منصة_غيم.

منصة_غيم. pinned «منصة غيم... كبرت مع أحلامنا! من تسعمية حلم، لتسعة ألف طموح🩵 بدينا بخطوة صغيرة، لكن كانت نيتنا كبيرة ولسه✨️ الليلة غيم ما بقت مجرد منصة، بقت بيت يجمع الحالمين والمجتهدين والمبدعين🩵✨ والآن... بنكبر أكتر، وبنخطو خطوة جديدة. تم نقل منصّة غيم إلى بيتها الجديد…»

منصة غيم... كبرت مع أحلامنا! من تسعمية حلم، لتسعة ألف طموح🩵 بدينا بخطوة صغيرة، لكن كانت نيتنا كبيرة ولسه✨️ الليلة غيم ما بقت مجرد منصة، بقت بيت يجمع الحالمين والمجتهدين والمبدعين🩵✨ والآن... بنكبر أكتر، وبنخطو خطوة جديدة. تم نقل منصّة غيم إلى بيتها الجديد عشان نستقبل المرحلة الجاية، والحتكون أقوى، أوسع، وأجمل بإذن الله ساعدونا نعبر المسافة دي مع بعض تعالوا معانا البيت الجديد، وخلونا نكمل المشوار بنفس الروح ونفس الحُلم🩵. #منصة_غيم حلمٌ بدأ من غيمة… وبيمطر نجاح🩵✨ https://t.me/Ghaim_20

