттерін көрсетті. Бірақ барлығы бір жүрекке жетелейді Мұхаммед ﷺ-ды тануға. Сираны оқып отырып, кейде өзіңнен ұяласың… Ол ﷺ қаншама қиындық көріп, сабыр етті. Қаншама жәбір көріп, кешірді. Өзі қиналса да, үмбетін ойлады. Ал біз болмашы сынаққа келгенде қанша рет сабырымыздан айырылып қаламыз… Сондықтан сира өткен тарих емес. Сира бүгінгі мінезіңе қойылған айна. Пайғамбарымыз ﷺ-ның өмірін оқыған сайын Ол ﷺ қандай еді? деген сұрақтан бұрын, Мен қандаймын? деген сұрақ туындайды. Мәулітті күту тек мерекені күту емес.Бұл жүректі Пайғамбарымыз ﷺ-ды тануға, сүюге, Оның ﷺ көркем мінезінен үлгі алуға дайындау. Аллаһ Таъала білімімізді жүрекке, жүректегі махаббатты амалға айналдырсын. Бізді Пайғамбарымыз Мұхаммед ﷺ-ның шынайы үмбетінен етіп, Оның ﷺ сүннетін өмірімізге көркем түрде енгізуді нәсіп етсін. Аллаһумма салли уә сәллим ‘ала Нәбиййина Мұхаммад ﷺ. 🤍

НЕГЕ УӘЙІС ЕЛЕУСІЗ БОЛҒАНМЕН, АЛЛАҺТЫҢ АЛДЫНДА ҰЛЫ БОЛДЫ? Өйткені оның өлшемі адамдардың бағасы емес еді. Оның жүрегінде атақ емес ықылас болды. Оның өмірінде көріну емес Аллаһқа жақындау болды. Ол адамдардың назарын емес, Раббысының разылығын іздеді. Құранда Аллаһ Тағала: Расында, Аллаһтың алдында сендердің ең абзалдарың тақуаларың дейді. (Хужурат, 49:13-аят) Қараңыз: Аллаһ ең байларың, ең танымалдарың, ең көп жазылушысы бары, ең көп мақталғандарың демеді. Ең тақуаларың деді. Демек, адамның шынайы құндылығын адамдардың көзі емес, Аллаһ біледі. УӘЙІСТІ АДАМДАР ТАНЫМАДЫ. БІРАҚ АЛЛАҺ ТАНЫДЫ. Бір күні Куфадан келген адамдардың арасында Уәйісті мазақтайтын бір адам болды. Сонда Омар رضي الله عنه: Араларыңда Қараннан келген біреу бар ма? — деп сұрады. Уәйіс келді. Омар رضي الله عنه оның Пайғамбарымыз ﷺ сипаттаған адам екенін белгілері арқылы таныды.Одан анасының бар-жоғын сұрады. Оның анасы тірі екенін білді. Сонда Омар رضي الله عنه Пайғамбарымыз ﷺ-ның Уәйіс туралы айтқанын еске түсірді. Міне, адам танымайтын адамды Аллаһтың Елшісі ﷺ таныған. Бұл біз үшін үлкен сабақ. Сенің қадіріңді бүгін адамдар түсінбеуі мүмкін.Бірақ бұл сенің Аллаһ алдындағы қадірің төмен деген сөз емес. Жалғасы бар

