𝐆𝐨𝐥𝐝𝐞𝐧 𝐃𝐨𝐜𝐭𝐨𝐫 -⚜️

أيُّها الموتُ تَمهلْ لا تَحُمْ حولَ الرَسُولْ فَلقدْ رَوعتَ قلباً إِنَهُ قَلبُ البَتُولْ ..💔 - عـظم الله أجـورنا واجـوركم بذكرى استشـهاد خاتم الأنبيـاء (ص) 💔.

اعمال ليلة الأربعين...

وهاقد اتى يوم الاربعين.. وقد مر على زينب (ع) اربعين يوماً بدون اخوتها .. سـاعد الله قلبك مـولاتي .💔💔

⚜ بالتنسيق مع مؤسسة سبع سنابل الخيريه : ✨تعلن قناه گـولدن عن فتح باب التطوع للخدمه في المفرزات الطبيه في أربعينيه الامام الحسين (؏) في كربلاء... ✨التطوع مفتوح للرجال والنساء ولجميع خريجي وطلاب كليات الطب من جميع المحافظات وايضا باقي الاختصاصات الطبيه ايضا يمكنهم التطوع.... ✨ تفاصيل الخدمه: - مبيت مؤمّن للمتطوعين - الطعام مؤمن للمتطوعين 📌 للتطوع، مراسلتي: @goldendoctor_1

سَابِع مُحرّم وسَابِع صَفَر كَسرا ظّهر الحُسَين.💔.. السلام على القبر المهدوم السلام على الامام المسموم..

٥ صُفَر | استشهّاد السيده رُقيه "؏" - عظم الله أجوركم...

٥ صُفَر | استشهّاد السيده رُقيه "؏" - عظم الله أجوركم...

الرسـاله... ---------------------------------- منشورات مفيده : -قائمه كيسات مميزه من الطوارئ العراقيه... - اكثر الحالات شيوعا خلال الزياره الاربعينيه (الجزء الاول)

3. تسلخ واحمرار الجلد الفخذين (Chafing Intertrigo) - ​الي يسمونا الناس ب (المشگ) وتعرفون شكد شائع بالزياره 😅.. - ايضا يسمى friction Dermatitis لان هو ينتج بسبب الاحتكاك.. -etiology: يصير بسبب احتكاك الجلد وية الملابس وبسبب العرق والرطوبة، وتأذي الزاير لدرجة تخلي ما يگدر يمشي...وهنا يضل يحوسم 🌚. -mangment: - الغسل: تنظيف المنطقة بماء بارد أو دافي وتجفيفها بالطبطبة (بدون فرك حتى ما تزيد التسلخ). ​المراهم المهدئة: نستخدم كريمات تحتوي على زنك أوكسايد (Zinc Oxide) مثل كريمات(Sudocrem أو زنك كاستر)، أو مرهم الـ (MeBo) كلش ممتاز لتهدئة الحمار والوجع. ​الستيرويد الخفيف (إذا الحالة قوية): إذا شفت المكان صاير نار ومحمر كلش، تكدر تنطي كريم بيكورت (Hydrocortisone) و تعطي عصارات لوقايه من Sceondry bactrial or fungal infction مثل النستاكورت والستاتين... - Prevention: 📌📌 الوقاية من المشگ بالزيارة هي نص المعركة، لأن الزاير إذا تمشّگ راح يوگف ويصعب عليه المشي فالمفارز الطبية لازم تركز على التوعية والوقاية قبل لا تصير الحالة. وفعلا بعض المفارز بدت تخلي لافتات للوقايه منه. 📌الوقايه راح نتكلم عنها بالتعليقات...

2.تشققات القدم (cracked heels) - etiology : - تصير بسبب الجفاف الشديد، المشي حافي ببعض الأوقات، أو لبس شحاطات مفتوحة تعرض القدم للهواء والتراب. - mangment : - غسل وتجفيف: أول شي تتنظف الرجل زين بماء دافي وصابون وتتجفف تماماً (الرطوبة بين الأصابع مو زينة). -​الترطيب العميق والمكثف: هنا تحتاج مرهم ثقيل وقوي. أفضل شي هو مرهم اليوريا (Urea 10% or 20%) أو الساليسليك أسيد (Salicylic acid) حتى يقشر الجلد الميت ويهدئ الشقوق، أو حتى الفازلين العادي (Vaseline) كخيار متوفر وسريع. - advice: - ​النصيحة : گول للزاير يدهن رجليه بالليل ويلبس جواريب قطن وينام، حتى الجلد يمتص المرهم وبالمشي الصبح ما توجعه التشققات.