🛫 دليل السفر من بورتسودان إلى كمبالا – خطوة بخطوة ✅ المطلوب من السودان 1. فيش جنائي (مصدق من وزارة الخارجية السودانية). 2. كرت الحمى الصفراء (مهم جدًا – لن يسمحوا لك بالسفر بدونه). --- ✅ المطلوب من الكفيل أو المؤسسة 1. تفويض على مكتب ويلي المكتب: WELI TRAVEL LIMITED رقم الترخيص: 89240524 2. عقد عمل مصدق من السعودية. 3. تأشيرة عمل + سجل تجاري نشط. --- 💰 التكلفة الإجمالية جميع الإجراءات + الفحص الطبي + رسوم المكتب: بحد أقصى 700 دولار عند الوصول إلى مطار عنتيبي: تدفع 50 دولار فقط للفيزا (لا تدع الوكالات يخدعوك ويأخذوا 80 دولار بحجة الدفع أونلاين). --- 🛬 عند الوصول إلى مطار عنتيبي 1. بعد الخروج من السوق الحر داخل المطار، فك 100 دولار إلى شلنغ (يكون تقريبًا 350,000 شلنغ). 2. اشترِ شريحة اتصال: اختَر باقة نت + مكالمات بأرخص سعر (حوالي 15,000 شلنغ). 3. حاولوا تتجمعوا كسودانيين مع بعض لتسهيل التنقل والإجراءات. 4. استقلوا عربية جماعية من عنتيبي إلى كمبالا – التكلفة للنفر حوالي 150,000 شلنغ. --- 🏨 الفنادق المقترحة في كمبالا GS Hotel – من 30 إلى 70 دولار ✅ (مفضل لأنه مليان سودانيين والموظفين يتحدثون عربي). (https://maps.app.goo.gl/VExYSkGy1tC3Ju8DA?g_st=ipc) واتساب للحجز والتاكسي: ‎00256757020232 Emma’s Guest House – يبدأ من 30 دولار (https://maps.app.goo.gl/bSMqSMKHBsAi8oEq9?g_st=iw) Fred and Winnie BnB – يبدأ من 120 دولار (https://maps.app.goo.gl/HFeor37FUoa4YunMA?g_st=iw) New Comrade Guest Inn – يبدأ من 25 دولار (أغلب النزلاء سودانيين) (https://maps.app.goo.gl/wbp7uNh7936uho9E8?g_st=iw) Namayiba Park Hotel – من 60 إلى 120 دولار (https://maps.app.goo.gl/Rc2p9L3sZC5gDpu76?g_st=iw) HBT Hotel – من 60 إلى 120 دولار (https://maps.app.goo.gl/3qDZuSAAQFJg3zje6?g_st=iw) Kampala Serena Hotel – 5 نجوم (يبدأ من 500 دولار) (https://maps.app.goo.gl/C8iePKNRhyamD3x3A?g_st=iw) Sunshine Hotel – يبدأ من 35 دولار (خلف UK Mall مباشرة) (https://maps.app.goo.gl/AbLDrJsJj1F8WUfF6?g_st=iw) Precise Hotel – أقل من 30 دولار (https://maps.app.goo.gl/P2gruwREs4Js1PUv9?g_st=iw) --- 🧪 خطوات الفحص الطبي (برنامج وافد) 1. احجز موعدك عبر موقع برنامج وافد: (https://share.google/hSvzbaSid5iebNhOb) تكلفة الحجز: 10 دولار تكلفة الفحص: 90 دولار 2. أفضل المراكز السريعة (تستلم النتيجة خلال 24 ساعة): TRAVEL CLINIC INTERNATIONAL Kalson Medical Services MEDICARE DIAGNOSTIC CENTRE Erine Medical Clinic and Laboratory Georo Medical Clinic and Laboratory Medical World 3. بعد الحجز اطبع ورقة الحجز وامشي بدري (الساعة 8 صباحًا – صائم). 4. انتظر النتيجة (يوم إلى 4 أيام غالبًا). تابع موقع وافد لمعرفة صدور النتيجة. --- 🏛️ بعد ظهور نتيجة الفحص 1. وثق الفيش الجنائي في السفارة السودانية (50 دولار). 2. اذهب إلى مكتب ويلي وقابل الموظفة حنان واطلب منها إدخال المعاملة. تدفع 250 دولار. 3. انتظر 2 – 3 أيام لتستلم التأشيرة. --- 🏙️ الحياة في كمبالا (نصائح سريعة) المواصلات: استخدم البودا (مواتر) – معظم المشاوير بين 2 و5 شلنغ فقط. الماء والأكل: لا تشترِ من الفنادق (أسعار مبالغ فيها). الماء بره الفندق: 5.5 شلنغ. وجبة لشخصين: حوالي 20,000 شلنغ. مطاعم مقترحة: مطعم ريم البوادي ملحمة أولاد أم درمان --- ✈️ نصيحة مهمة قبل حجز تذكرة العودة افحص سعر تذكرة كمبالا – السعودية قبل السفر. إذا وجدت سعرها أقل من 1300 ريال، احجزها قبل السفر. يفضل حجزها قبل أسبوع من المغادرة (لتجنب ارتفاع السعر إلى 2500 ريال عند الحجز المتأخر). @HmadaChan

ما زلتُ هنا… ما زلتُ تحت سماءٍ لم أرَ مثل صفائها، بجوار بيتٍ تهفو له الأرواح. أسمع تكبير الطائفين، وأشعر أن الملائكة تطوف معي. أمد يدي نحو الحجر الأسود، كأني أجدد عهدي مع الله أن أعود أنقى وأقرب. هنا، حيث الدعاء يعلو قبل أن يخرج من فمي. هنا، حيث القلب يذوب خضوعًا، والدموع تصير طهورًا. اللهم اجعلني من أهل هذا البيت، من الذين تعلقت قلوبهم به، فلا يعيشون إلا على أمل الرجوع.💙

مساء الخير ❤️ في زول بيعرف يعمل cv يكون ats ?? محتاج ليو ضروري جدا ❤️ لو في شخص بيعرف يتواصل معاي بالله عليكم وشكرا جدا❤️❤️ @HmadaChan

ناس السعوديه الماشين عن طريق كمبالا ، لو انتا ماش ببكج فوق ال900 دولار أتواصل معاي، ما تنخدعو وما تتغشو ، اتواصلو معاي ، ح أفيدكم بكل التفاصيل العايزنها .. @HmadaChan