УӘЙІС ӘЛ-ҚАРАНИ РАХИМАХУЛЛАХ КІМ ЕДІ? Уәйіс ибн Амир әл-Қарани раһимаһуллах Йеменнен шыққан табиғин. Ол сахаба емес еді. Пайғамбарымыз ﷺ-ды көрмеген.Бірақ Пайғамбарымыз ﷺ оны сахабаларына алдын ала сипаттап кеткен. Умар ибн әл-Хаттаб رضي الله عنه Пайғамбарымыз ﷺ-ның: Табиғиндердің ең жақсысы Уәйіс...дегенін жеткізеді. Оның анасы бар еді. Денесінде алапестің ізі болған. Аллаһқа дұға еткенде, Аллаһ оның ауруын кетірген, тек кішкентай ғана белгі қалған. Ең таңғаларлығы Пайғамбарымыз ﷺ сахабаларына: Оны кездестіргендерің одан өздерің үшін кешірім тілеуін сұрасын деген. Ойланып көріңізші... Пайғамбарымыз ﷺ-ды көрмеген бір адам. Мәдинада аты шықпаған. Сахабалардың арасында жүрмеген.Үлкен медресесі, атақты шәкірттері, дүние жүзін аралаған даңқы болмаған. Бірақ оның дәрежесі соншалықты жоғары еді — Омар ибн әл-Хаттаб رضي الله عنه сияқты ұлы сахаба оны іздеді. Жалғасы бар

ӨЗІҢДІ ЕЛЕУСІЗ СЕЗІНСЕҢ УӘЙІС ӘЛ-ҚАРАНИДІ ОҚЫ ЕҢ АБЗАЛ ШАҺИД ЖӘНЕ ТАБИҒИН ҒАЛЫМ УӘЙІС ӘЛ-ҚАРАНИ (РАҺИМАҺУЛЛАХ) Кейде адамға ең ауыр нәрсе еңбегінің көрінбеуі. Сен біреуге жақсылық жасайсың ешкім байқамайды. Үйіңе, отбасыңа, балаңа, ата-анаңа қызмет етесің ешкім рақмет айтпайды. Түнде дұға етесің оны ешкім білмейді.Көп нәрседен бас тартасың оны ешкім көрмейді. Сонда жүрек: Менің қадірім бар ма өзі? — деп сұрай бастайды. Дәл осындай кезде Уәйіс әл-Қаранидің өміріне қара. Өйткені оның тарихы бізге бір үлкен шындықты үйретеді: Адамдарға елеусіз болу Аллаһтың алдында елеусіз болу емес. Жалғасы бар...

ИМАМ ТАБАРИДІҢ РАХИМӘҺУЛЛАҺ УАҚЫТҚА ДЕГЕН ЖАУАПКЕРШІЛІГІНЕ ҚАРАҢЫЗ… Имам Әбу Жағфар ат-Табари رحمه الله туралы ғалымдардың өмірбаяндық кітаптарында мынадай дерек айтылады: Ол қырық жыл бойы күн сайын қырық парақ жазғаны риуаят етіледі. Бұл хадис емес, Имам ат-Табаридің өмірі мен еңбегіне қатысты ғалымдардың келтірген дерегі. Қырық жыл бойы… Күн сайын… Қырық парақ… Енді өзімізге адал сұрақ қояйық: Бір жылда қанша кітап оқыдық? Бір айда ше? Бір күнде қанша бет оқимыз? Бізде уақыт жоқ дейміз. Бірақ әлеуметтік желіге уақыт табамыз. Телефонға уақыт табамыз. Ұзақ әңгімеге уақыт табамыз. Ал білімге келгенде — уақытым жоқ дейміз. Тағы бір сұрақ: Нәпсіміз бір күнде қанша рет шағымданады? Тапқаным жетпейді… Ақшам аз… Жағдайым жоқ… Неге менде жоқ?.. Бірақ өзімізден: Мен бүгін не үйрендім? Бүгін қанша бет оқыдым? Біліміме қанша уақыт бөлдім? деп сұраймыз ба? Біз кітап жазбадық деп ешкім кінәламайды. Бірақ оқуға да тырыспай, білімге де ұмтылмай, нәтижені ғана күтсек бұл өзімізге жасалған әділетсіздік. Бұрынғы ғалымдар уақыттарын білімге айналдырды. Біз де дәл сол көлемде еңбек етуіміз міндетті емес. Бірақ күніне 5 бет оқуға болады. 10 бет оқуға болады. Күніне бір сағат білімге арнауға болады. Бастысы үздіксіздік. Өйткені бір күнде 100 бет оқып, кейін бір ай кітап ашпағаннан гөрі,күн сайын 5 бет оқыған адам әлдеқайда алысқа барады. Уақыт өтіп жатыр. Сұрақ уақытымыздың өтіп жатқаны емес. Сұрақ: Біз сол уақыттан не жасап жатырмыз? Білім бе? Амал ма? Ізгілік пе? Әлде тек шағым мен бос әурешілік пе? Бүгін өзіңізге 5 беттен бастауға уәде беріңіз. Бір жыл өткен соң сол 5 бет сіздің қанша бетке айналғанын өзіңіз көресіз. Уақыт өмірдің өзі. Оны қалай жұмсасаң өмірің де сондай болады.

