قصائد حسينيه

‏@وليد:كلهن عباس ========= كلهن عباس .. كلهن عباس —————————————- يااول من يتقدم وكت المردم ويطك الدم حار بحار ياريح اشتد وزمهر عات وصرصر هب ودمر لمن غار عباس السيف الانزع منه وتكطع هذا اليطلع عالكرار بالليل الاليل يندل كلما چلچل شامخ واعبل گمرة ونار عباس سيفك مانصف عباس كد ما دم غرف عباس بالنص والطرف ..كلهن عباس عباس بعيون العدة عباس جيش لوحدة عباس حيدر مطلعة … كلهن عباس —————————————- لو لج وبالروس اعرج يمضيك الفج يايم واغمج مالاكوك يالتحرك من تتنفس وتصير اشرس ليل وعسعس لو غاضوك وبقوة جفك دمدم ربك واقسم ثاقب وارجم ماشافوك من الصوت الصور اليطلع لا انت اسرع لمن تفزع عالعادوك عباس وكت الملحمة عباس يمشي اعلة السمة عباس عين لفاطمة … كلهن عباس عباس صاح الماعرف عباس عارك لو خطف عباس كلها مكطعة … كلهن عباس —————————————- ياسيل ويردم كل سد مايتهدد ويروح ابعد جنة الموت يالتوجع من كبل الطك طوك وطوك من سيفة اسبك ومن الصوت انت اقدم من المطلع والكتلة اسمع ذنون اطلع من الحوت ياسد اسكندر كلة يضيع بظلة ومحد يعلة اذا انت تفوت عباس اول ماصرت عباس راية تسلمت عباس بيها تكمطت … كلهن عباس عباس جفك زلزلة عباس زلزل كربلة عباس موت وفاجعة … كلهن عباس —————————————- ياغيمة روس ونكط ولكاط الكط يمسوي الشط دم وروس موت ابمد الشوف ترش وتلم وتطش سيفك يفرش وانت تدوس خليت الخيالة تزل للشط تنزل وتكول ايقل مامتروس تطشر وترد تصطف وانت اعلة الطف ياشمس بصف الفانوس عباس لو طلعوا سوة عباس ياخذ عالضوة عباس ياصفنة وهوى … كلهن عباس عباس لو زاد العدد عباس صاح اكثر بعد عباس كاع الواسعة … كلهن عباس —————————————- من تضم سيفك ترجع گمرة وتلمع يانور اوسع من الكون يالون الماي واصفة شلون نوصفة الله يعرفة وگلب ام عون من عينك عينك تخجل لليتوكل للمايندل صرت عيون والناس تصيحك حيهم لو طك همهم توكف يمهم من يشكون عباس فارس كل حلم عباس ونساها الزلم عباس والحر يفتهم … كلهن عباس عباس لو واحد كصد عباس للضايع سند عباس يمسح مدمعة … كلهن عباس —————————————- للرادود : سيد فاقد الموسوي الشاعر : حمزة الحسناوي

#نعـي لمولاي الحسن عليه السلام تمنيت حاضر يوم الطفوف دارت علينه العسكر اصفوف وبحسين ماضل حيل ويشوف صدره يخويه بخيل مخسوف سهم الرماك بكربله اردود بيوم الطفوف علينه موجود صاب الكفيل بعينه والجود وكلب الحرم خلاه ممرود يافزعت الخوه الوكت دار شبو خيمنه بكربلاء بنار ولاصعب الماينحمل صار تلكونه اهل الشام بحجار ياحيد كومك ها يصنديد ياكاسر خشوم العرابيد يلحسن جرح مصابنه مچيد بلشام من طبينه جن عيد عاكر جملها وراعب الكوم بشده ونخيتك ها يجيدوم خويه ابو محمد ردتك اليوم انفض اترابك وافزع وكوم شيسدها عازتكم يلاخوان بين البقيع وكربلاء احزان دار الوكت بينه يلاحنان وبنص غرب طبينه ديوان فر بيه وكتي بنزل ميشوم بلشام حته الهوه مسموم وسط الخرابه واجنبي يحوم وناح اعله جرحي غراب والبوم مر يوم جرحك وانه ونيت وسهام نعشك بيه حسيت وليوم عاشر كلبي وديت شعدها الاسهام ويانه ناديت محمد تقي الزاملي #اللهم_عجل_لوليك_الفرج