الف عضو في الواتساب ❤️❤️❤️❤️❤️

الكورسات المتوفره حاليا : - كورس التصميم التجاري( يوتيوب) - كويس اداره الوقت - كورس اداره الموارد البشريه - كورس مهارات التحدث أمام الجمهور - كورس اداره المشاريع - كورس التسويق الرقمي - كورس الكسب من الانترنت - كورس انجليزي - كورس التوعيه النفسيه انتظروا لسه المجان كتير ❤️🔥 https://chat.whatsapp.com/C8hUr4IcZu2BjQr9iRYVdT

جيناكم بكورس انجليزي كامل 12 مستوى ❤️ وكمان مجان❤️❤️ لو مهتم دوس لوف وانتظر❤️❤️❤️❤️❤️❤️❤️❤️❤️❤️ https://chat.whatsapp.com/C8hUr4IcZu2BjQr9iRYVdT

أنا ك ( محمد ياسر ) لطالما وصفت نفسي – مازحًا حينًا، وجادًا حينًا آخر – بأنني أمتلك شيئًا من النرجسية. لكن لستُ ذاك النموذج الكلاسيكي المتضخم من النرجسيين الذين لا يرون في العالم إلا انعكاسًا لذواتهم. بل هي نرجسية خفيفة، نرجسية "بحجم معقول"، مزوّدة بقدر وافٍ من احترام الذات، وعزّة النفس. لقد لاحظت مؤخّرًا سلوكًا يتكرّر داخلي: لا أحتمل البقاء في بيئة أشعر فيها بعدم القبول. ليس بالضرورة أن يُقال لي صراحةً: "نحن لا نريدك"، بل يكفيني ذلك الإحساس الغامض الذي يتسرّب إلى داخلي، ليقول لي: "أنت غير مُرحّب بك هنا". حين أشعر بذلك، في أي مكان: وظيفة، مجموعة أصدقاء، أو حتى ضمن دوائر الأقرباء — أتراجع. أنسحب. وأفعل ذلك دون صخب، ودون غضب. بكل بساطة، أفضّل أن أغيب على أن أكون ثقيلًا على أحد، أو على أن أتواجد في مساحة لا أشعر فيها بانتماء صادق. قد يصفني البعض بالقسوة، أو بالمبالغة. وقد يراني آخرون متكبّرًا أو شديد الحساسية. لكن الحقيقة الأعمق، أن هذا السلوك نابع من احترام راسخ للذات. فأنا لا أطلب من الناس أن يحبّوني، لكنني أرفض أن أزجّ بنفسي في أماكن تُشعرني بأنني عبء. هل هذا هروب؟ ربما. هل هو دفاع؟ غالبًا. لكنّه أيضًا شكل من أشكال النضج. أن تعرف متى تنسحب، متى تحتفظ بكرامتك، ومتى تقول لنفسك: "مكانك ليس هنا… فلترحل وأنت مرفوع الرأس". والأهم من ذلك كله: أن تشعر بالسلام بعد قرارك. ذلك السلام الذي لا يمنحه لك أحد… سوى نفسك.❤️ #محمد_ياسر #منصه_غيم

السلم عليكم.. لو في زول بعرف رقم بتاع وكاله أو هو بتاع وكاله يتواصل معاي عايز استفسر منو عن حاجه بسيطه 💙💙💙 @HmadaChan