Өзіңізге осы сұрақты қойып көрдіңіз ба? Мен қазір Аллаһ разылығы үшін әрекет етіп жатырмын ба, әлде нәпсімнің қалауын орындап жатырмын ба?

🌿 Өзіңе қандай жақсылық тілесең, өзгеге де соны тіле... Біз көбіне: Йа, Раббым, маған береке бер... дейміз. Бірақ бір сәт ойланып көрдік пе? Уа, Аллаһ! Маған ғана емес, барлық мұсылмандарға да береке бере гөр... деп дұға еткенде, жүрек кеңейе бастайды. Егер өзіңе: 🤲 денсаулық, 🤲 мол ризық, 🤲 тыныштық, 🤲 бақытты отбасы, 🤲 салиқалы ұрпақ, 🤲 пайдалы ілім, 🤲 жүрек тыныштығы, 🤲 дұғаның қабыл болуы керек болса... Сол игіліктерді өзгелерге де шын жүректен тіле. Аллаһтың қазынасы шексіз. Біреуге жақсылық тілеу арқылы өз несібең кемімейді. Керісінше, жүрегің кеңейіп, мейірімің артып, берекең көбейеді. Пайғамбарымыз ﷺ: Мұсылман бауырына сыртынан дұға еткен адамға періште: "Әмин! Саған да дәл сондай болсын", – дейді. Сондықтан бүгінгі дұғаңды өзіңмен шектеме. 🌱 Уа, Аллаһ! Барша мұсылмандардың жүрегіне иман нұрын сыйла. Ауруларға шипа, мұқтаждарға кеңшілік, қарызы барларға жеңілдік, перзент аңсағандарға салиқалы ұрпақ, әрбір үйге береке мен тыныштық нәсіп ете гөр. Бізді өзгеге жақсылық тілейтін кең жүректі құлдарыңнан ете гөр. Әмин. 🤍 Өзіңе тілеген әрбір жақсылықты өзгеге де тіле. Себебі жақсылықпен басталған дұға – берекемен қайтады.

Расында, қиындықпен бірге жеңілдік бар. Ақиқатында, қиындықпен бірге жеңілдік бар. (Шарх сүресі, 5–6-аяттар).

Қанағат – Аллаһтың берген несібесіне разы болып, қолдағы бардың қадірін білу, дүниеге тойымсыздықпен ұмтылмау. Қанағат жалқаулық емес, керісінше адам адал еңбек етіп, нәтижесін Аллаһқа тапсырып, берілген ризыққа разы болуы. Исламда қанағат – жүректің байлығы.

Дұға – жердегі әлсіздіктің емес, Аллаға деген толық сенімнің белгісі.