نعي + ابوذيات: #أبوذيـات لمصيبة سيدي ومولاي ألأمام المجتبى صلوات الله عليه .... يا صاحب الزمان بيك اجروح ما يسكن ... ولمهن ألم پارض البقيع أمسه .. والم هان الك چبدين رد ألهن ..... ولمهن چبد ابطشت . چبده اعله الوطيه ... چبدته بل طشت ويلي .... يلمها مصاب الحسن كل مهجه ... يلمها اذا روحي اطلعت لحد ..... يلمها الحسن مات . او فرح عد آل أميه زينب اتگول : بعد مابي يسولف گام ... يوماي وانا مدري يريد الطشت .. يو ماي دعيت الله يحين الساع .. يوماي أموت . او لا أشوفه ابهل رزبه .... حسن يبن امي مني اضلوع .. حنيت عله اونينك حنين النوگ .... حنيت وجهي او چف ادي بدموع ... حنيت يبعد اختك دگلي اشلون بيه .... مولاتي العقيلة روحي فداها يجر الطشت من عندي .. واجر بي يبعده . او گالي اتدني .... وجربي جمر السم حرگ چبدي .... وجر بي يل احنينه انتوادع هايـ ـهيه ..... أشضل بروحي من شفتك .. سوى الون اعگبت يعگوب لتضنه .... سوه. الون وجه الحسن هاذه السم .... سوه الوان. (( سواه )) أزرگ صار جن متن السبيه .... دمع عيناي دم أحمر ... لديره وادور ادواك من ديره .. لديره لون يندار بيه السم ..... لديره واروحن فدوه الك يبن الزچيه..... مدري امسح اعيوني ... مدري عينه أجيب الطشت يَمه .... مدري أعينه أشو ساكت اخيي ...... مدري عنه نفس مابي يويلي اشلون بيه ... ابو فاطمة الطائي #اللهم_عجل_لوليك_الفرج #نعـي نوحي على الاولاد يازهرا الحزينه في كربلا واحد واحد في المدينه واتفرگوا عنج او صار الشمل تبديد واحد من اجعیده گضی اواحد من ایزید واحد دفن عندچ او احد عنچ ابعيد گبر الحسن عندچ او گبر حسين وينه حطوا بزهرا اليوم في بيتچ عزيه في الدار ناصبها غريب الغاضريه وانتي يزهرا بالصفايح مختفيه ليتچ يزهرا اليوم حاله تنظرينه يجذب الونه او ينظر العينه يتاماه واحسين عنده ينتحب ويصيح ويلاه ليتج تشوفينه بودع جملة أبناه واحسين يبجي او بالدموع اتهل عينه ليتچ تشوفين الحسن في صدر الحسين امسندله ابصدره او يجري مدمع العين والكل منهم حاظن الثاني باليدين ويگولون امركونه الباري علينه ما گلت ياوارث اعلوم النبوه اگطع ولا اتواصل عديمة ها لمروه اياك تاكل زاد جعده ها لعدوه خفنا او منها ما سلمنا ياولينه وانا شربت السم گبل ها لساعه امرار ولا شفت من هالحراره عشر معشار والماي لا منه شربته ينگلب نار ايگطع الچبدي مثل امواس السنينه يحسين واويلا من شيء اقاسي أعظم على گلبي من اجروح المراسي الزم افادي ياعضيدي او تاج راسي ترى عضيدك فرگوا بينك او بينه الشاعر المرحوم الملا علي بن فايز #اللهم_عجل_لوليك_الفرج ‏#نعـي ‏ ‏مولاتي العقيلة عليها السلام ‏تخاطب مولاي الحسن المجتبى عليه السلام ‏ ‏ ‏ ‏بيه وجع يابو محمد ‏بس شوفتك يگضيه محد ‏ضليت أبچي دموم و أزود ‏خويه سبوني الله ولحد ‏ ‏أختك گظت يچبير لحسين ‏فوگ الهزل و أبچيك عمرين ‏ما فايته لديوانك أسنين ‏ضليت چلمه بنص دواوين ‏ ‏بـ أخت الحسن جابوه طاريك ‏خويه القهر يحچون بس بيك ‏أختك بقت يلحيد تبچيك ‏بيدي الحبل بخلافها أيديك ‏ ‏ها يلـ أخو مشلوع گلبي ‏درب اليسر بجفاك دربي ‏صوب المدينه العين تربي ‏گلبي يون لو هم رمح بي ‏ ‏آه يلحسن دلالي فاير ‏ياريت معميه النواضر ‏يا خويه تدري بل عساكر ‏وليه ولتني و گلبي شاجر ‏ ‏آه يلحسن مسموع وني ‏من الدمع شگيت ردني ‏بيدك چنت ما خاب ضني ‏عگبك يخويه أخيال چني ‏ ‏علي حسين الخفاجي ‏ ‏اللهم عجل لوليك الفرج #نعـي لمولاي الحسن صلوات الله عليه الف وسفه وطبيبك ايس وكام وردو من جديد اخوانك ايتام عليك حسين يبجي محمل الام وكلبك على حسين يهيج ويحن حسافه عليك ياشيخ الهواشم تموت ومن دمه تبجي الفواطم وهاشم نازعه اعليك العمايم ولا للفرح بعدك شوفوا سن جبدك بالطشت متناثر اوصال اكول شلون زينب شافت الحال تصدلك والدمع بالعين همال تون عليك وانت اعلى السبي تون تكلها هنا يخيتي وشمعة العين باجر هم طشت ثاني تشوفين وبذاك الطشت بس راس الحسين يبقى بدون راس وطفله يحضن تكل لحسين هاك القاسم اولام اخذه احزام باجر عوزك احزام رغم عريس بس يعوف الاحلام كلها وينذبح دونك ولا يمن يمن بابك طلب سائل - ماردها اخذ روحي لعد كبرك - ماريدها يريت السم جبد زينب - ماردها ولا جبدك يروح امي الزجيه الشيخ_حيدر_الحميداوي #اللهم_عجل_لوليك_الفرج