أكتر حاجة بتستنزف الطاقة وتكسّر الأهداف قبل ما تبدأ هي كثرة الكلام. لما تكون عندك طموحات كبيرة وأهداف شخصية أو مهنية، أكبر خطأ إنك تفتح الموضوع مع كل زول. ليه؟ لأن اللسان مرات بيسبق الفعل. تتكلم، تتحمس، ا، ويجيك إحساس إنك أنجزت حاجة… لكن في الحقيقة إنت ما بدأت حتى. وده بيسرق دافعك. غير كده، في كلامك مع الناس ممكن تتعرض لاستهزاء، لتقليل، أو حتى لحسد وكسر مجاديف. الطموحات ما بتكبر في العلن، الطموحات بتتغذى في الخفاء. القاعدة البسيطة: "خطط بصمت، نفذ بصمت، وخلي النتائج تتكلم عنك." لسانك لو ما محكوم، أهدافك ما ح تكون محمية. إعمل لنفسك دائرة صغيرة آمنة، شارك أهدافك مع شخص تثق فيه فقط (كوتش، مرشد، صديق مُلهم). لكن مع العالم الكبير، خليك صامت. تذكر دايمًا: الكلام ما بيبني مستقبل، الأفعال هي البتعمل ده... اتفقنا ؟؟💙 #منصه_غيم

قبل أيام كنت في قعدة ما عادية. القعدة جمعت ناس من كل جهة: نفرين من الشمالية، نفر من الجزيرة، نفرين من الغرب، نفرين من الشرق، نفر من أمريكا (مولود ومتربي هناك) ونفر من السعودية. فتحنا نقاشات في ألف موضوع، الاتفاق والخلاف كان خمسين خمسين، لحدي ما فجأة صاحبنا الأمريكي جاته مكالمة فيديو من أخته. حماسو خلاهو يورّيها لينا، وبعفوية ناولني التلفون وقال: "ده صحبي الحكيت ليك عنو". أنا اتخلعت – أخته ما لابسة طرحة. سلمت بسرعة ورجعت التلفون. هنا الشلة كلها وقفت ساكت، صاحبنا من الجزيرة انفجر: "يا زول دي بطالة شنو؟ دي حرمات!" الأمريكي استغرب من رد فعلنا، بالنسبة ليهو الموضوع عادي شديد. من اللحظة دي القعدة اتجهت في خط جديد: علاقتنا بالمرأة، والدين، والتربية. كل زول بدأ يحكي كيف بيتعامل مع أخواتو وناس بيتو. وهنا أنا لقيت نفسي راجع بالذاكرة لورا… أنا اتربّيت في الشمالية. بيئة محافظة، فيها الاحترام والسمعة أساس، لكن برضو فيها سلطة كبيرة للولد. من صغري كنت شايف أختي بتجهزني وتغسل هدومي، وأنا الآمر الناهي رغم إني أصغر منها. لو رفعت صوتي عليها أو على أي بت في البيت، الموضوع يعدي ساكت. بالعكس، كنت محسوب "الراجل" الكلمتو بتمشي. كبرت على الفهم ده. بقيت أتحكم في أخواتي: يمرقن ولا لا، يلبسن شنو، وحتى البنات في الشارع بسألهم ماشات وين وجايات من وين. في الحفلات، لو ولد زهج يقول للبنات "يلا امشوا" وفعلاً بيمشوا. العلاقات كلها كانت مقفولة: ما في ولد يشاغل بت الحلة. ولو عجبتو واحدة، بيحجزها من صغيرر ويعرسها. البنات بالنسبة لينا ما كانوا متاحات للونسة. لكن لما دخلت الثانوي، الصورة بدأت تتغيّر. الداخلية جمعتنا ببنات من مناطق مختلفة، بقينا نكتب جوابات، ونستنى المسيرات عشان نلقى فرصة نضحك ونعاين. مجرد ابتسامة كانت بتخلينا نعيش عليها أيام. ولما دخلت الجامعة حصلت النقلة الكبيرة. لقيت أولاد وبنات قاعدين مع بعض عادي، بيتونسوا ويضحكوا. في البداية استغربنا وقلنا "قلة أدب"، لكن مع الزمن بقينا جزء من الجو دا. بقينا نطلع رحلات ونشارك في نقاشات. والشي المستحيل مع أخواتنا، بقى عادي مع زميلاتنا. مرة سألت أصحابي: "منو فيكم الما بيتعامل مع البنات هنا؟" كلهم سكتوا. قلت ليهم: "إذن نحنا منافقين – بنحترم الغريبات وما بنحترم أخواتنا وخالاتنا!" دي كانت نقطة التحول في طريقة تفكيري. الغربة كملت الدرس. لقيت كيف البنات في الشارع لابسات عادي، وما في زول بعاين ليهن ولا يشاغلهن. وهناك اتعلمت أغسل وأكوي وأدخل المطبخ، وهناك بالذات افتقدت أخواتي وحسيت شنو التعب والشقاوة الكانوا شايلنها. قضية المرأة (زيها وزي كل قضايا السودان) ما ممكن نفصلها من التربية والنشأة والعادات. في ناس اتغيروا لما شافوا العالم التاني، وفي ناس لسه محبوسين في بيئتهم. ما أي زول "أبجيقة" لأنه عاوز يكون كده، مرات لأنه اتربى كده. المطلوب مننا: * نحترم تنوعنا واختلافنا. * ما نفرض عاداتنا على غيرنا. * نكسر العادات الضارة بالوعي، ونغرس قيم جديدة في أولادنا وبناتنا. وأنا مهما أقول، بظل معتذر لكل نساء أهلي الكبيرات – أمهاتنا وخالاتنا وعمّاتنا – على ظلم ما كان مقصود لكن كان واقع مفروض علينا.💙 #منصه_غيم