⚜ طبعا للمعلومه الطگاگه هي The most common medical problems during the Arbaeen pilgrimage..(زيارة الاربعين) - وهواي تشوفون كيسات منها اثناء خدمتكم... لذلك ضروري تكون عندك معلومه عن التعامل معها... - Prevention : 📌اكو ناس كلش هوايه تصير عدهم ف تگدر تستعمل الفازلين قبل المشي (للوقاية منها) قبل لا تلبس جواريك وتطلع هذا يمنع ظهورها اساسا...

1. فقاعه القدم /الطگاگه (friction Blister ) - etiology : -هاي أكثر شي يشكي منه الزاير بسبب احتكاك الحذاء (تكرمون) وية الجلد لفترات طويلة. mangnent: - إذا الطگاگه ما مأذيته وما محبوس بيها ماي هواية ومجرد حمار أو نفاخة صغيره، فالنصيحه هنا"عوفها بحالها ولا تلمسها". -اما اذا الحبايه تفرغت من تلقاء نفسها اهم شي لتشلع الجلدة! أهم نصيحه تعلّمها للزاير أو للممرض وياك: الجلده الفوقانية هي حماية طبيعية ربانية، إذا شلعتها راح يصير اللحم مكشوف والوجع يزداد، وفوقها تفتح باب للالتهاب البكتيري الثانوي. -​التفريغ الصحيح: إذا كانت الفقاعه متروسة ماي ومأذيته بالمشي، عقّم المكان بمسحة طبية، وبإبرة معقمة (سرنجة نظيفة) زرفها من الحافة مالتها ونزل الماي المحبوس بقطنة نظيفة، بس خلي الجلدة بمكانها. - ​الترطيب والضماد: اذا جانت صغيره خليلها مرهم مثل الفازلين وغطيها ببلاستر .. اما اذا كبيره و فرغتها هنا الافضل جل مضاد بكتيري مثل (MeBo) أو (Fucidin)، وغطيها بـ (Plaster) يكون عريض وناعم حتى يقلل الاحتكاك من يرجع يمشي.

- اكثـر الحـالات شيـوعاً خـلال الزيـاره الأربـعيـنيه مع علاجـها...الجـزء الثـاني❗❗. - الجـزء الاول هـنا...

الجـزء الاول... الحالات الأكثر شيوعا خـلال الزيارة الأربعينيهولأسعاف الأولي لها..👇

- هو رد فعل تحسسي مميت يتبعه هبوط شديد بالضغط، تسارع دقات القلب، الإغماء، وإذا ما تصرّفنا بشكل سريع وصحيح خلال ثواني ممكن يفقد المريض حياته، وهذا اللي صار. - كذلك الام ذكرت انو اعطو الشابه20 ابره هذه الابر غالبا هي الHydrocortisone و الرمين الي موجود بالطوارئ... ولكن شنو الفائده هذه الادويه تعالج فقط symptoms لان العلاج الاساسي لحالة anaphylactic shock = I.M adrenaline - فالإجراء الصحيح إنه بأسرع وقت أول ما تبدي هذه الأعراض تبلش، رأساً يوقفون التسريب الوريدي للحديد، ومن يصير هبوط شديد بالضغط راح ينطوها أدرينالين عضلي ويراقبون الأكسجين، ممكن الحالة راح تستدعي دخول الـ RCU . - الحديد الوريدي يفضل ينعطي للي عندهم سوء امتصاص ومشاكل هضمية مثل مرض "كرون" أو حساسيه الگلوتين، أو جرثومة المعدة؛ هذولة ما راح يفيدهم إنه يأخذون الحديد فموياً. - والمشكله بمستشفياتنا الحديد جاي ينطوه I.V لأغلب المرضى بدون ان يراعون الIndication مالته واكو اصلا يعطوه بدون اختبار حساسيه! ... ومنهم يگول انو السايدايفكت بسيطه اي صحيح غالبا اعراض التحسس بسيطه ولكن التحسس الشديد المميت (anphlaxsis shock) صـح هو نادر لكن ممكن نصادفه مثل ما صار بحادثة زينب!  .

-أغلبنا شفنا فيديو الشابة اللي توفت بسبب أخذ الحديد الوريدي "رحمها الله" ، رغم هي أخذتها بالمستشفى وبإشراف طبي، فشنو الأسباب المحتملة؟ - الأم ذكرت إنه من بلشت التسريب الوريدي للحديد، بلشت أعراض التحسس تظهر على بنتها؛ تورم الشفاه، طفح جلدي، صداع، حرارة، ضيق تنفس. واحنا نعرف إنه هي هاي أعراض الـ anaphylactic shock

نسـئل الله تعـالى ان يتغمـدهم بواسع رحـمته ويسكنهم فسـيح جناته ويلهم ذويـهم الصبر والسلـوان....