هوسات للأمام الحسن المجتبى ( ع) ※✿❥•~•♡•~•❥✿※•~•♡•~•❥✿※ مـچـفـيه الـدلال ويـنـعه فنجانه وامـضيف الكرم مسدوده بيبانه شـال ابن الصميده الكرم عنوانه ابـومـحمـد يـهـيبه تهابه عدوانه ( ايون اعليه ..... الجود واهله) ※✿❥•~•♡•~•❥✿※•~•♡•~•❥✿※ ابـن حيدر علي ماينوصف جوده والــدمـعـه عـلــيـه الـليله مريوده كـريم وبـالعـطيه السفره ممدوده ويـاهـو بـالـعداله الوصل لحدوده ( وحيطانه ..... ديوانه اينوح ) ※✿❥•~•♡•~•❥✿※•~•♡•~•❥✿※ نــنـوح ولـلحـسـن نـنـعـاه يـاهــالناس وبعبره الـه ابـنـص الگلب نـاريـن ماتنطفي ومتوجره الاولـه لـلـگـبـر مــهـدوم والـثـانيه ابـلاحضره ولا نـگدر نـقـيـم اعــزاه يَـمــه ونـلـطم ونقره ( انعازيها ..... الزهره اعليه) ※✿❥•~•♡•~•❥✿※•~•♡•~•❥✿※ انـخـه ام الـحسن والسمته جعده من بـعد الجليل المجتبى انگصده يـفـرح كـل گلـب والطالب يسعده ويـگضي حاجـتـه ومستبشر يرده ( يگضيها ..... ابچفه الزاچي) ※✿❥•~•♡•~•❥✿※•~•♡•~•❥✿※ تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات أهدي ثواب عملي هذا إلى مولاي الحسن المجتبى ( ع) وإلى روح والدي نسألكم الدعاء https://t.me/joinchat/AAAAAELdvGssZMurwfLsJA قصائد نسائيه لكل ايام محرم اشترك

..يارايه ليش الوحدج جا وينه شيال الوه 🌹🌹🌹🌹🌹🌹🌹🌹🌹🌹🌹🌹 معقوله عفتي كافلج وانتو كضيتوهه سوة وينه اليشيلج عالمتن ويجيبلج حتى الهوة يهل المجالس والطم هاي انه راية نينوى خل نشبع الليله بجي عباس بالسابع هوة الطم العباس راح :: بعد المن نسترح يارايه ليش الوحدج جا وينه شيال الوه 🌹🌹🌹🌹🌹🌹🌹🌹🌹🌹🌹🌹 راح اليفي اعله الخدر وتغطي زينب هيبته هداني من هد الدمع والسهم جان بجبدته جروني من عنده غصب مت عين ادينه هدته منهه واجيت المجلسه واليبجي اريدن فزعته نتكابل الليله سوة عباس طاحت رايته الطم العباس راح ::: بعد المن استراح يارايه ليش الوحدج جا وينه شيال الوه 🌹🌹🌹🌹🌹🌹🌹🌹🌹🌹🌹🌹 تدرون من لاحه السهم نص عينه كدامي نمرد فوك الخدر طاح الخدر يم رايته تبده وكعد اليطي علك شد العلك وصاني عالمجلس بعد يهل الطم كثرو الطم ليش الطم عدكم برد هدوني وشوفو طيحتي طيحت كفيلي والعمد راح خدر حسيني راح :: الطم العباس راح يارايه ليش الوحدج جا وينه شيال الوه 🌹🌹🌹🌹🌹🌹🌹🌹🌹🌹🌹🌹 انشد المجلس والزلم ياهو الخواته يستحن وعليهن يخاف شكثر وبيته ابد ماصيحن خل يسمع العنده خدر عباس اخياته انولن خدر الله من بيته اطلعن يتعثرا ويا الزلم والرموز اعله الرماح :: الطم العباس راح يارايه ليش الوحدج جا وينه شيال الوه 🌹🌹🌹🌹🌹🌹🌹🌹🌹🌹🌹🌹 وين اليحبون الكمر من عنده غيرة تعلموا راح امشي اكله لمجلسك عباس مو كلهم بجو وين اليسحكون الجمر وبيوم سابع فزعوا فرحوني حتى اعله النهر  عباس اكله اطينو واهل العكل ذبو العكل طاح العكال ودنكو هاشمي مفرع وطاع :: الطم العباس راح يارايه ليش الوحدج جا وينه شيال الوه 🌹🌹🌹🌹🌹🌹🌹🌹🌹🌹🌹🌹 من باجر ويبدي السبي اهل الخيم حيرة ترة كسرة اخو وبلا اخو مكسور ضهره وخاطره باجر يدفعون الحرم من عكب سبع الكنطرة وشرايكم يهل الطم بالمجلس ويدفع مرة الطم العباس راح ::: بعد المن نستراح الشاعر :: سيد محمود الموسوي الكاتب✧(بهاء)✧