💙قريب جدا حتسمعو بينا اول منصه سودانيه للكورسات المجانيه 💙 ديل شهادات كورس التنميه البشريه طلعنا ٦٠ شهاده مجانيه انتو متخيلين ؟ ولسه الجاي أحلى واكتر انتو بس ادخلو القروب وانتظروا جديد https://chat.whatsapp.com/C8hUr4IcZu2BjQr9iRYVdT #منصه_غيم

الدوغمائية ليست مجرد "تشبّث بالرأي" كما يظن البعض، بل هي مرض فكري يلتهم عقل الإنسان ببطء. هي حالة يتحوّل فيها الفكر من أداة للبحث عن الحقيقة، إلى صنم يُعبد دون نقاش. الشخص الدوغمائي يعيش داخل دائرة مغلقة؛ أي فكرة جديدة تُهدد أمنه النفسي يرفضها فوراً، ليس لأنها خاطئة، بل لأنها ببساطة مختلفة. الخطير في الدوغمائية أنها تُعطي صاحبها شعوراً زائفاً باليقين المطلق. يصبح عقله كمرآة لا تعكس إلا صورته، فإذا جاءه برهان، واجهه بالإنكار، وإذا جاءه منطق، قاتله بالتحيّز، وإذا واجهته الحياة بالحقيقة، حاربها بكل ما يملك. الدوغمائية ليست عناداً عادياً، إنها انغلاق يُميت القدرة على التطور، يحوّل الإنسان إلى نسخة جامدة من أفكاره الأولى. كأن الزمن يمشي، والعالم يتغير، وهو واقف في مكانه، يقاتل الرياح كي لا تتحرك ورقته. أخطر ما في الأمر أن هذا الانغلاق لا يدمّر صاحبه فقط، بل يقتل الحوار ويصنع صراعات لا تنتهي. فالعالم عند الدوغمائي ثنائي: "أنا ومن معي على حق مطلق" و "من يخالفني على باطل مطلق". هكذا يولد العداء، وهكذا تُخنق الإبداعية، وهكذا تُقتل الفكرة قبل أن ترى النور. أما العلاج، فلا يبدأ بكسر الفكرة… بل بكسر الغرور. أن تعترف أن عقلك ليس إلهاً، وأن الحقيقة أكبر من أن تُحتكر، وأن التغيير ليس تهديداً لهويتك بل فرصة لنموّك. تذكّر: العقل الذي لا يقبل المراجعة، يتحوّل من عقل مفكّر إلى سجنٍ قاتل.💙 #منصه_غيم

