Apps

احد يهتم بالاشتراك بتطبيق شاهد ؟ @THETECHADMIN

سمعتوا عن سالفة MILES AND SMILES ? اكيد شفتوا هواي اعلانات عليها بدون تفسير واضح لالية العمل ولان اني دوما ضد الاعلانات فخلي اشرحها الكم ببساطة تذكرة طيران مجانية الى تركيا ( ذهاب فقط ) تساوي 18 الف ميل حتى تحصل على 18 الف ميل لازم تصرف 18 مليون بالمشتريات العادية او 6 مليون بالحجوزات مال الخطوط التركية طبعا سعر البطاقة 150 الف تدفع سنويا والباقي عليكم مو كافي اعلانات ؟ 😏

السلام عليكم احد مشترك goodnote 6 بحسابه الشخصي ؟ @THETECHADMIN

لكيت هيج تعليق بمكان ما ( اني اعرفهم من جنت صغيرة ) طبعا من تنطي موبايل لطفل او مراهق، كلشي راح يشوف واذا نعوف كلشي ونركز على ابسط شي قصص الواتباد مثلا نلكة روحنا دخلنا بمستنقع وما راح نعرف نطلع منه لان الاهل همهم الوحيد الفلوس والاكل والشهادة الدراسية وايضا مثل ما كالت ( فكري مطبع من الصغر ) فهنا تعرف صدق مقولة ( التعلم في الصغر كالنقش على الحجر ) لكن عذاب الاهالي سيكون عظيم

يتوفر Capcut شهر ب 3500 حساب خاص @Thetechadmin

السلام عليكم. تم اضافة اشتراك نت جديد لشركة ( زين و اسيا ) السعر 45 الف المدة 30 يوم اشتراك غير محدود لكن بعد استخدام 150 كيكا ، تطبق سياسة الاستخدام العادل مع بقاء الباقات المعتادة والمدة 28 يوم.

السلام عليكم يتوفر تفعيل تليكرام مميز Premium عن طريق الاهداء 3 اشهر 19 الف 6 اشهر 24 الف سنة 43 الف @thetechadmin

ادرس حتى لو ماكو تعيين انت دخلت بالكلية لازم تطلع منها باحسن ما يكون علمية + معدل المعدل راح يظل يركض وراك للابد وهذا مثال بسيط واذا مو مهم المعدل فعلى الاقل انت تطلع متميز بالاختصاص مالتك مو كلشي متعرف بيه وتكون ضيعت 16 سنة من عمرك من تشتغل بغير اختصاصك والسنين القادمة اذا صار اكو تعيين راح يكون حسب الحاجة والمعدل والاختصاص الي تريده حسب المعدل ومن تريد تتزوج يسألوك عن المعدل هم

يكول متعبة الدورة الطبيب الي يداوم 24 ساعة و 36 ساعة ميتعب ؟ عامل المطعم الي يداوم 12 ساعة ميتعب ؟ طبيب الاسنان الي ينكسر ظهره من يشتغل البيشنت ميتعب ؟ احنا كلنا راح نتعب بعدنا بداية عمرنا لازم نتعب ولازم التعب يطلع من القاموس مالتنا اصلا هذا التعب جسدي من غير التعب النفسي وطيحان الحظ خلي اتعب يوميا لمدة 10 اشهر واخذ كل شهر مليون احب التعب على قلبي 😂😂 طبعا اني مقدم عليها سابقا بس ما طلع الي قبول بيهة

https://moi.gov.iq/?article=20888 الشروط 1-خريج 2- المواليد 6/8/2007 ولغاية 6/8/2001 وغيرها بالرابط

انفتح التقديم على المعهد العالي للتطوير الامني شغلتين اريد احجيهن عنه فقط الاولى ان التعب موجود بكل مفاصل الحياة ، والحياة تعويد. يعني اول شهر تتعب ، وراها الموضوع يصير طبيعي. ثانيا، بس تنقبل بالدورة، فيعني تم تعيينك وتبدي مباشرة تستلم راتب فوك مليون دينار غير تفاصيل تبقى حسب الرغبات شخصية بس مال تكول ما اقدم عليها فقط لان الدورة متعبة ف خليني ساكت هنا لان الحجي يصير غير شي

جربت من خط زين يكول غير داخل في الخدمة جربت من خط اسيا يكول مشغول ( يعني اشتغل ) فيعني اذا ما صار يمكم جربوا بخط من شركة اخرى

السلام عليكم بالنسبة لعروض ChatGPT المتوفرة حاليا نوع التفعيل Business شهر حساب مشترك جهاز واحد ب 5 الف شهرين حساب خاص ب 30 الف @thetechadmin الحسابات مضمونة يعني اذا تصير مشكلة الفلوس ترجع ( بقيمة ما تبقى )

السلام عليكم. بوتات الاختراق او اي تكن غايتها مو بالسهولة الي واحد يظنها خصوصا اذا شخص ما مجرب هاي تجربة شخصية كبالكم فتحت البوت وسويت تشغيل 1 سويت تحقق 2 طلب اوافق على الشروط 3 وراها طلب ادزله الرقم 4 وراها طلب ادزله الكود 5 وراها طلب الباسوورد 6 يعني تخيل 6 خطوات, مو خطوة وحدة ولا اثنين طبعا ممكن يصيرن 5 في حال ما عندك باسوورد بس بكل الاحوال زحمة توكعون بهيج اختراق تافه وممكن يسبب الكم مشاكل وهذا بوت بسيط ما ادري شنو الغاية منه لكن اكو بوتات اخطر واكو اختراق حقيقي واكو تسرق اموال واكو تنشر امور لا اخلاقية فيعني يرجى الحذر نبهوا اهلكم واصدقاءكم وشوية خلي يصير عدكم وعي تقني وسلامتكم

هذا سويته بال gemini المجاني وصلت الى 4 فيديوات اتوقع اقصى شي 10 ثواني بس بكل الاحوال لا بأس بيه

يحتاج نسوي كورس خصوصي كيفية استخدام النت بامان 😀😀😀 اعرف هاي القناة بيهة هواي هواي هواي حجي لكن قناة الحماية والخصوصية هي https://t.me/takesomecare وتكون خاصة بامور الحماية والخصوصية والتحذيرات المستمرة

لحد يوم 4-8-2026 تكدر تسوي 10 فيديوات مجانية بتطبيق GEMINI بدون اشتراك

اول ما انفتح التقديم على قرعة الحج لاحظت ان الدخول الها بدون تأكيد رقم الهاتف وبدون حساب بموقع اور وضحكت على الموضوع صراحة لهواي اسباب. لكن هسة ورة ما انفتح التعديل طلع اكو ناس كاتبة رقم الهاتف غلط وبدون رقم هاتف صحيح لا راح تكدر تدخل للاستمارة بعد حتى تعدل عليها او تسوي لم شمل. فما اعرف لشوكت يبقون ربعنا هيج خدمة مثل التقديم للحج المفروض تكون 100% مضبوطة وسهلة وهي تصحح نفسها مو تخلي كبار السن يحيرون بروحهم

تعرفون احد مجموعة طبية متعاقد وية وزارة التربية ؟ @THETECHADMIN