🚩 عمه شو هذا الشمر بهدومه دم🚩 عمه شو هذا الشمر بهدومه دم وبیده راس واكف اباب الخیم راسمن هذا یعمه . شایله ویسیل دمه   **** من طلعت امن المخیم شفته كدامي الشمر شایل الراس ابجفوفه والدمه منه یخر خفت من شفته یعمه وجیت اكلج بالامر عمه عطر الراس اشمه وهذا اعرفنه العطر مو غریب اعلیه یاعمه تره عطر ابوي وجنت اشمه ابمنحره هسه شو بالراس اشمه **** یله كومي ویاي عمه نسئل الشمر اللعین راسمن هذا التشیله ویجري دمه امن الجبین شوفي سبحانك یلاهي امن الشبه سوه اربعین تباوعیله ابروح اخیج عمه مو جنه الحسین حطي عینج عل الملامح عمتي عمه شو توجعني كامت ركبتي وعمه واشتاكیت اضمه **** عمه طك صبري دخیلج بعد مابیه احتمل سولفیلي شبي حبیبي مات لو بعده عدل عمه هذا الراس میت بس دمع عینه نزل اسمع ایكلي رقیه ازغیرة انتي اعله الحبل شو اشوفه ادموعه یاعمه تصب ایكلي متنج ترف ما یحمل ضرب حالي یاعمه یهمه **** شفته فك عینه علیه اكبالي نزلت دمعته نشغ من شافاني عمه وحالتي شو آذته ایرید یشبكني احسه امحسب انه ابنیته امن العطش ذابل اشوفه وكوه یفتح شفته عمه ذابل شفته من كثر العطش خدوده صفره وصایر اعلیهن نقش نقش ما اكدر افهمه **** غوشت عیني یعمه انه ما شوفن بعد جفوف خشنات وخبیثه كامت ابعیني تسد عمه شو واحد احسه حبل بجفوفي یشد هیست كل حیلي مات ورحي ظلت تنمرد عمه كلیلي شنو الصار وحصل الوادم ایصیحون الحسین انجتل هذا ابوي الاسمع اسمه **** 🍀الشاعر مصطفى البدیري

#رقيه عمه زينب      عمه زينب عمه زينب وين أبويه حسين وينه عمه هاي انه رقيه ونتي ون الحمام عمه هذا الليل اجاني واحنه ماعدنا خيام وين أبويه حسين وينه وين كل ذيچ العمام خايفه ياعمه أنه حضن أبويه وين أنام خايفه ياعمه اني وبدليلي شگد جروح گبل لا يهجع ونيني وگبل لا روحي تروح وگبل لا لليسر نمشي وعن ابوي بعيد اروح أخذيني اله خليني اشوفه يمه اريد ابچي ونوح مدلله انا يعمه صغيره مابين العيال عند اخويه شگد عزيزه وما يزعلني محال ارد أنشده وارد اگله وين كل ذاك الدلال وارد اسمعنه ونيني المنه تتكسر جبال ارد اروحن ليه اشمه بلچن جروحه تطيب وامسح جروح ابو اليمه المايداويهن طبيب وسمعت يابويه اگله عاري على الغبره سليب وحياك بهالليل گلي الك ياثوب الاجيب انا بنت حسين عمه وأنتِ تدريني شأريد كون اضلن يم أبويه وما اروحن يم يزيد شلون خلانه عزيزي على الترب نايم وحيد والله اموت من البواچي على الگفه بالطف شهيد ـــــــــــــــــــــــــــ

قصيده الئ مولاتي ꧁ رقيه ꧂ جينه ننشد عن رقيه وينها وهم بلاحبال العده امكيدينها ╌────═❁═────╌ طفله بحضان الحسين اترعرعت ومن صغر سنها رقيه اتلوعت هم صدك مسبيه عل ناكه اطلعت وهم تراجيها العده امسلبينها ╌────═❁═────╌ سلبوها والاذن تكطر دمه اجدامها من الركض متورمه اوهيه عل العز والدلال امعلمه والحبل ضل طابع بجفينها ╌────═❁═────╌ تسال اعلى حسين ودير النضر والدي ياعمه يايوم ايحضر تكلها زينب والدج عمه ابسفر علثرى ماتدري ضل احسينها ╌────═❁═────╌ شلون من راحت اسيره علهزل جفوف ترفه وتالي مشدوده بحبل وين ابوها حسين لمن تنسال بالخرابه طفله ومكَعدينها ╌────═❁═────╌ من التعب طبك َجفنها بضلام بحضن ابوها حسين متعوده تنام منالگفه مذبوح تاليته السلام وعلى الراس الطفله غمضت عينها ╌────═❁═────╌ * ✍نور الولايه الفاطميه

نزله للانصار ع هاليوم هاليوم نزلزل كربلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ احنـه انصــارك اجيـنه اولا تهم يابـو لكـبر تعـرف اصحابك زلم مو مثل اهل السقيفه بس اسم ما نعوفك و الله شدينه الحزم شـوف شايبنـه ولا چـن شـايب علـگ مـن حيـدر حبيبك جايب هيچ شد راسه ورفع لحواجب يا حسيـن اعليهه اسمـك كاتب صياد صياد ياهو اينازله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يـا بريــر اليـــوم يشبـه للاسـد يرعب امنيصيح يا حـيدر مدد عمره صح چبير بس راجع ولد كلهـه عـد عينـاك متهمهم شدد حگـه مــن حبـك تجنــن عابـس جــاي للنصـره و درع مـا لابـس الـف هنياله اعله هــذا الـواهس مـدري بيـش انوصفـه هالفارس صولات صولات عنده معدله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نافـع ابـن هــلال يـا زلمــه الكلف يريد وحده يحارب السبعين الف القـاده مـن تشـوفـه لازم ترتجـف حالـف الطـف اله يخسفهه خسف لــــو زهيــــر الســـرفــن اردانـاتـه يريــــد منــك ترخصـــه بصـولاتـه مــن يحــط الثــامــه بــس خزراته تــرعــب الجـيش و مثــل طبراتـه مهيوب مهيوب وين اليوصله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وجون صيته هواي من عندك كبر حگـه يتبـاهـا بخدمتــك كــل دهر يگـول مـا عوفـك يبـن سيد البشر لــو الــــف مـــره يگطعــونــه وذر باعلـه رتبـــه تـرفــع انـت الخـادم يـابـــــو لكبـــــر حيـــرتهــه الوادم مــا يهمنـــه و خـــل يلــــوم الايـم و اللـــي يتخيـــل نعــوفـك واهـم خدام خدام شيخ المرجله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يـا حسيــن اويــاك مـرتــاح الگـلب واگفيـــن ابجنــه مــا چــن ابحرب احنـه صـح سبعين لاچن من نطب غضـب اللـه ونـازل اعليهـم يصـب گــــول حيهــــم لا تســــــل بتــارك شــــــوف شيســـوون يــا ثــــوارك نعيــــد صفيـــن التســر انظـــــارك نحمـــد البـــاري و جعلــنه انصارك احرار احرار يبن عقد الوله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ابو ياسر المياحي