*لايفات التيك توك والشحدة الإلكترونية: وعي ولا استغلال؟* في زمن السوشيال ميديا، بقينا نشوف حاجات غريبة ما كانت موجودة قبل كم سنة. فجأة، بقت اللايفات في تيك توك مسرح مفتوح لكل أنواع المحتوى… لكن للأسف، جزء كبير منها بقى عبارة عن "شحدة إلكترونية" مقنّعة. ناس بتطلع على اللايف بس عشان تجمع هدايا، تطلب من المتابعين يرسلوا لها "جيفت" و"روزات"، وكأن السوشيال ميديا تحولت لسوق شحادين عصري.💙 هسي الفرق بين "الشحدة الإلكترونية" و"صناعة المحتوى" واضح: الشحدة: ما فيها أي قيمة حقيقية، مجرد استغلال وقت ومال المتابعين بدون ما تقدم ليهم فائدة أو معلومة. بتخليك مستهلك ما منتج، وممكن تورط الناس في إدمان الدعم عشان إحساس لحظي بالاهتمام. صناعة المحتوى: بتعتمد على تقديم قيمة حقيقية، سواء تعليم، ترفيه هادف، أو إلهام. الشخص هنا بيشتغل، بيخطط، وبيبدع عشان يقدم حاجة مفيدة ويتقاضى عليها أجر مستحق.💙 فوائد السوشيال ميديا ما بنقدر ننكر إن السوشيال ميديا فتحت أبواب جديدة: * وسيلة للتعلم من أي مكان. * منصة للتواصل مع العالم ونشر الأفكار. * فرصة حقيقية لصناعة دخل من الإبداع الشخصي. * فتح أسواق وفرص عمل ما كانت موجودة قبل. *مضار السوشيال ميديا* لكن في نفس الوقت، لو ما كنت واعي، السوشيال ميديا ممكن تدمر وقتك وحياتك: * إدمان المشاهدة بدون إنتاج. * هوس المقارنات اللي بيأثر على صحتك النفسية. * انتشار محتوى فارغ أو ضار بيأثر على قيم المجتمع. * سهولة التلاعب بعقول الناس عبر الترندات.💙 *الموضوع قرارك* السوشيال ميديا أداة، إما تستخدمها عشان تبني نفسك وتكسب من محتوى هادف، أو تخليها تمتص وقتك وجهدك في متابعة محتوى فارغ أو دعم أشخاص ما بيقدموا أي قيمة. الجيل الواعي هو البعرف الفرق، وبيختار يكون صانع لا متفرج، منتج لا مستهلك، صاحب رسالة لا تابع أعمى.💙 فكر قبل ما تفتح اللايف أو تضغط زر الدعم: هل بتستثمر وقتك ومالك في شيء بيبنيك، ولا بتساهم في نشر الفراغ؟💙 #محمد_ياسر #منصه_غيم

