- غليني

- اللي قاسمه للحي مي امخطيته ، نصيب كل حي ايجيه مهما طال لوكان كل من يصبر ايصفي نيته ، ايطول كل غايه والثواب اينال ..

- مع ليام تبرن يا وجاع ، عندي عقل بالاته اوساع ..

"مُر الصَراحة ولا مُر الإستِغفال"

"مُر الصَراحة ولا مُر الإستِغفال"

- كل قلب شايل عقل وسطه جوّه ، وكل عقل عارف ما الله عاطيه فيه من ايحود ع الحسس بالقوّه ، وفيه من ايدور ف الحسس ويجيه

- كونك مليانه مليانه ، لكن كل ابكا في وآنه ..

- شهاده كبيره تأمني بإيمانك ، إنكان فيه في فقد الرجال خساير ..

عليم الله إنه تكدرنا ،

- إنا لله وإنا إليه راجعون ، إغتيال اللواء فوزي المنصوري نحسبك عند الله من الشهداء .

- اللي عطاه مولانا عطاه قناعه ، يسكربها في دنيته كم باب لآجل الدنيا يافتى خداعه ، سيور حيها غايب مع الغياب ..

" بالِغ في حُسن ظنّك باللّٰه ، فإنَ جَزَاء حُسن الظَنّ أنْ تنَال ما ظَنّنتْ " - صباح الخير

- مازال جرحهم ينزف وما عالجته ، ولا بيت نربط ع العطيب ضميده مدفون سرّهم ما عمر يوم نكشته ، حتى وصاحبه مونس وفيه عقيده ..

- يا امقحزه م الدار يا البعيده ، مشتاقلك وقاصر من ظروف مكيده

صباح الخير . قُل الحمد لله حتى وإن باتت أيامك خيبات فلا شيء يساوي العافية. أصبحنا بخيرك الدائم ولطفك الخفي ونظنُّ بك الظنّ الجميل فتولّنا يا ربّ العالمين .

- ما عمر مر العمر دون ظروف ، ولا كل حد يقدر ايدس ظروفه ونا جاحد اللي من الظهر للجوف ، داس جرح يجرح كل حد يشوفه ..