قصيدة نزله للإمام الحسن. ع.      الحسن هذا المضلوم**يالمهدي لعمك گوم .               @@@@@@ بالظلع.  بالدمع  .  يالغايب امحلفينك . گوم اله . ياهله.     الثأر أخذ بيمينك . چبدته   . العادته . سموها وامتانينك . يافجر  . ننتظر.يكشفنه ضي اسنينك .   مولاي يومك هاليوم** يالمهدي لعمك گوم .                     @@@@@@@ بالغرب.   والصعب.حال الگبر مهدينه . ساوي ضل. ومانصل.  لزيارته تدرينه  شيعته.  لحضرته.   تاخذنه واتودينه . تنطفي.      ياوفي.  نار الفراگ البينه  تدري ابو محمد مظلوم**يالمهدي لعمك گوم                      @@@@@@@ ياشبل.    من تهل  .      أهل الحقد تدريهم الحقد.     مايبد.         واتضيگ وسعه البيهم يازعل.    ياامل.         تگلب الگاع اعليهم .. ينفني.     ينتهي.       اولهم اوتاليهم . وابطلعتك تجلي اهموم**يالمهدي لعمك گوم                    @@@@@@@ لهيبتك.   لصورتك.    يخشع وياهو الشافهه .. ياشهم.    تبتسم.       أرض البقيع اشفافهه .. بالفلك.   دوم الك.     شيعتك يبقه اهتافهه .. بالوفه.    بلاجفه.    بس بيدك انته انصافهه ..    ايعجل الظهور القيوم** يالمهدي لعمك گوم .            @@@@@@@@@@ بلاصبر. ننتظر.        ثار الحسن واحسينك .. يافخر.  منتظر.        ترعبهم ابچفينك بشيمك. لعمتك.       زينب تنادي وينك .. ياولي.    ينجلي.      كل ضلم حارب دينك ..    وين الوفاء المضموم**يالمهدي لعمك گوم لخادم الأمام الحسن       الشاعر✍️ ابو عبد الله الشمري

[[ ما استاهل ]] دخيلك مولاي سيد الشهداء انه وين وانتـــه وين ما ستـاهل يا حسين الثرى وين امن الثريه هواي اسم خادم عليه ما ستاهل يا حسين ▪️▫️▪️▫️▪️▫️▪️▫️▪️▫️▪️ مو وفي اوياك وحياتي ضايع بدنيا الچذب ظالم لنفسي الحقيره وحافي اركض للذنب يالمرويني الكرامــه ومنــــحرم من العــذب ولبســــتني اهدوم وانته عالترايب منسلب مــدلل وعايش امير وانتـه لموك بحصير هالــــمكانــه مو اليــه هواي اسم خادم عليه ما ستاهل يا حسين ▪️▫️▪️▫️▪️▫️▪️▫️▪️▫️▪️ يا حسين الدنيه خدعه وانه بيـــــها منـــخدع هواي تاخذني ويردني بمجلسك والله الدمـــع منشـــغل گلبي بهَـواي وانتــــه گلبـــك منشلع صاحي ضلعي يالحنين وانته مسحوگ الضلع بداري مرتاح امن انام وانته محروگ الخيام وحگ شوغات الزچيه هواي اسم خادم عليه ما ستاهل يا حسين ▪️▫️▪️▫️▪️▫️▪️▫️▪️▫️▪️ كلي تقصير وذنوب وغيبه ماخذني الـندم سيدي مو مستوايه انحســــب من الخـدم كبرتني ابين ناســي وطلعــتني من العـدم اطيتـني حرگة لمصابك مثل نيران الخيم غرگـتني بالعطـاء يا الذبيح بكربلاء يا ابو چفوف السخيه هواي اسم خادم عليه ما ستاهل يا حسين ▪️▫️▪️▫️▪️▫️▪️▫️▪️▫️▪️ اعتذاري ما يكفي وذبح عمري المســــتحه بفشلته داعيك باقي وطبعك انته تسامحه هالضمير الغافي بيه ما اجه يوم وصــــحه يمن حبك موش غايه ولا طمع لا مصــلحه لا تخــــليني امــــيل بداعة اعيون الكفيل وداعتـــــك يابو رقيه هواي اسم خادم عليه ما ستاهل يا حسين ▪️▫️▪️▫️▪️▫️▪️▫️▪️▫️▪️ مروتك يابو العليلـه شعــــــدنه غير مــروتك ساتره الناس التحــبك فيّها واســع خيـــمتك انته چنت تخاف حتى على الناس السحگتك چا شگد شايل محــــنـه وشكبـــرها رحــمتك والله كاتلني القصور ما الــــف رايد وادور سيدي كضني امن اديه هــواي اسم خادم عليه ما ستاهل يا حسين ▪️▫️▪️▫️▪️▫️▪️▫️▪️▫️▪️          عبد العليلـه ✍حيدر ابو كيان الفاطمي قناة الرجوع الى الله    @h_ameer1 قصائد منبريه مكتوبه   @h_ameer2 ملا ابو أمير الفاطمي   @h_ameer3 روح وريحان               @h_ameer4