جيل واعي ولا جيل تابع؟ في زمن بقى كل شيء سريع ومتاح، الشباب بقوا عايشين في عالم مفتوح، مليان بالمغريات والتحديات. بقينا نسمع نفس النقاشات المتكررة عن الحب، العلاقات، والزواج، لكن هل فعلاً دي المواضيع البتستحق كل الاهتمام؟ وين النقاشات البتساعد الشباب يكونوا أكثر وعي ومسؤولية بدل ما يكونوا تايهين وسط دوامة السوشيال ميديا والمواضيع الفارغة؟💙 من الطيش للنضج: هل التغيير ساهل؟ كلنا مرينا بفترة الطيش والمراهقة، اللحظة البتحس فيها إنك حر وما فارقة معاك العواقب. لكن في لحظة معينة، بتلقى نفسك واقف قدام أسئلة كبيرة: هل أنا فعلاً ماشي في الطريق الصح؟ هل حياتي عندها معنى ولا بس بتخبط من يوم ليوم؟💙 التغيير ما بيحصل فجأة، لكن هو قرار. قرار إنك تبطل تجري وراء كل حاجة فارغة، وتبدأ تبني نفسك. الناس الما بتفكر، بتمر عليها السنوات وهي لسه في نفس النقطة، نفس الأخطاء، نفس العادات. لكن الشخص الواعي هو البوقف لحظة مع نفسو، بيحاسبها، وبيحاول يكون أحسن💙. الوعي ما معناه التشدد، لكن معناه التفكير كتيرين لمن يسمعوا كلام عن التغيير والنضج، بيفتكروا إنو المقصود بيهو إنك تبطل تعيش حياتك وتتحول لشخص معقد. لكن الفكرة ما كدا. الوعي الحقيقي هو إنك تعيش حياتك لكن بعقل، إنك تكون واعي بتصرفاتك وتعرف حدودك.💙 مشكلتنا إنو في حاجات كتيرة بقينا نشوفها عادية، رغم إنها في الأصل غلط أو حتى ممكن تكون ضارة. زي مثلاً: اللبس غير المحتشم، والناس البقت تتعامل معاهو كأنه مجرد موضة، بينما في الحقيقة بيعكس نظرتك لنفسك قبل ما يعكس نظرة الناس ليك.💙 العلاقات المفتوحة بين الأولاد والبنات بدون أي ضوابط، واللي بقت شيء عادي رغم إنها مرات بتقود لمشاكل نفسية واجتماعية كبيرة.💙 هوس السوشيال ميديا، والوقت الضائع في متابعة المشاهير، الترندات الفارغة، والتقليد الأعمى لأي حاجة جديدة بدون ما نفكر إذا كانت تستحق ولا لا.💙 وين هويتنا؟ زمان كان الشباب عندهم هويتهم الخاصة، كانوا يعرفوا هم منو، وعندهم قيم واضحة. لكن هسي؟ بقينا مجرد مستهلكين لكل حاجة جاية من برة، بنقلد أي حاجة جديدة بدون ما نسأل: هل الحاجة دي بتمثلنا؟ بتفيدنا؟💙 التطور والتغيير ما غلط، لكن لازم يكون عندنا فلتر، لازم نعرف نميز بين الحاجة البتفيدنا والحاجة البتضيعنا. الجيل الواعي هو الجيل البفهم الفرق ده، البكون عندو شخصية مستقلة، ما مجرد تابع لكل موضة وترند جديد.💙 اختيارك مسؤوليتك في النهاية، الموضوع كلو بيرجع ليك. يا تكون شخص عندو وعي، أهداف، ورسالة في الحياة، يا تكون مجرد رقم إضافي في مجتمع تايه، ماشي مع التيار بدون ما يعرف وجهته💙. فكر، راجع نفسك، واسأل: هل أنا فعلاً بعيش حياة عندها معنى؟ ولا بس بمر بالأيام بدون هدف؟ #محمد_ياسر #منصه_غيم

صباحو الخير لُطفاً🫂 آل غيم الجميلين🩵✨ -زي م وعدتكم حيكون عندنا إسبوع بتاع تحديات حافل بالمواضيع المُفيدة🩵. -الفكرة: -كُل يوم حنتكلم عن موضوع وحيكون ف نقاط لي مهام حنعملها ودي نقاط التحدي. -عايزين نصدم العقول المكسله إنو لا احنا عندنا إسبوع عايزين نعودكم…