Уа, Раббым! Өзіңнің барлық көркем есімдеріңнің берекесімен жүрегіме тыныштықтан да артық кеңшілік сыйла. Маған мейірімділіктен де артық Өзіңнің сүйіспеншілігіңді сыйла. Сабырдан да артық күш-қуат, қорқыныштың орнына тәуекел, әлсіздіктің орнына қайрат, таршылықтың орнына кеңшілік, қиындықтың орнына жеңілдік, жоқшылықтың орнына берекелі халал ризық, қайғының орнына қуаныш, күмәннің орнына нық иман, қараңғылықтың орнына нұр, ал дүние мен ақыретте Өзіңнің разылығыңды нәсіп ет. Егер сұрағандарымда қайыр болса, оларды ең көркем түрде, ең берекелі уақытта және ең толық күйінде маған нәсіп ет. Егер мен сұрамаған, бірақ мен үшін қайырлы нәрселер болса, оларды да Өз шексіз жомарттығыңмен сыйла. Уа, Раббым! Мені әрдайым Саған шүкір ететін, Саған тәуекел ететін, Саған ғана үміт артатын, Саған ғана сәжде жасайтын және соңғы деміне дейін Сенің разылығыңды іздейтін құлдарыңның қатарынан ет. Расында, Сен барлық нәрсеге Құдіреттісің. Сенің қазынаң ешқашан таусылмайды. Сен Бол! десең, ол міндетті түрде болады. كن فيكون Саған ғана мақтау, Саған ғана шүкір. Әмин.

Кім Аллаһтан қорықса, Аллаһ оған шығатын жол береді және күтпеген жерден ризықтандырады. (Талақ сүресі, 2–3-аяттар)

Тафәккур етемін. Жүрегімді тазарту үшін өз нәпсіме есеп беремін және Ұлы Аллаһтан шексіз мағфиратымен барлық күнәларымды кешіруін, кемшіліктерімді жасыруын әрі Өз рақымына бөлеуін сұраймын.

Өзгелер сенің дәрежеңді түсіруге мың рет тырысса да, уайымдама. Егер Аллаһ сені көтерсе, ешкім төмендете алмайды. Ал егер Аллаһ төмендетсе, ешкім көтере алмайды. Адамдардың сөзі уақытша ғана әсер етеді, ал Аллаһтың үкімі өзгермейді. Сондықтан адамдардың бағасына емес, Раббыңның разылығына ұмтыл. Дәрежеңді адамдар емес, сенің ықыласың, тақуалығың, сабырың және амалдарың көтереді. Сол үшін жүрегіңді Аллаһқа байла. Намазыңа бекем бол, бауырым Өйткені намаз – құлдың Раббысымен байланысы, жүректің тыныштығы, қиындықтағы тірегі және екі дүниедегі абыройының бастауы. Аллаһ кімнің дәрежесін көтеруді қаласа, оны ешбір адам төмендете алмайды.

Ескерту: мүшкүлат (مشكلات) – араб тілінен енген сөз, мағынасы қиындықтар, күрделі мәселелер. Қазақ әдеби тілінде де түсінікті болғанымен, күнделікті сөйлеуде қиыншылық, сынақ сөздері жиірек қолданылады.

Басыңа мүшкүлат түссе шүкір ет.Өйткені мүшкүлат әрдайым жаза емес. Көп жағдайда ол Аллаһтың құлын тәрбиелеуі, күнәларына кәффарат болуы және дәрежесін көтеруі үшін берілген сынақ. Мүшкүлат келгенде шүкір ете білу иманның кемелдігінің белгісі. Себебі мүмін адам әрбір істің артында Раббысының хикметі бар екенін біледі. Сәләф салихтар мен сахабалардың арасында: Маған неге мүшкүлат келмей жүр? Әлде Раббым менен теріс айналды ма? деп өз-өздерін есепке алғандары туралы ғибратты сөздер айтылады. Бұл олардың Аллаһпен байланысын үнемі бақылап отырғанын көрсетеді.Сондықтан басымызға қандай мүшкүлат түссе де:Әлхамдулилләһ деп шүкір етейік. Өйткені шүкір мүшкүлатты жеңілдетеді, жүрекке тыныштық береді және Аллаһтың мейіріміне жақындатады. Құлдарымның арасында шүкір етушілер өте аз. (Сәбә сүресі, 34:13). Ендеше, сол аз шүкір етушілердің қатарынан болайық.