📮☘ لحميده بنت مسلم ع☘ نعي مجرد//بطور جنوبي حميده تنعى والدها عندما رجعت مع سبايه الحسين ع شتكول حميده اتگله بویه__ محد بقالي٢ من دونكم محد بقالي منغير والي٢ ظليت اون منغير والي والهم صفالي٢ غريبه اصبحت والهم صفالي اطفال الحسين٢ رديت ويه اطفال الحسين الملاعين٢ اسيره ويزجروني الملاعين لاذمه لادين٢ يجتفوني بحبل لاذمه لادين يوم منحوس٢ يومك يبويه يوم منحوس على الروس٢ اعاين يبويه انه على الروس گلبي محبوس ماشفت راسك گلبي محبوس من تولوك٢ گلي يبويه من تولوك وين دفنوك ٢ تالي يبويه وين دفنوك خلوك٢ بالكوفه اظن يابويه خلوك لايجي العيد٢ بيش انه اعييد لايجي العيد ماتقبل يهيد٢ روحي تون ماتقبل تهيد درب البعيد٢ شيجيبني بلدرب البعيد جيت اشورك٢ دكيت بابك جيت اشورك طافي نورك ٢ دارك حزينه وطافي نورك شلون ازورك٢ مشتاگه الك وشلون ازورك ✍ بقلم شاعرة اهل البيت عليهم السلام ☘ام فراس الساعدي ☘ غير مبري الذمه لكل من يغيير الاسم 🏴أنت المعزى سيدي يا صاحب الزمان ... عظم الله اجوركم💔 ✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.... ..خدمتكم شرف لنا https://t.me/hhhhhzxcvb

السيده زينب (ع) اتخاطب روس اخوتها بالشام الــدهــر ويـاي بـس الـروس .. بـتـكـم بخـرابـه وچان بـيـت الخيـر .. بـتـكـم يخـوتـي مـاتـت امنل ظيـم .. بـتـكـم افـزّعـمـن يـجـي ويـدفـن رقــيــه *--------------------*--------------------* ✍خادم الحسين ع الشاعر رعد الجريخي

أو مــشايـه نگصد لحسين ــــــــــــــــــــــ ١ ـــــــــــــــــــــ انــرفــعن الرايات دگـــن بالگـــمــر صــوت مــن البصره من ماي البحر حـــي عالـــمشايه مـــن صـار الـنداء اتـحـزمـــو مـگــصدنه مگطوع النحر ما نـنساها ياكــاع الطــف ــــــــــــــــــــــ ٢ ـــــــــــــــــــــ احنــه عاهـــدنا الزجيه أم الحسن حسين مــا ننساه وجروح الظعن باربـــعـينه انــروح مشايه اونــــزور وحنه شفنه حسين للظــايع وطــن خــدام حــسين اونـتـبـاهـا ـــــــــــــــــــــ ٣ ــــــــــــــــــــــ يا هــــله بأهـل المواقـــف والشيم شــــيعـــة الكرار والضدهــم نـدم كتبـــوا عله الرايه ياثــار الحسـين ذوله قائدهـــــم يضل راعــي العلم بجفــينه شربنه الغيره ـــــــــــــــــــــــ ٤ ــــــــــــــــــــ مايــهـمـنـه الــمــوت ما نرجع ابـد فدوه لجل حسين ما نحسب عدد احــنه ويــه حســـين بـيام الحروب بالمــنايـه انـصيـح ياحـــيــدر مــدد اوطبـيـنه رغماً عالمـــوت ــــــــــــــــــــــ ٥ ـــــــــــــــــــــ انـــت يامـــولاي مـــعــشـوگ الكلب اسيــوفك احنه سيدي وكـت الحرب خلها هـــاي النــاس بيـــنه اشما تلوم احنه باقـــين اعله نهــجــك والــدرب اوضلينه خدام اهل العز ـــــــــــــــــــــــــــــــــــــــــــ الشاعر : خالد جودي العارضي