صباحو الخير لُطفاً🫂 آل غيم الجميلين🩵✨ -زي م وعدتكم حيكون عندنا إسبوع بتاع تحديات حافل بالمواضيع المُفيدة🩵. -الفكرة: -كُل يوم حنتكلم عن موضوع وحيكون ف نقاط لي مهام حنعملها ودي نقاط التحدي. -عايزين نصدم العقول المكسله إنو لا احنا عندنا إسبوع عايزين نعودكم فيهو إنكم ترجعو تشتغلو وتورونا النسخة المطورة. -نقاط التحدي: -كُل يوم الصباح حتنزل نقاط معينة حنعملها ونجي نشيك عليها آخر اليوم، وزي م عارفين البقاء للبلتزم وعارفين جائزتو شنو صح؟🤭🩵. -نقاط مواضيع الورش والنقاش: -الفريلانسر -الصحة نفسية -الكتابة وأهمية القراءة -بناء العادات الجديدة -تطوير الذات وتنمية المهارات -العادات والتقاليد المجتمعية (إيجابيات_سلبيات) -صناعة المحتوى والتسويق -كُل يوم على منصة غيم الساعة الثامنة بتوقيت الخرطوم الحبيبة🇸🇩✨. -البرنامج ببدء الخميس إن شاءالله. -ابقو كُتار والشير فرض محبة🫂🩵.

حابي اتكلم ليكم الليله عن العلاقات السامه وتاثيرها وكيف نقدر نتخلص من الشخص السام..💙 اول شي في حياتنا بنواجه ناس كتار، وكل زول عندو تأثير فينا، لكن للأسف ما كل تأثير إيجابي. في ناس بكونوا وجودهم في حياتنا زي العطر، وناس تانيين وجودهم زي الدخان السام، وهم ديل البنسميهم العلاقات السامة. حابدا ليكن اول بأنواع العلاقات السامة: 1. العلاقة المتحكمة دي العلاقة البيكون فيها الشخص التاني عاوز يتحكم في حياتك كلها. بيحدد ليك تعمل شنو وما تعمل شنو، ودايمًا بيقلل من قراراتك. 2. العلاقة الناقدة الشخص ده شغلتو يفتش عيوبك. دايمًا عنده حاجة سلبية يقولها عنك، ولو عملت أي إنجاز ما حيقدرو، بالعكس ممكن يقول ليك: "دا شنو؟ الناس عملوا أحسن منك". 3. العلاقة المستغلة الشخص السام هنا بيستغل طيبتك أو مجهودك عشان مصلحتو الشخصية، وما بيقدم ليك أي حاجة بالمقابل. 4. العلاقة الحاسدة الحسد هو قوه الشخص السام ده. ما بيقدر يشوفك سعيد أو ناجح. بدل ما يفرح ليك، بيحاول يكسرك أو يقلل من سعادتك. كيف العلاقات السامة بتأثر علينا؟ بتأثر على صحتنا النفسية بشكل كبير. بتخليك دايمًا متوتر وحزين. بتقلل ثقتك في نفسك. تبدأ تصدق كلام الشخص السام إنك ما بتستاهل الأحسن. بتأثر على طاقتك وإنتاجيتك في الحياة. بتحس دايمًا إنك مرهق ومكتئب. كيف نتخلص من الأشخاص السامين؟ 1. اعرف الحدود حدد حدود واضحة للشخص ده. خليهو يعرف إنك ما حتقبل أي تصرف سلبي منو. 2. قلل الاحتكاك لو الشخص ده ما بسمع وما بتغير، حاول تقلل من وقتك معاهو أو تتفاداه تمامًا. 3. واجهه بصراحة أحيانًا لازم تواجه الشخص السام وتقول ليه الكلام البيضايقك. ممكن ده يكون مفتاح لتغيير تصرفاتو. 4. أعتمد على نفسك ما تخلي وجود الشخص ده سبب لاستمرارك. تقبل فكرة إنه الحياة بدون ناس سامين أفضل بكثير. 5. استعين بصديق موثوق أو مختص لو ما قادر تتخلص منه أو حسيت الوضع متعب جدًا، اتكلم مع صديق تثق فيه أو استشير مختص نفسي. في الختام عايز اقول انو العلاقات في حياتنا لازم تكون مصدر راحة ودعم، ما مكان ألم وضغط نفسي. عشان كده، راجع دائرتك، ولو لقيت فيها زول سام، حاول تاخد قرار لصالح نفسك. حياتك تستاهل الأفضل.💙