نعي حدي *** يا ناكه راحو كل هلي. وضهري نكسر عكب اخوتي بله اعله هونج بالمشي. خليني اون براحتي مريني يم حادي الضعن. بلجي يشاهد حالتي يا ناكه انه ام الخدر. وبس الله يدري بحالتي مهظومه عالتل اوجفت. وتعثرت بعبايتي اركض وطفي بالخيم. وبكلبي تسعر جمرتي درب اليسر ما ينحمل. وانه غريبه بدنيتي يا ناكه اخوتي اتذبحت. ناح الصخر لمصيبتي وسط الحشى نيران والگلب مرهون ياحزن بله صحت مافي كفايه بالك تكدر ناس ما يستحكون والنوك تشهد لنا. حنا سبايه **** اتلفت ومامش ولي. واخواني كلهم عالثره حرمه وغريبه بكربله. بجمع اليتامه حايره من الصياط اتلوعت. ايشتموني وانه مخدره مجتوفه يا ناكه بحبل. وفوك الجفن دمعي جره عافاني اخوي الوحدي. وفكد الاخو يكتل تره والحادي بيه من حده. عيني اعله سبع الكنطره انه الحلف بيه الشرف واشلون اروح اميسره ضيم الحملته بكربله. ما حملته مثلي مره واعله الرماح العاليه روس النشامه مسطره لحكت صحت يابه الحسن. ما تدري بحسين اشجره التفت علي حولين كاسين الكلوب والجيش مثل الحصى ماله نهايه سبط النبي انذبح والوجه مگلوب والدم يسيل ونزف حد المنايه ***** يا ناكه تعبني الدرب. وعيوني ذبلها السهر للشام اطب بيا وكت. كل ساع اموت امن القهر تصيح الشماته اعله الدرب. يا زينب ايسي امن الكمر يا وسفه للديوان اطب. يا ناكتي ضهري نكسر هاي الهوادج والضعن. وتونه رجعنه امن السفر عمه علي صحت بحزن ليضيع الحادي الاثر خلي يمرنه بكربله. انعاتب نريد اهل الفخر وكل وحده تكعد يم كبر. وتشكي هظمها امن الدهر ***** الشاعر تحسين الخفاجي

‏ردت من الشام يا وليانها ‏هذي زينبكم لفت بأحزانها ‏ ‏.... ‏ ‏ردت وضيم اليسر بعيونها ‏ليش متگومون تتلگونها ‏خاف ضيعتوها متعرفونها ‏زينب من الضيم ماظل لونها ‏ ‏ليش متگومون يا خوانها ‏هذي زينبكم لفت بأحزانها ‏ ‏..... ‏ ‏ردت وبعيونها يلوح العتب ‏اتگول أعرف اخواني معدنهم ذهب ‏ما تلگوا ناگتي اليوم اشعجب ‏خاف ماعدهم خبر خدري انسلب ‏ ‏من السياط امورمه اجت ذرعانها ‏هذي زينبكم لفت بأحزانها ‏ ‏ ‏..... ‏ ‏چانت بدرب السبي الما ينحمل ‏بالحوافر يمها مات اشچم طفل ‏وچم طفل للگاع طاح من الهزل ‏وهي فوگ الناگه مچتوفه بحبل ‏ ‏ويلي ماعدهم رحم عدوانها ‏هذي زينبكم لفت بأحزانها ‏ ‏ ‏...... ‏ ‏المهازل مايله وما تنصعد ‏واليطيح من الضعن ماينفگد ‏الحادي من يوگع طفل لي مايرد ‏وخيلهم خلف الضعن تمرد مرد ‏ ‏والعقيله اتحيرت بأضعانها ‏هذي زينبكم لفت بأحزانها ‏ ‏......... ‏ ‏ ‏ردت ورد الضعن بس هالكثر ‏ماتت أيتام الحسين ابكل كتر ‏من عطشها وخوفها وضيم الشمر ‏كل مچان البي تحط تحفر گبر ‏ ‏ ‏حايره ويلهب جمر وجدانها ‏ ‏هذي زينبكم لفت بأحزانها ‏ ‏..... ‏يا آل هاشم هذي زينب بت علي ‏جايتكم تشچي من ضيم السبي ‏راحت وردت مدامعها اتهلي ‏عدها لا ظل كافل ولا ظل ولي ‏ ‏ ‏وبالترايب ظل گمر عدنانها ‏ ‏هذي زينبكم لفت بأحزانها ‏ ‏ ‏...... ‏عبدالأمير السهلاني ‏

رقية اذن  اذان  الفريضه  ودنيه  ليل واين ماردت انه اصلي اگبالي خيل كبر  براسي  المؤذن  جاي   اسمعه اشلون اصلي وعيني تجري وگلبي ينعه عمه زينب عمه زينب وين اصلي واذبحو قبلة صلاتي سلبو الترچيه وانصبغت عباتي واين اليگلي هله بريحه بناتي حرگو اخيمنه علينه اني وخواتي العطش والخوف احس يبس لهاتي الماي غايب والتيمم بطل عمه تارس الگاع بكبره الغالي دمه راح وادري الراح ماواحد يرجعه اشلون اصلي وعيني تجري وگلبي ينعه يا مؤذن كبر وسكت الشماته صيح حي على الزمان ونايباته ذبحو القران وانشتمن خواته ايه ايه اطشرن بل طف بناته انه بنت الحاربو حتى بصلاته واين مااريد اني اصلي اگبالي دم واني مامتعوده اصلي بلا خيم يا مؤذن صيح ابوي اكسرو ضلعه اشلون اصلي وعيني تجري وگلبي ينعه ذبحو القران واياته اخنگوهن ذني وردات النبوه بلايا ابوهن ورده شدوهه اعل ورده وجتفوهن من وكع عمهن ذبيح وطاح اخوهن يا مؤذن بل طفوف استوحدوهن موش من نار المخيم گلبي نار ذبحو اكبار الهواشم والزغار گلبي ون عله اخوتي وما راح امنعه اشلون اصلي وعيني تجري وگلبي ينعه اشلون اصلي ودم اذاناتي اعله هدمي دم اخوتي اگبالي شفته ويمه دمي ذبحو اليشبه محمد واينه عمي ليش بس ابن الحرام وسوطه يمي يا مؤذن ل لله راح اشكي اني همي ارفع اجفوفي وانادي يل سميع شنهي ذنبه وينذبح طفل الرضيع حتى ماخلوني ياعمه اني اودعه اشلون اصلي وعيني تجري وگلبي ينعه محمود رحيل

عباس اتـــــــــــلكه المشايه هل جـــــوك وجابولك رايه ــــــــــــــــــــــــــــــــــــــــــــــــــ افتح مضيفك هــــــــل اجو زوارك خدامك الـــــــــــيوم اعتنوك الدارك يالعــــزبت بعـــــــــــيونك الخطارك المشايه ذوله اصـــــحابك وانصارك سجـــــــــــلهم ذوله الوفايه عباس اتلـــــــــــكه المشايه ــــــــــــــــــــــــــــــــــــــــــــــــــ الشوك الحضرتك يالوفي جاباهم فـــــــــــك بابك لهم كوم وتلكاهم اهلا وسهلا صـــــــــــيح ياحياهم يالمانسوك وانـــــــــــت ماتنساهم ماخلفو ويـــــــــاك احجايه عباس اتـــــــــــلكه المشايه ــــــــــــــــــــــــــــــــــــــــــــــــــ سفرت مضيفك عامره ومنتشره مـــــــن كربله ممتده حد البصره كل زاير يفيله جـــــــــــف الزهرة من بيته حد ما يطب باب الحضره جــــــــف الزهرة لهم تجايه عباس اتـــــــــــلكه المشايه ــــــــــــــــــــــــــــــــــــــــــــــــــ باب الله بابـــــــك ماتعرف اتسده ماتبقه تـــــــــنحل يمك اكبر شده كلمن اجاك ابحـــــــاجه ابد مترده الزاير حرز شـــــد رايتك في زنده يالجـــــــــــفك لهم عطايه عباس اتـــــــــــلكه المشايه ــــــــــــــــــــــــــــــــــــــــــــــــــ كـــــــــــل زاير اتعنه وجاك ابلهفه من خيرك انت اتكوم تترس جفه انــــت الحنين البيش بلله انوصفه الدنيه كــــــلها ابجفه وانت ابجفه يالمـــــــرسوم ابهايه وهايه عباس اتـــــــــــلكه المشايه ــــــــــــــــــــــــــــــــــــــــــــــــــ الزاير يكـــــــــول اشما لك يتعنه الكعده بضريحك تسوه مية جنه جيناك ولحــــــــر ولتعب ماهمنه افياي جـــــــفك بالدرب صار لنه انحبك بـــــس مو عن غايه عباس اتـــــــــــلكه المشايه ــــــــــــــــــــــــــــــــــــــــــــــــــ حسين عبد الزهرة الدراجي

گعديه عندما رجعت مولاتي من ضيم الشام كني بها تقول ٠٠٠٠ ٠٠ ٠٠٠٠ اجيت محمله ونين هضمتني الدواوين يخوتي  يخوتي ٠٠٠٠ ٠٠ ٠٠٠٠ القصر والشام مايرهم اليه اطب شلون واحبالي ابديه ادير عيوني بس وادم يضحكون سبيه صيحو هاي السبيه يشتموني وحسن تطلع الروح اشتكي العباس والعباس مذبوح گلبي من المصيبه شلون يرتاح اذا هاي البشر تضحك عالجروح ياحال النساوين هضمتني الدواوين يخوتي يخوتي ٠٠٠٠ ٠٠ ٠٠٠٠ عله الهزله شكثر صعبه رجبتي اصد عله الرمح وتهل دمعتي غربه الركبوني موش عباس يخوتي الحادي ما يسمع جلمتي الظيم الشفته ماضن شايفه انسان انامن والخرابه بلايه بيبان ترضون الخدر نايم عالتراب والتعبان يكضي سنينه تعبان يمر اليوم بسنين هضمتني الدواوين يخوتي يخوتي ٠٠٠٠ ٠٠ ٠٠٠٠ ولاجنه اهل عصمه ونبايه تهضمنه شكثر جلمت سبايه عيون السوك ماترحم نساوين ذبحونه بنضرهم ايه ايه الگلب مخنوگ من كثر السوالف اجيت وريجي والدلال ناشف يخوتي الظيم انه الصاير وياي ابد  ما صاير بكل الطوايف اشبح الكم العين هضمتني الدواوين يخوتي يخوتي ٠٠٠٠ ٠٠ ٠٠٠٠ الرايحله بسفر ومطول ايام وماخذله بعباته جمرت اخيام لازم صوغه يرجع جايب وياه وصوغته اختكم شام ياشام من ذاك القصر شلعان الگلوب رجعت وتيهت يحسين الدروب عاتب روسكم من ضيمي مرات وتروح الروح مني وكت الغروب گبال عيوني ميتين هضمتني الدواوين ٠٠٠٠ ٠٠ ٠٠٠٠ وصلنه الكربله وشفت العلايم هناه خليت اخوي حسين نايم گعدو من السبي يخوني رديت مهضومه عقيلة ال هاشم جبت وياي الكم ضيم وعتاب شلع گلبي القصر يخواني والباب كعدنه عله ثره  نشبه مساكين ويشتمنه اليمرنه ابلايه اسباب وادمهم بلا دين هضمتني الدواوين يخوتي يخوتي ٠٠٠٠ ٠٠ ٠٠٠٠ خادم اهل البيت ع فلاح طالب الماجدي